Лайпанов б. А
жүктеу/скачать 2.02 Mb.
|
- Бұл бет үшін навигация:
- АУУШДУРЛУКЪ ТЮЛМЕ ДЖАНДЕТГЕ
- ДЖАШАУНУ МАГЪАНАСЫ
- СЁЗ БЛА МЕН
- ОЛ КЮН
КЪАЙНАКЪДжанады от. Джаналла чыракъла. Кюн джарыкъдан тоймагъанла – ачыракъла, Кеслерин аталла да джарыкъгъа, Кюелле отда.
Къарангыча къоркъуулуду джарыкъ да. Джууукъда башха тюрлюдю ариулукъ да.
Алай а, джууукъда Кёб зат башха тюрлю кёрюнеди.
Джанады джюрек. Кёкден джюрекге, джюрекден да тёгерекге Джайылады джарыкъ. Джашауну джаратхан, джарытхан джарыкъны къайнагъы Узакъдады, бек узакъда, чексиз узакъда, Джууукъдады, бек джууукъда, чексиз джууукъда. Бек аз насыблы-кераматлы сезеди аны. Джанады Кюн. Джанады от. Джаналла чыракъла. Ичибизде джанады джаныбыз. Джан – неди? Джарыкъны къайнагъынданды джан. Ма аны себебли, Къайнакъдан узакъ, Къайнакъдан джууукъ Джукъ джокъду бизге. Къайнакъны келечилерибиз биз.
Хар къызда Кёлюм джаратхан бирер зат кёрдюм. Аны ючюнмю – билмейме – Къызланы барын да сюйдюм.
Кёлюм джаратхан бирер зат кёрдюм. Аны ючюнмю – билмейме – Саулай Джерни сюйдюм. Джети къат Кёкню, Джерни, джюрекни да Ариу къатын кёрюрге кюрешдим. Аны къорургъа, сакъларгъа кюрешдим. Джашауну, Адамны сакъларгъа кюрешдим. Кёкде джулдузла, Джерде къызла Кёкде, Джерде, джюрекде джашайла ала. Аладан ариу не болур дунияда, Мукъладисча тарталла кеслерине ала. Къарангыны, сууукъну да чача, Джылы джарыкъ тартады кесине. Кёкледен эннген азан тауушха тынгылай, Джандет джашау кёрюнеди кёзюме. Алай а, сайлау берилсе поэтге, Айтырым: мен бу къыйынлы, гюнахлы дунияны, Ачы, татлы, сейир дунияны Ауушдурлукъ тюлме джандетге. Аны – кесим – бурургъа кюреше джандетге, Сюе, кюе, кюреше, сермеше, Къууана, къыйнала, ёле, тириле Джашаб турурум келеди дунияда. ДЖАШАУНУ МАГЪАНАСЫДжашауну магъанасы неди? – Джашау. Джашауну ара багъанасы неди? – Джашау. Джашауну багъасы неди? – Джашау (огъесе ёлюммю?). Джашауну джагъасы, тёгереги неди? – Ёлюм.
Чексиз къарангыда бир джаннган джилтин – джашау. Ким, къачан, къалай, не ючюн джандыргъанды аны? Сиз соргъан да этигиз, джууаб да этигиз анга, Мен а – джашайма, заманым джокъду бусагъатда. Философла, сизге къошулурма артда. Къарт-къарыусуз болсам, Сёлешгенден башха затха джараусуз болсам, Къызладан къууаннганым, къызланы да къууандыргъаным къалса, Джашаугъа джашау къошар къарыуум тынса, – Ма ол заманда къошулурма сизге, Кёчерме ныгъышха, лахоргъа, сёзге. Къабырлагъа кёчерден алгъа Джашауну-ёлюмню турусун-ташасын, магъанасын, тахсасын Тинтерге, ачаргъа ёчдюле адамла...
Меннге бюгюн джашауну магъанасы – джашау. Къар букъуну чарс этиб, чарсха чабхан барс, Къанатлары харс ура, Кёкге учхан къуш, Къая эрнинде шын тургъан джугъутур – Бары да менме. Кюн тюбюнде джаугъан джангур да, Чакъгъан гюлге тийген Кюн да, Къаядан чынгагъан суу да – Менме.
Мылы гюлге джатхан кюн таякъ да, Ёзенни ёрге ашыгъыш келген тубан да, Къаядан акъ булутха чынгагъан джигит да – Менме.
