БҚо ақжайық ауданы Атамекен ауылы М.Өтемісов атындағы нжббм-нің мектепалды даярлық тобының ІІ санатты

Бүгін даярлық тобы ата-аналарының арасында «Адам ақылымен сымбатты, ұрпағымен қымбатты» тақырыбында сайыс өткелі отыр. Сайысымызға қош келдіңіздер.

Ата-аналар парақшаны суырып алу арқылы мақал-мәтелдің жалғасын тауып түсіндіреді.

1.Білекті бірді жығар, білімді мыңды жығар.

2.Жақсыдан үйрен, жаманнан жирен.

3.Бірлік болмай, тірлік болмас.

4. Әке көрген, оқ жонар,шеше көрген, тон пішер.

5. Ұяда не көрсең, ұшқанда соны ілерсің.

6. Еңбектің наны тәтті, жалқаудың жаны тәтті.

7. Баланың білегі ауырса, ананың жүрегі ауырады.

8. Ата –бәйтерек, бала – жапырақ.

1.Қызы мектептен келіп анасына : «Сізге маңызды бір нәрсе айтайыншы» десе анасы : «Сенсіз де басым қатып отыр, мазамды алма» деді.Сіздің осы кездегі ойыңыз қандай ?

2. Көрші келіншектердің әңгімесі : -Менің қызым – озат оқушы, үй шаруашылығымен айналысқаннан гөрі бос отырғанды жақсы көреді, ештеңе істегісі келмейді.

-Озат болғаны жөн-ау, бірақ үй шаруасына араласқаны дұрыс болар еді.

-Оның жақсы оқығанының керегі не үйдің тірлігі бітпеген соң. Осы үш ата-ананың өзара әңгімесі сіздің ойыңызша қалай ?

3. Сіз балаңызға дүкенге барып келуін өтіндіңіз. Ол : «ән тыңдап отырмын, қолым бос емес»деп барудан бас тартты. Не істер едіңіз ?

4. Класс жетекші ата-анаға келіп, баласының сабақтан көп қалатынын, сабағының төмендеп кеткенін ескертіп, қалдырмауын өтінді .

Ата-ана : Балам сабаққа барғысы келмейді қызықпайды мен не істеймін деді. Сіздің ойыңыз ?

5. Көршінің баласының тәрбиесі өте нашар, ата-анасының оған ықпалы жоқ. Сіз балаңыздың ол баламен дос болғанын қаламайсыз. Ал балаңыз достығын үзбейді. Сіз не істер едіңіз ?

6. Алақай мен бес алдым ! Мұғалім бізге не айтқанын білесің бе ? – деп сынып оқушысы өзінің алғашқы жетістіктері жайында қуанышы қойнына сыймай анасына айтып жатыр. Үй іші бұған онша мән бермеді. Бірақ күндер өте бере «Алақай, мен бес алдым» деген баланың қуанышты сөздері сирек естілетін болады. Сіздің ойыңыз қандай ?

7. Қызыңыз апайлары рұқсат етпеген туған күнге барудан сізден рұқсат сұрады. Сіз «Болмайды, бармайсың » дедіңіз. Қызыңыз «Мен баруым керек, құрбыма келемін деп уәде бергенмін» деп сізді тыңдар емес. Сіз қызыңызды қалай да жібермеуіңіз керек.

8. Мұғалім баланың анасын мектепке шақырып алып, баласының тәртібінің нашар екенін, сабақ оқымайтынын айтты. Ата –ана : «Баламның қарны тоқ, көйлегі көк болса болды. Тәртібіне, оқуына қарайтын уақытым жоқ» деді. Сіз не дер едіңіз ?

Ата-аналар алдын – ала әзірлеп әкелген салат түрлерімен таныстырады.

3 сұрақтан берілген сұрақтарға жауап береді.

1. 
   Республика күні қашан тойланады?
   
2. 
   Тәуелсіздік алғанымызға неше жыл болды ?
   
3. 
   Білім ордасы ?
   
4. 
   Қазақтың тұңғыш ғарышкері кім ?
   
5. 
   Тәуелсіздік күні ?
   
6. 
   Бес асылды атаңыз ?
   
7. 
   Қазақтың бас ақыны ?
   
8. 
   Көктемдегі алғашқы гүл?
   
9. 
   Мамырдан кейінгі ай
   
10. 
    Бес дұшпанды ата ?
    
11. 
    Үш арсызды ата ?
    
12. 
    Қыз баланың ұлттық бас киімі ?
    
13. 
    Қызға неше үйден тыйым ?
    
14. 
    Киіз үйдің төбесі не деп аталады?
    
15. 
    Әкеден балаға берілетін зат ?
    
16. 
    Балдан тәтті не ?
    
17. 
    Еліміздің рәміздерін ата ?
    
18. 
    Торсық деген не ?
    
19. 
    Еліміздің рәміздерін ата ?
    
20. 
    Туымыздың түсі қандай ?
    
21. 
    Қазақтың жаңа жылы ?
    
22. 
    Сүт тағамдарының 8 түрін ата ?
    
23. 
    Көзімнің қарасы кімнің өлеңі ?
    

Құлақтан кіріп бойды алар,

Әсем ән мен тәтті күй

Көңілге түрлі ой салар,

Әнді сүйсең менше сүй, – деп Абай атамыз айтқандай, келесі кезект өнерге берейік.

YІ Қорытынды бөлім

Сонымен бүгінгі ата-аналардың қатысуымен өтіп жатырған сайысымыз да аяқтала

келді. Қатысқан ата-аналарға көп – көп рахмет.

Әділқазы алқасына сөз кезегі беріліп, ата-аналарды құттықтап, алғыс хаттармен марапатталды.

Болсын солай әрбір күнің, әр айың