Елімізде 1 ақпаннан бастап COVID-19-ға қарсы вакцинациялау науқаны басталғаны белгілі. Көпшілігі вакцина алғаннан не істеп, қалай сақтану керегінен бейхаабар болуы мүмкін. Осы орайда, вакцинаның қандай жанама әсерлері болуы мүмкін, сонымен бірге вакцина алған азаматтар нені білуі қажет, қандай сақтану шараларын ұстануы керегі жөнінде материал дайындауды жөн санадық. Толығырақ Strategy2050.kz тілшісінің материалында.
Шектеу шаралары вирустың таралуын тоқтатуға мүмкіндік береді
Алматы қалалық қоғамдық денсаулықты қорғау департаментінің бөлім басшысы Алмаш Ахметова бір жыл бойына әлем халқын әбігерге салған дертке қарсы вакцинациянация маңызды шара екенін баса айтты. Оның сөзінше, бұл коронавирус жұқтырудың алдын алып, таралуын азайтады.
«Жақанды жайлаған пандемияға байланысты өткен жылдың наурызынан бастап елімізде эпидемиологиялық жағдай тқрақсыз болып отыр. Бұл халық арасында да бірқатар шектек шарасы енгізілуіне қарай қолайсыздық тудырып отырғаны жасырын емес. Коронавирус жаңа вирус болғандығы салдыранан, азаматтардың көпшілігінде бқған қарсы иммунитет әлі қалыптасқан жоқ. КВИ пациенттерін тиімді емдеу үшін арнайы препараттар жоқ, соның салдарынан аурудың асқынуы жайсыз жағдайларға алып келуі мүмкін», - деді бөлім басшысы.
Алмаш Ахметованың сөзіне сенсек, елдегі шектеу шаралары коронавирустың таралуын уақытша болсын тоқтатуға мүмкіндік береді. Осыған байланысты халықты вакцинациялау шарасына қатысу – маңызды.
Достарыңызбен бөлісу: |
