Рецепттерді тіркеудің квитанциялық формасы

Тіркеудің квитанциялық формасы дәрінің босату кезіндегі қателерді аз жіберуге мүмкіндік береді. Өйткені, бұл жағдайда қосымша бақылау ақпараты: дәрінің номеклатурасы мен түрі, бағасы, жасалу уақытынан басқа, аурудың аты – жөні жазылады. Бірақ квитанциялық форма рецепті безендіру мен тіркеуге ұзақ уақытты қажет етеді. Дәрі дайындауға тапсырысты жетонды формамен безендіру жұмыс уақытын азайтуға мүмкіндік береді, өйткені дәріхана келушісіне белгілі бір формалы және түсі бар номерлік жетон беріледі. Жетонның түсі және формасы белгілі бір дәрілік түрді белгілейді, ол номері-рецептің номірі және дәріні көрсетеді. Бір уақытта дәрінің нөмірі, оның бағасы және дәрілік түрі журналда тіркеледі.

Тіркеудің жетондық формасының кемшіліктері – онда аурудың аты – жөні көрсетілмейді және дәрінің жасалу уақыты мен бағасы жазылмайды. Одан басқа ауру уақытында келіп алмаған дайын дәріні іздеу қиын болады, өйткені жетонда дәрінің дайындау уақыты көрсетілмейді.

Дәріні дайындауға тапсырысты безендірудің чектік әдісі ең тиімді болып саналады. Дәрінің кассадан таксировкалап, бағасын төлегеннен кейін рецепт провизорға қайтып келеді. Рецептке провизор кассалық чектің номірін қояды, ол дайындауға алынған дәрінің номірі болып табылады. Чекта номірді түсті қарындашпен белгілейді. Түсі – дәрілік форманы көрсетеді, мысалы: «жасыл- ішке», «қызыл-сары- сыртқа», «көк- инъекциялық», «қара-құрамында улы заты бар дәрі». Күнін және рецепттің номірін кассалық аппарат белгілейді, сондықтан провизор тек дәрінің дайындалу уақытын көрсетеді. Қажет жағдайда чекта аурудың аты-жөні жазылады. Бір уақытта дәрінің номірі, бағасы және түрі журналда тіркеледі. Безендірілген чек тапсырушыға ұсынылады. Дәріні алу үшін келуші чекті провизорға көрсетеді. Чектің номірі және сигналдық түс бойынша провизор дайын дәрінің сақталу орнын анықтайды.

Чектік әдістің басқа әдістерге қарағандағы артықшылықтары: рецепті безендірудегі қабылдаудағы уақыттың азаюы және босату кезінде қосымша бақылау элементтері болады және дәріхана үшін квитанциялық кітапшаны сатып алудан гөрі материалдық шығынның болмауы.

Рецепттің фармацевтикалық экспертизасын жүргізгенде және ол бойынша дәрілік затты босату туралы шешім қабылдағанда провизор дәріханалық ұйымнан дәріні босату тәртібін қатаң сақтау керек.

Дәріханада дайындалған дәрілерді босату квитанция, жетон немесе чекпен жүзеге асырылады. Дәріні босату кезінде провизор бақылау жүргізеді, ол аурудың аты-жөнін, квитанциядағы нөмірді тексереді, дұрыс орамдау мен безендірілуін тексереді. Провизор дәрінің сыртқы түрін түсіндіреді, үй жағдайында қалай дұрыс сақталуын түсіндіреді. Рецептте провизор өз қолын қояды (дәрі босатылады).

Ауруға рецепттің орнына сигнатура беріледі. Оның жоғарғы жағында сары жолақ және «Сигнатура» деген жазу болады. Ол құрамында наркотикалық, психотрптық күшті әсер ететін, улы заттары бар экстремальды дайындалған дәрілерге және А және Б тізімі препараттарына: «Апоморфин гидрохлориді», «Атропин сульфаты», «Гоматропин гидробромиді», «Дикаин», «Пахикарпин гидройодиді», «Күміс нитраты», этил спирті. Дайын дәріні босатқанда қолдану әдісі этикеткада көрсетіледі.

Дәрігер дәрілік затты тағайындағанда дозасын дұрыс белгілемесе, оның бір реттік дозасы жоғары болса дәріхана жұмыскері бұл дәріні жоғары реттік дозасының жартысын босату керек.
4. АЗАМАТТАРДЫҢ ЖЕКЕЛЕГЕН САНАТТАРЫН ДӘРІЛІК ЗАТТАРМЕН ТЕГІН ЖӘНЕ (НЕМЕСЕ) ЖЕҢІЛДІКПЕН ҚАМТАМАСЫЗ ЕТУ ЕРЕЖЕСІ

(ҚР Үкіметінің 27.08.2005ж №889 қаулысына сәйкес)

Жалпы ережелер:

1. Осы Азаматтардың жекелеген санаттарын дәрілік заттармен тегін және (немесе) жеңілдікті қамтамасыз ету (бұдан әрі Ереже) аурулардың түрлері бойынша азаматтардың жекелеген санаттарын дәрілік заттармен тегін және (немесе) жеңілдікті қамтамасыз ету тәртібін айқындайды.

2. Аурулардың түрлері бойынша азаматтардың жекелеген санаттарын дәрілік заттармен (оның ішінде құрамында есірткі құралдары, психотроптық заттар мен прекурсорлар бар дәрілік заттармен) тегін және (немесе) жеңілдікті қамтамасыз ету (бұдан әрі дәрі-дәрмекпен амбулаториялық қамтамасыз ету) тегін медициналық көмектің кепілді көлемінің шеңберінде амбулаториялық емдеу кезінде рецептілер бойынша жүзеге асырылады.

Амбулаториялық емдеу кезінде дәрілік заттар рецептілер бойынша тегін және (немесе) жеңілдікті жағдайда берілетін аурулардың түрлері меназаматтардың жекелеген санаттарының тізбесін, сондай-ақ оларды емдеуге арналған дәрілік заттардың тізбесін Қазақстан Республикасы Денсаулық сақтау министрлігі (бұдан әрі – уәкілетті орган) бекітеді.

3. Тиісті жергілікті бюджеттердің қаражаты есебінен дәрілік заттарды тегін немесе жеңілдікті жағдайларда қосымша беру уәкілетті органның келісімі бойынша жүзеге асырылады.

4. Амбулаториялық дәрі-дәрмекпен қамтамасыз ету үшін денсаулық сақтауды мемлекеттік басқарудың жергілікті органдары (бұдан әрә - тапсырысшы) фармацевтикалық қызметті жүзеге асыратын заңды тұлғалар мен жеке тұлғалардан (бұдан әрі - өнім беруші) қызметтерді сатып алуды жүзеге асырады.

Республикалық бюджеттік бағдарламалардың шеңберінде сатып алынатын дәрілік заттарды сақтауды және диабетпен ауыратын, онкологиялық аурулармен ауыратын, бүйрегінің кемістігі бар және бүйрегін ауыстырып қондыру бойынша операция жасалған амбулаториялық науқастарды қамтамасыз ету жөніндегі қызметтерді өнім берушілерден сатып алуды тапсырысшы бөлек жүзеге асырады.

5. Осы Ережеде мынадай ұғымдар пайдаланылады:

1) берілетін бағасы – дәрі – дәрмекпен амбулаториялық қамтамасыз ету кезінде азаматтарға өнім беруші беретін дәрілік заттың, тасымалдауға, сақтандыруға, кеден баждарын, салықтарды, төлемдер мен алымдарды төлеуге, дәрілік заттардың құнына, дәрі – дәрмекпен амбулаториялық қамтамасыз ету бойынша есепті жүргізуге және есеп беруге арналған шығыстарды қамтитын бағасы;

2) өтеу коэффициенті Қазақстан Республикасының Үкіметі белгілейтін дәрілік заттың берілу бағасын тапсырысшының өнім берушіге өтеу үлесі;

3) өтеу сомасы осы Ережеге сәйкес дәрі – дәрмекпен амбулаториялық қамтамасыз ету бойынша көрсетілетін қызметтер үшін тапсырысшының өнім берушіге өтеу үлесі.

