Постановление Правления 2015 жылғы 27 мамыр Алматы қаласы №89 город Алматы ҚР Әділет министрлігінде 2015 жылы 14 шілдеде №11656 тіркелді

«ҚАЗАҚСТАН РЕСПУБЛИКАСЫНЫҢ ҰЛТТЫҚ БАНКІ» РЕСПУБЛИКАЛЫҚ МЕМЛЕКЕТТІКМЕКЕМЕСІ		РЕСПУБЛИКАНСКОЕ ГОСУДАРСТВЕННОЕ УЧРЕЖДЕНИЕ «НАЦИОНАЛЬНЫЙ БАНК РЕСПУБЛИКИ КАЗАХСТАН»
БАСҚАРМАСЫНЫҢ ҚАУЛЫСЫ		ПОСТАНОВЛЕНИЕ ПРАВЛЕНИЯ
2015 жылғы 27 мамыр Алматы қаласы		№89 город Алматы

1. 
   Қоса беріліп отырған Исламдық сақтандыру (қайта сақтандыру) ұйымының исламдық сақтандыру қорына ақша беру қағидалары бекітілсін.
   
2. 
   Сақтандыру нарығының субъектілерін қадағалау департаменті (Қалиев Ә.Е.) заңнамада белгіленген тәртіппен:
   
   1. 
      Құқықтық қамтамасыз ету департаментімен (Досмұхамбетов Н.М.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;
      
   2. 
      осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде «Қазақстан Республикасы Әділет министрлігінің республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнының «Әділет» ақпараттық-құқықтық жүйесінде ресми жариялауға жіберуді;
      
   3. 
      осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.
      
3. 
   Халықаралық қатынастар және жұртшылықпен байланыс департаменті (Қазыбаев А.Қ.) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында ресми жариялауға жіберуді қамтамасыз етсін.
   
4. 
   Осы қаулының орындалуын бақылау Қазақстан Республикасының Ұлттық Банкі Төрағасының орынбасары Қ.Б. Қожахметовке жүктелсін.
   
5. 
   Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
   

Ұлттық Банкі Басқармасының

2015 жылғы 27 мамырдағы

№ 89 қаулысымен

1. 
   Осы Исламдық сақтандыру (қайта сақтандыру) ұйымының исламдық сақтандыру қорына ақша беру қағидалары (бұдан әрі – Қағидалар) «Сақтандыру қызметі туралы» 2000 жылғы 18 желтоқсандағы Қазақстан Республикасының Заңына сәйкес исламдық сақтандыру (қайта сақтандыру) ұйымының исламдық сақтандыру қорына ақша беру тәртібін айқындау мақсатында әзірленді.
   
2. 
   Исламдық сақтандыру шарттары бойынша міндеттемелерді орындау үшін исламдық сақтандыру қорының қаражаты жеткіліксіз болған жағдайда, сақтандыру (қайта сақтандыру) ұйымы исламдық сақтандыру қорына ақша түсімдерінің есебінен болашақта қайтару талабымен бес жұмыс күні ішінде өз қаражатының есебінен исламдық сақтандыру қорына ақша береді.
   
3. 
   Исламдық сақтандыру (қайта сақтандыру) шарттары бойынша міндеттемелерді орындау үшін қажетті және исламдық сақтандыру қорына берілетін ақша көлемі актуарийдің қорытындысы негізінде айқындалады.
   
4. 
   Исламдық сақтандыру (қайта сақтандыру) ұйымы исламдық сақтандыру қорына аударған ақшаны қайтару есепті күндегі жағдай бойынша қалыптасқан исламдық сақтандыру қорының кірістері сомасының исламдық сақтандыру қорының шығыстарынан асу талабымен жүзеге асырылады.
   
5. 
   Исламдық сақтандыру қорынан ақшаны қайтару сомасы Қағидалардың 2-тармағына сәйкес исламдық сақтандыру (қайта сақтандыру) ұйымы исламдық сақтандыру қорына аударған ақша сомасынан аспайды.