Дагъыда тирилиб, къанатланнган, Джерге сыйынмай, джулдузгъа да учхан, Учхан джулдузну къуйругъундан да тутхан, Сууабны, гюнахны да унутхан, Сюймеклик, кюймеклик бла джашагъан, Аджир бёрюнюча, Ёлюмню сюрюб айланнган Джашаума мен. Джашаума мен. Джашайма мен. Джашауну магъанасы – джашауду меннге. Башха сагъышлагъа джокъду заманым. Джюрегим ашалса, джашауум тауусулса, Философла, къошулурма сизге, Ары дери уа, бёлмегиз сёзге: Мен джашайма – олду насыб, къууанч да меннге. Джашауду меннге джашауну магъанасы. СЁЗ БЛА МЕНМен – назмучума. Сёзден джаратылгъанма мен. Менден джаратылгъан да – сёздю. Эки дуниям да Сёздю мени – адамны Адам этген Керти сёз, Иги сёз, Ариу сёз, Акъ сёз.
Юйюм да, Элим да, Тейрим да, Бешигим да, кёрюм да,тирилиуюм да.
Сёзденме, Сёздеме, Сёзгеме. Сёз джюрекдеди, джюрекденди, джюрекгеди. Сёзме мен, назмучума мен. ОЛ КЮН1 Джурча джангылгъан эди джаз. Къышхы кюн кюкюрей эди Кёк. Сууукъ къаргъа джауа эди джангур. Джанкъозгъа бурулгъан эди джюрек.
Хар ким башына болгъан эди бош. Бир кюннге келген эсе да джаз, Бир кюннге болгъан эсек да бош – Ол насыбды. Айта эдим кесиме:
Бир кюннге бир ёмюрню джаша. Тутулуб тургъан тилинги ач, Эркин сёзню бошла чалдышдан. Къыш къыяма эс джыйыб, джангыдан къутургъунчу, Джаз къыйын къадарлы халкъынгы джазыуун, Айт аны къайгъысын, сагъышын, джарсыуун: Керти Сёзню айтыр ючюн, эшитдирир ючюн Берилген эсе уа бу кюн Аллахдан? Зулму бла, зорлукъ бла сынагъаныча, Бошлукъ бла, эркинлик бла да сынай эсе уа Аллах?
Ибилис джорукъ къоймады бизни Хакъ джолда барыргъа, Энди уа не къоймайды бизни Тобагъа къайытыб, тюз джашаргъа – болургъа Адам? Сорады Аллах адамгъа, халкъгъа: – Ким, не къоймайды сизни къайытыргъа Хакъгъа, Хакъ бла болургъа къоймагъан неди сизни?
– Тюнене зулму къоймай эди Хакъ джолда барыргъа, Бюгюн а Хакъ джолгъа къайытыргъа къоймагъан – къоркъууду.
Биягъы зулму ызына къайытыб, Башыбызны кесед деб къоркъабыз, Къыйынлыкъ джетдиред деб къоркъабыз. Зулму тюбюнде бюгюлген белибиз, кёлюбюз, Тюзелир ючюн керекди заман Бир ёмюрню Ибилисге къул болуб тургъанбыз, Энди бир кюннге къалай болайыкъ Адам?. – Къоркъгъанла Аллахдан тюл, Ибилисден, Къыйын кюн зулмугъа къаршчы турмай, къул болуб къалгъанла, Тынч кюн да, Ёрге турургъа, ёзден болургъа, Адам болургъа унамай тургъанла, Сиз бу дунияда итлеча джашарыкъсыз, Ол дунияда да джаханимде джанарыкъсыз. Сиз кесигиз урасыз Ибилисге баш, Кесигиз сугъасыз башыгъызны отха. Къышхы кюн аллыгъызгъа келгенинде да джаз, Тыйыншлысыча тюбемейсиз анга. Хакъ джолда унамай барыргъа, Сиз кесигиз сайлагъансыз кесигизге джол – Ибилисге-шайтаннга болгъансыз къул. Той этеди, харс урады ол: «Аллах, джаратхан адамынг Сеннге баш урмай, Меннге, Ибилисге, болгъанды къул. Дуния малгъа сатылгъанды ол.
Адамгъа баш урмагъанымы тюз этгенем мен: Джандетде да туралмады Адам, Джерде да тобагъа къайыталмады адам – адам болалмады Адам.
Джаратхан адамынг – бойсунмайды Сеннге...» – Не этериксе, хар ким кеси сайлайды джолну: Кими – джандетге, кими – джаханимге. 2 «Дуния малгъа болмаз ючюн къул, Хакъгъа табын, Хакъгъа къуллукъ эт: Иннет эт, абдез ал, намаз къыл, Къара таны, Къуран окъу, хадж къыл.
Рамазан айда ораза тут. Эсингде тут, Бюгюн токъса, тамбла болурса ач – Ханнга, бийге да джетер джазыкълыкъ». ...Къышхы кюн кюкюрейди Кёк. Аны тилин ангылайды джюрек. Къыш чилледе кёрюннгенди джаз. Бир кюн – ол да тюлдю аз: Кесинги джазыуунгу да джаз, Халкъны джазыуун да джаз. Бир кюн – ол да тюлдю аз.
жүктеу/скачать 2.02 Mb. Достарыңызбен бөлісу:
|