Жылдарға арналған жергілікті бюджеттің негізгі параметрлері бойынша қысқаша мәлімет

«Астана қаласының 2011-2013 жылдарға арналған бюджеті туралы» Астана қаласы мәслихатының шешімі 2011-2015 жылдарға арналған макроэкономикалық көрсеткіштердің базалық болжамы негізінде құрылып, «Астана қаласының 2011-2013 жылдарға арналған бюджеті туралы» Астана қаласы мәслихатының 2010 жылғы 13 желтоқсандағы № 408/54-IV шешімін іске асыру туралы» Астана қаласы әкімдігінің қаулысымен іске асырылды.

Қазақстан Республикасының заңнамасына сәйкес Астана қаласының бюджеті Астана қаласы мәслихатының 2011 жылғы 9 ақпандағы № 429/57-IV, 2011 жылғы 11 наурыздағы № 438/59-IV, 2011 жылғы 11 сәуірдегі № 445/60-IV, 2011 жылғы 16 маусымдағы № 456/63-IV және 2011 жылғы 11 тамыздағы № 473/67-IV, 2011 жылғы 27 қазандағы № 507/72-IV, 2011 жылғы 18 қарашадағы № 508/73-IV ешімдерімен 7 рет нақтыланды.

Астана қаласының бюджеті бағдарланған болып табылады. Астана қаласының нақтыланған бюджетінде 2011 жылдың 18 қарашасы жағдайына Астана қаласының жалпы бюджет мөлшерінің (342 209,9 млн.теңге) 26% (немесе 88 337,1 млн.теңге) әлеуметтік салаға бағытталған.

Астана қаласының 2011 жылғы бюджет шығыстарында 2011 жылы бюджет саласы қызметкерлері жалақысының 30% ұлғаюы, инфляция коэффициентінің 7% қолданылуы қарастырылды.

Еңбекақыны төлеуге арналған шығысты есептеген кезде «Азаматтық қызметшілердің, мемлекеттік бюджет қаражаты есебінен қамтылатын ұйымдар қызметкерлерінің, қазыналық кәсіпорындар қызметкерлерінің еңбекақысын төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 қаулысы басшылыққа алынды.

- жалғыз басты қарттар мен мүгедектерді, сондай-ақ тұрғылықты мекенжайы жоқ адамдарды елорданың медициналық-әлеуметтік мекемелерінде әлеуметтік оңалту. Медициналық-әлеуметтік мекемелер қызметінің негізгі бағыттары – зейнеткерлерге, мүгедектерге, біреудің күтіміне мұқтаж мүгедектерге, мүмкіндіктері шектеулі балаларға қажеті әлеуметтік-тұрмыстық қызметтер көрсету, мүгедектерді әлеуметтік-тұрмыстық және еңбек оңалтуға бағытталған іс-шараларды жүзеге асыру, үйге жақын қолайлы өмір сүру жағдайын құру, әлеуметтік-тұрмыстық көмек көрсету, мемлекеттік әлеуметтік, медициналық, консультативтік және өзге де көмек көрсету;

- еңбек нарығындағы жағдайды жақсарту, халықтың жұмыспен қамтылуын ұлғайту және жұмыссыздықты қысқарту мақсатында Жұмыспен қамту бағдарламасы шеңберінде шаралар кешені іске асырылуда;

- атаулы әлеуметтік көмек, тұрғын үй көмегі көрсетіледі, 18 жасқа дейінгі балаларға арналған мемлекеттік жәрдемақы беріледі;

- мүгедектерге әлеуметтік көмек көрсетіледі;

- қала бюджетінен жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмектің 20 түрінен артығы көрсетіледі. әлеуметтік көмек тегін қызметтер түрінде (тісті протездеу, санаторлық-емханалық емдеу, мүгедектерді тасымалдау, басылымдарға жазу), ақшалай төлемдер нысанында (қатты отын сатып алуға, мерекелік және мерейтой күндеріне, ЖОО оқу үшін төлеуге жалпы білім беретін мектептердің түлектеріне; ерекше мәртебеге ие адамдарға; қиын өмірлік жағдайға тап болған адамдарға жәрдемақылар) және қалалық жолаушылар көлігі бағдарларында жолақы төлемінен босату түрінде көрсетіледі.

Бұдан басқа, жасөпірімдер арасында құқық бұзушылықты, нашақорлық пен алкоголизмді төмендету іс-шараларын іске асыру мақсатында бюджетте балаларға қосымша білім беруге қаражат қарастырылды, ол балаларды балалар мен жасөспірімдерге арналған спорт мектептерімен, спорт үйірмелерімен қамтуды қамтамасыз етуге бағытталған. Сондай-ақ, жетім-балаларды мамандандырылған білім ұйымдарында орналастурға қаражат қарастырылды. Смонымен қатар, жастар мен ересек халыққа кәсіптік білім алуы үшін жағдай жасауға қаражат қарастырылды.

2011 жылға арналған денсаулық сақтау бойынша бюджет 16 868 954 мың теңге сомасында нақтыланды, оның ішінде күрделі шығыстарға 1 826 029 мың теңге.

Тегін медициналық көмектің кепілдендірілген көлемінің ұлғаюы:

- ана мен баланы қорғау қызметіне, сондай-ақ АМСК көрсетуге аса мән берілген Қазақстан Республикасы Президентінің Қазақстан халқына «Қазақстан халқының әл-ауқатын көтеру – мемлекеттік саясаттың басты мақсаты» атты Жолдауы;

- бекітілген нормативтерге және қызмет көрсетілетін халықтың санын ұлғайтуға сәйкес аумақтық учаскелерді (педиаторлық, терапевтік, акушерлік, фтизиаторлық) ірілендіру;

- 2011 жылдың мемлекеттік тапсырысының күтілетін орындалудан және халықтың өсуінен шыға отыра емделген аурулардың, дәрігерлердің барып тексерулерінің ұлғаюы;

- «Дәрі – дәрмек және бала мен емдік тағамдардың мамандандырылған өнімдері рецепт бойынша тегін берілетін амбулаторлық емдеу кезінде халықтың жеке санаттарының ауру түрлерінің тізбесін бекіту туралы» ҚР ДМ бұйрығына сәйкес Тізбеге халықтың жеке санатын емдеу үшін аса қажетті өмірлік маңызды қымбат препараттар енгізілу есебімен болды.

Тегін медициналық көмектің кепілдендірілген көлемін көрсетуге бюджетті жоспарлау және есеп – айырысуларды құру кезінде Қазақстан Республикасының нормативтік – құқықтық актілерімен белгіленген қолданыстағы нормативтер, жоспарланған жылға арналған (динамикадағы соңғы бірнеше жылда денсаулық сақтау ұйымдары жұмыстарының көрсеткіштері негізінде анықталынған) және Қазақстан Республикасы бюджеті шығыстарының экономикалық сыныптамасының әрбір ерекшелігі бойынша болжамдық көрсеткіштер қолданылды.

Халыққа медициналық қызмет көрсетуге медициналық тапсырысты 693525 адам көлемінде орналастыру жоспарлануда, ол келесі тарифтерден тұрады: бекітілген тұрғынға адам басына шаққанда 265 теңге, кеңестік – диагностикалық көмек 190 теңгеден.

Штаттық лауазымдар медициналық ұйымдар мен олардың бөлімшелері жұмыстарының міндеттері мен көлемдері есебімен штаттық нормативтерге, Қазақстан Республикасы Денсаулық сақтау министрі бекіткен бұйрықтарға сәйкес анықталынды.

Дәрі – дәрмектік шығындарды есептеу кезінде медикаменттерге, медицина құралдарына, медициналық мәндегі құралдарға, орау құралдарына, сондай-ақ реактивтерге және диагностикалық (зерттеу) қызметтерді жүргізу үшін қажетті шығыс материалдарына, дезинфекциялық құралдарға, рентген түсірілімдері үшін пленкаларға және т.б. шығыстар ескерілді.

Спортты дамытудың негізгі стратегиялық бағыттары салауатты өмір салтын қалыптастыру, елордалық спортшылардың бәсекеге қабілеттілігін көтеру, спорт инфрақұрылымын дамыту, Астана қаласының қызмет көрсету және инфрақұрылым жүйесі дамыған халықаралық туристік орталық ретінде қалыптасуы болып табылады.

Астана қаласының спортшыларын дайындауға бөлінген қаржыландыру үздік қазақстандық спортшылардан тәжірибе ала және шеберлікке үйрете отыра еліміздің ұлттық құрамасымен бірге оқыту – жаттығу құрамына қатысуға мүмкіндік береді.

Халықтың белсенді демалысын ұйымдастыру, салауатты өмір салтын бекіту үшін құрал ретінде дене тәрбиесін және спортты дамыту жөніндегі іс-шаралар, клубтарға олардың Қазақстан Республикасының чемпионаттарында, кубоктық матчтерде, спартакиадаларда және республикалық және халықаралық деңгейдегі өзге де жарыстарда жан-жақты көмек көрсету және қолдау көрсету өзекті болып табылады.