Speciality 6D110400 – pharmacy қр мжмбс 10. 003-2009 Ресми басылым

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЖАЛПЫҒА

Стандарттың ережелерін докторанттар дайындауды жүзеге асыратын Қазақстан Республикасының білім беру және ғылым ұйымдары, олардың ведомстволық бағыныстылығына, ұйымдық-құқықтық нысандарына қарамастан, қолдануға және оны сақтауға міндетті.

Стандартты мемлекеттік басқару органдары, аккредиттеу органдары, білім беру және ғылым ұйымдарын лицензиялау және аттестаттау комиссиялары, мамандықтар бойынша оқу-әдістемелік секциялар (кеңестер), тапсырыс берушілер мен жұмыс берушілер қолдана алады және докторанттарды дайындау сапасын сараптауға негіз болып табылады.
2 Нормативтік сілтемелер
Осы стандартта төмендегі нормативтік құжаттарға сілтемелер пайдаланылған:

Қазақстан Республикасының 2007 жылғы 27 шілдедегі «Білім туралы» Заңы;

ҚР МЖМБС 5.04.033-2008 «Жоғары оқу орнынан кейінгі білім беру. Магистратура. Негізгі ережелер»;

ҚР МЖМБС 5.04.034-2008 «Жоғары оқу орнынан кейінгі білім беру. Докторантура. Негізгі ережелер»;

Қазақстан Республикасының «Халық денсаулығы және денсаулық сақтау жүйесі туралы» 2009 жылғы 18 қыркүйектегі № 193-IV Кодексі.
3 Терминдер мен анықтамалар
Осы стандартта Қазақстан Республикасының «Білім туралы» заңына, ҚР МЖМБС 5.04.033, ҚР МЖМБС 5.04.034 сәйкес қысқартулар, терминдер мен анықтамалар қолданылған. Сонымен қатар, бұл стандартта төмендегідей қысқартулар пайдаланылған:
Ресми басылым

НП – негізгі пәндер;

БП – бейіндік пәндер;

ДҒЗЖ – докторанттың ғылыми-зерттеу жұмысы;

ДЭЗЖ – докторанттың эксперименттік-зерттеу жұмысы;

ДӨЖ – докторанттың өзіндік жұмысы;

ДОБӨЖ – докторанттың оқытушының басшылығымен орындайтын өзіндік жұмысы.
4 Докторантты дайындау бағыттарының жалпы сипаттамасы
4.1 6D110400 – «Фармация» мамандығы бойынша докторантураның білім беру бағдарламасы, ведомостволық бағыныстылығы мен меншік нысанына қарамастан, осы мамандық бойынша білім беру қызметін жүргізу құқығына лицензиясы бар білім беру және ғылым ұйымдарында жүзеге асырылады.

4.2 6D110400 – «Фармация» мамандығы бойынша фармация докторларын және философия докторларын (PhD) дайындау:

- осы стандартқа;

- Қазақстан Республикасының Жоғары және жоғары оқу орнынан кейінгі білім беру мамандықтарының классификаторына;

- оқу-бағдарламалық және әдістемелік құжаттарға;

- докторанттардың жеке жұмыс жоспарына;

- белгіленген тәртіп бойынша бекітілген басқа да құжаттарға

сай іске асырылады.

4.3 6D110400 – «Фармация» мамандығы бойынша докторантурада фармация докторларын және философия докторларын (PhD) дайындау жүзеге асырылады.

4.4 Фармация докторын (бейінді докторантура) дайындайтын білім беру бағдарламасы іргелі білім беру, әдіснамалық және зерттеушілік дайындықты және фармацияның нақты бағыты бойынша пәндерді тереңдете оқытуды көздейді.

Бейінді докторантураның білім беру бағдарламалары қолданбалы сипатымен ерекшеленеді.

4.5 6D110400 – «Фармация» мамандығы бойынша философия докторын (PhD) (ғылыми және педагогикалық докторантура) дайындайтын білім беру бағдарламасы ғылыми-педагогикалық бағытты ұстанады және іргелі білім беру, әдіснамалық, зерттеушілік дайындықты, сонымен қатар жоғары, жоғары оқу орнынан кейінгі білім беру жүйесі мен ғылыми-зерттеу секторы үшін қажетті фармация пәндерін тереңдете оқытуды көздейді.

4.6 Бейінді докторантураның білім беру бағдарламасын толық игерген тұлғаларға «фармация докторы» академиялық дәрежесі беріледі.

Ғылыми және педагогикалық докторантураның білім беру бағдарламасын толық игерген тұлғаларға 6D110400 – «Фармация» мамандығы бойынша «философия докторы» (PhD) академиялық дәрежесі беріледі.

