Қазақстан Республикасы Әділет министрінің 2012 жылғы 31 қаңтардағы №36 бұйрығы «Әділет органдары туралы»



Дата26.02.2016
өлшемі92.31 Kb.
#26893
Тағылымдамадан өтушілердің кәсіби дайындығының бірыңғай бағдарламасын бекіту және Қазақстан Республикасы Әділет министрінің кейбір бұйрықтарының күші жойылды деп тану туралы

Қазақстан Республикасы Әділет министрінің 2012 жылғы 31 қаңтардағы № 36 бұйрығы

 

«Әділет органдары туралы» Қазақстан Республикасы Заңының 7- бабы 2-тармағының 3) тармақшасын басшылыққа алып, «Нотариат туралы» Қазақстан Республикасы Заңының 7-бабының 9-тармағын іске асыру мақсатында, БҰЙЫРАМЫН:



1. Осы бұйрықтың 1-қосымшасына сәйкес Тағылымдамадан өтушілердің кәсіби дайындығының бірыңғай бағдарламасы бекітілсін.

2. Осы бұйрықтың 2-қосымшасына сәйкес Қазақстан Республикасы Әділет министрінің кейбір бұйрықтарының күші жойылды деп танылсын.

3. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және құқықтық көмек көрсету комитетінің Төрағасына жүктелсін.

4. Осы бұйрық алғаш ресми жарияланған күнінен кейін он күнтізбелік күн өткен соң қолданысқа енгізілсін.

 

 



Қазақстан Республикасының

Әділет министрі

 

Б. Имашев

 

«Келісілді»

Республикалық нотариаттық

палатаның Төрағасы

2012 жылғы 31 қаңтар

Ә.Б. Жанәбілова

 

Қазақстан Республикасы



Әділет министрінің

2012 жылғы 31 қаңтардағы

36 бұйрығына



1-қосымша

 

 



Тағылымдамадан өтушілердің кәсіби дайындығының

бірыңғай бағдарламасы

 

1. Жалпы ережелер

 

1. Осы Тағылымдамадан өтушілердің кәсіби дайындығының Бірыңғай бағдарламасы (бұдан әрі - бағдарлама) «Нотариат туралы» Қазақстан Республикасы Заңының 7 бабы 9 тармағының негізінде әзірленді және тағылымдамадан өтушілердің барлығына міндетті болып табылады.

2. Тағылымдаманы ұйымдастыруды мемлекеттік нотариаттық кеңседе әділет органы, жекеше нотариустарда аумақтық нотариаттық палата жүзеге асырады.

3. Бағдарлама бір күнтізбелік жылға, тағылымдама қысқартылған жағдайда үш айдан кем емес мерзімге арналған теоретикалық дайындық пен практикалық дағдылардан тұрады.

4. Практикалық дағдылар:



нотариаттық іс жүргізу туралы сабақтардан;

нотариаттық құжаттардың жобаларын дайындаудан;

тағылымдамадан өту туралы қорытынды есепті дайындаудан тұрады.

 

 



2. Бағдарламаның мазмұны

 

5. Тағылымдамадан өтушінің теоретикалық дайындығы аумақтық нотариаттық палата немесе әділет органы өткізетін және 35 сағаттан кем емес уақыттан тұратын сабақтар арқылы жүзеге асырылады, олар Қазақстан Республикасының келесі нормативтік құқықтық актілерін зерделеуді қамтиды:



Азаматтық Кодексі Қазақстан Республикасының - 8 сағаттан кем емес;

Жер Кодексі Қазақстан Республикасының - 2 сағаттан кем емес;

«Неке және отбасы туралы» Қазақстан Республикасының Кодексі - 1 сағаттан кем емес;

«Нотариат туралы» Қазақстан Республикасының Заңы - 4 сағаттан кем емес;

«Жекеше нотариустардың азаматтық-құқықтық жауапкершілігін міндетті сақтандыру туралы» Қазақстан Республикасының Заңы - 1 сағаттан кем емес;

«Тұрғын үй қатынастары туралы» Қазақстан Республикасының Заңы - 2 сағаттан кем емес;

«Валюталық реттеу туралы» Қазақстан Республикасының Заңы - 1 сағаттан кем емес;

«Жылжымайтын мүлікке құқықтарды мемлекеттік тіркеу туралы» Қазақстан Республикасының Заңы - 2 сағаттан кем емес;

«Қазақстан Республикасындағы мемлекеттік бақылау және қадағалау туралы» Қазақстан Республикасының Заңы - 2 сағаттан кем емес;

