- Секциялық жұмысымызды жалғастырады
БҚО, Орал қаласы, №41 мектеп-лицейінің математика пәнінің мұғалімі Капашева Гулжамал Нуржановна «Математика пәнін оқытуда қолданылатын функционалдық сауаттылықты дамытудың әдіс-тәсілдері» тақырыбында өрбиді.
Қазіргі заманға сай экономикалық жетістіктерге қол жеткізу үшін техникалық білімі жоғары мамандардың аса қажет екенін, ғылыми-техникалық прогресс жетістіктерінен қалыс қалмау үшін техникалық тұрғыдан терең ғылыми зерттеулер жасау қажеттілігі күн санап өсіп келе жатқанын күнделікті өмір көрсетіп отыр. Олай болса, техника саласының білікті мамандарын дайындауға бүгінгі күні мектеп қабырғасында оқушылардың жаратылыстану пәндерін меңгеру сапасы ықпал ететінін айта кеткен жөн. Жаратылыстану пәндерінің ішінде физика-математика пәнін жан-жақты түсіне отырып, меңгеру оқушыларға көптеген ғылыми-техникалық жетістіктерді өз беттерінше игеріп, келешекте зерттеулер жасай білуге жол ашады. Физика-математиканы мектеп қабырғасында жете меңгеру бүгінде аса өзекті мәселеге айналып отыр.
Бүгінгі бірлескен жұмысымыздан кейін әрқайсыңыз өз ортаңызда өзгеруге, жаңаша бір шешімдер қабылдауға әрекет жасауға бағыт-бағдар бере алдық деп есептейміз.
Құрметті, әріптестер, шәкірттерге оқу-тәрбие беруде үлкен табыстар тілей отырып, денсаулық, отбастарыңызға амандық, игі қызметтеріңізге табыс пен жетістіктер тілеймін.