4.7 Осы стандарт ережесінің негізгі мақсаттары:

- докторанттардың дайындық деңгейіне қойылатын міндетті талаптарды сақтай отырып, жоғары оқу орнынан кейінгі кәсіптік білімнің жоғары сапасына қол жеткізу;

- докторанттарды дайындауды жүзеге асыратын білім беру және ғылым ұйымдары жұмысының тиімділігін бақылау жүйесін құру;

- докторантурада білім алушылардың құқықтары мен жауапкершілігін реттеу, докторанттардың өз бетімен оқу, ғылыми-зерттеу жұмыстарын және кәсіптік қызметтерін ынталандыру;

- Қазақстан Республикасының «фармация докторы» және «философия докторы» (PhD) академиялық дәрежелерін беру туралы құжаттарының халықаралық білім беру кеңістігінде және еңбек нарығында мойындалуын қамтамасыз ету.

4.8 Кәсіптік қызмет объектілері.

Докторлардың кәсіптік қызмет объектілері.

Фармация докторлары:

- фармацевтикалық ұйымдар мен кәсіпорындарда;

- фармацевтикалық қадағалау, дәрі-дәрмектерді стандарттау және сертификаттау органдарында;

- денсаулық сақтауды басқару органдары, денсаулық сақтау және әлеуметтік қамсыздандыру ұйымдарында;

- - химиялық-токсикологиялық бөлімдерде (лабораторияларда);

- фармацевтикалық ақпарат беру органдарында қызмет атқара алады.

6D110400 – «Фармация» мамандығы бойынша философия докторлары (PhD):

- жоғары және жоғары оқу орнынан кейінгі білім беру ұйымдарында;

- ғылыми ұйымдарда;

- фармацевтикалық қадағалау, дәрі-дәрмектерді стандарттау және сертификаттау органдарында;

- денсаулық сақтауды басқару органдары, денсаулық сақтау және әлеуметтік қамсыздандыру ұйымдарында қызмет атқара алады.

4.9 Кәсіптік қызмет түрлері.

Фармация докторлары кәсіптік қызметтің келесі түрлерін орындай алады:

- әкімшілік-басқару (денсаулық сақтауды басқару органдарының мамандары және денсаулық сақтау ұйымдарының әкімшілік-басқару қызметкерлері);

- ғылыми-зерттеу (ғылым ұйымдарының қызметкерлері);

- бақылау-рұқсат беру (сапаны бақылау, стандарттау және сертификаттау жөніндегі сынақ орталықтарының, лабораториялардың қызметкерлері);

- талдау (ақпараттық-талдау орталықтарының қызметкерлері);

- сараптамалық-консультациялық (денсаулық сақтау және әлеуметтік қамсыздандыру ұйымдарының сарапшылары, консультанттары).

- өндірістік (фармацевтика ұйымдары мен мекемелерінің қызметкерлері).

6D110400 – «Фармация» мамандығы бойынша философия докторлары (PhD) кәсіптік қызметтің келесі түрлерін орындай алады:

- педагогикалық (жоғары және жоғары оқу орнынан кейінгі білім беру ұйымдарының оқытушылары);

- ғылыми-зерттеу (ғылым ұйымдарының қызметкерлері);

- әкімшілік-басқару (денсаулық сақтауды басқару органдарының мамандары және денсаулық сақтау ұйымдарының әкімшілік-басқару қызметкерлері);

- талдау (ақпараттық-талдау орталықтарының қызметкерлері);

- сараптамалық-консультациялық (денсаулық сақтау және әлеуметтік қамсыздандыру ұйымдарының сарапшылары, консультанттары).

4.10 Оқу мерзімі

6D110400 – «Фармация» мамандығы бойынша докторантураның білім беру бағдарламасын меңгерудің нормативтік ұзақтығы – 3 жыл.

4.11 Докторантурада білім беру процесінің аяқталуының негізгі критерийі – докторанттың кем дегенде 90 кредитті меңгеруі.

Ғылым кандидаты ғылыми дәрежесі бар тұлғалар үшін докторантурадағы білім беру процесінің аяқталуының критерийі –теориялық оқудан докторанттың кем дегенде 30 кредитті меңгеруі.

4.12 Қазақстан Республикасында ресми танылған ғылым кандидаты ғылыми дәрежесі бар докторант зерттеулерінің негізгі ғылыми нәтижелерін алыс шетелдің кем дегенде екі ғылыми басылымында жариялауы тиіс. Бұл докторантураның білім беру бағдарламасының ғылыми компонентін есептеуге негіз болады.

5 Докторантураға түсетін тұлғаларға қойылатын талаптар

5.1 6D110400 – «Фармация» мамандығы бойынша докторантураның білім беру бағдарламасын игеруге тілек білдірушілердің алдыңғы білім деңгейі – докторантураның бейініне сәйкес келетін жоғары оқу орнынан кейінгі білім немесе медицинадан жоғары білім.

