Бүгінгі күнге орындалмай отырған ұсыныстар туралы

Аудан әкімі Ә.Дүйсембаевтың 2011 жылғы атқарылған жұмыстар туралы есепті кездесулерінде тұрғындар тарапынан барлығы 12 ұсыныс түскен. Оның ішінде: білім, денсаулық, мәдениет ғимараттарын салу және жөндеу – 5, жолдарды жөндеу – 3, тұрғын үй мәселесі – 1, ауыз су мәселесі – 1, басқа да экономикалық сипаттағы ұсыныстар – 2.

Ұсыныстарды орындау мақсатында аудандық іс-шаралар жоспары жасалып, аудан әкімі аппараты, ауылдық, поселкелік округтері әкімдері аппараттары, тиісті аудандық қызметтер мен мекемелері бойынша жауапты қызметкерлер бекітіліп, ұсыныстардың орындалуы бақылауға алынды.

2012 жылдың 1 шілдесіне 4 ұсыныс өз шешімін тапты.

Атап айтсақ: Сырттанов ауылында ауылдық дәрігерлік амбулаториясының жаңа ғимаратын салу, Ақсу – Ойтоған елді мекендер арасындағы автокөлік жолына күрделі жөндеу жұмыстарын жүргізу, аудан орталығындағы Жансүгіров көшесіндегі бұзылып, бос тұрған төрт қабатты, 38 пәтерлі үйді күрделі жөндеу жұмыстарын өткізу және Матай поселкесінде қоғамдық монша салу үшін жер телімін заңдастыру жұмыстары іске асуда.

Бүгінгі күнге орындалмай отырған ұсыныстар туралы: өртеніп кеткен Матай орта мектебінің ғимаратын жаңадан салу, Құраксу, Алажиде, Көшкентал орта мектептерінің жылу жүйесіне күрделі жөндеу жұмыстарын жүргізу, Егінсу ауылында жаңа пошта байланыс торабын ашу ағымды жылдың 1-ші қыркүйегіне белгіленген болса, Жансүгіров поселкесіндегі Шонай батыр, Қапал ауылындағы Бейбітшілік көшелерінің көлік жөлына ағымды жөндеу, Энергетик елді мекенінің ауыз су жүйелеріне күрделі жөндеу жұмыстары 1 қарашаға дейін аяқтау жоспарланған. .
Поселкелік, ауылдық округ әкімдерінің 49 елді мекенінде өткізілді.

Бұл есепті кездесулерінде тұрғындар тарапынан барлығы 13 ұсыныс түскен. Оның ішінде: білім, денсаулық, мәдениет ғимараттарын салу және жөндеу – 5, жолдарды жөндеу – 3, басқа да экономикалық сипаттағы ұсыныстар – 5.

Ұсыныстарды орындау мақсатында аудандық іс-шаралар жоспары жасалып, аудан әкімі аппараты, ауылдық, поселкелік округтері әкімдері аппараттары, тиісті аудандық қызметтер мен мекемелері бойынша жауапты қызметкерлер бекітіліп, ұсыныстардың орындалуы бақылауға алынды.

2012 жылдың 1 шілдесіне 13 ұсыныстың 7-і іс жүзіне асты.

Атап айтсақ: Ақсу – Жаңалық ауылдар арасындағы көлік жолына шұңқырлы жөндеу, көктемгі егіс жұмыстарының басталуына байланысты Суықсай, Есеболатов ауыл тұрғындарының сұрауы орай бау-бақшаларын, ауылшаруашылық егістіктерді суғарудың жағдайын жақсарту бойынша осы ауылдарда құрылған су пайдаланушылар кооперативтермен бірлесе отырып, су жүретін каналдарына тазарту, тегістеу жұмыстары жүргізілді.

Құрақсу, Сырттанов ауылы тұрғындарының газет-журналдардың уақытында келуін қамтамасыз туралы сұраныстарына байланысты, қажетті жұмыстар жүргізіліп, қәзіргі уақытта тұрғындар жазылған газет-журналдарды уақытында алуда.

Жансүгіров поселкесінің тұрғындарының елді мекенде қаңғып, бос жүрген иттердің көбейгендігі туралы өтініштеріне орай, осындай иттерді ату жұмыстары жүргізілді.

Сырттанов ауылында ауылдық дәрігерлік амбулаториясының жаңа ғимаратын салу жұмыстары басталып кетті.

Аудан әкімдігі, поселкелік, ауылдық округ әкімі аппараттары және мекемелер тарапынан түскен ұсыныстарды орындау мақсатында келешекте де тиісті жұмыстар атқарылмақ.