Кодексiнiң 34-бабына, «Әкiмшiлiк рәсiмдер туралы»
жүктеу/скачать 0.58 Mb.
|
- Бұл бет үшін навигация:
- ҚАУЛЫ ЕТЕДI
- «Жұмыссыз азаматтарға анықтама беру» мемлекеттік қызмет стандарты 1. Жалпы ережелер
- 2. Мемлекеттік қызмет көрсетудің тәртібі
- 3. Жұмыс қағидаттары
- 4. Жұмыс нәтижелері
- 5. Шағымдану тәртібі
- Уәкілетті органдардың мекенжайлары мен байланыс деректері
- Ақмола облысының аудандық, қалалық жұмыспен қамту және әлеуметтік бағдарламалар бөлімдері
- Ақтөбе облысының аудандық, қалалық жұмыспен қамту және әлеуметтік бағдарламалар бөлімдері
| Жергілікті атқарушы органдар көрсететін әлеуметтік қорғау саласындағы мемлекеттік қызметтердің стандарттарын бекіту туралы
Қазақстан Республикасы Үкіметінің 2011 жылғы 7 сәуірдегі № 394 Қаулысы Қазақстан Республикасының 2008 жылғы 4 желтоқсандағы Бюджет кодексiнiң 34-бабына, «Әкiмшiлiк рәсiмдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына және «Ақпараттандыру туралы» Қазақстан Республикасының 2007 жылғы 11 қаңтардағы Заңының 6-бабының 2), 3) тармақшаларына, 29-бабына сәйкес Қазақстан Республикасының Үкiметi ҚАУЛЫ ЕТЕДI: Ескерту. Кіріспе жаңа редакцияда - ҚР Үкіметінің 2012.08.17 N 1059 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен. 1. Қоса беріліп отырған: 1) «Жұмыссыз азаматтарды тіркеу және есепке қою» мемлекеттік қызмет стандарты; 2) «Семей ядролық сынақ полигонында ядролық сынақтардың салдарынан зардап шеккен азаматтарды тiркеу және есепке алу» мемлекеттік қызмет стандарты; 3) «Жұмыссыз азаматтарға анықтама беру» мемлекеттік қызмет стандарты; 4) «Мүгедектерге протездік-ортопедиялық көмек ұсыну үшін оларға құжаттарды ресімдеу» мемлекеттік қызмет стандарты; 5) «Мүгедектерді сурдо-тифлотехникалық құралдармен және міндетті гигиеналық құралдармен қамтамасыз ету үшін оларға құжаттарды ресімдеу» мемлекеттік қызмет стандарты; 6) «18 жасқа дейiнгі балалары бар отбасыларға мемлекеттік жәрдемақылар тағайындау» мемлекеттік қызмет стандарты; 7) «Мемлекеттiк атаулы әлеуметтiк көмек тағайындау» мемлекеттік қызмет стандарты; 8) «Қозғалуға қиындығы бар бірінші топтағы мүгедектерге жеке көмекшінің және есту бойынша мүгедектерге қолмен көрсететін тіл маманының қызметтерін ұсыну үшін мүгедектерге құжаттарды ресімдеу» мемлекеттік қызмет стандарты; 9) «Мүгедектерге кресло-арбаларды беру үшiн оларға құжаттарды ресiмдеу» мемлекеттік қызмет стандарты; 10) «Мүгедектерді санаторий-курорттық емдеумен қамтамасыз ету үшiн оларға құжаттарды ресiмдеу» мемлекеттік қызмет стандарты; 11) «Тұрғын үй көмегін тағайындау» мемлекеттік қызмет стандарты; 12) «Мемлекеттiк бюджет қаражаты есебінен қызмет көрсететін мемлекеттiк және мемлекеттік емес медициналық-әлеуметтiк мекемелерде (ұйымдарда) әлеуметтiк қызмет көрсетуге арналған құжаттарды ресiмдеу» мемлекеттік қызмет стандарты; 13) «Жалғызiлiктi, жалғыз тұратын қарттарға, бөгде адамның күтiмiне және жәрдемiне мұқтаж мүгедектерге және мүгедек балаларға үйде әлеуметтiк қызмет көрсетуге құжаттарды ресiмдеу» мемлекеттік қызмет стандарты; 14) «Жергiлiктi өкiлді органдардың шешiмдерi бойынша мұқтаж азаматтардың жекелеген санаттарына әлеуметтiк көмек тағайындау және төлеу» мемлекеттік қызмет стандарты; 15) «Үйде оқитын және тәрбиеленетiн мүгедек балаларды материалдық қамтамасыз ету үшiн құжаттарды ресiмдеу» мемлекеттік қызмет стандарты; 16) «Ауылдық жерде тұратын әлеуметтік сала мамандарына отын сатып алу бойынша әлеуметтік көмек тағайындау» мемлекеттік қызмет стандарты; РҚАО-ның ескертпесі! Мемлекеттік тілдегі мәтіні берілмегендіктен стандартты орыс тіліндегі мәтіннен қараңыз. 