СөЖ «Оқушылар арасында музыкалық тәрбие шараларын ұйымдастыру»
жүктеу/скачать 148.98 Kb.
|
|
ҚАЗАҚ ҰЛТТЫҚ ҚЫЗДАР ПЕДАГОГИКАЛЫҚ УНИВЕРСИТЕТІ СӨЖ 4. «Оқушылар арасында музыкалық тәрбие шараларын ұйымдастыру». Мамандық: 6В01401-музыка Курс: 3 Орындаған: Құтбан Асель Тексерген: Султанова М.С «Ән әлемі» жобасы Мақсаты: Оқушылардың әнге деген қызығушылығын арттыру, әншілік қабілетін, актерлік өнерін, хореографиялық талантын сынау. Өнерге біртабан жақындату. 1 - жүргізуші: Қайырлы күн, құрметті ән сүйер қауым! 2 - жүргізуші: Қадірменді «көкірегінің көзі ашық, көңілі ояу» ұстаздар және оқушылар! Баршаңызға бүгінгі «Ән әлемі» жобасына қош келдіңіздер демекпін. 1 - жүргізуші: Табиғаттың тебіренген, қуанған шағының перзенті - әнші десек, сол перзенттің иесі де, іздеушісі де халқы. 2 - жүргізуші: «Ән көңілдің ажары десек» кәусар сезім мен тояттамас көңіл, шалқыған шаттық пен мұңға тұнған махаббат, буырқанған шабыт пен сабырға көнбес сағынышты да осы әннен табасыз. 1 - жүргізуші: Әдетте әнші атанып жүргендердің екі тобы бар. Біріншісі нағыз әнші болып туылғандар. Олар санасы мен бүкіл жан дүниесі шамырқанып, асып - тасып, яғни шабыт арғымағы атойлап ән шырқағанда, көрерменді селт еткізіп, жетегіне алып жүре береді. 2 - жүргізуші: Ал екіншілері, өзінің даусы жоқ бола тұра, әнге, өнерге деген құштарлығымен өзін бас - көзге қарамай қамшылап жүргендер. 1 - жүргізуші: «Болар адам - бала шағынан». Әнші, жыршыларымызды өз көрермендерімен жақын таныстырып, табыстыратын бірден бір орта ол - сахна. №11 мектепте 8 - 11 сыныптар аралығында ұйымдастырылып отырған бүгінгі «Ән әлемі» жобасы оқушылардың сабақтан тыс бос уақытын тиімді пайдалану мақсатында өткізіліп отыр. 2 - жүргізуші: Шараның мақсаты - Әнсүйер аға буын мен талантты жас әншілер арасындағы сабақтастықты нығайту, жас әншілерді таныстыру, жалпы ән әлеміне саяхат жасау.
1 - жүргізуші: Сонымен бүгінгі «Ән әлемі» жобасының сарапшыларымен таныстырып өтсем: ----------------------------------------- 2 - жүргізуші: Талаптының айтқанын мен қостайын, Бәріңізге жақсы бір ой тастайын. "Ән көңілдің ажары" деген бар ғой. Бұрынғының жолымен ән бастайын,- дей келе сахнаға номері 1 - ші талапкеріміз Сілтеу Исламды шақырамыз. 1 - жүргізуші: Қол соғып қошеметпен қарсы алыңыздар. 2 - жүргізуші: Өнерпаздар жарысып сан - саналы, Жиын десе, той десе жан салады. Бүгінгі Саз әлемі сайысында, Әуелеген әсем ән жолданады - сахнада 2 - ші номерлі талапкеріміз-------------------------- ортаға шақырамыз. 1 - жүргізуші: Ажары атқан таңдай ару жастың, Қасы бар қанатындай қарлығаштың. Жанары жан біткенді елтіп өскен, Шапалақ өнеріне әнші жастың - дей келе 3 - ші номерлі әнші қызымыз------------------------------ қарсы алайық. 2 - жүргізуші: Айтса әні алыс шыңға жететін, Шақырайық Мақсатты ән мен жырды шертетін. Сахнада 4 - ші номерлі әншіміз --------------------------- қарсы алайық. 1 - жүргізуші: Қыз сұлу көрінеді өрнегімен, Тізілтіп сөз маржанын тергенімен. Жезтаңдай, бұлбұл даусын әнге қосса, Әнші сұлу көрінер әніменен - деп ақын ағаларымыз жырлағандай келесі талапкеріміз 5 - ші номерлі ---------------------------------------- ортаға шақырамыз. 2 - жүргізуші: Құлпырған еліміздің ұл – қызымыз, Әзірге үлпілдеген құндызымыз. Арасын жер мен көктің бағындырар, Ертеңгі жарқыраған жұлдызымыз – дей отырып, келесі 6 - шы номерлі талапкерімізді -------------------------------------- ортаға шақырамыз. Қошемет. 1 - жүргізуші: Музыка - ырғақ, нәзік әуен, асқақ үн. Музыка - өзен, дала, аспан үн. Ғұмыры жоқ ырғақтардан басқаның! Кәне, әншілер, бас әуенге, қос әнге, Шырқат биік тіршіліктің дастанын.- деп жеткізеді ақын апамыз Фариза Оңғарсынова музыка өнеріне деген махаббатын. Сонымен 7 - ші номерлі әншіміз ------------------------- қарсы алыңыздар. 2 - жүргізуші: Қазылар алқасының пікірін тыңдап көрелік. 2 - жүргізуші:: Біздерде ән кешіміз жалғасады, Тамаша күй тартылып, ән салады. Қошеметтеп, қол соғып отыралық, Ұмытарсыз күні бойғы шаршағанды - дей келе ортаға келесі 8 - номерлі әншіміз ----------------------------------------------------- ортаға шақырамыз. Қарсы алыңыздар. 2 - жүргізуші: Сөз кезегі қазыларда. 1 - жүргізуші: Шық аруым жарысқа, Бір - бірінен қалыспа. Өнеріңді байқасын, Мына отырған халықта - демекші бүгінгі сайысымыздың 9 - номерлі әншісі ---------------------------- қарсы алайық. Қошемет. 1 - жүргізуші: Қазылар алқасымен сарапшыларымызға кезек берелік. 2 - жүргізуші:: Құлақтан кіріп, бойды алар Жақсы әнмен, тәтті күй. Көңілге түрткі ой салар, Әнді сүйсең, менше сүй – дей келе енді сайысымыздың соңғы номерлі талапкерін -------------------------------------------- ортаға шақырайық. Қол соғып қошеметтеп отырайық. 1 - жүргізуші: Сөз кезегін қазылар алқасына берелік. 2 - жүргізуші: Қазылар алқасы қорытынды шығарам дегенше тамаша әнге кезек берейік. 1 - жүргізуші: Кешімізді қорытындылау үшін сөз кезегін қазылар алқасына берсек. жүктеу/скачать 148.98 Kb. Достарыңызбен бөлісу:
|