Қазақстан Республикасы Қоршаған орта және су ресурстары министрлігі көрсететін мемлекеттік қызметтер стандарттарын бекіту, Қазақстан Республикасы Үкіметінің



бет1/10
Дата15.06.2016
өлшемі0.68 Mb.
#137651
  1   2   3   4   5   6   7   8   9   10


Қазақстан Республикасы Қоршаған орта және су ресурстары министрлігі көрсететін мемлекеттік қызметтер стандарттарын бекіту, Қазақстан Республикасы Үкіметінің кейбір шешімдеріне өзгерістер мен толықтырулар енгізу және Қазақстан Республикасы Үкiметiнiң кейбiр шешiмдерiнiң күшi жойылды деп тану туралы

Қазақстан Республикасы Үкіметінің 2014 жылғы 26 маусымдағы № 702 қаулысы


      «Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасының Заңы 6-бабының 3) тармақшасына сәйкес Қазақстан Республикасының Үкіметі ҚAУЛЫ ЕТЕДІ:
      1. Қоса беріліп отырған:
      1) «ІІ, ІІІ және IV санат объектілер үшін қоршаған ортаға эмиссияға рұқсаттар беру» стандарты;
      2) «II, III және IV санаттағы объектілерге мемлекеттік экологиялық сараптама қорытындысын беру» мемлекеттік көрсетілетін қызмет стандарты;
      3) «Дәрілік заттарға жатпайтын прекурсорларды әкелуге (әкетуге) келісім беру» мемлекеттік көрсетілетін қызмет стандарты;
      4) «Табиғат қорғау мекемелерінің учаскелерін құрылыс объектілері үшін ұзақ мерзімді пайдалануға рұқсат беру» мемлекеттік көрсетілетін қызмет стандарты;
      5) «Табиғат қорғау мекемелерінің учаскелерін қысқа мерзімді пайдалануға рұқсат беру» мемлекеттік көрсетілетін қызмет стандарты;
      6) «Судың жай-күйіне әсер ететін кәсіпорындар мен басқа да құрылыстар салынатын жерлерді айқындау жөніндегі ұсыныстарды келісу» мемлекеттік көрсетілетін қызмет стандарты;
      7) «Судың жай-күйіне әсер ететін кәсіпорындар мен басқа да құрылыстарды орналастыруды және пайдалануға енгізуді келісу» мемлекеттік көрсетілетін қызмет стандарты;
      8) «Пайдалы қазбаларды, су өсімдіктерін өндіру, кәбілдерді, құбырларды және басқа да коммуникацияларды төсеу, ағаш кесу үшін құрылыс, түбін тереңдету, жарылыс жұмыстарын, сондай-ақ су объектілері, су қорғау белдеулері мен аймақтарда бұрғылау, ауыл шаруашылығы және басқа да жұмыстарды жүргізу туралы құжаттарды келісу» мемлекеттік көрсетілетін қызмет стандарты;
      9) «Құрып кету қаупі төнген жабайы фауна мен флора түрлерімен халықаралық сауда туралы конвенция қолданылатын жануарлар түрлерін Қазақстан Республикасының аумағына әкелуге және Қазақстан Республикасының аумағынан әкетуге әкімшілік органның рұқсаттар беруі» мемлекеттік көрсетілетін қызмет стандарты;
      10) «Сирек кездесетін және құрып кету қаупі төнгендер санатына жатқызылған өсімдіктер түрлерін Қазақстан Республикасына әкелуге және одан тысқары жерлерге әкетуге рұқсат беру» мемлекеттік көрсетілетін қызмет стандарты;
      11) «Жануарларды интродукциялауды, реинтродукциялауды және будандастыруды жүргізуге рұқсат беру» мемлекеттік көрсетілетін қызмет стандарты;
      12) «Облыстың жергілікті атқарушы органдарының жануарлар дүниесін пайдаланушыларға аңшылық алқаптар мен балық шаруашылығы су айдындарын және (немесе) учаскелерін бекітіп беру мен аңшылық және балық шаруашылықтарының қажеттіліктері үшін сервитуттарды белгілеу жөнінде шешімдер қабылдауы» мемлекеттік көрсетілетін қызмет стандарты;
      13) «Жануарлар дүниесін пайдалануға рұқсат беру» мемлекеттік көрсетілетін қызмет стандарты бекітілсін.
