Мүәллиф: Руһуллаһ Мусәви Хумејни Нәшр едән: чап нөвбәсчи: Биринҹи Чап тарихи: 2008 Тираж: 3000

Мүгәддимә

НАМАЗЫН ИЛКИН ВАХТЫНА ӘҺӘМИЈЈӘТ

Тез ҝет намазыны гыл

Бујурду: Тез ҝет намазны гыл ки, савабы азалмасын. Намазы вахтын әввәлиндә гылмағын чохлу савабы вар.

Мүһәммәд Тәги Ишраги.

Ушаглар једди јашындан намаз гылсынлар

Имам Хомејнинин һәјат јолдашы.

Вәссәламу әләјкум вә рәһмәтуллаһ

Шаһ гачан ҝүн дүнја информасија нүмајәндәләриндән бир дәстәсинин Нофәл Лоштуда һәзрәти имамла мүсаһибә програмлары вар иди. Тәгрибән 150 телевизија каналы дүнјанын һәр тәрәфиндә бу програмы ҹанлы һалда јајымлајырдылар. Чүнки, тарихдә бөјүк дәјишиклик јарадан бир ингилаб олмушду. Һамы имамын нәзәр вә фикрин билмәк истәјирди. О һәзрәт нечә дәгигә сөһбәт етди. Сонра мәндән ҝүнортанын олмасыны сорушду. Елә индиҹә ҝүнортанын олдуғуну дедим. Имам бујурду: Вәссәламу әләјкум вә рәһмәтуллаһ. О һәмән ан белә бир әһәмијјәтли мөвзуну, намазы вахтын әввәлиндә гылмаға хатир бурахды. Бир шәраитдә ки, хариҹи журналистләр өз милјонларла тамашачылары үчүн бу хәбәр вә мүсаһибәни јајымлајырдылар. Имам вахтын әввәлиндә намаз гылмағы мүсаһибәни давам етдирмәкдән үстүн тутду.

Имамын јадиҝары әсәрләринин күллијатындан сечмәләр:2-ҹи ҹилд;686-ҹы с

Әввәл намаз гылын

Имам һәмишә бујурурду: Намаз барәсиндә сәһләнкарлыг етмәјин. Сизин дедијиниз елә бу сөз: әввәл бу иши ҝөрүм, сонра намаз гыларам; хилафдыр. Бу сөзү демәјин. Намазынызы вахтын әввәлиндә гылмаға әһәмијјәт верин. Аға намазы чох сифариш едәрди.

Имам Хомејнинин давранышындан сечмәләр. 3-ҹү ҹ.70-ҹи с

Намазы бу мәсҹидин имам ҹамааты илә гылаг

Нәҹәфдән Күвејт сәрһәдләринә тәрәф һәрәкәт етдик. Бәсрәдә сүннү гардашларына бағлы олан бир мәсҹидә дахил олдуг. Имам дәстәмаз алдыгдан сонра бујурду: Әҝәр бурада галмалы олсаг, ҝәрәк намазы буранын имам ҹамааты илә гылаг вә һамылыгла буранын имам ҹамаатына игтида едәк. Амма намаз вахты олмадығы үчүн Күвејт сәрһәдләринә тәрәф ҝетдик.

Һөҹҹәтүл ислам вәл мүслимин Мүһәммәд Сәҹҹади

Имамын мәнәви һаллары

Имамын вәфатындан габагкы илин Рамазан ајы јахшы јадымдадыр. Бә’зи вахтлар һәр нә үчүн јанына ҝетсәјдим вә онунла намаз гылмаға сәадәт тапсајдым: отағына дахил оларкән онун һалыны тамамилә дәјишмиш ҝөрүрдүм. О,елә ҝөз јашы төкүрдү ки,ҹиб дәсмалы ону гурутмаға бәс етмәдији үчүн, әл-үз дәсмалындан истифадә едирди. Имамын ҝеҹәләр бу һаллары вар иди вә бу һәгигәтән онун Аллаһа бағладығы ешгдән иди.

