Бейорганикалық химия практикумы
ғ 95 жұмыс. Натрий карбонатынан натрий гидроксидін алу
жүктеу/скачать 6.08 Mb.
|
- Бұл бет үшін навигация:
- Қажетті құралдар мен реактивтер
ғ 95 жұмыс. Натрий карбонатынан натрий гидроксидін алу
100 мл суда сусыз натрий карбонатын ерітіп, оны дөңгелек түпті құтыға құйып, құтының түбіне кәрлен сынықтарын салыңдар да (не үшін?), тұрғыға орнатыңдар. Құтыдағы ерітіндіні қайнағанша қыздырып, оған ұсақталған сөндірілген әк қосыңдар. Құтыға құйғымен (не үшін?) көлем тұрақты болу үшін су құя отырып ерітіндіні бір сағаттай қайнатыңдар. Суыған соң ерітіндіні сүзіп, оның көлемін және тығыздығын өлшеңдер. Кальций гидроксиді мен карбонатының ерігіштік мәндерін қараңдар. Реакция теңдеулерін жазыңдар. Бұл процестің натрий гидроксиді түзілу бағытына қарай жүруін түсіндіріңдер. Осындай әдіспен калий гидроксидін алуға бола ма? ғ 96 жұмыс. Сілтілік металдардың тұздары. 1.Натрий гидрокарбонатын алу
Аммиак ерітіндісін натрий хлоридімен суықта қанықтырыңдар. Ерітіндіні сүзіп, құтыға құйып, құтының түбіне дейін жететін газ өтетін түтікшесі бар тығынмен нығыздап жабыңдар. Тұнбаның бөлінуі аяқталғанша алынған ерітінді арқылы көміртек диоксидін (Кипп аппаратыннан) жіберіңдер. Кристалдарды Бюхнер құйғысында бөліп алып, этил спиртімен жуып, бөлме температурасында ауада кептіріңдер. Реакция теңдеулерін жазыңдар. Көміртек диоксидімен қаныққан натрий хлоридінің аммиакты ертіндісінде түзілетін тұздардың ерігіштік мәндерімен танысыңдар. Осы реакциялық қоспадағы жүретін процестердің байланыстылығын түсіндіріңдер. Тұздың азғана мөлшерін дистилденген суда ерітіп, оның лакмус ертіндісіне, фенолфталеинге және әмбебап индикаторға әсерін тексеріңдер. Бақылаған құбылыстарды түсіндіріңдер. жүктеу/скачать 6.08 Mb. Достарыңызбен бөлісу:
|