Жарық ауылы әкімінің 2015 жыл бойынша есебінің тезистері Тұрғындар

Округ бойынша оқуға тиісті бала толықтай мектепке тартылған.

Округ тұрғындарының негізгі күнкөріс көзі мал шаруашылығы. 2016 жылдың 1 қаңтарына ірі қара мал–3942 бас, оның ішінде аналық сиыр- 1535 бас, Жылқы -1208 бас, Қой-ешкі- 6445 бас, түйе -29 бас, құстар – 1765 бас.

«Жасыл ел» бағдарламасы бойынша әр үй өз мекені жанына гүл отырғызып, іші-сыртын тазалап, қашаларын бояды. Әкімшілік, мектеп, дәрігерлік амбулатория жанына 30 түп ағаш отырғызылды.
Биылғы жылы бұзылған ғимарат, қоқыстар жинақталып, белгіленген арнайы орынға апарып төгу іске асырылды. Тазалық жұмысына ақылы қоғамдық қызмет адамдары мен мекеме ұйымдары мүшелерінің күші жұмылдырылды. Апта сайын ауыл көлемінде тазалық сенбіліктері ұйымдастырылды.

Салық.

2015 жылдың салық жинау жоспары округ бойынша толық 96 пайызға орындалды, яғни жоспарланған 1347500 теңгенің 1156943 теңге салық жиналып тапсырылды.

Бүгінгі таңда почтадан зейнетақы, жәрдемақылар, мұғалімдердің және ДА «Жарық» еңбек ақыларын алады. Жылда почта арқылы, тікелей почта меңгерушісінің көмегімен мерзімді басылымдарға жазылу өткізіледі және уақытында аудан орталығынан әкелініп, тұрғындарға таратылады. 2015 жылдың І жартыжылдығына мерзімді баспасөзге жазылу округ бойынша толық орындалды.

АТС жұмысына келетін болсақ , Жарық ауылында 130 номерлі сандық телефон жұмыс істеп тұр, Малай ауылында 41 ауладан 40 аулада телефон бар.

Сыбайлас жемқорлық, құқық бұзушылықтарға қарсы күрес шеңберінде атқарылған жұмыстар туралы

Жарық ауылдық округі әкімінің аппаратында штаттық кесте бойынша 10 қызмет бірлігі қаралған, есепті мерзімге 2 мемлекеттік қызметкер жұмыс істейді, қызметкерлер тарапынан сыбайлас жемқорлық, құқықбұзушылықтар орын алған жоқ. Келеңсіз жайыттардың алдын алу мақсатында ай сайын ауыл әкімшілігіне 1 рет семинар-кеңестер өткізіліп отырылады.

Жастар қоғамның белсенді өзегіне айналып, реформаның шешуші күші болуға ұмтылуы керек деген сөздермен жастарды да қолға алу жұмыстары жандана түсті. Ауылымызда Ауылымызда жас кәсіпкер Мухаев Бекзат «Жұмыспен қамту жол картасы» бағдарламасының «Кәсіпкерлікті дамыту арқылы жұмыс орындарын құру және тірек ауылдарды дамыту» екінші бағыты шеңберінде несие алып, мал санын көбейтіп өсіріп, жастарға үлгі көрсетіп отырған азаматтың бірі. Онымен қатар, ауылымызға өз қаражатымен дүкен ашып, азық түлікпен қамтамасыз етіп отыр. Бекзаттың бұл еңбегін жастарға үлгі ретінде айтып, осындай шағын кәсіпкерлікті дамытуға үлестерін қосуға шақырдық. Биылғы жылы ауылымызға «Диплопмен ауылға» бағдарламасы арқылы жас мамандар жұмысқа орналасты. Атап айтқанда, Жамбыл орта мектебіне 2 жас маман бірі математик Қизатолла Серікбек, физик Қожахметов Нұрлыбек, хореограф Мухаева Назым, Жастарға тапсырма ретінде «Дипломмен — ауылға!» атты бағдарлама аясында студенттермен жұмыс жүргізіп, ауылымызға қызмет етуге шақырайық деген ұсыныстар айтылды.

Қоғамдық ұйымдар туралы.

Жарық ауылдық округінде бүгінгі күнде «Ақсақалдар алқасы» , «Әйелдер кеңесі» ,«Көше комитеттері» , «Ақпарат-насихаттау топтары» , «Жастар кеңесі» , «Спорт комитеті» , «Тәртіп сақшылары» тобы жұмыс істейді. Олар әкімшілікпен бірге бар жұмыстарды бірігіп атқаруда. Бұл қоғамдық құрылымдар – жастарға тәрбие беруге, маскүнемдермен күресуге, бұзақыларды дұрыс жолға салуға, көше тазалығы, жеке малдардың бақташыларына бақылау жасауға, шабындық жерлерді бөлуге, мерекелерді өткізуге ат салысып, белсенді қатысады.

2015 жылы тұрғындардың алдында есеп беруі кезінде – 2 ұсыныс, соның ішінде аудан әкімінің есебінде – 1, округ әкімінің есебінде– 1 айтылған, ұсыныстарды орындалуға іс-шаралар бекітіліп, орындалды. Атап айтқанда, Малай ауылындағы негізгі мектебіне интерактивтік тақта, Жарық ауылынан Жаңғызтөбе арасындағы жол мәселесін шешу туралы.

Тұрғындар арасында құқықбұзушылықтың алдын алу және құқықтық тәртіп сұрақтары бойынша ауыл әкімшілігімен бірге полиция учаскелік инспекторы айналысады. Учаскелік инспектордың қалыпты жұмысына жағдай туғызу мақсатында бұған қызметтік бөлме қамтамасыз етілді. Округтің жалпы тәртіп жағдайы жақсы: ауыр қылмыстар жоқ.