Регламенті Қолданылу саласы Осы «Электромагниттік үйлесімділік»

Үкіметінің

2010 жылғы « »

№ қаулысымен

бекітілген
«Электромагниттік үйлесімділік»

техникалық регламенті

1. Қолданылу саласы
1. Осы «Электромагниттік үйлесімділік» техникалық регламенті (бұдан әрі – Техникалық регламент) адамның денсаулығына өмірі мен қоршаған ортаға қауіптің алдын алу және басқа да техникалық құралдар мен жүйелерге рұқсат етілмейтін электромагниттік бөгеуілдерді болдырмау мақсатында техникалық құралдар мен жүйелердің (бұдан әрі – ТҚ) электромагниттік үйлесімділігіне қойылатын талаптарды белгілейді.

2. Осы Техникалық регламенттің қолданысы айналымға шығарылатын және пайдалануға енгізілетін, белгілі бір электромагниттік жағдайда, берілген сапада жұмыс жасауға қабілетті, бұл ретте басқа ТҚ-ға ықтимал электромагниттік кедергі болмайтын, осы Техникалық регламенттің 1-қосымшасында келтірілген Қазақстан Республикасы Сыртқы экономикалық қызметінің тауар номенклатурасының кодына (бұдан әрі – ҚР СЭҚ ТН) сәйкес жіктелетін ТҚ-ға таралады.

3. Электромагниттік әсердің қауіпті факторларына (қауіптерге) мыналар жатады, бұлардан алшақ болу керек:

1. 
   тарату құрылғыларындағы коммутация мен қысқа тұйықталу кезіндегі импульстік токтар;
   
2. 
   төменгі жиілікті кондуктивті электромагниттік бөгеулер:
   

электрмен жабдықтау жүйелерінде жиіліктің ауытқуы;

электр қорегі кернеуінің орныққан ауытқуы;

электр қорегі кернеуі синусоидалуының бұрмалануы;

үш фазалы электрмен жабдықтау жүйелеріндегі кернеудің симметриялы болмауы;

электр қорегі кернеуінің жоғалып кетуі, үзілуі және түсіп қалуы;

электрмен жабдықтау жүйелеріндегі берілетін сигналдардың кернеуі;

ауыспалы ток электр қорегі желілеріндегі тұрақты құрауыштар;

келтірілген төменгі жиілікті кернеу.

3. 
   төменгі жиілікті сәулеленетін электромагниттік бөгеуілдер:
   

магниттік өрістер.

4. 
   индустриялық радиобөгеуілдерді қоса алғанда, жоғары жиілікті кондуктивті электромагниттік бөгеуілдер:
   

өтпелі үдерістерді көрсететін кернеу немесе ток (бейпериодты және тербелісті).

5. 
   индустриялық радиобөгеуілдерді қоса алғанда, жоғары жиілікті сәулеленудің электромагниттік бөгеуілдері:
   

магниттік өрістер;

Электромагниттік, оның ішінде үздіксіз тербелістер мен өтпелі үдерістер әсерінен пайда болатын өрістер.

6. 
   электростатикалық разрядтар.
   

5.ТҚ-ны сәйкестендіру мыналардан тұрады:

1) ТҚ-ның нақты түрінің осы Техникалық регламенттің таралу саласына тиістілігін анықтау;

2) ТҚ-ға арналған ілеспе құжаттарда көрсетілген және (немесе) таңбаланған оның негізгі, мысалы:

а) бұйымның атауы, үлгісі, моделі, түрі;

б) ТҚ-ны дайындаушының атауы немесе ТҚ-ның шығу тегі жөніндегі деректер;

в) ТҚ шығаруға негіз болған нормативтік құжат;

г) ТҚ-ың негізгі (немесе функционалдық) тағайындалуы немесе оларды пайдалану саласы;

д) ілеспе құжаттарда көрсетілген номиналды деректер;

е) осы лекке тиесілілігі сияқты сипаттамаларын нақты сипаттамаларымен салыстыру.