      2. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
      3. Мыналардың күшi жойылды деп танылсын:
      1) «Қазақстан Республикасы Қоршаған ортаны қорғау министрлігі және жергілікті атқарушы органдар көрсететін қоршаған ортаны қорғау саласындағы мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 8 тамыздағы № 1033 қаулысы (Қазақстан Республикасының ПҮAЖ-ы, 2012 ж., № 66, 931-құжат);
      2) 1-тармақтың 23) тармақшасын қоспағанда, «Aуыл шаруашылығы саласында мемлекеттік қызметтер стандарттарын бекіту туралы және «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2010 жылғы 20 шілдедегі № 745 қаулысына өзгерістер енгізу туралы» Қазақстан Республикасы Үкіметінің 2012 жылғы 31 тамыздағы № 1108 қаулысы (Қазақстан Республикасының ПҮAЖ-ы, 2012 ж., № 67, 973-құжат)
       4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
      Қазақстан Республикасының
      Премьер-Министрі                                 К. Мәсімов
Қазақстан Республикасы
Үкіметінің      
2014 жылғы 26 маусымдағы
№ 702 қаулысымен   
бекітілген      
«ІІ, ІІІ және IV санат объектілер үшін қоршаған ортаға
эмиссияға рұқсаттар беру»
мемлекеттік көрсетілетін қызмет стандарты
1. Жалпы ережелер
      1. «ІІ, ІІІ және IV санат объектілері үшін қоршаған ортаға эмиссияға рұқсаттар беру» мемлекеттік көрсетілетін қызметі (бұдан әрі - мемлекеттік көрсетілетін қызмет).
      2. Мемлекеттік көрсетілетін қызмет стандартын Қазақстан Республикасы Қоршаған орта және су ресурстары министрлігі (бұдан әрі - Министрлік) әзірлеген.
      3. Мемлекеттік қызметті облыстардың, Aстана және Aлматы қалаларының жергілікті атқарушы органдары  (бұдан әрі - көрсетілетін қызметті беруші) көрсетеді.
      Өтініштерді қабылдау және мемлекеттік қызмет көрсету нәтижелерін беру:
      1) көрсетілетін қызмет берушінің кеңсесі;
      2) Қазақстан Республикасы Байланыс және ақпарат агенттігінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны  (бұдан әрі - ХҚО);
      3) www.e.gov.kz «электрондық үкімет» веб-порталы (бұдан әрі - портал) арқылы жүзеге асырылады.
2.  Мемлекеттік қызметті көрсету тәртібі
      4. Мемлекеттік қызметті көрсету мерзімдері:
      1) көрсетілетін қызметті берушіге, ХҚО-ға құжаттар топтамасын тапсырған сәттен бастап, сондай-ақ порталға жүгінген кезде:
      рұқсат беру - 1 (бір) айдан аспайды;
      рұқсатты қайта ресімдеу - 1 (бір) ай ішінде;
      өтінішті одан әрі қараудан дәлелді бас тартуды беру - күнтізбелік 15 (он бес) күн ішінде;
      2) көрсетілетін қызметті алушының құжаттарды тапсыруы үшін күтудің рұқсат етілген ең ұзақ уақыты - 30 минут, ХҚО-да - 15 минут;
      3) көрсетілетін қызметті алушыға қызмет көрсетудің рұқсат етілген ең ұзақ уақыты - 30 минут, ХҚО-да - 15 минут.
      5. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.
      6. Мемлекеттік қызметті көрсету нәтижесі - уәкілетті лауазымды адамның электрондық цифрлық қолтаңбасымен (бұдан әрі - ЭЦҚ) куәландырылған электрондық құжат нысанында II, III және IV санаттағы объектілер үшін қоршаған ортаға эмиссияға рұқсат, рұқсатты қайта ресімдеу не көрсетілетін қызметті берушінің өтінішті одан әрі қараудан бас тарту туралы дәлелді жауабы.
      Мемлекеттік қызмет көрсету нәтижесін беру нысаны: электрондық және қағаз түрінде.
      Порталда мемлекеттік қызмет көрсету нәтижесі көрсетілетін қызметті берушінің уәкілетті адамының ЭЦҚ қойылған электрондық құжаттар нысанында «жеке кабинетке» жолданады.
      7. Мемлекеттік қызмет жеке және заңды тұлғаларға (бұдан әрі - көрсетілетін қызметті алушы) тегін көрсетіледі.