5.2 Докторантураға азаматтарды қабылдау тәртібі Жоғары оқу орнынан кейінгі білім берудің кәсіптік оқу бағдарламаларын жүзеге асыратын білім беру ұйымдарына оқуға қабылдаудың типтік ережелерімен белгіленеді.
6 6D110400 – «Фармация» мамандығы бойынша докторлық бағдарламаның негізгі міндеттері
6.1 «Фармация докторларын» дайындау бойынша білім беру бағдарламасының негізгі міндеттері:

кәсіптік қызмет аясындағы проблемалар мен міндеттерді тиімді шешуге қабілетті және фармация саласы бойынша ХХI ғасырдың талабына сай болуға қабілетті мамандардың жаңа буынын дайындау;

ғылыми зерттеулерді жүргізуге қабілетті және фармациядағы практикалық қызметін ғылыми превенция негізінде іске асыра алатын мамандарды дайындау;

мамандардың фармация саласынан толық және сапалы білім алуы, кәсіптік біліктілікті меңгеруі, теориялық және жеке практикалық дайындығын тереңдетуі;

дайындықтан өткен мамандардың білімі мен икемділігінің деңгейі фармацевтика саласында ғылыми-зерттеу және практикалық бағдарламаларды әзірлеуде және іске асыруда, сонымен қатар фармацевтика ұйымдарында, денсаулық сақтау, әлеуметтік қамсыздандыру ұйымдарындағы практикалық жұмыста олардың басым орынды алуына жеткілікті болуы тиіс;

оқыту мен зерттеу қызметі арасындағы оңтайлы теңгерімді қамтамасыз ету, фармациядан ауқымды ғылыми-практикалық және әдістемелік дайындықты іске асыру.

6.2 6D110400 – «Фармация» мамандығы бойынша «философия докторларын (PhD)» дайындау бойынша білім беру бағдарламасының негізгі міндеттері:

кәсіптік қызмет аясындағы проблемалар мен міндеттерді тиімді шешуге қабілетті және фармация саласы бойынша ХХI ғасырдың талабына сай болуға қабілетті мамандардың жаңа буынын дайындау;

ғылыми зерттеулерді жүргізуге қабілетті және фармациядағы практикалық қызметін ғылыми превенция негізінде іске асыра алатын мамандарды дайындау;

мамандардың фармация саласынан толық және сапалы ғылыми-педагогикалық білім алуы, кәсіптік біліктілікті меңгеруі, теориялық және жеке практикалық дайындығын тереңдету;

дайындықтан өткен мамандардың білімі мен икемділігінің деңгейі фармацевтика ұйымдарында ғылыми-зерттеу және практикалық бағдарламаларды әзірлеуде және іске асыруда, сонымен қатар фармацевтика ұйымдарында, денсаулық сақтау, әлеуметтік қамсыздандыру ұйымдарындағы практикалық жұмыста олардың басым орынды алуына жеткілікті болуы тиіс;

оқыту мен зерттеу қызметі арасындағы оңтайлы теңгерімді қамтамасыз ету, фармациядан ауқымды ғылыми, білім беру және әдістемелік дайындықты іске асыру;

оқытушылар мен ғылыми қызметкерлердің академиялық икемділігін қамтамасыз ету.

1. 7 6D110400 – «Фармация» мамандығы бойынша докторлық білім беру бағдарламасының мазмұны

7.1 Докторлық білім беру бағдарламасының құрылымы өзара тең мағынадағы екі компоненттен: білім беру, ғылыми компоненттерден тұрады.

Докторантураның білім беру бағдарламасы білім беру мазмұнын анықтайтын жұмыс түрлерінен құралады және олардың арақатынасын, өлшемі мен есебін айқындайды.

Оқу және ғылыми жұмыстардың еңбек сыйымдылығы игерілген материал мөлшерімен анықталады және кредиттермен өлшенеді.

Сонымен бірге, докторантурада алдыңғы білім алу деңгейінде игерілген кредиттерді есепке алатын кредиттік жинақтау жүйесі әрекет етеді. Пән кредиттердің толық мөлшеріне тең көлеммен бағаланады.

7.2 Докторантурада оқу жылы ұзақтығы 20 апта академиялық кезеңдерден (семестрлер, триместрлер, тоқсандар), ғылыми-зерттеу (эксперименттік-зерттеу) жұмыстарынан, аралық аттестаттау/қорытынды бақылау кезеңінен, практикадан, қорытынды аттестаттаудан және каникулдан тұрады.

7.3 Докторантурада оқыту күндізгі оқу түрі арқылы ғана жүзеге асырылады.

7.4 Теориялық оқыту негізгі пәндер циклінен және профильдік пәндер циклінен құралады. Негізгі пәндер цикліне міндетті компонент пәндері және таңдау компоненті пәндері кіреді. Бейіндік пәндер циклі таңдау компоненті пәндерінен ғана тұрады. Таңдауы бойынша пәндер тізімін және кредиттердің оған сәйкес ең аз көлемін, жұмыс берушілердің сұранысына және еңбек нарығының талаптарына сәйкес ғылым және білім беру ұйымы дербес белгілейді.

7.5 6D110400 – «Фармация» мамандығы бойынша докторантураның білім беру бағдарламасының мазмұны ғылым бағытына қарай 1-кестеге сәйкес белгіленеді:
1-кесте

№ р/с	Пәндердің атауы	Кредит көлемі
		Дайындық бағыты
		Фармация докторы	PhD докторы
1	2	3	4
1.	Негізгі пәндер циклі (НП)	15	15
1.1	Міндетті компонент (МК)	6	6
	БиостатистикаWeek 16: Statistical Methods in Drug Devlopmen Биостатистикаға кіріспе. Өлшем теориясы элементтері. Өлшем шәкілі. Ұйғарынды түрленулер. Біріктірілген және кешенді бағалар. Статистикалық жиынтықты салыстыру әдістері. Корреляциялық талдау. Кері талдау. Дисперсиялық талдау. Құбылыстардың серпінін талдау әдістері. Параметрлік емес критерийлер. Компьютерлік статистикалық бағдарламаларды қолдану. Денсаулық сақтау саласындағы мақалалар мен диссертациялық зерттеулерде статистикалық әдістердің қолданылуын 2	2	2

1-кестенің жалғасы

7.6 Білім беру бағдарламасының ғылыми компоненті докторанттың эксперименттік-зерттеу/ғылыми-зерттеу жұмысынан, ғылыми жарияланымнан және докторлық диссертацияны жазудан құралады.

7.7 Докторантураның білім беру бағдарламасын мерзімінен бұрын игерген және 6D110400 – «Фармация» мамандығы бойынша «фармация докторы» немесе «философия докторы» (PhD) академиялық дәрежесін алу үшін дайындаған дисертациясын табысты қорғаған жағдайда докторантқа, оқу мерзіміне қарамастан, жоғары академиялық ғылыми дәреже беріледі.

7.8 Бейінді докторантураны бітірген докторант педагогикалық саладағы пәндер циклін игерген және педагогикалық практиканы өткен жағдайда ғана ғылыми және педагогикалық қызметпен айналыса алады. Аталған цикл (егер оқу жоспарында қарастырылмаса) қосымша академиялық кезеңде игеріледі және оны бітірген соң негізгі дипломға қосымша сертификат беріледі.

7.9 6D110400 – «Фармация» мамандығы бойынша доктордың негізгі біліктілігіне қойылатын талаптар.

Фармация докторының:

- бейіндік дайындықтың таңдаған бағыты шеңберінде фармацияның басым даму бағыттары мен өзекті проблемалары туралы, оларды шешудің қазіргі тиімді әдістері туралы;

- фармация саласындағы кәсіптік жұмысының негізгі міндеттері, мәні мен әлеуметтік маңызы туралы;

- медицина мен фармациядағы қазіргі ғылыми медициналық ақпарат, ғылыми негізделген практиканың принциптері мен әдістері туралы және оларды өзінің кәсіптік қызметінде қолдану туралы;

• 
  деректерге статистикалық талдау жасаудың қазіргі әдістері туралы және кәсіптік қызметі саласындағы негізгі процестерді бағалау және мониторингі үшін оның маңызы туралы;
  
• 
  өзінің кәсіптік қызметі саласындағы басқару шешімдерін қабылдау әдістері туралы түсінігі болуы керек;
  

- фармациядағы зерттеулерді жоспарлаудың, ұйымдастырудың ережелері мен принциптерін және зерттеу әдістерін;

- дәлелдемелі медицинаның теориялық және практикалық негіздерін, фармацевтика практикасында дәлелдемелі медицинаның орны;

- бейіндік дайындықтың таңдаған бағыты аясындағы кәсіптік қызметінің теориялық және практикалық негіздері;

- фармацевтикалық және биомедициналық зерттеулердегі сандық және сапалық талдау әдістері;

- тиімді қарым-қатынас әдістерін, денсаулық сақтау ұйымындағы дауларды, торығуды және инновацияны басқару үшін психология сұрақтарын;

- қазіргі эпидемиологияның және биоэтиканың теориясы мен практикасының негіздерін;

- басқарудың, диагностиканың, талдаудың, проблеманы шешудің және оларды практикада жүзеге асырудың қазіргі әдістері;

- кем дегенде бір шетел тілін еркін меңгеру деңгейінде, оның ішінде медициналық және ғылыми ақпаратты еркін түсінетін деңгейде;
істей білуі керек:

- кәсіби қызметінің әр деңгейінде басқару шешімдерін талдауды жобалауды және қабылдауды;

- денсаулық сақтау және фармация саласындағы зерттеу қызметінің ұлттық, халықаралық стандарттарына және дәлелді медицина принциптеріне сүйене отырып, зерттеу міндеттерін шешуді;