17) «Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру» мемлекеттік қызмет стандарты; РҚАО-ның ескертпесі! Мемлекеттік тілдегі мәтіні берілмегендіктен стандартты орыс тіліндегі мәтіннен қараңыз. 18) «Адамдарға жұмыспен қамтуға жәрдемдесудің белсенді нысандарына қатысуға жолдама беру» мемлекеттік қызмет стандарты бекітілсін. Ескерту. 1-тармаққа өзгеріс енгізілді - ҚР Үкіметінің 2012.08.17 N 1059 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен. 2. Осы қаулы алғашқы ресми жарияланған күнiнен бастап күнтiзбелiк он күн өткен соң қолданысқа енгiзiледi. Қазақстан Республикасының Премьер-Министрi К. Мәсімов Қазақстан Республикасы Үкіметінің 2011 жылғы 7 сәуірдегі № 394 қаулысымен бекітілген «Жұмыссыз азаматтарға анықтама беру» мемлекеттік қызмет стандарты 1. Жалпы ережелер 1. Мемлекеттік қызметті тізбесі осы «Жұмыссыз азаматтарға анықтама беру» мемлекеттік қызмет стандартына (бұдан әрі – стандарт) 1-қосымшада көрсетілген тұтынушының тұрғылықты жері бойынша облыстардың, Астана және Алматы қалаларының жұмыспен қамту және әлеуметтік бағдарламалар басқармалары, аудандардың, облыстық маңызы бар қалалардың жұмыспен қамту және әлеуметтік бағдарламалар бөлімдері (бұдан әрі – уәкілетті орган), сондай-ақ баламалы негізде осы стандартқа 2-қосымшаға сәйкес тұрғылықты жері бойынша халыққа қызмет көрсету орталығы (бұдан әрі – орталық) арқылы көрсетеді. 2. Көрсетілетін мемлекеттік қызметтің нысаны: ішінара автоматтандырылмаған. 3. Мемлекеттік қызмет «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 8-бабына сәйкес көрсетіледі. 4. Мемлекеттік қызмет көрсетудің тәртібі және қажетті құжаттар туралы ақпарат, сондай-ақ оларды толтыру үлгілері, тізбесі осы стандартқа 1 және 3-қосымшаларда көрсетілген уәкілетті органдардың стенділерінде, ресми ақпарат көздерінде, интернет-ресурстарында, сондай-ақ Қазақстан Республикасы Еңбек және халықты әлеуметтік қорғау министрлігінің http:/www.enbek.gov.kz интернет-ресурсында орналастырылады. 5. Көрсетілетін мемлекеттік қызметтің нәтижесі тұтынушыға жұмыссыз ретінде тіркеу туралы анықтама беру, не қызмет көрсетуден бас тарту туралы дәлелді жауап болып табылады. 6. Мемлекеттік қызмет Қазақстан Республикасының азаматтарына, оралмандарға, Қазақстан Республикасында тұрақты тұратын шетелдіктерге, азаматтығы жоқ адамдарға (бұдан әрі – тұтынушы) көрсетіледі. 7. Мемлекеттік қызмет көрсету мерзімдері: Уәкілетті органға өтініш білдірген жағдайда: 1) мемлекеттік қызмет көрсету мерзімдері 11-тармақта анықталған қажетті құжаттарды тапсырған сәттен бастап 10 минуттан аспайды; 2) тұтынушы өтініш берген күні сол жерде көрсетілетін мемлекеттік қызметті алуға дейін күтудің рұқсат берілетін ең көп уақыты (тіркеу, талон алу кезінде, өтініш жасаған және электрондық сұрау берген сәттен бастап) 10 минут; 3) тұтынушы өтініш берген күні сол жерде көрсетілетін мемлекеттік қызметті алушыға қызмет көрсетудің рұқсат берілген ең көп уақыты - 15 минут. Орталыққа барған кезде тұтынушы қажетті құжаттарды тапсырған сәттен бастап: үш жұмыс күні (құжаттарды қабылдау күні мен беру күні мемлекеттік қызметті көрсету мерзіміне кірмейді): 1) қажетті құжаттарды тапсыру кезінде кезек күтудің рұқсат берілетін ең көп уақыты – 30 минут; 2) тұтынушы өтініш берген күні сол жерде көрсетілетін мемлекеттік қызметті алуға дейін күтудің рұқсат берілген ең көп уақыты - 30 минут; 3) тұтынушы өтініш берген күні сол жерде көрсетілетін мемлекеттік қызметті алушыға қызмет көрсетудің рұқсат берілген ең көп уақыты - 30 минут. 8. Мемлекеттік қызмет тегін көрсетіледі. 9. Уәкілетті органның жұмыс кестесі: демалыс (сенбі, жексенбі) және мереке күндерін қоспағанда, сағат 13.00-ден сағат 14.00-ге дейін түскі үзіліспен күн сайын сағат 9.00-ден 18.00-ге дейін. Мемлекеттік қызмет көрсететін мамандардың деректемелері (Т.А.Ә, кабинет нөмірлері) уәкілетті органның ғимаратында көрнекі жерде орналастырылған. Мемлекеттік қызмет алдын ала жазылусыз және жеделдетiп қызмет көрсетусiз, кезек күту тәртiбiмен көрсетіледі. Орталықтың жұмыс кестесі: сағат 9.00-ден бастап 20.00-ге дейін үзіліссіз, және орталықтың филиалдары мен өкілдіктерінде күн сайын сағат 9.00-ден бастап 19.00-ге дейін, сағат 13.00-ден сағат 14.00-ге дейінгі түскі үзіліспен, демалыс (сенбі, жексенбі) және мереке күндерін қоспағанда. Қабылдау алдын ала жазылмай және жеделдетiп қызмет көрсетусiз, «электронды» кезек тәртiбiмен жүзеге асырылады. 10. Мемлекеттік қызмет: тұтынушының тұрғылықты жері бойынша уәкілетті органның үй-жайында көрсетіледі. Күту залында отыруға арналған орындар, мемлекеттік қызмет көрсету үшін қажетті ақпарат орналасқан ақпараттық стенділер, сондай-ақ өртке қарсы қауіпсіздік құралдары бар. Мүмкіндіктері шектеулі адамдар үшін кіреберісте пандус бар; тұтынушының тұрғылықты жері бойынша орталықтың үй-жайында көрсетіледі. Залда анықтама бюросы, күту креслолары, толтырылған өтініш нысандарының үлгілері бар ақпарат стенділері болады, мүмкіндіктері шектеулі тұтынушыларға қызмет көрсетуге жағдайлар көзделген, сондай-ақ өртке қарсы қауіпсіздік құралдары бар. 2. Мемлекеттік қызмет көрсетудің тәртібі 11. Мемлекеттік қызметті алу үшін тұтынушылар мынадай құжаттарды ұсынады: 1) жеке басын куәландыратын құжаттар: Қазақстан азаматтары – жеке куәлік (паспорт); шетелдіктер және азаматтығы жоқ адамдар – шетелдіктің Қазақстан Республикасында тұруға ыхтиярхаты және азаматтығы жоқ адамның ішкі істер органдарында тіркелгені туралы белгісі бар куәлігі; оралмандар – оралман куәлігі; 2) мемлекеттік қызмет алу үшін барған орталық беретін толтырылған өтініш нысанын. Орталықта өтініш нысандары күту залындағы арнайы тағанда орналастырылады. 12. Уәкілетті органға өтініш берген кезде барлық қажетті құжаттардың тіркеуді жүргізетін уәкілетті органның қызметкеріне тапсырылады. Орталықта толтырылған өтініш нысандары осы стандартқа 2-қосымшада көрсетілген мекенжайлар бойынша орталықтың инспекторына тапсырылады. Мемлекеттік қызмет орталық арқылы көрсетілген кезде, құжаттардың қабылдануы «терезелердің» арналуы және атқаратын функциялары туралы ақпарат орналастырылатын, сондай-ақ орталық инспекторының тегі, аты, әкесінің аты және лауазымы көрсетілетін «терезелер» арқылы жүзеге асырылады. 13. Өтінішті тапсырғаннан кейін тұтынушыға: 1) уәкілетті органда – жұмыссыз ретінде тіркелгені туралы анықтама; 2) орталықта: өтініштің нөмірі және қабылдаған күні; сұралатын мемлекеттік қызметтің түрі; сұралатын мемлекеттік қызметтің күні (уақыты) және орны; өтінішті қабылдаған орталық инспекторының тегі, аты, әкесінің аты көрсетілген өтінішті қабылдау туралы қолхат беріледі. 14. Анықтама беру тұтынушының жергілікті жеріндегі уәкілетті органға жеке өзінің баруы арқылы жүзеге асырылады. Орталықта дайын құжаттарды тұтынушыға беруді орталықтың инспекторы «терезе» арқылы күн сайын, қолхаттың негізінде онда көрсетілген мерзімде жүзеге асырады. 