«Көтеріп-тасымалдау механизмдері»


Дәріс 10. Икiмдi көтеру элементтерi, таңдау әдiстерi. Шығырлар мен жұлдызшалар



бет3/3
Дата29.06.2016
өлшемі408.5 Kb.
#166632
1   2   3

Дәріс 10. Икiмдi көтеру элементтерi, таңдау әдiстерi. Шығырлар мен жұлдызшалар.

Жүктi қармау құралдары.

Дәріс жоспары:

1. Икiмдi көтеру элементтерi

2. Жүктi қармау құралдары

1. Жүк көтергіш машиналарында икемді элементтер ретінде болат арқандар немесе шынжырлар қолданылады.

Арқандар МЕСТ 7372-79 бойынша В, І немесе ІІ маркалы болат сымдардан (сым диаметрі 0,2…3 мм) жасалады. Сымдардың беріктік шегі тењ. Бірақ жүк көтергіш машиналарда көбінесе беріктік шегі В=1600…2000 МПа болатын арқандар қолданылады. Беріктік шегі кеміген сайын сымдардың қызмет ету мерзімі қысқарады. В маркалы сымдар өте жауапты жағдайларда, мысалы, адамдарды көтеретін құрылғыларда қолданылады.

Мата - қағазды арқандар және жасанды талшықтардан жасалған арқандар жүк көтергіш машиналарында көтергіш және тартқыш элементтер ретінде қолданылмайды.

Жүк көтергіш машиналарда көбінесе қос құндақталған (свивка) арқандар пайданылады (1-сурет): сымдар орта сымның төңірегінде құндақталады. Мұнда бұрым (прядь) ішіндегі сымдар саны және арқан ішіндегі бұрымдар саны әр түрлі болуы мүмкін.

Ө З Е К Ш Е (сердечник) М А Т Е Р И А Л Д А Р Ы Н А байланысты арқандар екіге бөлінеді: органикалы өзекшесі (қыл, нейлон, капрон) бар және металл өзекшесі бар (өзекше ретінде қос құндақталған сым арқан қолданылады).

Қ Ұ Н Д А Қ Т А Л У (свивка) Ә Д І С І Н Е байланысты арқандар екіге бөлінеді: арқан ішіндегі сымдар өзара нүктелі түйісу арқылы қосылған ТК (точечный контакт) типті арқандар (4.14,а – сур.) және сызықты жанасу арқылы қосылған ЛК (линейное касание) типті арқандар.

Арқандар Қ Ұ Н Д А Қ Т А Л У Т Ү Р І Н Е байланысты екіге бөлінеді: кәдімгі немесе тарқалатын (мұнда сымдарды босатқан кезде олар түзелуге тырысады) және тарқалмайтын (бұл арқандар алдын ала дефармацияланған сымдардан жиналады) арқандар.

Арқан бұрымдарының Қ Ұ Н Д А Қ Т А Л У Б А Ғ Ы Т Ы сол және оң болуы мүмкін.

Пісірілген шынжырлар жүктік және тартқыш элемент ретінде қолданылады. Оларды болаттың келесі маркаларынан жасайды: Болат 3 (В 370…450Мпа), Болат 2 (В =340…420 МПа) және 10 (В =300Мпа).

Жасалудың дәлдігі бойынша шынжырлар екіге бөлінеді: калибрленген және калибрленбеген шынжырлар.



Пластиналы шынжырлар білікшелер арқылы қосылған болат пластиналардан тұрады. Пластиналар саны неғұрлым көп болса, соғырлым үзілу күші үлкен болады. Шынжыр элементтері – пластиналар мен білікшелер – Болат 40, 45, 50 маркасынан жасалады.

2. Ең көп қолданылатын әмбебап жүкті қармау құралдары – жүкті ілгектер мен тұзақтар (петля). Оларға жүк арқан немесе шынжырлар арқылы бекітіледі. Пішіні бойынша ілгектер бір мүйізді және екі мүйізді болып бөлінеді. Ілгектердің өлшемдері стандартталған.

Үлкен жүк көтергішті крандарда пластиналы ілгектер қолданылады. Бұл ілгектер бірнеше бөлек элементтерден (Болат 20 және Болат 16МС жасалған табақтардан) тұрады. Табақтар тойтармалар арқылы қосылѓан. Бұл ілгектер жеңіл, жасау кезінде үлкен қуатты жабдықтарды қажет етпейді және бір пластина істен шықса, оны тез ауыстыруға болады.