      8. Жұмыс кестесі:
      1) көрсетілетін қызметті беруші - Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбі - жұма аралығында сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін;
      мемлекеттік қызмет алдын ала жазылусыз және жеделдетіп қызмет көрсетусіз кезек күту тәртібімен көрсетіледі;
      2) ХҚО - еңбек заңнамасына сәйкес демалыс және мереке күндерін қоспағанда, дүйсенбі - сенбі аралығында жұмыс кестесіне сәйкес түскі үзіліссіз сағат 9-00-ден 20-00-ге дейін;
      қабылдау жеделдетіп қызмет көрсетусіз «электрондық» кезек күту тәртібімен жүзеге асырылады, электрондық кезекті портал арқылы брондауға болады;
      3) портал - тәулік бойы (жөндеу жұмыстарын жүргізуге байланысты техникалық үзілістерді қоспағанда).
      9. Көрсетілетін қызметті алушы (не сенімхат бойынша оның өкілі) көрсетілетін қызметті берушіге жүгінген кезде мемлекеттік қызмет көрсету үшін қажетті құжаттардың тізбесі:
      көрсетілетін қызметті берушіге:
      ІІ санаттағы объектілер үшін қоршаған ортаға эмиссияға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша рұқсат алу үшін өтінім;
      2) эмиссиялар нормативтері бар жобаларға мемлекеттік экологиялық сараптама қорытындысының көшірмесі (ақпараттық жүйеде мәліметтер болмаған жағдайда);
      3) қоршаған ортаны қорғау жөніндегі іс-шаралар жоспары;
      4) өндірістік экологиялық бақылау бағдарламасы.
      Өндіріс және тұтыну қалдықтарын орналастыру бөлігінде қоршаған ортаға эмиссияларға рұқсат алу үшін табиғат пайдаланушы электрондық құжат түрінде электрондық өтінімге қоса тіркелетін қалдықтарды басқару бағдарламасын да ұсынады.
      Күкіртті орналастыру бөлігінде қоршаған ортаға эмиссияларға рұқсат алу үшін мұнай операцияларын жүзеге асыратын табиғат пайдаланушылар аумағында күкіртті орналастыру жүзеге асырылатын облыстың жергілікті атқарушы органымен және қоршаған ортаны қорғау саласындағы уәкілетті органмен келісілген, электрондық құжат түрінде электрондық өтінімге қоса тіркелетін күкірттің жинақталған көлемін азайту және оның қоршаған ортаға зиянды әсерін төмендету жөніндегі бағдарламасын да ұсынады.
      ІІІ санаттағы объектілер үшін қоршаған ортаға эмиссияларға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша электрондық нысандағы қағаз жеткізгіште рұқсат алу үшін өтінім;
      2) эмиссиялар нормативтері бар жобаларға мемлекеттік экологиялық сараптама қорытындысының көшірмесі (ақпараттық жүйеде мәліметтер болмаған жағдайда);
      3) қоршаған ортаны қорғау жөніндегі іс-шаралар жоспары;
      4) өндірістік экологиялық бақылау бағдарламасы.
      IV санаттағы объектілер үшін қоршаған ортаға эмиссияларға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша рұқсат алу үшін өтінім;
      2) есептік немесе аспаптық жолмен белгіленген және негізделген қоршаған ортаға эмиссиялар нормативтері;
      II, III және IV санаттағы объектілер үшін қоршаған ортаға эмиссияларға рұқсатты қайта ресімдеу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша рұқсатты қайта ресімдеу үшін өтінім;
      2) заңды тұлғаны мемлекеттік тіркеу (қайта тіркеу) туралы анықтама.
      Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарымды болып табылады.
      Заңды тұлғаны мемлекеттік тіркеу туралы мәліметті көрсетілетін қызметті беруші портал арқылы тиісті мемлекеттік ақпараттық жүйелерден немесе уәкілетті адамның ЭЦҚ-мен куәландырылған электрондық құжаттар нысанында мемлекеттік қызметтер көрсетуді мониторингілеудің ақпараттық жүйесі арқылы алады.
      Көрсетілетін қызметті берушінің кеңсесінде құжаттар топтамасының қабылданған күні мен уақыты көрсетіліп, өтінімнің көшірмесіндегі оның тіркелгені туралы белгі қағаз жеткізгіштегі өтінімнің қабылданғанын растау болып табылады.
