Қазақстан Республикасының Ұлттық Банкі Басқармасының қ аулыс ы

«Бағалы қағаздар рыногы туралы» 2003 жылғы 2 шілдедегі Қазақстан Республикасының Заңы 86-бабының 6-тармағына сәйкес Қазақстан Республикасы Ұлттық Банкінің Басқармасы қаулы етеді:

1. Екінші деңгейдегі банктер болып табылмайтын қор биржасының мүшелері Қазақстан Республикасының Ұлттық Банкi Басқармасының 2011 жылғы 25 ақпандағы № 11 қаулысымен бекітілген Қаржы ұйымдарының және «Қазақстан Даму Банкi» акционерлiк қоғамының қаржылық есептiлiгiнiң тiзбесi, нысандары және ұсыну мерзiмдерi туралы нұсқаулықтың 7 және 8-қосымшаларында белгіленген нысандар бойынша тоқсан сайынғы қаржылық есептiлiктi (еншiлес ұйымы (ұйымдары) болған жағдайда – шоғырландырылған және жеке қаржылық есептiлiктердi) қор биржасына тоқсан сайын есепті тоқсаннан кейiнгi айдың оныншы жұмыс күнінен кешіктірмей ұсынады (Нормативтік құқықтық актілерді мемлекеттік тіркеу тізілімінде № 6890 тіркелген), ол мыналарды қамтиды:

1) бухгалтерлік балансын;

2) пайдалар мен шығындары туралы есепті.

2. Екінші деңгейдегі банктер болып табылатын қор биржасының мүшелері Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Екінші деңгейдегі банктердің баланстық және баланстан тыс шоттарындағы қалдықтар жөніндегі есеп нысандарын бекіту туралы» 2005 жылғы 25 маусымдағы № 224 қаулысының қосымшасына сәйкес баланстық және баланстан тыс шоттардағы қалдықтар туралы есепті қор биржасына тоқсан сайын есепті тоқсаннан кейiнгi айдың оныншы жұмыс күнінен кешіктірмей ұсынады.

3. Қор биржасының мүшелері жыл сайын есепті, жылдан кейінгі жылдың 30 маусымына дейінгі мерзімде қор биржасына аудиторлық ұйыммен расталған жылдық қаржылық есептілікті (еншiлес ұйымы (ұйымдары) болған жағдайда – шоғырландырылған және жеке қаржылық есептiлiктердi), сонымен қатар:

1) бухгалтерлік баланс;

2) Кірістері мен шығыстары туралы есептілік;

3) Ақша қаражатының қозғалысы туралы есептілік;

4) Капиталдағы өзгерістер туралы есептілік;

5) Түсіндірме жазба.

Еншілес ұйымы(ұйымдары) бар қор биржасы мүшесінің жеке жылдық есептілігінің аудиторлық ұйыммен расталу талабы 2013 жылдың 1 қаңтарына дейін таралады.

4. Осы қаулы қолданысқа енгізілген күннен бастап және 2012 жылғы 1 шілдеге дейін қаржылық есептілік қор биржасына «Microsoft Excel» электрондық форматта ұсынылады.

2012 жылғы 1 шілдеден бастап қаржылық есептiлiк қор биржасының ережелерімен айқындалатын форматта ұсынылатын деректердiң конфиденциалдылығын және түзетiлмейтiндiгiн қамтамасыз ететiн криптографиялық қорғау құралдары бар ақпаратты кепiлдiк бере отырып жеткiзудiң тасымалдау жүйесін пайдалана отырып, электрондық түрде қор биржасына ұсынылады.

Аудиторлық есеп қор биржасына «Acrobat Reader» электрондық форматта ұсынылады (аудиторлық ұйымы қол қойған және оның мөрімен расталған қағаз нұсқасының сканирленген көшірмесі)

5. Қор биржасының мүшелері қор биржасына:

1. 
   Қазақстан Республикасының 2003 жылдың 2 шілдесінен «Бағалы қағаздар нарығы туралы» Заңының 102 бабының 2 тармағында қарастырылғандай, егер қор биржасы мүшесі бағалы қағазы қор биржасы тізіміне енбеген, яғни эмитент болмаған жағдайда қызметтің өзгерісі туралы ақпаратты.
   
2. 
   қор биржасы қор биржасының сауда жүйесінде айналысатын бағалы қағаздар және өзге қаржы құралдары бойынша сауда-саттыққа қатысуға рұқсат берген, қор биржасы мүшесінің трейдерлері құрамында өзгерістері туралы ақпаратты осындай өзгерістердің негіздемелері туралы мәліметтерді көрсете отырып олар туындаған күнінен бастап үш жұмыс күн ішінде;
   
3. 
   қор биржасының қағидаларында белгіленген көлемде есепті күнгі жағдай бойынша брокерлік қызметтер көрсету шеңберінде қор биржасы мүшесінің комиссия шарттарын жасағаны туралы мәліметтерді, есепті тоқсаннан кейінгі айдың бесінші жұмыс күнінен кешіктірмейтін мезімде.
   

7. Қор биржасы 2012 жылғы 1 шілдеге дейінгі мерзімде өз қызметінде пайдаланатын бағдарламалық-техникалық қамтамасыз етуді, қор биржасының қағидаларын осы қаулының талаптарына сәйкес келтіреді.

Төрағасы Г. Марченко