Жүк көтергіш машиналарында жүктік ілгектерден басқа тұтас қақталған және құрамды жүктік тұзақтар қолданылады. Тұзақтардың пішіні мен өлшемдері стандартталмаған, сондықтан оларды беріктікке есептеу қажет.

Жүкті ілгекке ілу кезінде жүкті орау үшін болат арқаннан немесе пісірілген шынжырдан жасалған әр түрлі ілгекті арқандар (стропы) қолданылады. Қыл немесе мақта – қағазды ілгекті арқандар (стропы) массасы 0,5 т аспайтын жүктерді көтеруге арналған.

Дана жүкті тасымалдауда қармау уақытын қысқарту үшін тістеуікті (клещевые) қармауларды қолданады.

Бұл қармаулар жүктің пішіні мен өлшеміне сәйкес және кіші массалы, кіші өлшемді, жұмыста ыңғайлы, қолмен әстелетін операциаларды жеңілдететін болуы керек.

Тістеуікті қармаулар екіге бөлінеді: ыдысқа салынған дана жүктер үшін және ыдысқа салынбаған дана жүктер үшін.

Болат табақшаларын тік жағдайда тасымалдау үшін эксцентрикті қармау қолданылады. Эксцентрик үйкеліс күшінің әсерімен бұрылып, табақшаны қысады. Сонда табақша өзімен эксцентрик арасындағы үйкеліс күші арқылы ұсталып тұрады.

Әр түрлі табақшалы материалдарды (болат, түрлі түсті металдар, шыны және т.б.) және қораптар мен жәшіктерді тасымалдау үшін вакуумды қармаулар қолданылады.

Болат және шойын жүктерді көтеру үшін тұрақты токты электрмагнитті көтергіштер қолданылады.

Үйме жүктерді порциялы тасымалдау үшін шөміштер, шағандар (бадья) және грейферлер қолданылады. Шағандар мен шөміштер еденін түсіріп, еденін ашып немесе шөміштерді төңкеру арқылы жүкті түсіреді. Ал шағандарға жүкті тиеу – қол жұмысын қажет ететін күрделі операция.

Үйме жүктерді қармау операцияларын автоматтандыру үшін грейферлерді қолданылады. Бұл жағдайда операциялардың өнімділігі артады және қол жұмысы азаяды немесе толық жойылады.
Қажетті әдебиет:

Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447

Александров М.П. и др. Подъемно-транспортные машины М., “Высшая школа”, 1985г.

Жайлаубаев Д.Т., Мансуров С.М. «Тиеп-түсіру, тасымалдау және қойма жұмыстарын механикаландыру» Семипалатинск.; СГУ, 2006 г. 350 с.



Дәріс 11. Тоқтаткыштар мен тежегiштер. Шаппалы, үйкелiстi, шығыршықты тоқтаткыштар. Қалыпты, таспалы, өстiк бастырмалы тежегiштер. Құрылымдар мен негiзгi есептiк байланыстар.

Дәріс жоспары:

1. Тежегiштер

2. Тоқтаткыштар

1. ЖКМ-да міндетті түрде тежегіш механизмдері орнатылуы қажет. Тежегіш құрылғылары көтеру механизмдерінде жүкті тоқтатады да, ілінген жағдайда ұстап тұрады. Ал бұрылу және жылжу механизмдерінде тоқтағанға дейін тежеу үшін қолданады.

Жұмыс қарқынын өсіру үшін тежеу уақыты аз болуы керек. Тежеу құрылғыларының жіктелуі:



  1. Жұмыс элементерінің құрылымы бойынша – қалыпты тежегіштер, таспалы тежегіштер, дискілі, конусты.

  2. Жұмыс принципі бойынша – автоматтандырылған тежегіштер, басқарылатын (тұйықталуы немесе босатылуы адамдардың көмегімен орындалады).

  3. Тежегішті басқаратын күштің жұмысы бойынша – ашық және жабық .

Қалыпты тежегіш. Тежегіш тұтқалардан (рычаг) және екі қалыптан тұрады. Тұйықтау күші әсер еткен кезде, екі қалып елгезерді екі жақтан қысып ұстап, тоқтатады. Ал ажырату үшін электрмагниттерді немесе итергіштерді қолданады.