      Егер Қазақстан Республикасының заңдарында өзгеше көзделмесе, көрсетілетін қызметті беруші мемлекеттік қызмет көрсету кезінде ақпараттық жүйелерде қамтылған заңмен қорғалатын құпия мәліметтерді пайдалануға көрсетілетін қызметті алушының жазбаша келісімін алады.
      ХҚО-ға:
      ІІ санаттағы объектілер үшін қоршаған ортаға эмиссияларға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша ХҚО қызметкерінің ЭЦҚ-мен куәландырылған электрондық құжат нысанында рұқсат алуға өтінім;
      2) эмиссиялар нормативтері бар жобаларға мемлекеттік экологиялық сараптама қорытындысының көшірмесі (ақпараттық жүйеде мәліметтер болмаған жағдайда);
      3) қоршаған ортаны қорғау жөніндегі іс-шаралар жоспары;
      4) өндірістік экологиялық бақылау бағдарламасы.
      Өндірістік және тұтыну қалдықтарын орналастыру бөлігінде қоршаған ортаға эмиссияларға рұқсат алу үшін табиғат пайдаланушы электрондық құжат түрінде электрондық өтінімге қоса тіркелетін қалдықтарды басқару бағдарламасын да ұсынады.
      Күкіртті орналастыру бөлігінде қоршаған ортаға эмиссияларға рұқсат алу үшін мұнай операцияларын жүзеге асыратын табиғат пайдаланушылар аумағында күкіртті орналастыру жүзеге асырылатын облыстың жергілікті атқарушы органымен және қоршаған ортаны қорғау саласындағы уәкілетті органмен келісілген, электрондық құжат түрінде электрондық өтінімге қоса тіркелетін күкірттің жинақталған көлемін азайту және оның қоршаған ортаға зиянды әсерін төмендету жөніндегі бағдарламасын да ұсынады.
      ІІІ санаттағы объектілер үшін қоршаған ортаға эмиссияларға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша ХҚО қызметкерінің ЭЦҚ-мен куәландырылған электрондық құжат нысанында рұқсат алуға өтінім;
      2) эмиссиялар нормативтері бар жобаларға мемлекеттік экологиялық сараптама қорытындысының көшірмесі (ақпараттық жүйеде мәліметтер болмаған жағдайда);
      3) қоршаған ортаны қорғау жөніндегі іс-шаралар жоспары;
      4) өндірістік экологиялық бақылау бағдарламасы.
      IV санаттағы объектілер үшін қоршаған ортаға эмиссияларға рұқсатты алу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша ХҚО қызметкерінің ЭЦҚ-мен куәландырылған электрондық құжат нысанында рұқсат алуға өтінім;
      2) есептік немесе аспаптық жолмен белгіленген және негізделген қоршаған ортаға эмиссиялар нормативтері.
      II, III және IV санаттағы объектілер үшін қоршаған ортаға эмиссияларға рұқсатты қайта ресімдеу үшін:
      1) осы мемлекеттік көрсетілетін қызмет стандартына 1-қосымшаға сәйкес нысан бойынша ХҚО қызметкерінің ЭЦҚ-мен куәландырылған электрондық құжат нысанында рұқсат алуға өтінім;
      2) заңды тұлғаны мемлекеттік тіркеу (қайта тіркеу) туралы анықтама.
      Ескертпе: *«Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарымды болып табылады.
      Заңды тұлғаны мемлекеттік тіркеу туралы мәліметті көрсетілетін қызметті беруші портал арқылы тиісті мемлекеттік ақпараттық жүйелерден немесе уәкілетті адамның ЭЦҚ-мен куәландырылған электрондық құжаттар нысанында мемлекеттік қызмет көрсетуді мониторингілеудің ақпараттық жүйесі арқылы алады.
      Құжаттар ХҚО арқылы қабылданған кезде көрсетілетін қызметті алушыға тиісті құжаттардың қабылданғаны туралы қолхат беріледі, онда мыналар көрсетіледі:
      сұрау салудың нөмірі және қабылданған күні;
      сұратылған мемлекеттік қызметтердің түрі;
      қоса берілген құжаттардың саны мен атауы;
      құжаттарды беру күні (уақыты) мен орны;
      құжаттарды ресімдеуге өтінім қабылдаған ХҚО қызметкерінің тегі, аты, әкесінің аты;
      көрсетілетін қызметті алушының тегі, аты, әкесінің аты, көрсетілетін қызметті алушы өкілінің тегі, аты, әкесінің аты және олардың байланыс телефондары.
      ХҚО-да көрсетілетін қызметті алушыға дайын құжаттарды беруді жеке куәлігін және сенімхат (не сенімхат бойынша оның өкілі) ұсынған жағдайда, қолхат негізінде оның қызметкері жүзеге асырады.
      Егер көрсетілетін қызметті алушы көрсетілген мерзімде мемлекеттік қызмет нәтижесін алуға келмеген жағдайда, ХҚО оны бір ай бойы сақтауды қамтамасыз етеді, содан кейін оларды одан әрі сақтау үшін көрсетілетін қызметті берушіге тапсырады.
      Көрсетілетін қызметті алушы дайын құжаттарды алу үшін ХҚО-ға бір ай өткен соң келсе, ХҚО бір жұмыс күні ішінде көрсетілетін қызметті берушіге сұраныс жібереді. Көрсетілетін қызметті беруші дайын құжаттарды бір жұмыс күні ішінде ХҚО-ға жібереді, содан соң ХҚО дайын құжаттарды көрсетілетін қызметті алушыға береді.
      Егер Қазақстан Республикасының заңдарында өзгеше көзделмесе, ХҚО қызметкері мемлекеттік қызмет көрсету кезінде ақпараттық жүйелерде қамтылған заңмен қорғалатын құпия мәліметтерді пайдалануға көрсетілетін қызметті алушының жазбаша келісімін алады.
      Порталда:
      ІІ санаттағы объектілер үшін қоршаған ортаға эмиссияларға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес көрсетілетін қызметті алушының ЭЦҚ-мен куәландырылған электрондық құжат нысанындағы сұрау салу;
      2) құжаттың электрондық көшірмесі түрінде электрондық өтінімге қоса тіркелетін эмиссиялар нормативтері бар жобаларға мемлекеттік экологиялық сараптама қорытындысының көшірмесі (ақпараттық жүйеде мәліметтер болмаған жағдайда);
      3) құжаттың электрондық көшірмесі түрінде электрондық өтінімге тіркелетін қоғамдық тыңдаулар хаттамасын қоса отырып, қоршаған ортаны қорғау жөніндегі іс-шаралар жоспары;
      4) электрондық құжат түрінде электрондық өтінімге қоса тіркелетін өндірістік экологиялық бақылау бағдарламасы.
      Өндірістік және тұтыну қалдықтарын орналастыру бөлігінде қоршаған ортаға эмиссияларға рұқсатты алу үшін табиғат пайдаланушы электрондық құжат түрінде электрондық өтінімге қоса тіркелетін қалдықтарды басқару бағдарламасын да ұсынады.
      Күкіртті орналастыру бөлігінде қоршаған ортаға эмиссияларға рұқсат алу үшін мұнай операцияларын жүзеге асыратын табиғат пайдаланушылар аумағында күкіртті орналастыру жүзеге асырылатын облыстың жергілікті атқарушы органымен және қоршаған ортаны қорғау саласындағы уәкілетті органмен келісілген, электрондық құжат түрінде электрондық өтінімге қоса тіркелетін күкірттің жинақталған көлемін азайту және оның қоршаған ортаға зиянды әсерін төмендету жөніндегі бағдарламасын да ұсынады.
      ІІІ санаттағы объектілер үшін қоршаған ортаға эмиссияларға рұқсат алу үшін:
      1) осы мемлекеттік көрсетілетін қызмет стандартына 1-қосымшаға сәйкес көрсетілетін қызметті алушының ЭЦҚ-мен куәландырылған электрондық құжат нысанындағы сұрау салу;
      2) құжаттың электрондық көшірмесі түрінде электрондық өтінімге қоса тіркелетін эмиссиялар нормативтері бар жобаларға мемлекеттік экологиялық сараптама қорытындысының көшірмесі (ақпараттық жүйеде мәліметтер болмаған жағдайда);
      3) құжаттың электрондық көшірмесі түрінде электрондық өтінімге тіркелетін қоғамдық тыңдаулар хаттамасын қоса отырып, қоршаған ортаны қорғау жөніндегі іс-шаралар жоспары;
      4) электрондық құжат түрінде электрондық өтінімге қоса тіркелетін өндірістік экологиялық бақылау бағдарламасы.
