Конкурсты өткізу туралы хабарландыру «Костанайские новости» және «Қостанай таңы»

1. 
   Бейнелеу өнері (көркем сурет, мүсін, сәулет, сценография және б.).
   
2. 
   Әдебиет (проза, поэзия).
   
3. 
   Театр өнері (актерлер, режиссерлер).
   
4. 
   Музыка өнері (композиторлар, дирижерлар, аспапшылар, солист-аспапшылар, аранжирлеушілер).
   
5. 
   Вокал өнері (вокалдық топтар, ансамбльдер, солист-вокалшылар).
   
6. 
   Хореография (классикалық, спорт-бал, халық билерінің ұжымдары және жеке орындаушылары).
   
7. 
   Журналистика (баспасөз және теледидар журналистері).
   
8. 
   Ғылым (ғылыми дәрежесі бар ғылым қайраткерлері).
   
9. 
   Мәдени мұра («Қазына» сыйлығы) (тарихшылар, археологтар, мәдениет қызметкерлері, қоғамдық қайраткерлер).
   

11. Білім беру (облыстың білім беру саласының қызметкерлері).

12. Шығармашылық ұжымның басшысы.

1. 
   «БЕЙНЕЛЕУ ӨНЕРІ» НОМИНАЦИЯСЫ
   

Сыйлықты алу үшін арнайы басылымдарда мамандардың бағасын алған аяқталған жобалар мен жұмыстар қабылданады.

Номинацияға қатысу үшін облыстық сурет галереясына (мекен-жайы: Қостанай қ., Алтынсарин көш., 113, т. 50-28-88) 5 біртума көркем жұмыс ұсынылады (сәулет және дизайнерлік әзірленімдер, мүсін, көркем сурет, графика, сәндік-қолданбалы өнер, макет, эскиз).

Көркем сурет және графикалық жұмыстар жиектемеге, паспартуға ресімделіп, мына үлгі бойынша жазылған (екінші бетінде) болуы тиіс:

- автордың тегі, аты, туған жылы;

- жұмыстың атауы, жасау жылы, техникасы.

Мүсін және сәндік-қолданбалы өнердің әр затына, макетке, эскизге осыған ұқсас деректері бар бирка тағылуы тиіс.

Негізгі құжаттарға қоса халықаралық, республикалық, облыстық көрмелер мен конкурстарға қатысуын растайтын құжаттардың көшірмелері, ұсынымдар, буклеттер қоса беріледі. Жұмыстардың сақталуына және көрме аяқталғаннан кейін қайтарылуына кепіл беріледі.

Сыйлық әдеби шығармашылықтың кез келген жанрындағы туынды нысанын жамылған пәлсапа ойының, отандық әдебиет, поэзияның қазынасына қосқан үлесін мойындау болып табылады.

Клуб сыйлығын алуға қоғамның рухани дамуына бағасы жоқ үлес қосқан және беделді сыншылар мен оқырмандардың құрметіне ие болған жазушылар мен ақындардың кандидатуралары ұсынылуы мүмкін.

«Әдебиет» номинациясына қатысу үшін Л.Толстой атындағы облыстық ғылыми әмбебап кітапханасының жанындағы әдеби-консультациялық орталыққа (мекен-жайы: Қостанай қ., Алтынсарин көш., 109, т. 500-322) жарияланған, басылған туындыны ұсыну қажет.

Сыйлық театр өнері саласындағы үздік режиссерлік жобалар, актерлердің үздік жұмыстары үшін беріледі.

Номинацияға қатысу үшін тәуелсіз комиссияның қарауына 2 біртума көркем нөмірді (спектакльден үзінді, монолог) ұсыну қажет.
IV. «МУЗЫКА ӨНЕРІ» НОМИНАЦИЯСЫ

Сыйлық композиторлардың классикалық, ұлттық және қазіргі эстрада музыкасы саласындағы туындылары үшін, орындаушылық шеберлігі үшін (композиторлар, дирижерлар, аспапшылар, солист-аспапшылар, аранжирлеушілер, дыбыс режиссерлері) беріледі.