2. Терминдер және анықтамалар

6. Осы Техникалық регламентте мынадай терминдер және анықтамалар қолданылады:

1. 
   жалпы мақсаттағы электр желісі – электр энергиясын әр түрлі тұтынушыларға немесе техникалық құралдарға жеткізуге арналаған энергиямен қамтамасыз ететін ұйымның электр желісі;
   
2. 
   электр және радиотехникалық құрылғылар – телекоммуникация саласында қолдануды қоспағанда, электромагнит энергиясын өнеркәсіптік, ғылыми, медициналық, тұрмыстық немесе басқа мақсаттарда генерирлеуге және пайдалануға арналған жабдық және (немесе) аспаптар;
   
3. 
   оқшауланған электромагниттік жағдай – осы сала кеңістігінен тыс жерде техникалық құралдардың электромагниттік бөгеуілдер тудыруы және оларға сыртқы электромагниттік бөгеуілдердің әсері жоққа шығарылатын электромагниттік жағдай;
   
4. 
   техникалық жүйе – бір-бірімен заңды байланысты техникалық құралдардың объективті бірлігі;
   
5. 
   техникалық құрал – электромагниттік бөгеуілдер жасауға қабілетті, жұмыс істеу сапасы сыртқы электромагниттік бөгеуілдер әсеріне байланысты аппарат, электрлік және (немесе) электрондық құрауыштарды қамтитын жылжымалы немесе тұрақты қондырғы;
   
6. 
   тұтынушылардың электромагниттік қауіпсіздігі – жағымсыз электромагниттік әсерлерден тұтынушылардың қорғану жағдайы;
   
7. 
   электр және радиотехникалық құрылғының бөгеуілге орнықтылығы – техникалық құралдарға параметрлердің регламенттелген мәндері бар электромагниттік бөгеуілдер әсер еткен кезде олардың берілген жұмыс істеу сапасын сақтау қабілеті;
   
8. 
   электромагниттік бөгеуілге орнықтылық, бөгеуілге орнықтылық – техникалық құралдарға параметрлердің регламенттелген мәндері бар электромагниттік бөгеуілдер әсер еткен кезде олардың берілген жұмыс істеу сапасын сақтау қабілеті;
   
9. 
   электромагниттік бөгеуіл – электромагниттік құбылыс немесе техникалық құралдың жұмыс істеу сапасын төмендететін немесе төмендетуі мүмкін үдеріс;
   
10. 
    техникалық құралдар мен жүйелердің электромагниттік үйлесімділігі – техникалық құралдар мен жүйелердің белгілі бір электромагниттік жағдайда басқа техникалық құралдар мен жүйелерге рұқсат етілмейтін электромагниттік бөгеуіл жасамай, берілген сапада жұмыс істеу қабілеті;
    
11. 
    электромагниттік жағдай – берілген аумақтағы немесе өткізу ортасындағы жиілік пен уақыт диапазонындағы электромагниттік құбылыстардың және (немесе) үдерістердің жиынтығы;
    
12. 
    электромагниттік әсер – биологиялық объектілер мен техникалық құралдарға электромагниттік әсердің немесе үдерістің нақты немесе ықтимал ықпалы. Электромагниттік әсерлерге қоршаған кеңістікте техникалық құралдар жасайтын электрлік және магниттік өрістердің әсері жатады;
    
13. 
    электр энергиясының сапасы – электр желісіндегі электр энергиясы параметрлерінің (кернеу, жиілік, фазалық ауытқу және т.б) олардың белгіленген мәндерге сәйкестік дәрежесі.
    

8. ТҚ осы Техникалық регламентке сәйкес және Қазақстан Республикасы Үкіметінің 2008 жылғы 21 наурызындағы № 277 қаулысымен бекітілген «Буып-түюге, таңбалауға, затбелгі жапсыруға және оларды дұрыс түсіруге қойылатын талаптар» техникалық регламентінің талаптарына сәйкес таңбалануы қажет.

9. ТҚ атауы мен белгіленуі (үлгісі, маркасы, моделі), қауіпсіздікке әсер ететін оның параметрлері мен сипаттамалары, өндірушінің атауы және (немесе) тауарлық белгісі, дайындаушы елдің атауы тікелей ТҚ-да және/немесе оған қоса берілетін пайдалану құжаттарында көрсетілуі қажет.

10. Егер мәліметтерді тікелей ТҚ-ға жазу мүмкін болмаса, онда оларды берілген жабдыққа қоса берілетін пайдалану құжаттарында көрсетуге болады. Бұл ретте дайындаушының атауы және (немесе) оның тауарлық белгісі, ТҚ-ның атауы мен белгіленуі (үлгісі, маркасы, моделі) қорапқа жазылуы қажет.

11. ТҚ-ны таңбалау айқын, оқуға жеңіл және ТҚ-ның қарауға ыңғайлы бетіне жазылуы қажет.

12. ТҚ-ға арналған пайдалану құжаттары мыналарды қамтуы тиіс:

1) олардың мақсаты жөніндегі ақпарат;

2) негізгі тұтыну қасиеті немесе сипаттамасы;

3) қауіпсіз пайдалану ережесі және шарты;

4) сақтау, тасымалдау, өткізу, монтаждау және кәдеге жарату ережесі мен шарты (қажет болған жағдайда – оларға қойылатын талаптарды белгілеу);

5) осы жабдықтың ақауы анықталған кезде қабылдануы тиіс шаралар туралы ақпарат;

6) дайындаушының орналасқан жері, онымен байланыс жасау ақпараты;

7) дайындаушының, импорттаушының уәкілетті өкілінің атауы және орналасқан жері, олармен байланыс жасау ақпараты;

8) дайындалған күні.

13. Техникалық құжаттама мен таңбалау мемлекеттік және орыс тілдерінде орындалады.
4. Техникалық құралдардың электромагниттік үйлесімділігіне қойылатын қауіпсіздік талаптары

14. ТҚ пайдалану құжаттарында көзделген бүкіл жұмыс мерзімінде оларды мақсаты бойынша пайдалану және техникалық қызмет көрсетуге қойылатын талаптарды орындау кезінде:

1) мақсаты бойынша пайдаланылатын техникалық құралдан туындайтын электромагниттік бөгеуілдер техникалық құралдардың өзінің мақсатына сәйкес жұмыс істеуін қамтамасыз ететін деңгейден асып түспейтіндей;

2) техникалық құралды пайдалануға арналған электромагниттік жағдайда оның жұмыс істеуін қамтамасыз етуге жеткілікті болатын, техникалық құрал электромагниттік бөгеуілдерге орнықты (бөгеуілдерге орнықты) болатындай;

3) электромагниттік бөгеуілдердің тікелей немесе жанама әсерінен адамның өмірі мен денсаулығын қорғаудың қажетті деңгейін қамтамасыз ететіндей;

4) қауіп туындауына әкеп соғуы мүмкін жоғары температуралардың, доғалы разрядтардың немесе сәулеленудің туындауының жол берілмейтін тәуекелі болмайтындай;

5) ТҚ-ны пайдалану кезінде туындау тегі электрлік емес қауіптерден адамның өмірі мен денсаулығын, мүлкін қорғаудың қажетті деңгейін қамтамасыз ететіндей;

6) сыртқы ортаның тиісті климаттық жағдайларында сырттан әсер ететін, оның ішінде механикалық сипаттағы факторларға орнықтылықтың қажетті деңгейін қамтамасыз ететіндей;

7) қайта қосу кезінде сырттан әсер ететін факторлардың әсерінен туындайтын жол берілмейтін тәуекел болмайтын етіп әзірленіп, дайындалуы тиіс.

5. Сәйкестікті растау
15. Міндетті сертификаттауды жүргізу тәртібі мен электромагниттік үйлесімділікті міндетті сертификаттауды жүргізу кезінде қолданылуы мүмкін схемалар тізбесі «Сәйкестікті растау рәсімі» техникалық регламентін бекіту туралы» Қазақстан Республикасы Үкіметінің 2008 жылғы 4 ақпандағы № 90 қаулысымен бекітілген.

16. ТҚ-ның стандарттарда белгіленген электромагниттік үйлесімділік жөніндегі талаптарға сәйкестігін растау үшін ТҚ-ны міндетті сертификаттау жүргізіледі. Электромагниттік үйлесімділік жөніндегі талаптарға сәйкестігі міндетті сертификаттауға жататын ТҚ тізбесі осы Техникалық регламенттің

«Электромагниттік үйлесімділік»

техникалық регламентіне

қосымша