15. Жұмыссыздарға анықтама беруден бас тарту тұтынушы уәкілетті органда жұмыссыз ретінде тіркелмеген жағдайда жүргізіледі. Мемлекеттік қызмет беруді тоқтата тұру үшін негіздеме жоқ. Тұтынушы құжаттарды алу үшін белгіленген мерзімде келмеген жағдайда, орталық оларды бір ай мерзімде сақтауды қамтамасыз етеді, одан кейін оларды уәкілетті органға тапсырады. 3. Жұмыс қағидаттары 16. Уәкілетті органның және орталықтың қызметі адамның конституциялық құқықтарының, қызметтiк борышын атқару кезінде заңдылықтың сақталуына негiзделедi және сыпайылық, толық ақпарат беру, оның сақталуын, қорғалуын және құпиялылығын қамтамасыз ету қағидаттарында жүзеге асырылады. 4. Жұмыс нәтижелері 17. Тұтынушыларға мемлекеттік қызметті көрсету нәтижелері осы стандартқа 4-қосымшаға сәйкес сапа және тиімділік көрсеткіштерімен өлшенеді. 18. Уәкілетті органның және орталықтың жұмысы бағаланатын мемлекеттік қызметтің сапа және тиімділік көрсеткіштерінің нысаналы мәндері жыл сайын Қазақстан Республикасы Еңбек және халықты әлеуметтік қорғау министрлігінің бұйрығымен бекітіледі. 5. Шағымдану тәртібі 19. Уәкілетті лауазымды адамдардың әрекетіне (әрекетсіздігіне) шағымданудың тәртібін түсіндіретін және шағымды дайындауға көмек көрсететін мемлекеттік органдардың атауы, олардың заңды мекенжайлары, телефон нөмірлері, электронды почтасының мекенжайлары осы стандартқа 1 және 2-қосымшаларда көрсетілген. 20. Көрсетілген мемлекеттік қызмет нәтижелерімен келіспеген жағдайларда шағым атауы, жұмыс кестесі, заңды мекенжайлары, телефоны, электронды почтасының мекенжайы осы стандартқа 3-қосымшада көрсетілген осы мемлекеттік қызметті көрсетуді ұйымдастыруға жауапты жоғары тұрған уәкілетті орган басшысының атына беріледі. Тұтынушы жергілікті атқарушы органдар әкімдерінің аппаратына жүгінуіне болады, олардың мекенжайлары мен телефондары осы стандартқа 5-қосымшадакөрсетілген. 21. Қызмет дөрекі көрсетілген жағдайларда шағым кабинет нөмірі уәкілетті органның ақпараттық стендісінде көрсетілген уәкілетті орган басшысының атына беріледі. Уәкілетті орган жұмыс кестесі осы стандарттың 9-тармағында көзделген жұмыс кестесіне сәйкес анықталады, электрондық почтасының мекенжайы осы стандарттың 1-қосымшасында көрсетілген. 22. Көрсетілген мемлекеттік қызмет нәтижелерімен келіспеген жағдайларда тұтынушының заңнамада белгіленген тәртіппен сотқа жүгінуге құқығы бар. 23. Жеке тұлғаның шағымында тұтынушының тегі, аты, әкесінің аты, почта мекенжайы көрсетіледі. Шағымға тұтынушы қол қоюға тиіс. Шағым берген кезде әрекетіне шағымданатын орган атауы немесе лауазымды адам, өтініш себебі мен талаптар көрсетіледі. 24. Жазбаша шағыммен жүгінген тұтынушыға жауап алатын күні және уақыты, өтінішті қарау барысы туралы ақпарат алуға болатын адамдардың байланыс деректері көрсетілген талон беріледі. 25. Қазақстан Республикасы Еңбек және халықты әлеуметтік қорғау министрлігінің мекенжайы: 010000, Астана қаласы, Орынбор көшесі, № 8 үй, «Министрліктер үйі» әкімшілік ғимараты, интернет-ресурс: http://www.enbek.gov.kz. «Жұмыссыз азаматтарға анықтама беру» мемлекеттік қызмет стандартына 1-қосымша Уәкілетті органдардың мекенжайлары мен байланыс деректері Ескерту. 1-қосымшаға өзгеріс енгізілді - ҚР Үкіметінің 2012.08.17 N 1059 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен. Ақмола облысының аудандық, қалалық жұмыспен қамту және әлеуметтік бағдарламалар бөлімдері
Ақтөбе облысының аудандық, қалалық жұмыспен қамту және әлеуметтік бағдарламалар бөлімдері
жүктеу/скачать 0.58 Mb. Достарыңызбен бөлісу:
|