Қазақстан Республикасы Әділет министрінің 2012 жылғы 31 қаңтар № 31 бұйрығымен бекітілген Нотариустардың нотариаттық іс-әрекеттерді жасау Ережелері (нормативтік құқықтық актілерді мемлекеттік тіркеу тізілімінде № 7447 болып тіркелген) - 5 сағаттан кем емес;

Қазақстан Республикасы Әділет министрінің 2012 жылғы 31 қаңтар № 32 бұйрығымен бекітілген Қазақстан Республикасындағы нотариаттық іс жүргізу Ережесі (нормативтік құқықтық актілерді мемлекеттік тіркеу тізілімінде № 7445 болып тіркелген)- 5 сағаттан кем емес;

Қазақстан Республикасы Әділет министрінің 2012 жылғы 31 қаңтар № 30 бұйрығымен бекітілген Жекеше нотариустардың есептік тіркеуден өту Ережелері (нормативтік құқықтық актілерді мемлекеттік тіркеу тізілімінде № 7446 болып тіркелген)- 2 сағаттан кем емес.

6. Практикалық дағдыларды игеру:



1) іс жүргізу барысында қажетті практикалық дағдыларды игеру келесі мәселелерді қарастырады:

қызметтік құжаттарды әзірлеу;

құжаттарды қабылдау, тіркеу мен жолдау;

құжаттардың орындалуын бақылау;

істер номенклатурасын жасау;

шағымдар мен өтініштерді шешу;

кіріс және шығыс хат-хабарлар журналдарын жүргізу;

мұрагерлік істердің есеп кітабын жүргізу;

мұрагерлік мүлікті қорғау жөніндегі шаралар қабылдау бойынша өтінімдердің есеп кітабын жүргізу;

мұрагерлік істер алфавиттік кітабын жүргізу;

өсиеттерді есепке алудың алфавиттік кітабын жүргізу;

тұрғын үйлерді (пәтерлерді) меншіктен шығаруға, тұрғын үйлерді (пәтерлерді) тұтқындауға тыйым салудың алфавиттік есеп кітабын жүргізу;

статистикалық есептілік жасау;

нотариаттық іс-әрекеттерді тіркеуге арналған тізілім жүргізу (тізілімнің нысандары мен оларға қойылатын талаптарды зерделеу, қағаз бетінде және электрондық тасымалдағыштардағы тізілімдерде тіркеу тәртібі);

нотариустың мөрін, бланкілерді, куәландыратын мөртаңбаларды сақтау мен қолдану;

шетелдегі іс-әрекеттерге арналған құжаттарды ресімдеу;

құжаттарды қалыптастыру және сақтау, сондай-ақ оларды нотариустың мұрағатына беруге әзірлеу;

істерді бұдан әрі жекеше нотариаттық мұрағатқа (мемлекеттік мұрағатқа) тапсыруға дайындау;

тұрақты және уақытша сақталатын құжаттарды іріктеу;

тұрақты сақталатын істер тізімдемесінің тәртібі;

құжаттарды жою тәртібі;

2) тағылымдамадан өтуші нотариаттық іс-әрекеттерді жасауға қатысады және келесі нотариалдық құжаттардың жобаларын жасайды:

мемлекеттік тіркеуге жататын мәмілелер (пәтер, тұрғын және тұрғын емес жайды, жер учаскесін, автокөлік құралын сыйға тарту шарты; пәтер, тұрғын және тұрғын емес жайды, жер учаскесін, автокөлік құралын сату - сатып алу шарты);

тіркеуге жататын мүлікті (пәтер, тұрғын және тұрғын емес жайды, жер учаскесін, автокөлік құралын) кепілге беру шарты;

Қазақстан Республикасының аумағында және шетелде күші бар сенімхаттар;

өсиет бойынша және заң бойынша мұра құқығы туралы куәлік;

өсиетхат;

азаматты тірі деп тану фактісі туралы куәлік;

азаматты белгілі бір жерде табу фактісі туралы куәлік;

өтініш бойынша берілетін, жалпы мүліктегі ерлі-зайыптылардың ортақ меншігіндегі үлеске меншік құқығы туралы куәлік;

артында қалған жұбайына берілетін, ерлі-зайыптылардың ортақ меншігіндегі жалпы мүліктегі үлеске меншік құқығы туралы куәлік;

мұрагерлік мүлікті бөлу туралы келісім;

теңіз наразылығы туралы акт;

вексельді төлемеу және акцептемеу наразылығы туралы акт;

акцептің күнін белгілемеу туралы наразылық актісі;

өтінішті беру туралы куәлік;