      IV санаттағы объектілер үшін қоршаған ортаға эмиссияларға рұқсатты алу үшін:
      1) осы мемлекеттік көрсетілетін қызмет стандартына 1-қосымшаға сәйкес көрсетілетін қызметті алушының ЭЦҚ-мен куәландырылған электрондық құжат нысанындағы сұрау салу;
      2) электрондық құжат түрінде электрондық өтінімге тіркелген есептік немесе аспаптық жолмен белгіленген және негізделген қоршаған ортаға эмиссиялар нормативтері;
      II, III және IV санаттағы объектілері үшін қоршаған ортаға эмиссияларға рұқсатты қайта ресімдеу үшін:
      1) осы мемлекеттік көрсетілетін қызмет стандартына 1-қосымшаға сәйкес көрсетілетін қызметті алушының ЭЦҚ-мен куәландырылған электрондық құжат нысанындағы сұрау салу;
      2) электрондық құжат түрінде электрондық өтінімге тіркелген заңды тұлғаны мемлекеттік тіркеу (қайта тіркеу) туралы анықтама;
      ескертпе: *«Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады.
      Заңды тұлғаны мемлекеттік тіркеу туралы мәліметті көрсетілетін қызметті беруші портал арқылы тиісті мемлекеттік ақпараттық жүйелерден немесе уәкілетті адамның ЭЦҚ-мен куәландырылған электрондық құжаттар нысанында мемлекеттік қызмет көрсету мониторингі ақпараттық жүйесі арқылы алады.
      Порталда көрсетілетін қызметті алушының «жеке кабинетіне» көрсетілетін мемлекеттік қызмет нәтижесін алатын күні мен уақыты көрсетіліп, мемлекеттік қызмет көрсету үшін сұрау салудың қабылданғаны туралы хабарлама-есеп жіберіледі.
      Порталда электрондық сұрау салуды қабылдау көрсетілетін қызметті алушының «жеке кабинетінде» жүзеге асырылады. Құжаттар көрсетілетін қызметті алушының ЭЦҚ-мен куәландырылған құжаттардың электрондық көшірмелері түрінде ұсынылады.
      10. Мыналар мемлекеттік қызметті көрсетуден бас тарту негіздемесі болып табылады:
      1) рұқсат алу үшін ұсынылған материалдардың толық және дұрыс болмауы;
      2) табиғат пайдаланудың сұратылып отырған шарттарының мынадай талаптарға сай келмеуі:
      табиғат пайдаланушы Қазақстан Республикасында жүзеге асыратын қызмет түрлері үшін арнаулы экологиялық талаптар мен нормалар қабылданған болса, қоршаған ортаға эмиссиялар үшін рұқсатқа осы талаптар мен нормалардың орындалуын қамтамасыз ететін табиғат пайдалану шарттары енгізілуі мүмкін;
      қоршаған ортаға эмиссиялар үшін рұқсатқа табиғат пайдаланудың белгілі бір шарттарын енгізу туралы шешімді рұқсат берген органдардың қабылдауы;
      Қазақстан Республикасының экологиялық заңнамасында белгіленген экологиялық талаптар мен нормаларда көзделмеген табиғат пайдалану шарттарын қоршаған ортаға эмиссиялар үшін рұқсатқа енгізуге тыйым салу;
      қоршаған ортаға эмиссиялар үшін рұқсатқа табиғат пайдалану шарттарын енгізу тәртібін қоршаған ортаны қорғау саласындағы уәкілетті органның бекітуі;
      табиғат пайдаланушының экологиялық рұқсатқа енгізілген табиғат пайдалану шарттарының орындалуы туралы есепті рұқсат берген органға тоқсан сайын ұсынып отыруы.
      11. Егер көрсетілетін қызметті алушы осы мемлекеттік көрсетілетін қызмет стандартында көзделген тізбеге сәйкес құжаттардың толық топтамасын ұсынбаған жағдайда, ХҚО қызметкері өтінімді қабылдаудан бас тартады және осы мемлекеттік қызмет стандартына 2-қосымшаға сәйкес нысан бойынша қолхат береді.
