Китап – киңәшчең синең Максат

“Белем алыйм дисәң ничаклы –

Сөй, хөрмәт ит, ярат китапны!” дип язылган плакатлар.
Укытучы: Юк аягы, юк күзе,

Сөйли, өйрәтә үзе.

Телгә аннан оста юк,

Аннан якын дус та юк.

Ул нәрсә? (Китап)

- Әйе, укучылар. Безнең бүгенге бәйрәмебез китап турында. Ул “Китап киңәшчең синең, дустың ярдәмчең синең...” дип атала.

Яшь дусларым! Иртәләрен кояш белән бергә уянып, әти - әниләрегез эшкә җыенганда, сез дә изге сәфәргә кузгаласыз – ак корабны хәтерләткән мәктәбегезгә юл тотасыз. Сезнең дә үз хезмәтегез бар. Ул – гыйлем алу. Көмеш кыңгырау моңнарын таратуга, дәрескә кереп утырасыз һәм иң беренче булып кулга китап аласыз.

“Китап.... Ике катыргы арасына тыгызлап тутырылган чуар кәгазь. Бары шул гына, ә яхшылап уйлап баксаң, ул – адәм балалары уйлап чыгара алган сирәк могҗизаларның берсе. Могҗизаларның могҗизасы” , - дип язды Ибрагим Гази.

Китап тормышыбызда иң кирәкле әйбер. Ул киңәшче дә, сердәш тә. Яхшы китап һәрвакыт күңел түрендә саклана. Аны гел укыйсы килеп тора. Менә без бүген халыклар белән халыкларны таныштыручы, чорлар арасына күпер салучы китап турында сөйләшербез. Иң беренче, плакатларга күз салыйк әле.

“Китап – белем чишмәсе”.

“Китап – киңәшчең синең”.

“ ... Син кулыңа китап алдың. Сиздеңме – аның тышлыгын ачканда, син гүзәл бер дөньяның ишеген ачтың”. (Г.Бәширов)

“Белем алыйм дисәң ничаклы –

Сөй, хөрмәт ит, ярат китапны!” (Г. Тукай)

Бу сүзләр китапның кешенең дусты икәнлеген, аны хөрмәт итәргә кирәклеген аңлата.

Ә хәзер сүзне укучыларның үзләренә бирик.

Китап җула кулында.

Менә хәзер сүз башлыйбыз

Шул якын дус турында.

Укый аны балалар-

Шулай гыйлем чишмәсеннән

Алар белем алалар.

Алабыз кулга китап.

Гомер буена укыйбыз,

Һич кенә булмый туктап.

Иң әйбәт өйрәтүче.

Беләбез ич, ул – белемнең

Учагын көйрәтүче.

Никадәр китап бар.

Бик калын да, бик олы да,

Кечкенә дә китаплар.

Иң беренче баскычы,

Күңелләргә иң тәү башлап

Белемгә юл ачучы.

Тирән сер сараена

Тәүге ачкыч бирүче,

Беренче кат шул сарайга

Безне алып керүче

Тик бер китап.
7 нче укучы. Аңа тиңдәш

Нинди китап бар тагы?

Беләмсең, ул нинди китап?

Ул – “Әлифба” китабы.

Син – тәүге фәннәрнең

Тәүге баскычы.

Син кадерле,

Син - туган телемнең

Алтын ачкычы.

(“Өйрәтәләр мәктәпләрдә” җыры башкарыла).

Укытучы. Укучылар, матур рәсемнәренә сокланып язуларын укып караган беренче китабыгызны хәтерлисезме? Нинди генә китап булса да, ул сезне игелеккә, шәфкатьле булырга, матурлыкны күрә белергә өйрәтә. Китаплар буыннарның акылын, белемен үзенә туплаган тиңдәшсез хәзинә. Китап – игелекле дус, киңәшче, сердәш тә.
2 нче укучы. Китап укырга яратам

Вакыт булган чакларда.

Рәхмәтләрем чиксез минем

Китап язучыларга.

Якын дустым да китап,

Дөньдагы бар нәрсәне

Сыйдырган нурлы китап.

һәм иң якын сердәше,

Һәрвакытта кирәк була

Безгә китап киңәше.

Безнең яраткан

( “Китап” булып киенгән вожатый - өлкән класс укучысы керә. Китапны саклап тоту киңәшләре белән таныштыра, киңәшләр плакатка язылган).

- Караңгы урында укыма: күзләреңне бозарсың. Укыганда, яктылык күзләреңә түгел, китабыңа төшсен.

• 
  Минем битләремне ачканда бармагыңны төкрекләмә, битләремне өстән, почмактан ача башла.
  
• 
  Тукталып калган урында карандаш яки тырнак белән эз ясама, кыстыргыч куй.
  
• 
  Мине кояшка куйма: югыйсә тышым кибеп кубар, битләрем саргаер.
  
• 
  Рәсемнәремне буяма, ертылгагн битләрен ябыштыр.
  
• 
  Мине өстәлгә куйганчы, өстәл өстен кара: юеш түгелме, икмәк валчыклары юкмы?
  
• 
  Әгәр миндәге әсәрләрне ошатып укыгансың икән, башка иптәшләреңә дә укырга тәкъдим ит!
  

Шундый матур рәсемле.

Рәссамнар бик тырышып

Ясаган ул рәсемне.

Күпләрнең көче кергән.

Кәгазьне яшел дустыбыз

Агач – куаклар биргән.

Үткән юлын онытма.

Рәнҗетмә син китапны,

Аның битләрен ертма!

Әбиләр дә авырый,

Бәбиләр дә авырый...

Салкын тисә аз гына,

Дару кирәк барсына.
Чирли хәтта китап та.

Ник көләсең? Чынлап та:

Бите төшә, ертыла-

Ул бит көн дә тотыла.

Авырдымы чак кына,

Чирен шундук күрәм мин,

Дәвасын да беләм мин...

Үз кулыңнан килмәсә,

Миңа китер туп – туры-

Мин бит – китап докторы.

Дустың, ярдәмчең синең.

Ул хөрмәткә бик хаклы,

Кадерлә син китапны.

Китапның син дусты бул.

Бик күп сорауларыңа

Җавап биреп торыр ул.

1. 
   Г.Тукай шигырьләре.
   
2. 
   М.Хөсәен шигыре.
   
3. 
   Җ. Тәрҗеманов шигырьләре.
   
4. 
   Н.Дәүли шигыре.
   
5. 
   З. Туфайлова шигырьләре.
   
6. 
   Х.Халиков шигырьләре.
   
7. 
   Ф.Заһретдинов шигырьләре.
   
8. 
   Г.Бәширов шигырьләре.