Жер қойнауларын қорғау жұмыстарының негізгі бағыттары

Геологиялық ортаны қорғауды абсолютті түрде қол сұғуға болмайтын орта деп қарастыруы мүмкін емес, себебі ол қазіргі қоғамның дамуына, оның талаптарына келмейді. Осы орайда, үнемі ізденісте болып, кен орындары қойнауларына іздеу - барлау жұмыстары мен пайдалы қазбаларды өндіру барысында техногендік әсердің оң (күтілетін) және теріс (қажет етілмейтін) жақтарының тиімді қатынасын анықтау сияқты қандай да бір компромистік шешімдер табуға тура келеді. Сондықтан да техногенездің оң пайдалы жақтарын арттырып, кері әсерін азайту талап етіледі. Осы тұрғыда жер қойнауларын қорғаудың техногендік әсер зардаптарын мейлінше азайту негізінде халық шаруашылығы тиімділігін мүмкіндігінше арттырудың кешендік мәселесі болып саналады. Бұл жағдайда табиғатқа нақты техногендік әсер негізінде тікелей зиян келтірілгенімен оны болдырмауға немесе зардабын азайтуға жіберілген шығын ескеріледі. Жер қойнаулары техногенезінің зиянды зардаптарын болдырмау, алдын алу, азайту жұмыстары бойынша тиімді стратегияны дайындау үшін геологиялық ортаға мұнай өндірісінің барлық нысандарының әсер ету көздерін, жолдарын және сипатын білу керек, сондай-ақ жер қойнауы жағдайы туралы нақты акпараттың дер кезінде келіп түсуін ұйымдастыру және әр түрлі процестердің даму мүмкіндіктеріне болжау жасай білу қажет. Жер қойнауларын қорғау техногендік әсердің негативтік зардаптарын мейлінше азайту негізінде халық шаруашылығы тиімділігін мүмкіндігінше арттыру үшін мұнай өндірісінде жер қойнауларын қорғау жұмыстарын бірнеше бағытта жүргізу қажет. Негізгі бағыттарға:

1. 
   мұнай өндіру ісіне келтірілмейтін тұйық линза тәрізді бөлімдер;
   
2. 
   әр түрлі жартылай тұйық аймақтар. Ол аймақтардан мұнай кажетті бағытына шығарыла алмайды;
   
3. 
   біртектес емес қабаттар жағдайында сирек орналаскан ұңғымалар арасындағы мұнай жиналымдары;