Отандық тарих ғылымында өзінің өектілігімен ерекшелентін әрі әлі де болса тыңғылықты зерттеуді талап ететін мәселелердің бірі демография саласындағы зерттеу жұмыстары болып табылады

Осы маңыздылықты Досымова Гүлдерхан ---қызы терең түсініп, өзінің магистрлік диссертациясын барынша жүйелі ұйымдастырып, белсенді ғылыми-зерттеу жұмыстарын жүргізе алған және осы тақырып шеңберінде тың ғылыми тұжырымдар жасаған. Мысалы өзінің магистрлік диссертациясының алғашқы тарауында Досымова Гүлдерхан ---қызы мәселенің теориялық негіздеріне мән беріп, демографиялық үдерістердің мәні мен еліміздегі демографиялық үдерістерді оңтайландырудың бағыттарын сәтті аша алған. Ең бастысы магистранттар еліміздегі демографиялық үдерістерді оңтайландыру бағыттарын шетелдік тәжірибелермен салыстырмалы жағдайда қарастыра алған. Дамыған елдердің тәжірибелерін алға тарта отырып, оның тиімді тұстарына арнайы талдау жүргізеді. Сөзсіз мұндай тәжірибе қазіргі зерттеу жұмыстарына аса қажет.

Екінші тарау барысында магистрант Түркістан облысындағы демографиялық үдерістерге жан-жақты тоқталып, халқының саны мен олардың орналасуына, аймақтағы көші-қон үдерістеріне жеткілікті мән бере алған. Әсіресе көп ұлтты осы аймақтағы халықтың орналасуын этникалық белгі бойынша жасаған сараптамалық жұмыстары сәтті шыққан. Магистрант әр тараудың соңында өзіндік ұсыныстарын білдіріп, қорытынды тұжырымдарын жасайды. Ұсыныстар және тұжырымдармен таныса келе, оның орындылығы мен тарихи негіздерінің жоғары деңгейіне көз жеткізуге болады. Сонымен қатар магистрант өзінің магистрлік диссертациясының үшінші тарауында Жамбыл облысындағы демографиялық үдерістерді айқындап, өзекті мәселелеріне қатысты тұжырымдар жасай алған. Магистрант облыс көлеміндегі халық саны, оның өсу динамикасын елімізде жүрген ресми санақ негізінде айқындаған. Облыс аумағында өмір сүретін түрлі ұлт өкілдері мен олардың облыс аумағы және сыртқы аймақтардағы көші-қон үдерісіне тартылу дәрежесіне ерекше мән берген. Сөзсіз магистрант ғылыми-зерттеу жұмыстарының үлкен топтарын пайдаланып, ресми құжаттарды барынша салыстырмалы түрде талдау арқылы қолдану диссертациялық жұмысты барынша құнды ете түскен.

Диссертация жұмысымен танысу барысында магистрант өзінің ғылыми жұмыстарды ұйымдастыруға қабілетті екендігіне көз жеткізуге болады. Өйткені жұмыстың ішкі мазмұнында логикалық байланыс сақталған әрі толықтай аяқталған жұмыс. Жұмыстың жоспары тақырып пен қойылған мақсатты ашуға бағытталған. Диссертациялық жұмыс мақсат пен міндеттеріне сай ұйымдастырылған. Магистрант диссертациялық жұмыс барысында объетивтілік принципін басшылыққа ала отырып, мәселені жан-жақты қарастыра алған. Өзіндік талдаулар, оқиғаларды салыстыру, жүйелілік пен нақтылық сынды әдістер мен қағидалар да басшылыққа алынған.