Ұсынылған жұмыстар жоғары кәсіби-көркем талаптарға сәйкес болуы тиіс. Композиторлар мен музыканттардың шығармашылығы республикалық және халықаралық конкурстардың, фестивальдердің грамоталарымен, дипломдарымен расталуы тиіс.

Номинацияға қатысу үшін тәуелсіз комиссияның қарауына 3 біртума көркем нөмірді (аспаптық туындылар, жүзеге асырылған шығармашылық жобалар) ұсыну қажет.

Сыйлық классикалық, халық, эстрадалық және қазіргі туындыларды насихаттау және орындаудың жоғары кәсіби деңгейі үшін беріледі.

Клубтың сыйлығын алуға республикалық және халықаралық фестивальдардың, конкурстардың лауреаттары болған, облыстық және республикалық маңызы бар концерттік бағдарламаларға белсенді қатысатын солист-вокалшылар, вокалдық топтар, ансамбльдер, хорлар ұсыныла алады.

Номинацияға қатысу үшін тәуелсіз комиссияның қарауына әртүрлі сипаттағы (жанрдағы) 3 әнді ұсыну қажет.

Сыйлық хореография өнері саласындағы жетістіктері, жоғары кәсіби шеберлігі, сюжеттік қойылымдардың сонылығы мен өзіндік ерекшелігі үшін беріледі.

Клубтың сыйлығын алуға республикалық және халықаралық фестивальдар мен конкурстардың лауреаттары болған, облыстық және республикалық маңызы бар концерттік бағдарламаларға белсенді қатысатын жекелеген солистер, эстрадалық, спорт-бал, классикалық, халық билері ұжымдары ұсыныла алады.

Номинацияға қатысу үшін 3 хореографиялық композицияны ұсыну қажет.

Сыйлық үздік журналистік материалдар үшін бұқаралық ақпарат құралдарының қызметкерлеріне беріледі.

Жұмыстар терең мағыналылықпен, жоғары танымдық деңгейімен ерекшеленіп, қоғамда рухани құндылықтардың қалыптасуына ықпал етуі тиіс.

Конкурсқа қатысу үшін тележурналистерге бағдарламалардың бейнежазбасын, газет-журналдардың журналистеріне — мақалалардың топтамасын ұсыну қажет.

Сыйлық ғылыми дәрежесі бар ғылым қайраткерлеріне облыстың, елдің әлеуметтік-экономикалық дамуына айтарлықтай үлес қосқан қолданбалы сипаттағы жұмыстары үшін беріледі.

Конкурсқа қатысу үшін мынаны ұсыну қажет:

- тиісті ұйымның басшысы қол қойған ілеспе хат (ресми бланкіде);

- ұйымның мөрі басылған ғылыми (ғылыми, ғылыми-техникалық) кеңестің дәлелденген қолдаухаты. Қолдаухатта ізденушінің ғылыми үлесі, оның жетістіктері мен тәжірибелік әзірленімдері, сондай-ақ күтілетін нәтижелерді, олардың ғылыми және қолданбалы маңыздылығын көрсетумен ұсыну кезіндегі ізденушінің ғылыми қызметі бағдарламасы туралы мәліметтер қамтылуы тиіс (баспа мәтіннің 5 парағынан артық емес);

- ғылыми басылымдардағы жарияланымдар, рецензиялар.

Сыйлық рухани және білім беру саласын дамытуға қосқан айтарлықтай үлесі үшін, мәдени мұраның сақталуын және тиімді пайдаланылуын қамтамасыз ету үшін, Қазақстан халқының тілдерін, салт-дәстүрлерін насихаттау мен дамыту үшін, тарих және мәдениет ескерткіштерін іздеу және зерттеумен байланысты кешеңді ғылыми-зерттеу жұмыстарын жүзеге асыру, Қазақстанның тарихы, археологиясы, этнографиясы мен мәдениеті мәселелері бойынша сериялық басылымдарды шығару үшін беріледі.