Үйкеліс күші



F=fN

Елгезер мен тежегіш қалыптары арасындағы орташа қысым:





Электрмагниттер. Көтеріп – тасымалдағыш машиналарында арнаулы кран электрмагниттері (тұрақты ток үшін КМП және МП, ал айнымалы ток үшін КМГ және МО–Б) қолданылады.

Қалыпты тежегіштерде көбінесе МП және МО–Б элетромагниттері қолданылады.



Электр гидравликалық итергіштер.

Серіппені қысуға қажетті күш:



.

Таспалы тежегіштерде тежеу моменті икемді болат таспаға бекітілген үйкелісті материялдың тежеу елгезерінің цилиндрлі бетіне үйкелісі арқылы пайда болады.

Таспа ені:

,

Таспалы тежегіштердің артықшылығы: құрылымның қарапайымдылығы және қамту бұрышы артқан сайын тежеу моментінің µсу мүмкіншілігі. Крандарда көбінесе қарапайым таспалы тежегіштер қолданылады.

Таспалы тежегіштердің кемшіліктері: таспалы тежегіш тежеу білігін иетін үлкен күшті тудырады; қысым мен тозу қамту доғасы бойынша бірқалыпсыз таралады; тежеу моменті тежеу елгезерінің айналу бағытына байланысты.

2. Тоқтатқыш дегеніміз, жүктің көтерілуіне кедергі болмайтын, бірақ жүктің ауырлық күшінің әсерінен артқа айналуын болдырмайтын механизм.

Тоќтатќышты тез айналатын білікке орналастырады, өйткені бұл білікте айналу моменті кіші.

ЖКМ-да шаппалы (храповый) және шығыршықты тоқтатқыштар пайдаланылады.

Қосылыстардың шеңберлік күші

,

Ілініс модулі:



,

Шаппалы тоқтатқыштарда ілгек пен дөңгелек тістері бір – бірімен соғылысып, лезде тоқтайды. Динамикалық күштерді азайту үшін кейде бір шаппалы дөңгелекке бірнеше ілгек орнатады. Бірақ бұл ќосылыстарда бірнеше ілгек бір уақытта ілініске кірмеуі керек. Сонда тоқтағанѓа дейін дөңгелек кері бағытта үлкен жылдамдықты алып үлгермейді және соғылыс қатты болмайды.

2. Шығыршықты тоқтаткыштар үйкелісті өздігінен тежелетін механизмдерге жатады. Олардың әрекеті үйкеліс күштерін қолдану негізі салынған және олар бос жүрістің кіші бұрышында күштің соққысыз тіркелуін қамтамасыз ететін ең жетілген механизмдар болып табылады. Шығыршықты тоқтаткыштар корпустан, төлкеден және сыналы ойықтарға салынған шығыршықтардан тұрады. Төлке сағат тілдеріне қарсы айналған кезде шығыршықтар үйкеліс күшінің әсерінен сыналы ойықтың үлкен жағына итеріледі. Ал бұл төлкенің, сонымен қатар, механизм білігінің корпусқа қатысты еркін айналуын қамтамасыз етеді. Айналу бағыты өзгерген кезде шығыршықтар сыналы ойықтың кіші жағына итеріледі. Ал бұл шығыршықтардың қысылуына және төлкенің тоқтауына әкеледі. Шығыршықтардың тез қысылуы үшін тоқтаткыш құрылымына шығыршықтарды ойыс бұрышына итеретін серіппелер мен штифттер қосылған.

Қажетті әдебиет:

Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447

Александров М.П. и др. Подъемно-транспортные машины М., “Высшая школа”, 1985г.

Жайлаубаев Д.Т., Мансуров С.М. «Тиеп-түсіру, тасымалдау және қойма жұмыстарын механикаландыру» Семипалатинск.; СГУ, 2006 г. 350 с.

Дәріс 12. Жүк көтергiш машпналардың көтеру механизмдерi. Жүктi көтеру және түсiру кезiндегi динамикалық процесстер.

Дәріс жоспары:

1. Жүк көтеру механизмдерi

2. Жетегін жинақтау.

1. Кәдімгі жүк көтері механизмі электрқозғалтқышпен муфта арқылы қосылған тісті цилиндрлі немесе буынтықты төмендеткіштен және тежеу құрылғысынан тұрады. Төмендеткіштің баяу айналатын білігі барабанмен байқанысқан. Барабанда жүкті қармау құрылысымен байланысқан икемді жүкті элемент бекітіледі. Механизмдердің біліктерін тісті муфта немесе серпімді төлкелі саусақты муфта арқылы қосқан дұрыс.

