Мемлекеттік орман иеленушінің ормандағы өрт сөндіру станциясы туралы ережені бекіту туралы

20____ жылғы _______________

_________________________________________ бойынша

(мемлекеттік орман иеленушінің атауы)

2. Ауа райы жағдайлары бойынша ормандардағы өрт қаупінің үшінші сыныбы күндері ОӨС өртке қарсы қызметінің қызметкерлері орман өрттерін сөндірумен айналысып жатпаса, олар орман өртіне дереу аттанып кетуге толық әзірлік жағдайында кезекшілік атқару орындарында болады. Өрт сөндіру техникасы мен жабдықтар пайдалануға толық әзірлік жағдайында тұрады.

3. Ауа райы жағдайлары бойынша ормандардағы өрт қаупінің төртінші және бесінші сыныптары күндері ОӨС өртке қарсы қызметі қызметкерлері өздеріне белгіленген жиналу орындарында болады.

4. Авиациялық орман күзеті қызмет көрсететін мемлекеттік орман қорының аумағында ОӨС өртке қарсы қызметінің жұмысы тиісті авиабөлімшелердің жұмысымен байланыстырылады.

5. Өрт тұрғысынан алғанда қауіпсіз ұзақ мерзімді кезеңдерде ОӨС өртке қарсы қызметінің қызметкерлері мемлекеттік орман иеленуші басшысының тапсырмасы бойынша ОӨС қызмет көрсететін орман қоры аумағында өртке қарсы алдын алу іс-шараларын орындауға жұмылдырылады.

6. ОӨС бастығының негізгі міндеттері:

өрт қаупі бар маусым басталар алдында және оның өн бойында еңбекті қорғау және қауіпсіздік техникасы бойынша жүйелі нұсқаулықтар, сондай-ақ ОӨС өртке қарсы қызметі қызметкерлерінің орман өрттерін сөндіру бойынша жаттығуларын ұйымдастыру және өткізу;

ОӨС өртке қарсы қызметінің қызметкерлеріне өрт сөндіру техникасы мен жабдықтарын, байланыс құралдарын бөліп беру;

ауа райы жағдайлары бойынша ормандағы өрт қаупі сыныбын анықтау;

өрт бақылау мұнарасынан (бекетінен), авиациямен қарауылдау тікұшағынан (ұшағынан), ОӨС қызмет көрсететін аумақта өрт шыққаны туралы басқа да ақпарат көздерінен хабар алған кезде ОӨС өртке қарсы қызметі қызметкерлерінің орман өрті болып жатқан жерге аттануын қамтамасыз ету;

орман өртін сөндіру кезінде ОӨС өртке қарсы қызметінің қызметкерлеріне басшылық жасау;

ОӨС өрт сөндіру техникасы мен жабдықтарын жөндеуді ұйымдастыру;

өрт сөндірудің от өшіретін химиялық құралдарын сақтауды және тиімді қолдануды қамтамасыз ету болып табылады.

7. Өрт сөндіру машинасын жүргізушінің және тракторшы-машинистің негізгі міндеттері:

өрт сөндіру техникасы мен жабдықтарын орман өрттерін сөндіру жұмыстарында пайдалану;

бекітіп берілген техникамен өрт болып жатқан жерге аттану және орман өртін сөндіру жөніндегі жұмыстар басшысының нұсқауларын орындау болып табылады.

8. Радиооператордың негізгі міндеттері:

орман өрттері шыққан кезде хабардар ету схемасы бойынша телефон және радио байланысын ұйымдастыру;

радиостанцияларға техникалық-пайдалану қызметін көрсету болып табылады.

9. Өрт сөндіру машиналарын, жабдықтар мен аппаратура жөндеу жөніндегі слесарьдің негізгі міндеттері:

техниканы, жабдықтар мен аппаратураны жөндеу, олардың орман өрті болып жатқан жерге аттанып кетуге ұдайы әзір жағдайда болуын қамтамасыз ету;

өрт болып жатқан жерге аттану және орман өртін сөндіру жөніндегі жұмыстар басшысының нұсқауларын орындау болып табылады.

10. ОӨС орман өртін сөндірушінің негізгі міндеттері:

өрт болып жатқан жерге аттану және орман өртін сөндіру жөніндегі жұмыстар басшысының нұсқауларын орындау;

өрт сөндіру техникасын, жабдықтарды, өрт сөндіру құрал-саймандарын, сондай-ақ өрт сөндірудің химиялық құралдарын пайдаланып, орман өрттерін сөндіруді жүзеге асыру;

өзіне бекітіп берілген өрт сөндіру жабдықтарын, аппаратураны, аспаптар мен саймандарды ақаусыз күйде күтіп ұстау;

өрт сөндірудің от өшіретін химиялық құралдарының ерітінділерін әзірлеу жұмыстарын жүргізу болып табылады.

11. Өрт бақылау мұнарасы (бекеті) бақылаушысының негізгі міндеттері:

орман шымылдығы астында орман өртінің шығу белгілерінің пайда болуын қадағалау;

азимуттық шеңберлерді пайдаланып тіркеу әдісімен орман өрті болып жатқан жерді анықтау;

байқалған орман өрттері туралы ақпаратты ОӨС-ке және мемлекеттік орман иеленушінің кеңсесіне беру болып табылады.

12. ОӨС өртке қарсы қызметінің орман өрттерін сөндіруі мынадай кезеңдерді қамтиды:

1) өртті тоқтату – өрт жиегінде алаулап жануды тыю;

2) ауыздықтау – оның одан әрі таралуын мүмкіндігін болдырмау;

3) қосымша сөндіру – өрт ішіндегі жану ошақтарын сөндіру;

4) қарауылдау – жасырын жану ошақтарының және өрттің қайта басталып кету мүмкіндігінің жоқ екеніне көз жеткізуге жеткілікті белгілі бір уақыт бойы өрт болған алқапта жұмысшы өрт сөндірушілер командаларының кезекшілік атқаруы;

5) өртті жою – өрттің барлық жану ошақтарын қосымша сөндіруді толық аяқтау және өрттің қайта басталып кету мүмкіндігінің болмауы.

13. ОӨС өртке қарсы қызметі орман өрттерін сөндірудің мынадай тәсілдерін пайдаланады:

1) төменгі өрт жиегін сабалау немесе оған топырақ шашу;

2) жер өңдейтін құралдар мен жарылғыш материалдардың көмегімен минералдандырылған жолақтар мен орлар тарту;

3) өрттерді сумен немесе от өшіретін химикаттардың ерітінділерімен сөндіру;

4) жағу немесе қарсы от жіберу.