Құрамы Бір таблетканың құрамында белсенді зат винпоцетин 012 мг

Винпосан^®

Винпоцетин

Таблеткалар 5 мг

Бір таблетканың құрамында

(100% затқа шаққанда 5.000 мг),

Жалпақ беткейлі және ойығы бар, ақ немесе сәл сарғыш реңді ақ түсті таблеткалар.

Психостимуляторлар және басқа да ноотроптар. Винпоцетин

АТХ коды N06BX18
Фармакологиялық қасиеттері

Фармакокинетикасы

Асқазан-ішек жолынан тез сіңеді. Гистогематикалық бөгет арқылы (оның ішінде гематоэнцефалдық бөгет арқылы) оңай өтіп, емшек сүтімен бөлінеді. Қан плазмасындағы ең жоғары концентрациясы қолданудан кейін 1 сағаттан соң байқалады. Қан плазмасындағы Винпоцетиннің емдік концентрациясы мәні 10-нан 20 нг/мл-ге дейін, биожетімділігі 50-70%. Қан плазмасы ақуыздарымен 66% байланысады.

Бауырда биологиялық өзгеріске ұшырайды. Басты метаболиті болып аповинкамин қышқылы саналады.

Жартылай шығарылу кезеңі 3,54 - 6,12 сағ. құрайды. Бүйрекпен және асқазан-ішек жолы арқылы аздаған бөлігі өзгермеген күйде, қалған бөлігі - метаболиттер түрінде шығарылады.

Препарат мидағы қанайналым мен метаболизмді жақсартады. Препараттың әсері кешенді әсер ету механизмінің есебінен жүзеге асады. Стимуляциялайтын аминқышқылдары туғызған зақымдаушы цитоуытты реакциялардың айқындылығын азайтады; жасушалық трансжарғақшалы натрий және кальций өзектерінің де, NMDA (N-метил-D-аспартат) және AMPA (α-амино-3-гидрокси-5-метил-4-изоксазол-пропион қышқылы) рецепторларының да функциялық белсенділігін тежейді. Аденозиннің нейропротективті әсерін қуаттандырады. Мидың метаболизмін стимуляциялайды, мидың глюкоза мен оттегін сіңіруін және игеруін күшейтеді. Глюкозаның гематоэнцефалдық бөгет арқылы тасымалдануын көтермелейді, глюкоза метаболизмін аэробты бағытқа жылжытады. Са⁺²-кальмодулинге тәуелді цГМФ-фосфодиэстеразаны іріктеп тежейді, ми тіндеріндегі цАМФ және цГМФ концентрациясын, сондай-ақ АТФ концентрациясын және АТФ/АМФ арақатынасын арттырады. Норадреналин мен серотониннің мидағы метаболизмін белсендіреді, осылайша антиоксиданттық әсер бере отырып, көтерілуші норадренергиялық жүйенің әрекетін көтермелейді.

Винпосан^® мидың микроциркуляциясын жақсартады, тромбоциттер агрегациясын тежейді, қанның жоғары тұтқырлығын төмендетеді, эритроциттердің деформацияланғыштығын жоғарылатады және олардың аденозинді сіңіруін бөгейді.

Винпосан^® оттегінің тіндерге тасымалдануына ықпал ете отырып, оған эритроциттердің туыстығының азаюы салдарынан ми жасушаларының гипоксияға көтерімділігін жақсартады.

Винпосан^® ми қан ағымы мен қанның минуттық көлемінің мидағы фракциясын іріктей және қарқынды күшейтеді, жалпы қанайналым параметрлеріне ықпал етпестен, ми қантамырларының кедергісін төмендетеді (АҚ, минуттық көлем, тамыр соғысының жиілігі, ШТЖК). «Ұрлану» феноменін туғызбайды, мидың зақымдалған, ишемияланған аумағының қанайналымын күшейтеді, бұл кезде зақымданбаған аумақтың қанайналымы өзгермейді.
Қолданылуы

• 
  неврологиялық және психикалық бұзылыстармен қатар жүретін ми қан айналымының жеткіліксіздігі: транзиторлық ишемияда, ишемиялық инсультте, инсульттен кейінгі жағдайларда, қантамырлық деменцияда, ми артерияларының атеросклерозында, вертебро-базилярлық жеткіліксіздікте, жарақаттан кейінгі және гипертензивті энцефалопатияда
  
• 
  көз торқабығы мен тамырлы қабығының қантамырлық ауруларында, соның ішінде орталық артерия немесе торқабық көктамырларының ангиоспазмы мен тромбозында
  
• 
  естудің шығу тегі тамырлық, уытты (соның ішінде дәрі-дәрмектік) немесе басқа да (идиопатиялық, шамадан артық шудан туындаған) төмендеуінде, Меньер ауруында, құлақтағы идиопатиялық шуылда
  
• 
  климактерикалық синдром кезіндегі вегето-тамырлық дистонияда
  

Ішке күніне 5-10 мг (1-2 таблетка) 3 рет. Демеуші доза - 5 мг (1 таблетка) күніне 3 рет. Жақсы болуы әдетте 1-2 аптадан кейін байқалады. Емдеу ұзақтығы – 2 ай. Дәрігеріңізбен кеңесуден кейін қайта емдеу курсы тағайындалуы мүмкін (жылына 2-3 рет).

- артериялық қан қысымының төмендеуі, тахикардия,

экстрасистолия, QT аралығының ұзаруы

- ұйқының бұзылуы (ұйқысыздық, ұйқышылдық), бас айналуы, бас

ауруы, әлсіздік

- ауыздың құрғауы, жүрек айнуы, қыжыл

- тері жабындарының гиперемиясы

- тері бөртпесі, есекжем түріндегі аллергиялық реакция

- винпоцетинге немесе препараттың басқа кез келген компонентіне жоғары сезімталдық

- геморрагиялық инсульттің жедел сатысы

- жүрек ишемиялық ауруының ауыр түрлері

- ауыр ырғақ бұзылулары

- жүктілік және лактация кезеңі

- 18 жасқа дейінгі балалар мен жасөспірімдер
Дәрілермен өзара әрекеттесуі

Варфаринмен бір мезгілде қолданғанда варфариннің антикоагулянттық әсерінің аздап азайғаны туралы хабарланған.

Дегенмен, қажет болған жағдайда антикоагулянттармен бір мезгілде емдеуге жол беріледі.

Құрысуға қарсы дәрілер (карбамазепин, дифенин), барбитур препараттары винпоцетиннің метаболизмін жеделдетеді және оның қан плазмасындағы концентрациясын төмендетеді.

Біріктірілген ішілетін контрацептивтер, макролидті антибиотиктер (кларитромицин, эритромицин), зеңге қарсы дәрілер (кетоканозол) винпоцетин әсерінің айқындығын өзгертеді, оның метаболизмін баяулатады және препараттың қан плазмасындағы концентрациясын арттырады.

Айрықша нұсқаулар

QT аралығының ұзару синдромы болған жағдайда немесе QT аралығының ұзаруына түрткі болатын препараттарды бір мезгілде қолданғанда, ЭКГ бақылау ұсынылады.

Винпосан^® препаратын педиатияда қолданудың жеткілікті тәжірибесі жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, көлік құралын немесе қауіптілігі зор механизмдерді басқару кезінде сақтық танытқан жөн.
Артық дозалануы

Симптомдары: жағымсыз әсерлері симптомдарының күшеюі.

Емі: симптоматикалық.
Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

5 пішінді қаптамадан медицинада қолданылуы жөніндегі мемлекеттік және орыс тілдеріндегі бекітілген нұсқаулықпен бірге картон немесе хром-эрзац пәшкеге салынады.

Пәшкелерді картоннан жасалған қорапқа салады.

Құрғақ, жарықтан қорғалған жерде, 30^°С-ден аспайтын температурада сақтау керек.

Балалардың қолы жетпейтін жерде сақтау керек!
Сақтау мерзімі

3 жыл

Рецепт арқылы

«Химфарм» АҚ, Қазақстан Республикасы,

Шымкент қ., Рашидов к-сі, н/ж, т/ф: 560882
Тіркеу куәлігінің иесі

«Химфарм» АҚ, Қазақстан Республикасы

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz