Көрнекілігі: залды мерекеге сай безендіру, ұстаздарға арналған құттықтау плакат
жүктеу/скачать 36.1 Kb.
|
Ана - өмір шуағы
Мақсаты: Аналарды, ұстаздарды, аруларды мерекелерімен құттықтау, ананы құрметтеу, қыз баланы сыйлау, парасатты, мейірімді болуға баулу. Көрнекілігі: залды мерекеге сай безендіру, ұстаздарға арналған құттықтау плакат Барысы: Жүргізушілер ортаға шығады. 1 - жүргізуші: Ана деген - жүректегі асыл ән, «Ана - бақыт» деген сөзге қосылам. Анаға арнап айта берсең сөз жетпес Ол дегенің - өмірдегі асыл жан! 2 - жүргізуші: Армысыздар, асыл аналар, ұлағатты ұстаздар, аяулы арулар! Сіздерді 8 - наурыз «Халықаралық әйелдер» күні мерекесімен құттықтаймыз! 3 - жүргізуші: Дүниедегі барлық өмірдің сарқылмас бұлағы - ана. Ақын да, батыр да анадан туады. Ана - үйдің берекесі, қыз баланың өнегесі, отбасының темір қазығы, шаруаның несібесі. Ананың көзінен төгілген нұр жан - жағына шуағын шашады, олай болса - Балалар, сендерге осы жарық дүниені сыйлаған кім? - Ана 1 - жүргізуші: «Өмірде ана - бұлақ, ана - пана Өмірді өркендетер ана ғана»- дей келе бүгін сыныбымызда өткелі отырған « Ана - өмір шуағы» атты кешімізді ашық деп жариялаймыз. Хор: «Асыл ана» 2 - жүргізуші: Армысыз, еліміздің асылдары, Жайнаған көңілдердің жасыл бағы Сіздер үшін ән мен күй, жыр менен би, Сіздер үшін мереке шашулары. Ән: « Ана туралы жыр» 3 - жүргізуші: Шырылдап жерге түскеннен - ақ біздің ең жақынымыз 1 - жүргізуші: Ең бір досымыз. 2 - жүргізуші: Ең бір ұстазымыз Бірге: Ол – Ана 3 - жүргізуші: Ананың жолы басқа Ана деген сөздің өзі ыстық 1 - жүргізуші: Ана десе толқымайтын жүрек Тасымайтын қан Сезбейтін сезім болуы Бірге: Мүмкін емес дей келе келесі кезекті оқушылардың әдеби монтажына береміз. Ерасыл
Ана деген - сәбилердің панасы Ана деген – жарық жұлдыз шырағың, Ана деген - қайнар ыстық бұлағың Ана деген - өмірдегі қамқорың Ана деген - сүйенерің жан құрбың Мансұр: Ана десе сезім билер тым ыстық Жарасымды адамдарға туыстық Бір адамға берсе ана мейірім Орнар еді бар әлемде тыныштық Еркебұлан: Құрметтейік, о, адамдар аналарды Бізді өмірге әкелген даналарды Себебі ана деген асыл жан ғой Ойлауменен істелік әр қадамды Ілиас: Алтын адам жасымнан аялаған Мен үшін игілікті аямаған Сабақтан үйге шаршап келгенімде Бал сөзі жаным деген сая маған. Әділ: Десек те уақытпенен жарыспайды Қияға қиялымен қарыштайды Шәкірттер шын жүректен тебіреніп. Өнерлерін ұстаз аналарға бағыштайды 1 - жүргізуші: Мейлі бол ұлы тұлға Мейлі жет тайсалмайтын ұлы шыңға Ұмытпа ол ұстаздың жақсылығы Болмайды оны мәңгі ұмытуға Ұстаз деген - асылдың ақ сынығы Ұлылықтың таусылмас ақ шырыны Қалықтап жетсең егер биіктерге Ұмытпа ол да ұстаздың жақсылығы. Ән: «Ұстазым» 2 - жүргізуші: Құттықтаймын мейрамыңмен аналар, Әр күлгенің бізге бақыт саналар. Еңбегіңді еш етпейді өмірде Елің, жұртың, ұл мен қызың бағалар. 3 - жүргізуші: Ақ тілеулі кең пейілді аналарымыз өмірдің бастауы, тіршіліктің сәні. Аналар біздің басты байлығымыз. Ана - адамзат мекен еткен жер шарының әр түкпірінде, әр үйде мейірім мен мерейдің, достық пен туыстықтың туын тіккен аяулы жан. Келесі кезекте көрініс. 1 - жүргізуші: Адам ең алдымен ана алдында қарыздар. Ана қарызы алтынға бөлеуді, ақ орда салуды қаламайды. Ана баласының ер жетіп адал болуын қалайды. Анаға осыдан басқа артық тарту таралғының керегі жоқ. 2 - жүргізуші: Мұсылман қауымы анаңды Меккеге үш рет арқалап апарсаң да қарызыңнан құтыла алмайсың деген. Сондықтан да бәріміз де ана алдында қарыздармыз. Сол борышты өтеу бізге міндет. Әдеби монтаж. Нұрбол: Адам зат қуат алар ақ сүтіңнен, Мәпелеп әлдилеген пейілің кең. Аналық махаббатың кәусар бұлақ, Сөнбейтін ақ жүрегің мәңгі шырақ. Ән: Толқынай: Ана деген - бастауы ұлылықтың, Ана деген - рәмізі сұлулықтың. Ана деген бір жыр бар шырқалатын Асқақтатар биікке ұрпақ атын. Мәнерлеп оқу «Менің анам» Айымгүл: Сіздерден өскен балалар Батырлар мен даналар. Құттықтаймыз мейраммен, Құрметті абзал аналар Марғұлан: Ардақты ана, аяулы ана, қымбаттым, Тәтті ұйқыңды бөліп талай үн қаттың. Өміріме нәрін берді ақ сүтің, Кең құшағың аясындай гүл бақтың. 2 - жүргізуші: Міне, құрметті қонақтар, ұлағатты ұстаздар, аяулы арулар, оқушылар сіздерге арнап дайындалған « Ана - өмір шуағы» атты тәрбие сағаты осымен аяқталды. жүктеу/скачать 36.1 Kb. Достарыңызбен бөлісу:
|