Мемтаутехбақылау талаптары бойынша тежегіш елгезері ретінде тек қана төмендеткіш білігіндегі жартылай муфтаны пайдалануға болады. Бұл жағдайда жартылай муфтаның серпімді элементтері тежеу кезінде жүктелмейді, сондықтан жұмыс істеу ұзақтылығы артады.

Механизмдегі барабан мен төмендегіштің қосылу схемасы механизм жұмысына үлкен әсерін тигізеді. Келесi бірнеше схемаларды қарастырайық. Барабан жеке тірекке бекітілген. Барабан білігі төмендеткіш білігімен муфта арқылы қосылады. Барабан мен төмендегіш бөлек жинақталатындықтан, олардың қосылуында ауытқулар болуы мүмкін. Бұл ауытқуларды муфта жоюы қажет.

Ауқым өлшемдерді азайту үшін екі және үш тіректі біліктерді пайдаланады.

Үш тіректі білік орналастырудағы ауытқуларға өте сезімді. Бұл екі жағдайда да барабан мен төмендеткішті бірге жинау қажет.

2. Жүкті көтеру кезінде (қозғалыс қалыптасқан) қозғалтқыш білігіндегі момент:



Жүк түскен кезде қозғалтқыш білігінде жүктің салмағының әсерінен пайда болатын момент



Көтеру кезінде қозғалтқыш қуаты



Түсіру кезінде орташа қосылу моменті



Мпуск = Мст + Мин.1 + Мин.2

Тежелу кезінде тежегіштегі момент



Мт =  Мт.ст + Мт.ин.1 + Мт.ин.2

Қажетті әдебиет:

Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447

Александров М.П. и др. Подъемно-транспортные машины М., “Высшая школа”, 1985г.

Жайлаубаев Д.Т., Мансуров С.М. «Тиеп-түсіру, тасымалдау және қойма жұмыстарын механикаландыру» Семипалатинск.; СГУ, 2006 г. 350 с.

Дәріс 13. Жүк көтергiш машиналардың қозғалыс механизмi. Таңдау және қосылу мен тежелу кезiндегi динамикалық күштердi есептеу.

Дәріс жоспары:

1. Жүк көтергiш машиналардың қозғалыс механизмi

2. Таңдау және қосылу мен тежелу кезiндегi динамикалық күштердi есептеу.

1. Бұл механизм жүкті көлденең жазықтықта қозғалту үшін қолданылады.

Механизмнің екі түрлі схемасы бар:

а) тікелей арбашада орналасқан жетекті жүріс дөңгелектері бар механизмдер.

ә) арбашамен арқан немесе шынжыр арқылы қосылатын механизмдер.

Крандар және кран арбашалары жүріс дөңгелектеріне тіреледі. Жетекпен қосылған дөңгелектер жетекті деп, ал қалғандары жүрісті деп аталады.

Жүріс дөңгелектері рельстен шығып кетпес үшін ребордалармен жабдықталады. Егер дөңгелектер ребордасыз болса, онда басқада арнаулы құрылғылар қолданылады. Дөңгелектер қозғалған кезде ребордалар рельске тиіп, тез тозады, сондықтан үйкелісті азайту үшін оларды жиі майлап отыру керек.

Мұнаралы крандардың дөңгелектері міндетті түрде екі ребордалы болуы қажет. Рельсті жол дұрыс салынбаған жағдайда кран қозғалысының дұрыстығын қамтамасыз ету үшін екі ребордалы дөңгелектердің құрсау ені рельс қақпақшасының енінен ұзын болуы керек: цилиндрлі құрсауы бар крандық дөңгелектер үшін – 30 мм-ге; конусты құрсауы бар дөңгелектер үшін – 40 мм-ге; крандық арбашалардың дөңгелектері үшін – 15...20 мм-ге.

