Филология факультеті «Тілдік пәндер» кафедрасы



Дата19.05.2022
өлшемі69.83 Kb.
#457935


SILKWAY Халықаралық Университеті




Филология факультеті «Тілдік пәндер» кафедрасы

«5В011600- Қазақ тілі мен әдебиеті» БББ
II курс, 116-91 топ студенті: А.С.Курбановтың
оқу практикасы бойынша есебі

Шымкент – 2021ж.


Мен Курбанов Ал-Бухарий Султанбекович 25.01.2021 - 05.02.2021ж аралығында оқу практиканы университет базасында елдегі болып жатқан эпидемиологиялық жағдайға байланысты онлайн режимде Zoom платформасы арқылы өткіздім.
25.01.2021ж жетекшіміз Раймбекова Халида апайымыз оқу практикасының алғашқы күнінде ең алдымен университетіміздің тарихы мен жетістіктері, оқу практикасының жүргізілу барысы, мақсаты мен міндеттері, практика нәтижесінде қалыптасатын студенттің құзіреттілігі туралы айтты. Сонымен қатар университеттің, «Тілдік пәндер» кафедрасының негізгі бағыттарымен, ұйымдастыру қызметімен,кафедрадағы жалпы профессор-оқытушылар құрамымен толықтай таныстырып өтті. Осы тұрғыда университеттің материалдық базасы да тыс қалған жоқ, яғни университет кітапханасымен, әдістемелік кабинеттермен, ондағы түрлі дидактикалық материалдармен танысып,түсіндірме жұмыстарын жүргізді.
Жетекшіміздің бағыт-бағдарына сәйкес өзімізге пән бойынша түрлі мағлұматтарды жинақтап, оның білім, біліктілік және дағды секілді құрылымдарымен таныстық. Оқу практикасы барысында университеттің оқу-әдістемелік, оқу-тәрбиелік жұмыстарының жоспарларымен, оларды зерттеу, сараптау, жаңа оқулықтарды және басқа да оқу - әдістемелік құралдарды оқып үйрену, техникалық оқыту, ақпараттық және компьютерлік технологияларды пайдалану бойынша көптеген ақпараттармен танысып, білімімізді толықтыра түстік. Сондай-ақ жетекшіміз бізге өз мамандығымызға сәйкес ғылым салалары бойынша жаңалықтарымен бөлісіп, үнемі хабардар болып отыру қажеттігін, әрдайым ізденіс үстінде болып, білімімізді толықтырып отыру қажеттілігін айрықша атап өтті. Сонымен қатар, тәрбие жұмыстарына сай өтілетін іс-шараларды ұйымдастыру және оған барынша жауапкершілік танытып, белсене қатысу қажеттілігін де естен шығармады. Сабақ өту барысында күнтізбелік тақырыптық жоспарды дайындау және өткізу, көрнекі құралдар дайындау, сабақтан тыс оқу жұмыстары мен сыныптан тыс жұмыстарды ұйымдастырып өткізудің қыр-сырымен таныстым.Сонымен қатар пәнді оқытуда дәстүрлі әдістермен қатар жаңа технологияларды кеңінен қолдануды үйрендім.
Оқу практикасында үйренгендерімді педагогикалық практика кезінде алынған білімді бекітуге және тереңдетуге, сонымен қатар тек жұмыс барысында алынған белгілі бір дағдыларды игеруге көмектеседі деп ойлаймын.Оқу практикасының нәтижелері бойынша біз әрі қарай өзіндік жұмыстарға және алған білім мен дағдыларды практикада қолдануға қаншалықты дайын екенімізді анықтай аламыз.
Практика кезеңінде алынған білім, білік, дағдылар болашақ мамандығын игеруде белсенді жұмыс істеу үшін керемет көрсеткіш болды, теориялық тұрғыдан зерделенген сәттерді іс жүзінде жүзеге асыруға, тәжірибе жинауға және болашақ мамандығының жалпы идеясын қалыптастыруға мүмкіндік берді.

Студент – практикант:_________ Курбанов Ал-Бухорий

Достарыңызбен бөлісу:




©dereksiz.org 2024
әкімшілігінің қараңыз

    Басты бет