- кәсіптік қызмет саласының пәнаралық, сектораралық кешенді проблемаларын шешуді;

- өзінің алдағы кәсіби дамуын жобалауды;

- жеке басының деформациясына және кәсіптік деформацияға қарсы тұруды;

- мамандардың корпоративтік жұмысын үйлестіруді;

- білімдерді интеграциялауды және оларды сыпайы, қисынды байланыстырып ауызша және жазбаша формада жеткізе алуды;

- қисынды және сыни ойлау, шешіміне сендіру және дәлелдеу, өз пікірін ауызша және жазбаша түрде дұрыс және қисынды құрастыру;

- кәсіптік қызметі саласындағы практикалық проблемалар мен міндеттерді шешу;

- кәсіптік қызметі аясында түрлі процестер мен құбылыстардың үлгілерін құрастыру және болжау жасау;

- кәсіптік қызметі саласында кешенді жобаларды басқару;

- кәсіптік міндетін өз бетінше, шығармашылықпен орындау, өзін, өзінің еңбек нәтижесін әділ бағалау;

мына жұмыстарда білікті болуы тиіс:

• 
  фармацевтикалық және биомедициналық зерттеулерді жоспарлаудың, ұйымдастырудың және жүргізудің қазіргі жүйесінде;
  

- жеке және кәсіптік өсуге дайын болып, ақпараттық іздестіру проблемасын шешуде.

- фармациядағы ғылыми зерттеулердің басым бағыттары және көкейтесті міндеттері туралы;

• 
  фармациядағы педагогикалық және ғылыми-зерттеу қызметінің қазіргі әдістемесі туралы;
  
• 
  фармациядағы ғылым мен инновацияның рөлі туралы;
  

- қазіргі ғылыми ақпарат, ғылыми негізделген практиканың принциптері мен әдістері және оларды өзінің кәсіби қызметінде қолдану туралы түсінігі болуы тиіс;

- фармацияның негізгі жетістіктері және даму үрдістерін;

- фармациядағы іргелі және қолданбалы ғылыми зерттеулердің әдістері мен жоспарлау, ұйымдастыру принциптерін;

- жоғары мектепте фармация пәндерінің оқытылу әдістемесін;

- фармациядағы кәсіптік қызметтің теориялық және практикалық негіздерін;

- қазіргі эпидемиология мен биоэтиканың теориясы мен практикасының негіздерін;

- фармацевтикалық және биомедициналық ғылыми зерттеулердегі сандық және сапалық талдау әдістерін;

- кем дегенде бір шетел тілін еркін меңгеру деңгейінде, оның ішінде медициналық ақпаратты еркін түсінетін деңгейде;

- өзінің кәсіптік, ғылыми, ғылыми-педагогикалық қызметін, сонымен қатар ұжым қызметін жоспарлауды және жүзеге асыруды;

- іргелі ғылымдардан білімін өзінің практикалық жұмысында фармациядағы нақты зерттеу, ақпараттық-іздестіру, әдістемелік міндеттерді шешу үшін қолдануды;

- әлеуметтік маңызды проблемалар мен процестерді ғылыми тұрғыдан талдадыу;

- фармациядағы ғылыми зерттеулердің қазіргі әдістерін қолдануды;

- білімін интеграциялауды және оны жазбаша және ауызша формада қисынды байланыстырып, сыпайы жеткізуді;

- дербес зерттеу жұмысын жазу, ортақ зерттеу жобаларын әзірлеу және іске асыру;

- қисынды және сыни ойлау, шешімдерге сендіру және дәлелдеу, өз пікірін ауызша және жазбаша түрде дұрыс және қисынды құрастыру;

- жаңа ақпараттық және білім беру технологиясы көмегімен кәсіби білімін толықтыру;

- кәсіби қызмет аясында түрлі процестер мен құбылыстардың үлгілерін құрастыру және болжау, зерттеушілік және педагогикалық стандартты міндеттерді шешу;

- білім алушылар және мамандар аудиториясымен жұмыс;

- кәсіптік міндетін өз бетінше, шығармашылықпен орындау, өзін, өзінің еңбек нәтижесін әділ бағалау;

мына жұмыстарда білікті болуы тиіс:

- фармациядағы ғылыми және педагогикалық қызмет мәселелерінде;

• 
  фармацевтикалық және биомедициналық ғылыми зерттеулерді жоспарлаудың, ұйымдастырудың және жүргізудің қазіргі жүйесінде;
  
• 
  ғылыми нәтижені баяндауда және ресімдеуде, ғылыми ақпаратты іздестіруде және ақпарат алмасуда;
  
• 
  тиімді кәсіби өсуді жүзеге асыруда.
  

8.2 Докторантураның білім беру бағдарламасының мазмұнын:

• 
  негізгі және бейіндік пәндерді игеру бағытындағы теориялық оқыту;
  
• 
  кәсіптік/педагогикалық практика;
  
• 
  эксперименттік-зерттеу/ғылыми-зерттеу жұмысы;
  
• 
  докторлық диссертацияны орындау және қорғау;
  
• 
  аралық және қорытынды аттестаттау құрайды.
  

8.4 Докторантураның білім беру бағдарламасының құрылымында өзіндік жұмысқа маңызды орын бөлінеді.

Өзіндік жұмыс екі түрге бөлінеді – докторанттың оқытушының басшылығымен орындайтын өзіндік жұмысы (ДОБӨЖ) және докторанттың өзіндік жұмысы (ДӨЖ).

ДОБӨЖ – докторанттың оқытушымен байланыста өткізетін аудиториядан тыс жұмысы, ол оқу сабақтарының кестесінде міндетті түрде көрсетілуі тиіс. ДОБӨЖ сағаттарына үй тапсырмасын, курстық жобаларды (жұмыстарды), семестрлік және бақылау жұмыстарын, есептерді және МӨЖ тапсырмаларының басқа да түрлерін орындау жөніндегі консультациялар кіреді.

ДӨЖ – докторанттың дербес өзі орындайтын аудиториядан тыс жұмысы. ДӨЖ оқу-әдістемелік әдебиетпен, ұсыныстармен қамтамасыз етілген және өз бетімен оқуға бөлінген тақырыптардың белгіленген тізімі бойынша орындалады. Ол жұмыс тест, бақылау жұмысы, коллоквиум, реферат, есеп беру жолымен және білімді бақылаудың басқа да формаларымен тексеріледі.

Өзіндік жұмыстың жалпы көлеміндегі ДОБӨЖ мен ДӨЖ арақатынасын білім беру және ғылым ұйымы өзі белгілейді. Теориялық оқытуда ДОБӨЖ көлемі өзіндік жұмыстың жалпы көлемінің 1/6 бөлігінен кем болмауы керек, зерттеушілік жұмыста өзіндік жұмыстың жалпы көлемінің 1/7 бөлігінен кем болмауы керек.

8.5 Докторант ғылыми кеңесшінің көмегімен құрылатын жеке жұмыс жоспары негізінде оқиды.

8.6 Докторанттың жеке жұмыс жоспары оқу мерзімінің барлық кезеңіне жасалады.Ол төмендегі тарауларды қамтиды:

- жеке оқу жоспары (қажет болған жағдайда жыл сайын нақтыланады);

- эксперименттік-зерттеу/ғылыми-зерттеу жұмысы (зерттеу тақырыбы, бағыты, есеп беру мерзімі мен түрі);

- практика (бағдарлама, негіз, есеп беру мерзімі мен түрі);

- докторлық диссертация тақырыбы, оған дәлелдемесі және құрылымы қоса беріледі;

- докторлық диссертацияны орындау жоспары;

- ғылыми жарияланымның және тағылымдаманың, оның ішінде шет елдердегі жарияланым мен тағылымдаманың жоспары.

8.7 Докторант типтік оқу жоспары мен элективті пәндер катологының негізінде, эдвайзердің көмегімен, өзінің жеке оқу жоспарын жасайды. Оған міндетті компоненттің барлық пәндері енуі тиіс, олардың көлемі МЖМБС бекіткен көлемнен кем болмауы керек.

Таңдау компоненті бойынша пәндерді докторант өзі анықтайды. Докторант игеретін таңдау компоненті кредиттерінің жалпы мөлшері МЖМБС бекіткен көлемнен кем болмауы керек.

Білім алушылардың білім жетістіктерін бақылау нәтижелерінің халықаралық білім кеңістігінде танылуына қол жеткізу үшін білімді бағалау балдық-рейтингілік әріптік жүйемен жүргізіледі

8.9 Практиканы ұйымдастыруға қойылатын талаптар

Практика ғылыми, кәсіби қызметтің практикалық дағдыларын қалыптастыру мақсатымен ұйымдастырылады.

Докторантураның білім беру бағдарламасында:

• 
  бейіндік докторантура бағдарламасы бойынша білім алушылар үшін - кәсіптік практика;
  
• 
  философия докторы (PhD) бағдарламасы бойынша білім алушылар үшін - зерттеу практикасы болуы қажет.
  

Кәсіптік практика фармацевтика ұйымдары мен кәсіпорындарында, денсаулық сақтау және әлеуметтік қамсыздандыру ұйымдарында, ғылыми ұйымдарда өткізіледі.

6D110400 – «Фармация» мамандығы бойынша философия докторының (PhD) зерттеу практикасы отандық ғылым мен шетел ғылымындағы жаңа теориялық, әдістемелік және технологиялық жетістіктерді зерттеу, сонымен қатар қазіргі ғылыми зерттеу әдістерді практикада қолдану дағдыларын нығайту, диссертациялық зерттеулердегі эксперименттік мәліметтерді өңдеу және түсіндіру мақсатында жүргізіледі.