Фатимә Тәбәтәбаи

Ҝеҹә намазы һеч вахт тәрк олмурду

Елә бир ҝеҹә олмады ки,онунла олам вә гысаҹа бир јуху аландан сонра онун ојанмасыны вә Аллаһ дәрҝаһына истиғасә вә дуасыны ешитмәјәм. Аллаһ шаһиддир ки, бир ҝеҹә дә олмады ки онун ҝеҹә намазы тәрк ола.

Зәһра Мустәфәви

Әли Әкбәрин(ә) ады

Мәрһум һаҹы аға Мустафанын (имамын оғлу) шәһадәтиндән сонра Нәҹәфә ҝетдим. Достларым дедиләр ки, јахшы вахтында ҝәлмисән. Тез имамы ҝөр. Биз һәр нә гәдәр етдиксә, һаҹы аға Мустафанын мүсибәтиндә ағласын, өһдәсиндән ҝәлә билмәдик. Бәлкә сән бир иш ҝөрәсән. Мән, имамын хидмәтинә ҝетдим вә әрз етдим ки, мүсибәт зикр етмәјә иҹазә верирсинизми? Имам иҹазә верди. Имамын һалыны дәјишдириб, оғлунун әзасында ағламағы үчүн, нә гәдәр һаҹы аға Мустафанын адыны һәзин сәслә чәкдимсә дә онун һалы дәјишмәди. Һәмән ҹүр арам вә сакит иди. Амма елә ки, Әли Әкбәрин (ә) адыны чәкдим, һәнҝамә гопду. Имам елә ағлајырды ки, вәсф етмәли дејил.

Мәрһум һөҹҹәтүл ислам Көсәри

Мәфатеһин бүтүн дуаларыны охујубдур

Имамын әхлаг дәрсләриндә диггәт етдији вә тәкид етдији мәсәләләрдән бири тәләбәләрин дуа вә зијарәтләри охумалары иди. Имам өзү дә Аллаһла мүнаҹат етмәји чох севирди вә демәк олар ки, буна ашиг иди. Бәлкә демәк олар ки, Мәфатеһин бүтүн дуаларыны охумушду.

Имам Хомејнинин давранышларындан сечмәләр: 3-ҹү ҹ.106-ҹы с.

ИМАМЫН КӘРАМӘТЛӘРИ

Арам ол

Јашым чох дејилди. Ағыр хәстәлијә тутулмушдум. Һәзрәти имам сүрҝүндән сонра мүгәддәс Гум шәһәринә гајытмышды. Анам вә бәзи гоһумларымызла имамын хидмәтиндә идик. Мән ушаг олдуғум үчүн әзијјәт едирдим. Имамын јанына ҝетдим. О, әлини мәним үзүмә чәкиб, бујурду: - Арам ол! Әрз етдим: Аға һалым јахшы дејил, дуа един. Һәзрәти имам тәзәдән әлини башыма чәкди. Сәһәрки ҝүн сүбһ јухудан ајылдым, сағламлыг һисс етдим вә о хәстәликдән мәндә һеч бир әсәр-әламәт галмамышды.

Сејјид Мөһсүн Зәһраји

ИМАМ ВӘ ҸАМААТ

Халга ешг

Имам, Аллаһа вә өвлијалара ешг вә мәһәббәтдән сонра ән чох халга ешг вә мәһәббәти вар иди вә һәмишә бујурурду: Бизим дүшмәнләримиз ики шеји танымајыблар: бири ислам вә о бириси бизим ҹамаатымыз.

Ајәтуллаһ Һашими Рәфсәнҹани

Бу ҹамаатын хидмәтиндә олун

Имамла ҝөрүшүмдә гошунларын дөјүшдә, дахили ҹәбһәдә вә өлкәнин һәр тәрәфиндә әксингилабчылара гаршы фәалијјәтиндән имамын хидмәтинә әрз етдим. Имам бујурду: - Орду халг арасында бир мәһбубијјәт тапыб. Бу севҝини һәр ҝүн артырмаг лазымдыр. Сиз һәмишә халгын хидмәтиндә олун вә чалышын ки, халг һәмишә сизинлә олсун.

Гошун башчысы: мөһсүн Ризаји

жүктеу/скачать 0.52 Mb.

Достарыңызбен бөлісу: