Маңғыстау облысының білім басқармасын басқарған басшылар туралы мәліметтер Жаукин Садык Нысанбаевич

1. 
   Жаукин Садык Нысанбаевич -1973-1980жылдар аралығында басқарма бастығы қызметін атқарған.
   
2. 
   Мендибаев Танаш Мендибаевич -1980-1990, 1961-1967 жылдар аралығында басқарма бастығы болды.
   

Облыстық оқу бөлімін басқарған жылдары Маңғыстау облысы республикалық социалистік жарыста жеңімпаз атанды. Оқу-тәрбие жұмысын ұйымдастыруда республикалық социалистік жарыстың қорытындысы бойынша 3 мәрте жеңіске жетті. Маңғыстау облысы 6 – жастан бастап оқыту жүйесіне көшуде республика бойынша «Мектеп-балабақша» әдісін іске асырған бірден-бір облыс. Осы тынымсыз еңбегінің нәтижесінде 1988 жылы «СССР-дің оқу ісінің озаты» атағы берілді.

Танаш Меңдібайұлының тікелей араласуымен 1985 жылы Ақтау педагогикалық училищесі, 1986 политехнакалық институты ашылды.

Танаш Меңдібайұлы 1980-1988 жылдары Маңғыстау облыстық советінің депутаты болды, ол «Азамат» орденінің иегеріатақтарын алған.

Маңғыстаулық өрендердің білімін ұштай түсу мақсатында өзінің функционалдық сауаттылығын кәсіби шеберлікпен шыңдаған, Бабанский, Шаталов, Лысенкова, Амонашвили, Целуйко, Айтқалиев, Бітібаева, Жұрынова, Елубаева сынды ондаған ұлағатты ұстаздар озық тәжірибелерімен бөлісіп, оқыту ісіндегі тың ойлары оқушыларды терең қазыналы білімге жетелеуге ұйытқы болды. Педагогикаға еңбегі сіңген, талай оқулықтардың авторы атанған Қуанышбаева, Оспанов, Ботабаева т.б. ғалымдардың методикасын облыс мектептерінің ұстаздары кеңінен пайдалануға ықпал етті.

1992-1993 жылдары Маңғыстау облысының мектептерінде педагогикалық технологиялардың жаңа үлгісін енгізіп, атаулы мектептер «Айтбаев мектебі» қазақ тілі мен әдебиеті пәні бойынша, «Ерешова мектебі» бастауыш сыныптар бойынша жұмыс істей бастады. Мектепалды даярлық сыныптары мен топтары ашылып, жаңа оқулықтар мен дәптерлерге сынама жұмыстары жүргізілді.

Осы жылдары облыс аумағында өз алдына дербес шаңырақ болып келген білім және кәсіптік-техникалық білім басқармалары бірігіп бір мекемені құрады. Бірте-бірте «Еңбек резервтері» спорттық қоғамы, компьютерлік орталықтар құрылып, жұмыс жасай бастады.

.

4. Тогжанов Орынбасар Абдиевич 08.04.1994-13.07.1994жылдары басқарма бастығының міндетін атқарушы қызметін атқарды. 1994-1996 жылдары басқарма бастығы болып жұмыс жасаған.

Ихсанов Бақтығали Рысқалиұлы 1940 жылы Гурьев қаласында дүниеге келді. 1962 жылы Гурьев мемлекеттік институтын бітірді. Сол уақыттан бері білім беру жүйесінде қызмет жасап келеді. Бақтығали Рысқалиұлы еңбек жолын қатардағы мұғалімдіктен бастап, мектеп директорының орынбасары, мектеп директоры, аудандық білім бөлімінің инспекторы, меңгеруші және Маңғыстау облысының білім басқармасының бастығы қызметіне дейін көтерілді.

Бақтығали Рысқалиұлының бастамасымен және тікелей басшылық етуімен облыс көлемінде стандартты емес мектеп түрлері құрылды. №4 мектеп-гимназиясы, №13 гимназиясы, «Дарын» мектебі, экономикалық лицей және Бейнеу кентіндегі алғашқы гимназия.

Бақтығали Рысқалиұлы облыстық мәслихаттың I және II шақыруларына депутат болып сайланды. Бұл - оның халық арасында үлкен беделге ие екенінің куәсі.Бақтығали Рысқалиұлы - мемлекет және қоғам қайраткері, Бақтығали Рысқалиұлының басшылығымен Ақтау қаласының құрметті азаматы Н.Ә.Марабаевтың өмірі мен қызметіне арналған мұражай жасақталды. Бақтығали Рысқалиұлы – «Қазақстан Республикасы білім беру ісінің үздігі», «Тәуелсіздікке - 10 жыл» медалінің иегері. «Нұр-Отан» партиясының мүшесі.

6. Сагимбаева Жанияш Наурызбаевна -10.03.1999-02.02.2006 жылдары аралығында басқарған.

Сагимбаева Жанияш Наурызбаевна 11.05.1964 жылы Туркменстан Республикасы Красноводск ауданында дүниеге келген. 1987 жылы Алматы шетел тілдер институтын ағылшын, француз тілдері мамандығы бойынша бітіреді. Маңғыстау облысының білім басқармасында 1999 жылдан 2006 жылға дейін қызмет істейді.

7. Қасымбеков Ермек Қасымбекович – 06.02.2006- 06.10.2007жылдыры, сонымен қатар 03.12.2010-12.07.2011жылдар аралығында басқарған.