Зерттеу практикасы фармацевтика ұйымдары мен кәсіпорындарында, денсаулық сақтау және әлеуметтік қамсыздандыру ұйымдарында, ғылыми ұйымдарда өткізіледі.

8.10 Кәсіптік практика мен зерттеу практикасының мазмұны докторлық диссертацияның тақырыбымен анықталады.

8.11 Практикалардың барлық түрі оқу жоспарында анықталған мерзімде, жеке жұмыс жоспарына сәйкес өткізіледі.

8.12 Фармация докторы бағдарламасы бойынша білім алушының эксперименттік-зерттеу жұмысына қойылатын талаптар.

Докторанттың эксперименттік-зерттеу жұмысы:

• 
  докторлық диссертация қорғалатын мамандықтың негізгі проблемаларына сәйкес болуы тиіс;
  
• 
  өзекті, ғылыми жаңалығы мен практикалық маңыздылығы болуы керек;
  
• 
  ғылымның, техника мен өндірістің қазіргі жетістіктеріне негізделуі және кешенді, қызметаралық сипаттағы басқару міндеттерінің дербес шешімдері, нақты практикалық ұсыныстары болуы қажет;
  

• 
  озық ақпараттық технологияларды қолдану арқылы орындалуы қажет;
  
• 
  негізгі қорғалатын қағидалар бойынша эксперименттік-зерттеу (әдістемелік, практикалық) тарауларынан құрылуы керек.
  

Докторанттың ғылыми-зерттеу жұмысы:

• 
  докторлық диссертация қорғалатын мамандықтың негізгі проблемаларына сәйкес болуы тиіс;
  
• 
  өзекті, ғылыми жаңалығы мен практикалық маңыздылығы болуы керек;
  
• 
  ғылым мен практиканың теориялық, әдістемелік және технологиялық қазіргі жетістіктеріне негізделуі тиіс;
  
• 
  компьютерлік технологияларды қолдану арқылы мәліметтерді өңдеудің және түсіндірудің қазіргі әдістеріне негізделуі керек;
  
• 
  ғылыми зерттеулердің қазіргі әдістерін қолдану арқылы орындалуы тиіс;
  
• 
  негізгі қорғалатын қағидалар бойынша ғылыми-зерттеу (әдістемелік, практикалық) тараулардан құрылуы керек.
  

Докторлық диссертация докторанттың эксперименттік-зерттеу/ғылыми-зерттеу жұмысының қорытындысы болып табылады.

Докторанттың докторлық диссертациясының негізгі нәтижелері отандық белгілі ғылыми журналдарда және шетелдік ғылыми журналдарда кем дегенде жеті рет жариялануы тиіс (оның ішінде алыс шетелдік журналдарда кем дегенде бір мақала жариялануы немесе диссертациялық зерттеудің нәтижелерін жариялау үшін Қазақстан Республикасының Білім және ғылым министрлігінің Білім және ғылым саласындағы қадағалау және аттестаттау жөніндегі комитетінің ұсынысымен кем дегенде 4 мақала) және басқа да ғылыми басылымдарға ұсынылуы қажет, сондай-ақ халықаралық ғылыми конференцияларда баяндалуы қажет.

8.15 Диссертацияның мазмұнына және ресімделуіне, оны дайындауға және қорғауға қойылатын талаптар білім саласының өкілетті органдарының нормативтік құқықтық актілерімен белгіленеді.

8.16 Кадрлармен қамтамасыз етуге қойылатын талаптар:

Докторантураның білім беру бағдарламаларын білім беру қызметін атқаруға лицензиясы бар және шетелдердің жетекші оқу-ғылыми орталықтарымен ғылыми серіктестік туралы келісімі және ғылыми мектептері бар, докторантураның аккредиттік бағдарламаларын іске асыратын білім беру және ғылым ұйымдары жүзеге асырады.

8.17 Докторантураның білім беру бағдарламаларын іске асыратын білім беру және ғылым ұйымдарында білім алушыларды ғылым докторлары мен кандидаттары, бейіні бойынша докторлар, философия докторлары (PhD) оқытуы тиіс. Мамандық бойынша мемлекеттік жалпыға міндетті білім беру стандартының базалық және бейіндік пәндері циклдерінен сабақ беретін штаттағы профессор-оқытушылар құрамы 50% кем болмауы шарт, оның ішінде кем дегенде үш ғылым докторы болуы тиіс. Сонымен қатар, тиісті мамандық бойынша бейіндік доктор және философия докторы (PhD) дәрежесі бар шетелдік ғалымдар тартылуы қажет.

Бейіндік докторантурада сабақ өткізу үшін мамандық бейініне сәйкес маман-практиктер шықырылуы тиіс.

     8.18 Ғылыми-мектептер ел аумағында немесе халықаралық деңгейде танылған болуы қажет. Жоғары импакт-факторлы ғылыми басылымдардағы жарияланымдар, шетелдік әріптестерімен бірге орындалған халықаралық және отандық ғылыми жобалар танылудың негізгі индикаторлары болып табылады.

8.19 Оқытушы кадрлар қазіргі интерактивті әдістерді, оқыту технологияларын меңгерулері және оларды оқу үрдісінде қолданулары тиіс.

8.20 Докторанттарға ғылыми жетекшілікті, білімнің осы саласында белсенді қызмет жасайтын және ғылыми жетекшілік тәжірибесі бар ғылым докторлары мен кандидаттарынан, (PhD) философия докторларынан тағайындалған және құрамында кем дегенде екі адам бар консультациялық комиссия жүзеге асырады, консультациялық комиссияның бір мүшесі, әдетте, шетелдік жоғары оқу орындарының жетекші ғалымы болуы шарт.

8.21 Докторантты дайындаудың білім беру бағдарламаларын әзірлеуге және оған қоса ғылыми-зерттеулерді дайындауға қойылатын талаптар.

6D110400 – «Фармация» мамандығы бойынша фармация докторларын және философия докторларын (PhD) дайындау бағдарламаларын жүзеге асыратын білім беру және ғылым ұйымдары қажетті оқу-әдістемелік құжаттарды (оқудың жұмыс жоспарын, оқу пәндері мен практикалар бағдарламаларын, эксперименттік-зерттеу/ғылыми-зерттеу жұмысының бағдарламаларын және т.б.) әзірлейді және бекітеді.

8.22 Оқу пәндерінің бағдарламаларын докторантураның білім беру бағдарламаларын жүзеге асыратын білім беру және ғылым ұйымдары осы стандарт негізінде әзірлейді.

6D110400 – «Фармация» мамандығы бойынша докторлық білім беру бағдарламаларының кәсіпке дайындау бөлігі фармациядағы «философия докторларын» (PhD) немесе «фармация докторларын» дайындау бойынша аккредиттелген бағдарламаларды жүзеге асыратын шетелдік жоғары рейтингілі оқу орындары мен ғылыми орталықтардың тәжірибелерінің негізінде әзірленуі тиіс.

8.23 Оқу-әдістемелік тұрғыдан қамтамасыз етілу талаптары:

Оқу үрдісін оқу-әдістемелік және ақпараттық қамтамасыз ету докторантураның білім беру бағдарламаларын сапалы игеру мүмкіндігіне кепілдік беруі тиіс. Білім беру бағдарламасын жүзеге асыру халықаралық ақпараттық желілерге, деректердің электрондық қорына, кітапхана қорларына, компьютерлік технологияларға, оқу-әдістемелік және ғылыми әдебиетке еркін қол жеткізуді қамтамасыз етуі тиіс.

8.24 Материалдық-техникалық жабдықтауға қойылатын талаптар

Докторантура бағдарламаларын жүзеге асырушы білім беру және ғылым ұйымдары, қазіргі санитариялық-техникалық нормаларға сәйкес келетін, оқу жоспарына сай, теориялық және практикалық дайындықтың барлық түрін жүзеге асыруға және диссертацияны дайындауға жағдай жасайтын материалдық-техникалық базаны (аудиториялар қорын, компьютер кластарын, зертханаларды, құралдар-жабдықтарды, материалдар қорын) иеленуі тиіс. Жоғары оқу орындары және ғылыми ұйымдар зерттеу нәтижесінің жариялануына көмектесуі керек.
9 Докторантураның білім беру бағдарламасын меңгерген тұлғалардың дайындық деңгейіне қойылатын талаптар
9.1 Жалпы талаптар

Докторантураны бітірушілердің іргелі ғылыми немесе кәсіптік дайындығы болуы тиіс және ол қазіргі ақпараттық технологияларды, оның ішінде ғылыми ақпаратты алу, өңдеу және сақтау әдістерін игеруі, қазіргі ғылыми және практикалық проблемаларды тұжырымдай және шеше алуы, таңдаған бағыты бойынша эксперименттік-зерттеу/ғылыми-зерттеу жұмысын ұйымдастырып, жүргізуі, зерттеу және басқару қызметін табысты атқара алуы керек.

9.2 Арнаулы пәндер бойынша докторантураның білім беру бағдарламасын меңгеруге қойылатын талаптар сол пәндердің оқу бағдарламасымен анықталады.
     

А қосымшасы

(міндетті)

6D110400 – Фармация мамандығының

Типтік оқу жоспары

(бейіндік бағыт) 

Академиялық дәрежесі: Фармация докторы

(ғылыми-педагогикалық бағыт) 

Академиялық дәрежесі: философия докторы (PhD)

__________________________________________________________________