4.1. Дәрі – дәрмекпен амбулаториялық қамтамасыз ету үшін қажеттілікті айқындау
6. Дәрі – дәрмекпен амбулаториялық қамтамасыз ету үшін қажетті дәрілік заттарға қажеттілік мынадай:

1) уәкілетті орган бекіткен аурулар түрлерінің, азаматтардың жекелеген санаттарының және дәрілік заттардың тізбесінің;

2) бір науқасқа арналған дәрілік затты берудің, бұрынғы кезеңдегі нақты тұтынуының есептік нормасының;

3) жоспарланатын науқастар санының негізінде айқындалады.

7. Дәрілі заттардың нақты қол жетімділігімен қамтамасыз ету мақсатында тапсырысшы дәрі – дәрмекпен амбулаториялық қамтамасыз етілуі қажет облыстардың, Астана және Алматы қалалары елді мекендерінің тізбесін айқындайды.
4.2. Дәрі – дәрмекпен амбулаториялық қамтамасыз ету
8. Жергілікті мерзімдік баспа басылымдарында, сондай-ақ тегін амбулаториялық-емханалық медициналық көмектің кепілді көлемін ұсынатын медициналық ұйымдардың (бұдан әрі амбулаториялық медициналық ұйымдар) көрнекі ақпарат органдарында және дәрілік заттардың бөлшек саудасы объектілерінде тапсырысшы мынадай ақпараттарды орналастырады:

1) аурулар түрлерінің және амбулаториялық емдеу кезінде дәрілік заттар тегін және (немесе) жеңілдікті жағдайларда берілетін азаматтардың жекелеген санаттарының тізбесі;

2) берілетін бағасы мен өтеу коэффициенті көрсетілген тегін және (немесе) жеңілдікті жағдайларда берілетін дәрілік заттардың тізбесі;

3) дәріхана ұйымдарының және дәрі – дәрмекпен амбулаториялық қамтамасыз ету жүзеге асырылатын бастапқы медициналық – санитарлық көмек объектілерінің мекен – жайлары.

9. Тапсырысшы өнім берушіге дәрігерлері мен медицина қызметкерлерінің дәрі – дәрмекпен амбулаториялық қамтамасыз ету үшін рецептілер жазып беруге құқығы бар медицина ұйымдарының тізбесін береді.

10. Азаматтардың жекелеген санаттарына дәрілік заттарды тегін және (немесе) жеңілдікті жағдайларда беру уәкілетті орган белгілеген тәртіппен жазып берілген рецептінің негізінде жеке басын куәландыратын құжатты немесе оның нотариалдық куәландырылған көшірмесін көрсеткен кезде жүзеге асырылады. Дәрілік затты басқа адам алған жағдайда нотариалдық куәландырылған көшірмесін көрсеткен кезде беріледі. Дәрілік заттарды науқас балалардың ата – аналары алуы үшін баланың туу туралы куәлігі немесе оның нотариалды куәландырылған көшірмесі, сондай – ақ ата – аналарының жеке басын куаландыратын құжаты көрсетіледі.

Өнім берушіге белгіленген тәртіпті бұза отырып, жазып берілген рецепт бойынша берілген дәрілік заттың берілу бағасы өтелмейді.

11. Дәрі – дәрмекпен амбулаториялық қамтамасыз ету:

1) өнім берушінің және (немесе) дәрі – дәрмекпен амбулаториялық қамтамасыз ету бойынша онымен шарттық қатынастарда тұрған адамның дәрілік заттарды бөлшек саудада сату объектілері;

2) өнім беруші және (немесе) онымен шарттық қатынастарда тұрған адамдар дәрі – дәрмекпен амбулаториялық қамтамасыз ету бойынша дәрілік заттарды сатуға құқығы бар шалғайдағы ауылдық елді мекендердегі бастапқы медициналық – санитарлық көмек объектілері арқылы жүзеге асырылады.

Туберкулезден зардап шегетін азаматтар амбулаториялық емдеу кезінде туберкулез мекемелері арқылы туберкулезге қарсы препараттармен қамтамасыз етіледі.

12. Өтеу сомасын дәрі – дәрмекпен амбулаториялық қамтамасыз ету үшін жазып берілген және дәрілік заттарды беру жүзеге асырылған рецептілердің тізілімдерін медицина ұйымдары мен өнім берушілер ұсынған салыстырулар негізінде тапсырысшы айқындайды. Берілген тізілімдердің деректері сәйкес келмеген жағдайда тапсырысшы өтеуге жатпайтын және ол бойынша тапсырысшы мен өнім берушінің тарапынан дұрыстығын бақылау жүзеге асырылатын жағдайлардың тізілімі жасалады.