3. Мемлекеттік қызметтер көрсету мәселелері бойынша облыстардың, облыстық маңызы бар қалалардың, елорданың жергілікті атқарушы органдарының, көрсетілетін қызметті берушілердің және (немесе) оның лауазымды адамдарының, ХҚО-ның және (немесе) оның қызметкерлерінің шешімдеріне, әрекетіне (әрекетсіздігіне) шағымдану тәртібі
      12. Мемлекеттік қызметтер көрсету мәселелері бойынша облыстардың, облыстық маңызы бар қалалардың, елорданың жергілікті атқарушы органдарының, көрсетілетін қызметті берушілердің және (немесе) оның лауазымды адамдарының, ХҚО-ның және (немесе) оның қызметкерлерінің шешімдеріне, әрекетіне (әрекетсіздігіне) шағымдану үшін шағым осы мемлекеттік көрсетілетін қызмет стандартының 14-тармағында көрсетілген мекенжай бойынша көрсетілетін қызметті беруші облыстардың, облыстық маңызы бар қалалардың, елорданың тиісті жергілікті атқарушы органы басшысының атына, мемлекеттік көрсетілетін қызметтің тікелей өкіліндер беріледі.
      Шағымдар жазбаша түрде қағаз жеткізгіште почта арқылы не жұмыс күндері көрсетілетін қызметті берушінің немесе облыстардың, облыстық маңызы бар қалалардың, елорданың тиісті жергілікті атқарушы органының кеңсесі арқылы қолма қол қабылданады.
      Көрсетілетін қызметті берушінің немесе әкімдіктің кеңсесінде берілген шағымға жауап алу мерзімі мен орны, шағымды қабылдаған адамның тегі мен аты-жөні көрсетіліп тіркелуі (мөртабан, кіріс нөмірі және күні) шағымның қабылдануын растау болып табылады. Шағым тіркелгеннен кейін жауапты орындаушыны айқындау және тиісті шаралар қабылдау үшін көрсетілетін қызметті берушінің немесе облыстардың, облыстық маңызы бар қалалардың, елорданың тиісті жергілікті атқарушы органының басшысына жіберіледі.
      Көрсетілетін қызметті берушінің немесе облыстардың, облыстық маңызы бар қалалардың, елорданың тиісті жергілікті атқарушы органының мекенжайына келіп түскен көрсетілетін қызметті алушының шағымы тіркелген күнінен бастап бес жұмыс күні ішінде қаралуға тиіс.
      ХҚО қызметкерінің әрекетіне (әрекетсіздігіне) шағым осы мемлекеттік көрсетілетін қызмет стандартының 14-тармағында көрсетілген мекенжайлар мен телефондар бойынша ХҚО басшысының атына беріледі.
      ХҚО кеңсесіне қолма-қол және почта арқылы келіп түскен шағымның тіркелуі (мөртабан, кіріс нөмірі және тіркелген күні шағымның екінші данасына немесе шағымға ілеспе хатқа қойылады) оның қабылданғанын растау болып табылады. Тіркелгеннен кейін шағым жауапты орындаушыны айқындау және тиісті шаралар қабылдау үшін ХҚО басшысына жіберіледі.
      Портал жұмысына шағымдану тәртібі туралы ақпаратты порталдың cаll-орталығының телефоны (1414) арқылы алуға болады.
      Шағым портал арқылы жіберілген кезде көрсетілетін қызметті алушы өтініш туралы ақпаратты «жеке кабинетінен» көре алады, ол өтініштерді көрсетілетін қызметті берушінің өңдеуі барысында жаңартылып тұрады (жеткізілгені, тіркелгені, орындалғаны туралы белгілер, қарау немесе қараудан бас тарту туралы жауап).
      Мемлекеттік қызмет көрсету нәтижелерімен келіспеген жағдайда, көрсетілетін қызметті алушы мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады.
      Мемлекеттік қызметтер көрсету сапасын бағалау және бақылау жөніндегі уәкілетті органның мекенжайына келіп түскен көрсетілетін қызметті алушының шағымы тіркелген күнінен бастап он бес жұмыс күні ішінде қаралуға тиіс.
      Шағымда:
      1) жеке тұлға - оның тегі, аты, әкесінің аты, почталық мекенжайы;
      2) заңды тұлға - оның атауы, почталық мекенжайы, шығыс нөмірі мен күні көрсетіледі. Өтінішке көрсетілетін қызметті алушы қол қоюға тиіс.
      13. Мемлекеттік қызмет көрсету нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінуге құқылы.

Достарыңызбен бөлісу:
  1   2   3   4   5   6   7   8   9   10




©dereksiz.org 2024
әкімшілігінің қараңыз

    Басты бет