Конкурсқа ғылыми-зерттеу материалдар, археологиялық зерттеулердің нәтижелері, монографиялар, өлкенің мәдени мұрасын насихаттау бойынша іске асырылған жобалар, бағдарламалар қабылданады.
X. «АУЫЛ ЖАНАШЫРЫ» НОМИНАЦИЯСЫ («ҚАЗЫНА» СЫЙЛЫҒЫ)

Сыйлық селолық жерде мәдениетті дамыту, селоның мәдени-ағартушылық және білім беру кеңістігін байыту, жандандыру, жұмыстың инновациялық нысанын енгізу жөніндегі жүйелі жұмысы, облыстық және республикалық конкурстарға, байқауларға, есептік концерттік бағдарламаларға және т.б. қатысқаны үшін беріледі.

Номинацияға қатысу үшін жанқиярлық қызметінің нәтижелерін көрнекі көрсететін фото және бейне материалдарды ұсынып, тәуелсіз комиссияның алдында өз өнерін ұсыну қажет.
XI. «БІЛІМ БЕРУ» НОМИНАЦИЯСЫ

Сыйлық мына критерийлер бойынша педагогтың педагогикалық қызметіндегі жетістіктері үшін беріледі:

1) оқушылар мен тәрбиеленушілер жетістіктерінің оң серпінінде көрінетін педагогикалық қызметтің жоғары нәтижелілігі (білім мониторингі, оқу жетістіктерін сырттай бағалау нәтижелері, қорытынды аттестацияның нәтижелері, пәндік олимпиадалар, конкурстар, жарыстардың және т.б. нәтижелері);

2) педагогтың кәсіби біліктілігі (конкурстарға қатысу, зерттеу жұмысын жүргізу, ақпараттық-коммуникативтік білім беру технологияларын менгеру);

3) педагогикалық тәжірибені жалпылау және тарату (шеберлік сағаттары, семинарлар, БАҚ-та жарияланымдар, халықаралық ынтымақтастық);

4) өңірде білімді дамытуға қосқан жеке үлесі (тәжірибеге білім беру жобаларын енгізу, инновациялық идеяларды насихаттау, авторлық бағдарламаларды әзірлеу және тарату).

Конкурсқа қатысу үшін мынаны ұсыну қажет:

1) Қостанай облысы әкімдігі білім басқармасының басшысы қол қойған қатысушыға ұсыныс;

2) қатысушының кәсіби және жеке қасиеттерінің сипаттамасы;

3) баспа басылымдардың, әдістемелік әдебиеттің көшірмелері;

4) конкурсқа қатысушының өзінің педагогикалық қызметі туралы талдамалы есебі.
ХІІ. «ШЫҒАРМАШЫЛЫҚ ҰЖЫМНЫҢ БАСШЫСЫ» НОМИНАЦИЯСЫ

Сыйлық шығармашылық ұжым басшысының кәсіби біліктілігі, ұжымның шығармашылық жетістіктері, оның кәсіби және шығармашылық әлеуеті; Қостанай облысының мәдени өміріне шығармашылық ұжымның қосқан үлесі (соның ішінде ұжымның селолық округтарға баруы, есепті концерттерді беруі, репертуарының идеялық-көркемдік деңгейін арттыру, шеберлік сағаттарын өткізу және т.б.) үшін беріледі.

• 
  Өтінім;
  
• 
  Бір фотосурет 3 х 4;
  
• 
  Ұсыным хат;
  
• 
  Үміткердің өмірбаяны;
  
• 
  Шығармашылық түйіндеме (регалияларын көрсетумен);
  
• 
  Жеке куәлігінің көшірмесі және ЖСН.