13. Тегін негізде дәрі – дәрмекпен амбулаториялық қамтамасыз ету кезінде азаматтарға өнім беруші мен тапсырысшының арасындағы шартпен белгіленген дәрілік заттардың берілу бағасы мен өтеу сомасының арасындағы айырма төленеді.

Тегін негізінде дәрі – дәрмекпен амбулаториялық қамтамасыз ету кезінде өнім берушінің берілетін бағасын тапсырысшы толық өтейді.

14. Дәрі – дәрмекпен амбулаториялық қамтамасыз ету туралы ақпаратты тапсырысшылар уәкілетті органға ұсынады.
5. ҚҰРАМЫНДА ЕСІРТКІ ҚҰРАЛДАРЫ, ПСИХОТРОПТЫҚ ЗАТТАР МЕН ПРЕКУРСОРЛАР БАР ДӘРІЛІК ЗАТТАРДЫ ҚОСПАҒАНДА, ДӘРІЛІК ЗАТТАРҒА РЕЦЕПТ ЖАЗЫП БЕРУ ЖӘНЕ ДӘРІГЕРДІҢ РЕЦЕПТІСІ БОЙЫНША БЕРУ ЖӨНІНДЕГІ ЕРЕЖЕ
ҚР ДСМ 2005 жылғы «3» ақпан № 38 бұйрығына сәйкес:

1. Рецептілерді денсаулық сақтау ұйымдарының медицина қызметкерлері өз құзіреті шегінде сәйкес нысан бойынша банкілермен тиісті медициналық айғақтар болған кезде береді.

Рецептілер рецептіні жазып беретін медицина қызметкерінің қолымен және мөрімен бекітіледі.

2. Дәрілік заттармен тегін немесе жеңілдікпен қамтамасыз етілуге құқығы бар науқастардың жекелеген санаттары үшін дәрілік заттарды тегін немесе жеңілдікті жағдайларда алуға рецептілер сәйкес бланктерге жазылып беріледі.

Дәрілік заттарды тегін немесе жеңілдікті жағдайларда алуға арналған рецептілерге денсаулық сақтау ұйымының басшысы қосымша қол қояды және мөрімен бекітеді. Фельдшерлік-акушерлік пункттің меңгерушісі дәрілік заттарды тегін немесе жеңілдікті жағдайларда алуға рецептіге қол қояды және фельдшерлік-акушерлік пункттің мөрімен бекітеді.

3. Қазақстан Республикасында тіркелмеген және қолдануға рұқсат етілмеген дәрілік заттарға рецептілер жазып беруге жол берілмейді.

4. Рецептілер науқастың жасы және дәрілік заттың құрамына кірген ингредиенттер әрекетінің сипаты ескеріле отырып жазылып беріледі.

5. Дәрілік заттарды тегін немесе жеңілдікпен алуға арналған рецептінің мазмұны мен нөмірі науқастың амбулаториялық картасында көрсетіледі. Рецептілердің бланкілері сәйкес нысан бойынша рецепт бланкілерін есепке алатын арнайы кітапта тіркеледі.

6. Рецептілер бланкілердегі көрсетілген барлық бағандар міндетті түрде толтырыла отырып, анық жазумен жазылып беріледі.

7. Рецептіде сәйкес қысқартуларға жол беріледі.

8. Дәрілік затты қолдану тәсілі қабылдау мөлшері, жиілігі мен ұзақтығы көрсетіле отырып, мемлекеттік немесе орыс тілінде жазылады. Жалпы нұсқаулармен («Белгілі», «Ішке», «Сыртқа») шектеуге болмайды.

9. Бір рецепт бланкісіне бір дәрілік зат жазылып беріледі.

10. Дәрілік затты жоғары бір реттіктен артық мөлшерде жазып берген кезде дәрігер рецептіге дәрілік заттың мөлшерін жазумен және леп белгісімен белгілейді. Дәрігер осы талапты сақтамаған жағдайда фармацевтика қызметкері жазып берілген дәрілік заттың белгіленген жоғары бір реттік мөлшерінің жартысын береді.

11. Рецептілер стационарлық көмек көрсететін денсаулық сақтау ұйымдарында айрықша қолданылатын дәрілік затқа (ингаляциялық және ингаляциялық емес наркозға арналған заттар және басқалары) жазылып берілмейді.

12. Рецептілер жеті күннің ішінде жарамды.

13. Тұрақты (ұзақ) емдеуді қажет ететін науқастарға дәрілік заттарды (дәріханалардан тегін немесе жеңілдікті жағдайларда берілетін дәрілік заттарды қоспағанда) жазып беру кезінде рецептілердің жарамдылық мерзімі 1 айға дейін белгіленеді. Мұндай жағдайда рецептілерде дәрігердің қолымен және денсаулық сақтау ұйымының мөрімен бекітілген «Арнайы тағайындалған» деген жазу болуы тиіс.

14. Жоғары санамалаған талаптарға сай келмейтін және/немесе үйлеспейтін компоненттерден жасалған дәрілік зат жазылған рецепт жарамсыз болып есептеледі.

15. Жарамсыз рецептілер «Рецепт жарамсыз» деген мөртаңбамен күші жойылады, сәйкес дұрыс жазылып берілмеген рецептілерді есепке алатын арнайы журналға тіркеледі.

Бұл орайда фармацевтика қызметкері науқасқа үйлеспейтін компоненттерден жасалған дәрілік заттарды қоспағанда, жазылып берілген дәрілік заттарды береді де, дұрыс жазылып берілмеген рецептілер туралы ақпаратты денсаулық сақтау ұйымының басшысына береді.

16. Тегін немесе жеңілдікті жағдайлардағы рецептілер бойынша дәрілік заттарды беруді денсаулық сақтауды мемлекеттік басқарудың жергілікті органдарымен келісім-шарты бар дәріхана ұйымдары жүзеге асырады.

17. Дәрілік затты рецептіде көрсетілген санымен беру қажет болған кезде дәріхана орамына дәріхана ұйымының атауын, дәріні, санын, мөлшерін, сериясын және жарамдылық мерзімін міндетті түрде көрсете отырып, түпнұсқа орамды бұзуға болады.

18. Әкімшілік-аумақтық бірлік шегінде (аудан, қала, облыс) жарамды тегін немесе жеңілдікпен босатылатын дәрілік заттарға арналған рецептілерді қоспағанда, Қазақстан Республикасының денсаулық сақтау ұйымдарында дәрілік заттарға жазылып берілген рецептілер республикасының бүкіл аумағында жарамды.

19. Дәрілік заттарға арналған рецептілерді сақтау мерзімі:

1) тегін және жеңілдікті жағдайларда босатылғандар – 3 жыл.

2) басқалары – 3 ай.

20. Сақтау мерзімі асып кетісімен рецептілер жойылуы тиіс.

21. Рецептілерді жою үшін құрамында дәріхана ұйымының басшысы мен материалдық жауапты адамы бар комиссия құрылады.

Комиссия жою туралы акт жасайды, онда жойылған рецептілердің саны жазумен көрсетіледі.

(ҚР ДСМ 11 ақпан 2004 жылғы №19 бұйрығына сәйкес)

1. 
   Дәрілік заттарды, медициналық техника және медициналық мақсаттағы бұйымдарды көтерме саудасының ережелері (әрі қарай Ережелер) дәрілік заттардың, контактілі линзалардың және оны сақтауға арналған ерітінділерді, диагностика, профилактика және емдеу үшін заттар мен материалдарды, бұйымдарды, инстументтерді, құрал-жабдықтарды көтерме сауданың тәртібін анықтайды. Ол дәріханалық қоймаларда немесе медициналық техника және медициналық мақсаттағы бұйымдарды қойылымдарында жүзеге асырылады.
   
2. 
   Дәрілік заттардың, медициналық техника және медициналық мақсаттағы бұйымдарды көтерме саудасы-сатып алу, сақтау, енгізу (импорт), шығару (экспорт) және дәрілік заттарды, медициналық техника мен медициналық мақсаттағы бұйымдардың саудасымен байланысты фармацевтикалық қызмет.
   
3. 
   Сатып алу, сақтау, енгізу (импорт), шығару (экспорт) және дәрілік заттарды, парафармацевтиктердің саудасымен байланысты фармацевтикалық қызметті дәріханалық қоймада дәрілік заттардың айналым саласындағы субъект іске асырады, онда дәрілік заттар көтерме саудаға лицензиясы болу керек.
   
4. 
   Қойма ғимараты, аумағы және жабдықтары дәрілік заттарды көтерме саудасын лицензиялау кезінде қойылатын квалификациялық талаптарға сәйкес келу керек.
   
5. 
   Дәріханалық қойма, медициналық техника және медициналық мақсаттағы бұйымдарды қоймаларында фармацевтикалық қызметтің объектісінің атауы, оның ұйымдастырулық-құқықтық формасы және тәртібі мемлекеттік және орыс тілінде жазылған маңдайша жазу болу керек. Ыңғайлы жерде мемлекеттік лицензияның көшірмесі ілінеді.
   
6. 
   Дәріханалық қоймада, медициналық техника және медициналық мақсаттағы бұйымдарды қоймаларына анықтамалық әдебиеттер, нормативтік құқықтық актілер (дәрілік заттардың айналымын регламенттейтін) болу керек. Одан басқа проспекттер, каталогтар, эксплуатация және медициналық техника және медициналық мақсаттағы бұйымдардың сапасын қамтамасыз ету жөнінде нұсқаулар болу керек.
   
7. 
   Дәріханалық қойманың, медициналық техника және медициналық мақсаттағы бұйымдарды қоймасының басшылары реализацияланатын дәрілік заттардың, медициналық техника және медициналық мақсаттағы бұйымдардың сапасын қамтамасыз етеді.
   
8. 
   Дәріханалық қойманың, медициналық техника және медициналық мақсаттағы бұйымдарды қоймасының әрбір қызметкеріне қызметтік нұсқау тағайындалу керек.
   
9. 
   Қазақстан Республикасында бақылауға алынатын құрамында наркотикалық заттар, психотроптық заттар және прекурсорлар болатын дәрілік заттардың айналымы ҚР-ның сәйкес нормативтік құқықтық актілерімен реттеледі.
   
10. 
    Дәрілік заттардың сақталуы, оның құрамына кіретін ингредиенттердің физикалық-химиялық, фармакологиялық, токсикологиялық қасиеттеріне сәйкес жүзеге асырылу керек және қолдану тәсіліне байланысты және сыртқы орта факторларының әсеріне байланысты сақталу керек.
    
11. 
    Басқа заңдық немесе физикалық тұлғаларға, фармацевтикалық қызметке лицензиясы жоқ тұлғаларға дәрілік заттарды уақытша сақталуына тиым салынады.
    

12. 
    Дәрілік заттарды, медициналық техника және медициналық мақсаттағы бұйымдарды көтерме саудасын жүзеге асырудың негізгі шарттары:
    

1. 
   Дәрілік заттардың қауіпсіздігін, эффективтілігі мен сапасын қамтамасыз ету.
   
2. 
   ҚР тіркелген дәрілік заттарды енгізу, сатып алу және сақтау ҚР заңдарының тәртібімен жүзеге асырылады.
   
3. 
   Фармацевтикалық қызметке лицензиясы бар өндіруші ұйымдардан немесе заңды және физикалық тұлғаларда дәрілік заттарды сатып алуды жүзеге асырады.
   
4. 
   Дәрілік заттарды заңды, физикалық тұлғаларға, фармацевтикалық және медициналық қызметке лицензиясы бар тұлғалар сатып алуды қамтамасыз ету.
   
5. 
   ҚР сертификатына сәйкес бекітілген дәрілік заттың сатуын іске асыру.
   
6. 
   Сапасы төмен дәрілік заттарды жою.
   
7. 
   Дәрілік заттардың сақталуын, тасымалдануын және жойылуын регламенттейтін нормативті құқықтық актілермен бекітілген ережелерді сақтау.
   
8. 
   Дәріханалық практиканың саласының стандарттарын енгізу.
   