2. Қозғалыс кедергісінің жалпы моменті



М1=(Gжүк+G)m+f(Gжүк+G)

Жүріс дөңгелегіне түсетін ең үлкен тік күші:



V=Gж+G+Gарб,

Шығыршықтарға түсетін ең үлкен көлденең күш:



Н=[( Gж+Ga)L+Ga ]/һ,

Қосылу кезіндегі момент



Мn=Mс+Mин=Mc+Mин.1+Mин.2

Тежелу кезінде қосылу кезіндегі болатын құбылыстар қайталанады. Крандардың қозғалу механизмдерінде нормальді тұйықталған немесе құрама типті тежегіштер орнатылады.

Кранның жүксіз тежелу кезінде тежелу моменті:

МТ+MК =Mин1 +Mин.2+Mжел +Mкөл

Қажетті әдебиет:

Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447

Александров М.П. и др. Подъемно-транспортные машины М., “Высшая школа”, 1985г.

Жайлаубаев Д.Т., Мансуров С.М. «Тиеп-түсіру, тасымалдау және қойма жұмыстарын механикаландыру» Семипалатинск.; СГУ, 2006 г. 350 с.
Дәріс 14. Жылжымалы крандардың орнықтылығы.

Дәріс жоспары:



  1. Жылжымалы крандардың орнықтылығы

2. Есептеу және таңдау.

Барлық қозғалатын және айналатын крандар төңкерілуге қарсы қажетті орнықтылықпен қамтамасыз етілуі керек.

Орнықтылық қорының коэффициенті және оны анықтау әдістемесі Мемтаутехбақылау ережелерімен, ал мұнаралы крандар үшін МЕСТ 13994-81 бойынша белгіленген.

Крандардың тепе – теңдік шарттары кранның аударылу өсіне қарасты әсер етуші ұстап тұру және аударылу моменттердің мағаналарының ара-қатынасымен анықталады.

Кранды орнықтылыққа тексеру жүкпен жұмыс қалпында (жүктік орнықтылық) және жүксіз бос қалпында (өзіндік орнықтылық) жүргізіледі.

Кран орнықтылығы келесі өлшемдермен сипатталады:

1) жүктік орнықтылық коэффициенті – барлық қосымша күштерді (жел күші, жүкті көтеру, кранды бұру, жылжыту механизмдерін қосқанда немесе тоқтатқанда пайда болатын инерциялық күштер) есепке алғандағы кранның барлық бөлімдерінің ауырлық күші тудыратын моменттің жүктің ауырлық күші тудыратын моментке қатынасы.

2) өзіндік орнықтылық коэффициенті – төңкерілу жағына қарай көлбеулікті есепке алғандағы кранның барлық бөлімдерінің ауырлық күші тудыратын моменттің машинаның жұмыс істемеген кезіндегі жел күші тудыратын моментке қатынасы.

Мемтаутехбақылау шарттары бойынша жүктік және өзіндік орнықтылық коэффициенті 1,15-тен кем болмауы керек.

Жүктік орнықтылықты жүк қолтықтың максималды жағдайында болғанда тексереді. Мұнда көлбеулік және жел күші кранды аударарлықтай қылып қабылдайды. Жұмыс ауданының көлбеу бұрышын анықтау үшін және кранның орналасуының дәлдігін тексеру үшін жебелі және өздігінен қозғалатын крандарға қисаюды есептегіштер орнатады.

Жүктік орнықтылық коэффиценті:



,

мұнда жүк салмағы тудыратын момент;



– қарсы салмақ пен кран бөлімдерінің ауырлық күші тудыратын момент;

Өзіндік орнықтылықты жүк түсірілген кезде, жебе қолтығы минималды болғанда және жел күші аударылатын жаққа әсер еткен кезде тексереді.

Өзіндік орнықтылық коэффициенті




мұнда – қарсы салмақ пен кран элементтерінің массасы тудыратын момент.

– жұмыссыз жағдайда жел күші тудыратын момент.

Жебе қолтығы машиналы жетегі бар лебедка арқылы өзгеретін крандар үшін өзіндік орнықтылық коэффициентін жебе астыңғы жұмыс қалпында болған жағдайда анықтайды.

Пайдалану шарттары бойынша жебені көлденең қалпына жүксіз түсіру керек болатын крандарда олардың орнықтылығын осы жағдайда тексеру қажет.
Дәріс 15. Тиеп-түсiру жұмыстардың орындайтын манипуляторлар мен роботтар. Жiктелуi. Жұмыс iстеу принципi. Құрылымдары..

Дәріс жоспары:



  1. Манипуляторлар мен роботтар

2. Жұмыс iстеу принципi. Құрылымдары.

