ОҚУ-Әдістемелік кешені

1. АБСТРАКТ

Оқу әдістемелік кешені “Қазіргі қазақ тілі (фонетика)” пәні бойынша 050117 мамандығының студенттеріне осы курс бойынша оқытушының жұмысты неғұрылым тиімді ұйымдастыруға арналған барлық қажетті оқу-әлістемелік материалдарды құрайды. Білім беруде кредиттік технологияны пайдаланып, барлық құжаттарды бір кешенге біріктіре отырып, пәнді меңгеру процесінде студенттің білімін, машықтануын және біліктілігін жоғарғы деңгейге көтеру мақсаты көзделініп отыр.

Жұмыстық бағдарламада оқу жұмысының түрлері бойынша сағаттар көрсетілген; ПС-практикалық сабақтар.

ОБСӨЖ – оқытушының басшылығымен студенттің өзіндік жұмысы, СӨЖ- студенттердің өзіндік жұмысы.

Оқыту бағдарламасы (Силлабус), семестрдің басында әрбір студентке беріліп, студенттің білімін тереңдетуге, пәнге деген ықыласының артуына, шығармашылық және зертеушілік қабітеттері ашылып, одан әрі дамуына себін тигізеді деп күтілуде.

Дәрістің қысқаша жазбасы студентке қайсы бір тақырыпты қарастыруда неге назар аудару керектігіне бағыт береді, санасына негізгі ұғымдар мен терминдерді енгізеді. Пәнді толықтай меңгеру үшін студент ұсынылған әдебиеттің барлығымен дерлік жұмыс өткізіп және өзіндік жұмысының барлық көлемін орындауы қажет.

Тапсырмалар мен жағдайлардың жиынтығы студенттерге аудиториялардан тыс өзіндік жұмысты, үй тапсырмасын орындауға арналған.

Тесттік тапсырмалар студентке кредиттерді тапсыруда пән бойынша өз білімдерін тексеруге және рейтингтік бақылауды тапсыруға, сынақ,емтиханды алуға арналған.

2. 
   ЖАЛПЫ МӘЛІМЕТТЕР
   

Лектор: Жидебаев Құдайберген

“Қазақ тілі мен әдебиеті” кафедрасы, №1 корпус, 46 кабинет

Телефон: 229

Кафедрада болу уақыты: 8³⁰-18⁰⁰ дейін

1. 
   КУРСТЫ ӨТКІЗУ УАҚЫТЫ ЖӘНЕ ОРНЫ
   

№	Аты-жөні	Курсты өткізу уақыты, орны		Байланыстырушы мәлімет
		Аудиториялық сабақтар	ОБСӨЖ	Телефон
1	Жидебаев Қ.	Лекция Уақыты_______ Ауд. № 43	Уақыты_______ Ауд. № 43	Тел:__________ Каб:__________ Корпус: _______
2	Жидебаев Қ.	Практика Уақыты_______ Ауд. № 43	Уақыты_______ Ауд. № 43	Тел:__________ Каб:__________ Корпус: _______

2. 
   Курстың пререквизиттері және постреквизиттері.
   

3. 
   ПӘНДІ ОҚЫТУДЫҢ МАҚСАТЫ
   

Курстың мақсаты- студенттерді қазақ тілінің дыбыс жүйесімен таныстыру. Қай тілде болмасын, оның дыбыс жүйесі басқа бөлімдерге, курстарға жол ашады. “Қазіргі қазақ тілі” пәнінің алғашқы бөлімі болып табылатын дыбыс жүйесі одан кейін оқылатын лексика, фразеология сияқты тарауларға кіріспе міндетін атқарады. Аталған курс студенттерге тілдің дыбыс жүйесінің заңдылықтарын, дыбыстардың сингармонизм және зерттеу әдістерін түсіндіреді. Дыбысталу аппаратының қызметін, дыбыстардың жасалу жолдарын экспериментальды фонетиканың деректеріне сүйене отырып баяндайды. Тілдегі буын түрлерін, екпін мәселесін сөз етеді.

4. 
   ПӘНДІ ОҚЫТУДЫҢ МІНДЕТІ
   

Курсты оқуда студенттердің таным дүниесін ояту және қалыптастыру дыбыс жүйесін тіл білімінің негізгі бір саласы екендігін түсіндіру және оқыту мәселесіне жете көңіл бөлу.

Қазақ тілі дыбыс жүйесінің зерттеу жайына, қазіргі күндегі салаларының деңгейіне назар аудару қажет. Қажет тілінің дыбыс жүйесін оқытқанда, фонетиканың өзіне тән белгілерін белгілі бір жүйемен, ондағы заңдылықтарға сәйкес оқытудың басты шарт екендігін ескеру міндетті. Қазақ тілінің дыбыс жүйесін зерттеуде қолданылатын түрлі әдістерді жете меңгерту, олардың өзіндік ерекшеліктерін ескеру және түрлі тақырыпты синхрониялық, диахрониялық тұрғыдан қарастырудың негізгі міндет екеніне көңіл бөлу назардан тыс қалмауы керек.

5. 
   ЖҰМЫС ОҚУ ЖОСПАРЫНАН КӨШІРМЕ