13. Заңды тұлғалардан дәрілік заттарды қабылдау дәріханалық қойманың, медициналық техника және медициналық мақсаттағы бұйымдар қоймасының басшысының бұйрығымен бекітілген құрамында үш адамнан кем емес комиссиямен жүзеге асырылады.

Комиссия құрамына дәрілік заттардың сапасына жауап беретін адам қосылады, және де дайындаушымен бекітілген адам.

14. Дәрілік заттарды қабылдау санитарлық және өртке қарсы ережелер мен нормаларға сәйкес келетін ғмараттар саны, сапасы және комплекттілігі бойынша жүзеге асырылады.

15. Дәрілік заттарды қабылдағанда жүзеге асырылады:

1) өнім партиясын сипаттайтын жолдама құжаттардың толық жабдықтың жинақталуының болуы (тауарлық-транспорттық талап қағазы, сәйкес сертификат);

2) дәрілік зат сериясының жолдама құжаттарда көрсетілген сериямен сәйкес болуы;

3) құрал-жабдықтың жұмыс жағдайы және жабдықтың жинақталуы;

4) қораптың бүтіндігі;

5) маркировка ережелерінің сақталуы;

6) сыртқы түрі, түсі, иісі.

16. Документациясы жоқ дәрілік заттарды қабылдауға және сақтауға тыйым салынады.

18. Жолдама құжаттар дәрілік зат айналымы саласында субъекттің басшысының, бас бухгалтердің, және дәрілік затты босатқан адамның қолы қойылады. Жолдама құжаттарды түзетуге тыйым салынады (№ 64 бұйрық).

19. Жолдама құжаттарды әрбір дәрілік заттың атауы және сериясы, сертификаттың номірі және оның жарамдылық мерзімі көрсетіледі.

20. (№ 64 бұйрыққа ескерту).

21. Қазақстан Республикасында сертификациялау органымен берілген сәйкстілік сертификаты дәрілік қоймада дәрілік заттың жарамдылық мерзімі біткенше сақталу керек және қауіпсіздік және дәрілік заттар сапасын бақылау органдарына белгілі болу керек.

22. Реализациялауға тыйым салынатын дәрілік заттар:

1) Қазақстан Республикасында мемлекеттік және сертификацияны өтпеген дәрілік заттар;

2) құжаттары рәсімделмеген дәрілік заттар;

3) қолданылмаған дәрілік заттар;

4) жарамдылық мерзімі біткен және Қазақстан Республикасының заңдарының шарттарына сәйкес келмейтін дәрілік зат;

23. (№ 64 бұйрыққа ескерту).

Заттық-сандық есепке алынатын дәрілік заттарға шарттар жеке жазылады.

24. Дәрілік заттарды босату кезіндегі бақылау:

1) жабдықтаудың комплектілігі, санын, сапасын тексеру;

2) босатылатын дәрілік зат сериясының жолдама құжаттардағы сериямен сәйкестілігі;

3) Қазақстан Республикасының заңының ережелеріне сай сәйкес бекітілген сәйкестілік сертификаттың болуы.

25. Дәріханалық қоймада дәрілік заттың есебі қолжазбалық және электрондық түрде жүргізіледі, онда дәрілік заттың атауы, жеткізіп беруші және алушының атауы және адресі, алынған және босатылған дәрілік заттың саны.

26. Дәрілік заттар субстанциялары дәрілік заттарды дайындауға және өндіруге мемлекеттік лицензиясы бар дәріханалар мен ұйымдарға босатылады.

27. Дәрілк заттың сапасына күдік болса, оның үлгілері аккредитацияланған тексеруші зертханаларға немесе сертификациялау органына анализ үшін жіберіледі. Бұл дәрілік заттар басқа дәрілік заттардан бөлек, дәріханалық қоймада нәтижелер дайын болғанша сақталады.

28. Жарамдылық мерзімі таусылған, анализ нәтижесінде алынып тасталған дәрілік заттар Қазақстан Республикасының заңымен бекітілген ретпен жойылғанша қоймада бөлек сақталу керек.

29. Дәріханалық қоймада жарамсыз дәрілік зат анықталса, ол туралы үш күн ішінде дәріханалық және медициналық ұйымдарға хабарлау керек. Бұл дәрілік заттар жойылуға тиіс.