Санитарлы-эпидемиялық тәртіпке жауапты тұлға – медбике.
Онкологиялық кабинетте диагностикалау мақсатында оперативті араласуларды жүргізуге болады: қырынды, пункциялар, электрокоагуляция, лимфаларды сору, лапароцентез, туракоцентез, экзициялар. Операциядан кейінгі таңуды медбике дәрігердің бақылауымен жүргізеді. Онкологиялық кабинеттердің міндетіне учаскелік дәрігерде бақыланатын науқастардың жағдайын тексеру кіреді. Тоқсан сайын медбике аймақтық медбикемен бірлесіп құжаттамаларды салыстырып тексереді. Онкологиялық науқасты күту және оны емдеу онколог дәрігердің міндеті. Қажет болған жағдайда науқасқа патронаж жүргізіліп, туысқандарына күтім бойынша нұсқаулар беріледі.
Бақылау сұрақтары:
70 жастағы әйел науқас үйде. 4 жыл бұрын обамен зақымдалған сүт бездерін алып тастаған. Жарты жыл бұрын бел омыртқасы денесін сындырып, хирургтың қарауында болды. Денсаулығы нашарлағанынан 2 күн болды: ол не тұра алмайды, не отыра алмай қалды. Құсқаннан кейін тамақтан бас тартады. Суды аз-аздан ішеді. Оны жұмыс істеп жүрген қызы күтеді. Науқас жүдеген, ақырын сөйлейді, сұраққа 1-2 сөзден жауап береді. Тері мен кілегей қабаты сарғыш түсті. Науқастың жатқан жері ауыз үйде. Қызының айтуынша, үйде бөлек бөлме бар, бірақ теледидар біреу болғандықтан, оны әжесі де, немересі де көргісі келеді. Балалардың қатты сөйлегені, жанында жүргені науқасты қатты ашуландырады. Қызының айтуынша, таңертең памперсті ауыстырғанда науқас белінде шыдатпайтын ауырсынуларға шағымданады. Кетонолдың 2 таблеткасын ішкеннен 1 сағаттан кейін, ауырсынулар басылады.
Тапсырма
Науқастың мәселелерін анықтаңыз.
Науқасты күту бойынша туыстарына кеңес беріңіз.
Күту жоспарын құрастырыңыз
Достарыңызбен бөлісу: |