құжаттарды сақтауға қабылдау туралы куәлік;

нотариаттық іс-әрекеттерді жасаудан бас тарту туралы қаулы;

нотариаттық іс-әрекетті кейінге қалдыру және тоқтата тұру туралы қаулы;

3) тағылымдамадан өту туралы қорытынды есеп:

тағылымдамадан өтетін орын, мерзімдері мен тәртібі, нотариаттық іс-әрекеттерді жасау және іс қағаздарын жүргізу кезінде қажетті теоретикалық дайындығы, игерген дағдылары туралы мәліметтерді;

тағылымдамадан өткен кезде тағылымдамадан өтушінің өзі жасап, тағылымдамадан өтуші мен тағылымдама жетекшісінің қолы қойылған нотариаттық құжаттардың үлгілерін қамтиды.

7. Тағылымдамадан өтуші әр тоқсан сайын аумақтық нотариаттық палатаның басқарма отырыстарында тағылымдаманың барысы туралы баяндайды.



Тағылымдама аяқталған соң тағылымдама жетекшісі тағылымдамадан өтушінің кәсіби дайындық бағдарламасынан өту деңгейі көрсетілген қорытындыны әзірлейді. Бұл қорытындыны тағылымдама жетекшісі аумақтық нотариаттық палатаға жолдайды, бұдан әрі ол аумақтық әділет органы мен нотариаттық палатаның бірлескен отырысында тағылымдамадан өтуші мен тағылымдама жетекшісінің қатысуымен қарастырылады.

8. Тағылымдамадан өтуші бірыңғай нотариаттық ақпараттық жүйедегі практикалық дағдыларды игеруін демо-нұсқада жүзеге асырады.

 

Қазақстан Республикасы



Әділет министрінің

2012 жылғы 31 қаңтардағы

36 бұйрығына



2-қосымша

 

 



Қазақстан Республикасы Әділет министрінің күші жойылған кейбір бұйрықтарының

тізбесі:

 

1. «Нотариустардың сынақтан өтушілері туралы ережені бекіту және кейбір нормативтік құқықтық актілердің күші жойылды деп тану туралы» Қазақстан Республикасы Әділет министрінің 2003 жылғы 20 тамыздағы № 169 бұйрығы (Нормативтік құқықтық актілерді мемлекеттік тіркеу тізілімінде № 2468 болып тіркелген және 2003 жылғы 12 қыркүйектегі «Заң газетінде» жарияланған).



2. «Қазақстан Республикасы Әділет Министрінің 2003 жылғы 20 тамыздағы № 169 «Нотариустардың сынақтан өтушілері туралы ережені бекіту және кейбір нормативтік құқықтық актілердің күші жойылды деп тану туралы» тіркеу № 2468 бұйрығына толықтыру енгізу туралы» Қазақстан Республикасы Әділет министрінің 2004 жылғы 7 мамырдағы № 127 бұйрығы (Нормативтік құқықтық актілерді мемлекеттік тіркеу тізілімінде № 2842 болып тіркелген).

3. «Кейбір бұйрықтарға өзгерістер енгізу, сондай-ақ Қазақстан Республикасы Әділет министрінің кейбір бұйрықтарының күші жойылды деп тану туралы» Қазақстан Республикасы Әділет министрінің 2004 жылғы 4 қарашадағы № 325 бұйрығының 1 тармағы 1) тармақшасы (Нормативтік құқықтық актілерді мемлекеттік тіркеу тізілімінде № 3191 болып тіркелген)

4. «Қазақстан Республикасы Әділет министрінің кейбір бұйрықтарына өзгерістер енгізу туралы» Қазақстан Республикасы Әділет министрінің 2010 жылғы 20 сәуірдегі № 129 бұйрығының 1 тармағы 1) тармақшасы (Нормативтік құқықтық актілерді мемлекеттік тіркеу тізілімінде № 6185 болып тіркелген және 2010 жылғы 27 қарашадағы «Казахстанская правда» газетінде жарияланған).

5. «Кадрлық резерв және нотариустың бос лауазымына орналасуға конкурс өткізу туралы ережені бекіту туралы» Қазақстан Республикасы Әділет министрінің 2005 жылғы 31 наурыздағы № 101 бұйрығы (Нормативтік құқықтық актілерді мемлекеттік тіркеу тізілімінде № 3547 болып тіркелген және 2005 жылғы 23 маусымда «Заң газетінде» жарияланған).

 

 

Достарыңызбен бөлісу:




©dereksiz.org 2024
әкімшілігінің қараңыз

    Басты бет