Алматы қаласында Фрунзе аудандық, Алматы қалалық партия комитеттерінде, Қазақстан Республикасының Білім және ғылым министрлігінде, Алматы және Батыс Қазақстан білім басқармаларында, Қазақстан Республикасы Премьер-Министрінің Кеңсесінде, Қазақстан-Ресей университетінде басшылық қызметтерін атқарды.

Бүкіл саналы ғұмырын білім саласына арнап, республиканың білім жүйесінің дамуы мен өркендеуіне ауқымды үлес қосты. Басшылық қызметтегі міндеттерін тиімді орындауының, шығармашылық бастамашылық және жаңашылдық танытудың нәтижесінде облыстың білім беру саласы көптеген оң өзгерістерге қол жеткізді.

Маңғыстау облысында облыстық дарынды балаларға арналған Қазақ-түрік лицейі, облыстық «Дарын» қосымша білім орталығы, облыстық білім беруді ақпараттандыру оқу-әдістемелік орталығы, 6 жалпы орта білім беретін мектеп, 2 кәсіптік –техникалық білім беру ұйымы, 2 психологиялық-педагогикалық түзеу кабинеті ашылды.

Ермек Қасымбекович басшылық еткен жылдары республикалық пәндік олимпиаданы Маңғыстау өлкесінде өткізу туралы айтылған өзекті ойы кейін қолдауын тауып, оқушылардың пәндік олимпиадасы өтті. Педагогтарды ақпараттық-әдістемелік тұрғыдан қамтамасыз ету мақсатында «Маңғыстау мұғалімі» газеті шығарыла бастады. Сонымен қатар «Облыстық ұстаздар үйінің» ашылуы облыстық педагог кадрлар біліктілігін арттыру институтының қызметін тиімді ұйымдастыруға зор ықпал етті.

Ш. Есенов атындағы Каспий мемлекеттік технологиялар және инжинеринг университетімен де тығыз байланыста жұмыс жүргізіліп, туған өлкені танып-білуге арналған «Маңғыстау облысының тарихы», «Маңғыстау облысының географиясы», «Маңғыстау облысының жануарлар әлемі» және «Маңғыстау облысының өсімдіктер әлемі» атты оқу құралдары дайындалып, баспадан шығарылды.

Жұмашев Каныбек Бекболатович 1970 жылы 10 қазанда Маңғыстау облысының Жетібай кентінде дүниеге келген. 1992 жылы Аль-Фараби атындағы Қазақ мемлекеттік ұлттық университетін химия мамандығы бойынша бітірген.

2000 жылдан бастап дарынды балаларға арналған мектеп-интернаттың директоры болып тағайындалды.

2004 жылдан 2005 жылға дейін Маңғыстау облысы білім басқармасының бастығы болып, 2006 облыс әкімінің кеңесшісі болып істеді. 2006-2007 жылдары білім басқармасы бастығының орынбасары, 2007 жылдан облыстық білім басқармасының бастығы қызметін атқарды.

Қаныбек Бекболатовичтың басшылығымен «Жасөспірім – 2006» бағдарламасы дайындалып, облыс мәслихатында қолдау тапты.

2006-2007 оқу жылында Қазақ-Түрік лицейі, Маңғыстау ауданы Шетпе селосында мектеп-лицейі, Ақтау қаласының 22 шағынауданында 960 орындық, Бейнеу ауданында 320 орындық орта мектептер ашылды. 2006-2007 оқу жылынан бастап 2 жаңа орта мектептер, 4 мектепке дейінгі мекемелер жұмыс жасай бастады. «Дарын» облыстық қосымша білім орталығының жанынан оқыту-сауықтыру орталығы ұйымдастырылды.

Қаныбек Бекболатовичтың басшылығымен 2007 жылдан Маңғыстау облысының білім беруді ақпараттандыру оқу-әдістемелік орталығы жұмыс істеді.

мерзімге дейін

Жұмашева Динара Нагимуллиевна Батыс Қазақтан гуманитарлық университетін тарих пәнінің мұғалімі мамандығы бойынша бітірген.( 1993-1997жж)

Орал қаласының №27 орта мектепте тарих пәнінің мұғалімі (1997-1998), Маңғыстау облысының білім департаментінде бас маман (2002-2006жж), Маңғыстау облысының тілдерді дамыту жөніндегі басқармасы-бөлім бастығы, басқарма бастығының орынбасары (2006-2009жж), Маңғыстау облысының білім басқармасында Тәрбие жұмыстары бөлімінің бастығы (2009-2010жж), Ақтау қалалық білім бөлімінің бастығы (2010-2011жж), 2011 жылдың шілдесінен бастап Маңғыстау облысының білім басқармасының басшысы қызметін атқарып келеді.

Қызмет ету кезеңінде облыстағы білім беру жүйесінде біршама жақсы үрдістер басталып, оқушылардың сапалы білім мен тәрбие алуларына оң әсер ететін елеулі шаралар атқарылды. Білім мен тәрбие сапасын арттыру мақсатында жалпы білім беретін мектептер саны 137-ге дейін өсті.

2011 жылы облыстық оқу-әдістемелік орталығы ашылды, 2011 жылы Түрлі пәндерді тереңдетіп оқытатын дарынды балаларға арналған облыстық мектеп - интернат 200 орындық жатақханасы бар 600 орындық жаңа ғимаратқа көшірілді.