1. Манипуляторлар мен роботтар. Жiктелуi. Жұмыс iстеу принципi. Құрылымдары.

Өндіріс дамыған сайын және оның өнімділігі артқан сайын жұмысшылардың еңбегі бір операциялық, қызықтырмайтын болып кетті. Жұмысшылар өнім шығарудың орнына конвейердің бір механизмінің жұмысын атқаруға көшірілді. Ал мұндай еңбектің төлем ақысы да азая бастайды, сондықтан өндіріс иелеріне жұмысшыларды роботтармен ауыстыру анағұрлым тиімді бола бастады. Роботтар жұмысшылар сияқылды еңбек ақысын, тұрмыс жағдайын жақсарту деген талаптарды қоймайтынын еске алсақ, роботтарды өндірісте кеңінен пайдаланудың қажеттігі түсінікті болады.

Соңғы кезде экологиялық жағдайда адам күшін пайдалануға келмейтін өндірістер көбейіп келеді: мысалы, радиоактивті элементтерді пайдаланылатын өндірістер, тері илейтің цехтар, химиялық өнімдер шығаратын зауоттар және т.б.

Роботтарды қолдануда робот жұмыс істейтін ортаны ұйымдастыру деңгейіне үлкен талаптар қойылады. Өнеркәсіптік роботтарды еңгізу бағасы оның өзіндік құнына тең (мөлшермен 100 мың доллар) тең.

Өндірістік роботтың жұмыс органы – оның қолы – манипулятор.



Манипулятор (фр. Manіpuler -қол) дегеніміз, оператордың қолының функциясын және қозғалысын қайталауға арналған жұмыс органы бар қашықтықтан басқарылатын және бағдарламалық құрылымы бар механизм.

Манипуляторлардың құрылымын жеңілдету үшін және пайдалануға оңай болу үшін келесі талаптар орындалуы керек:

а) манипулятор жүксіз де, жүкпен де бірқалыпты күйде болуы керек.

ә) жұмыс ауданында жүкті тасымалдағанда жетекке түсетін күш бірқалыпты болуы керек.

б) манипуляторлар құрылымы жүктің түзу траекторияда жылжуын қамтамасыз етуі керек.

Қажетті әдебиет:

Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447

Александров М.П. и др. Подъемно-транспортные машины М., “Высшая школа”, 1985г.

Жайлаубаев Д.Т., Мансуров С.М. «Тиеп-түсіру, тасымалдау және қойма жұмыстарын механикаландыру» Семипалатинск.; СГУ, 2006 г. 350 с.
3. Практикалық сабақтардың атауы және олардың қысқаша мазмұны.

Әдістемелік ұсыныстар.

Әр машықтану сабақтың дайындалуын тақырыптың негізгі ережелерінің қайталауынан бастау қажет және бақылау сұрақтарына жауап беру керек.

Оқулықпен жұмыс істеу кезінде қарастырыл отырған тақырып бойынша есептерді шешу қажет. Есептерді өз бетімен шешу керек, себебі осы кезде алған теориялық білімдері жақсы меңгеріледі және бекітіледі.

Барлық талап етілген есептерді өз бетімен шығару, одан кейін оқулықтарда және оқу әдістемелік нұсқауларында шығарылып көрсетілген есептерге талдау жасау өте пайдалы

Типтік есептерді біз аудиториялық практикалық сабақтарда шешеміз. Үй тапсырмаларын орындау кезінде туындаған сұрақтарға студенттердің оқытушы қол астындағы өздік жұмысы (ОСӨЖ) кезінде жауап бере аламын.

Қаратырылатын материалдарды толық меңгеру үшін әр тақырып бойынша қысқаша конспек жасау керек, оған негізгі анықтамаларды, барлық формулаларды және олардың ішіндегі шамалардың физикалық мәнін талдау жасай отырып жазу керек.

Әр тақырыптар бойынша есептердің шешімдерін және барлық жазбаларды практикалық сабақтарға арналған жеке дәптерге жазу керек.

Өздеріңіздің өз бетімен дайындалған материалдарыңыз одан әрі емтихан алдындағы пәнді қайталау кезінде үлкен көмекші құрал болып табылады, сонымен қатар іс жүзінде анықтама ретінде пайдаланылуы мүмкін.


Тақырып 1. Таспалы конвейердi есептеу.

Қажетті әдебиет:

Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447
Тақырып 2. Төсемдi конвейердi есептеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.

Александров М.П. Грузоподъемные машины. М.; “Машиностроение” 1986


Тақырып 3. Аспалы конвейердi есептеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.

Расчеты крановых механизмов и их деталей. ВНИИПТМАШ.изданиие 3-е, переработанное дополненное. М. «Машиностроение», 1971, 496 стр.


Тақырып 4. Элеваторлар мен көтергiштердi есептеу.

Қажетті әдебиет:

Александров М.П. Грузоподъемные машины. М.; “Машиностроение” 1986

Иванченко Ф.К. и др. Примеры расчета подъемно-транспортных машин Киев “Вища школа” 1975 г.

Руденко Н.Ф.ю и др. Курсовое проектирование грузоподъемных машин М.”Машиностроение “, 1971 г.

Расчеты крановых механизмов и их деталей. ВНИИПТМАШ.изданиие 3-е, переработанное дополненное. М. «Машиностроение», 1971, 496 стр.


Тақырып 5. Қолмен iстейтiн лебедканың жұмыс iстеу принципiн зерттеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.
Тақырып 6. Қолмен жұмыс істейтін тальтердiң құрылымы мен жұмыс iстеу принципiн зерттеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.

Тақырып 7. В 103 М типтi злектртальдiң құрылымы мен жұмыс iстеу принципiн зерттеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.
Тақырып 8. ТКТ-200 типтi қалыпты тежегiштiң құрылымы мен жұмыс iстеу принципiн зерттеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.

Расчеты крановых механизмов и их деталей. ВНИИПТМАШ.изданиие 3-е, переработанное дополненное. М. «Машиностроение», 1971, 496 стр.


Тақырып 9. Жүк көтеру механизмiн есептеу.

Қажетті әдебиет:

Руденко Н.Ф.ю и др. Курсовое проектирование грузоподъемных машин М.”Машиностроение “, 1971 г.
Тақырып 10. Жетекшi дөңгелектерi бар қозғалыс механизмiн есептеу.

Қажетті әдебиет:

Иванченко Ф.К. и др. Примеры расчета подъемно-транспортных машин Киев “Вища школа” 1975 г.

Руденко Н.Ф.ю и др. Курсовое проектирование грузоподъемных машин М.”Машиностроение “, 1971 г.


Тақырып 11. Тарту арқаны бар қозғалыс механизмiн есептеу.

Қажетті әдебиет:

Иванченко Ф.К. и др. Примеры расчета подъемно-транспортных машин Киев “Вища школа” 1975 г.

Расчеты крановых механизмов и их деталей. ВНИИПТМАШ.изданиие 3-е, переработанное дополненное. М. «Машиностроение», 1971, 496 стр.


Тақырып 12. Қолмен iстейтiн домкраттардың жұмыс iстеу принципiн зерттеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.
Тақырып 13. ТКТ-300М типтi қалыпты тежегiштiң құрылымы мен жұмыс iстеу принципiн зерттеу.

Қажетті әдебиет:

Александров М.П. и др. Подъемно-транспортные машины М., “Высшая школа”, 1985г.

Расчеты крановых механизмов и их деталей. ВНИИПТМАШ.изданиие 3-е, переработанное дополненное. М. «Машиностроение», 1971, 496 стр.


Тақырып 13. Өнiмдiлiктi және электр тиегiштiң қажеттi санын анықтау.

Қажетті әдебиет:

Иванченко Ф.К. и др. Примеры расчета подъемно-транспортных машин Киев “Вища школа” 1975 г.

Расчеты крановых механизмов и их деталей. ВНИИПТМАШ.изданиие 3-е, переработанное дополненное. М. «Машиностроение», 1971, 496 стр.


Тақырып 14. Өнiмдiлiктi және электр тиегiштiң қажеттi санын анықтау. Маршруттың түрiн және тиеп-түсiру жұмыстарын орындаудың нормативтiк уақытын анықтау.

Өндiрiстiк роботтар мен манипулятордың конструкцияларының структуралық талдауы.

Қажетті әдебиет:



Зуев Ф.Г. Левачев Н.А.,Лотков Н.А. Механизация ПРТС работ- М., Агропромиздат,1988 г.,с.447



Достарыңызбен бөлісу:
1   2   3




©dereksiz.org 2024
әкімшілігінің қараңыз

    Басты бет