«Утверждено»

2014 год-

ПОЯСНИТЕЛЬНОЙ ЗАПИСКА

1—4-це класстнэсэ тонавтомань лувонть ёнксонзо истят:

ушодомс эйкакштнень весеме ёндонь кастоманть;

тонавтомс эйкакштнень эрязасто, чарькодезь, мазый-стэ ловномо, ильведькстэме сёрмадомо, вадрясто ловомо, парсте кортамо, эсест мелест-превест ды ежомарямост кортазь ды сёрмадозь ёвтнеме;

тонавтомс эйкакштнень важодеманть вечкеме;

школань эрьва предметэнть вельде тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;

максомс нурька, чарькодевиця содамочить лия нацио-нальностень ломантнеде, сынст культурадост;

тонавтомс эйкакштнень перть пельксэнть ванстомо, сонзэ сюпавчинзэ ламолгавтомо;

тонавтомс эйкакштнень эсь прянь ветямо, тонавтнема тевенть вечкеме;

лездамс эйкакштненень панжомс ды келейгавтомс сынст превень ды кедьёнксонь маштомачист;

кемекстамс эйкакштнень шумбрачист.

Неть тевтнень топавтомсто сехте покш тарка максови тиринь келентень. Вишка эйкакшонтень эсь арсеманзо, мелензэ-превензэ ды ёжомарямонзо видестэ ёвтавить ан-сяк сонзэ лувсо. А стяко К. Д. Ушинский тиринь ва-лонть лемдизе «ине тонавтыцякс». Сон сёрмадсь: «Тиринь келесь, васенце класстнэсэ тонавтомсто, улезэ сех эря-викс предметэкс. Сон сови весе лия предметнэнь юрскак ды сюлми эйсэст».

1—4-це класстнэнь тиринь келень программась ашти колмо пельксстэ:

1. 
   Ловномо ды сёрмадомо тонавтома, аволь классо ловнома ды кель-валонь кастома.
   
2. 
   Ловнома (классо ды аволь классо) ды кель-валонь кастома.
   
3. 
   Фонетика, лексика, грамматика, видестэ сёрмадома (орфография) ды кель-валонь кастома.
   

Тонавтоманть лувсо ашти превень ды кель-валонь кастомась.

а) кастомс эйкакштнень кортамонь ды сёрмадомань кель-валост ды превест-арсемаст;

б) явомс мель важодеманть вечкемантень, стакачитнень изнямо тонавтомантень. Бути эйкакштне тонадыть превсэ важодеме, эсест мелест-арсемаст ды ёжомарямост валсо ёвтнеме, сынь вадрясто чарькодьсызь весе лия предметнэнь коряс материалонтькак.

Фонетикань, лексикань, грамматикань, орфографиянь ды кель-валонь кастоманть коряс тонавтнемась сюлмазь покш класстнэсэ весе, эрзянь келенть тонавтнеманзо мар­те. Тесэ эйкакштне теевить содавиксэкс валонть гайтень составонзо марто, тонавтнить явомо валтнэнь пельксэнь пелькс, максови нурька содамочи малав весе кортамо пелькстнэде ды предложениядонть, содавтовить орфогра­фиянь зярыя правила марто. Тонавтницятнень марто ве-тяви важодема валонть смустензэ лангсо; упражнениянь лангс нежедезь содавтовить ламо смустень валтнэнь, синонимтнень ды антонимтнень марто.

Неть чарькодематнень тонавтнемстэ эйкакштне кастсызь эсест превест-арсемаст: сынь тонадыть келень ма-териалонть ванномо, сонзэ вейсэндямо, мукшномо лувонзо, кастомо литературань кортамонь маштомачинть ды ёрокчинть, эрявикс валонь мукшномо.

1—4-це класстнэсэ эрзянь келенть тонавтнемстэ сех эрявиксэкс улить истят пелькстнэ: «Гайтне ды букватне», «Валось», «Предложениясь», «Сюлмавозь кортамось», «Ваньксстэ сёрмадомась».

3—4-це класстнэсэ неть содамочитне кемекставить ды домкалгавтовить. Ламо мель карми явовомо диктовамонь коряс сёрмадомантень, конась лезды тонавтомс эйкак­штнень лиянь кортамонть кунсоломо ды видестэ гайтнень ды целанек валтнэнь сёрмадозь невтеме. Тонавтницят­нень марто ветяви важодема максозь текст лангс ванозь сёрмадомантень.

2—4-це класстнэсэ программань те пельксэнть сехте эрявикс вешематне истят: тонавтницятне маштовольть аволь ансяк гайтнень видестэ ёвтамо ды явомо вейкест-вейкест эйстэ вайгелень коряс, но видестэ невтеме сынст сёрмадомсто буквасо (гласной буквасо ды чевте тешкесэ чевтечинть невтемась, явовтыця чевте ды калгодо теш-кстнэнь сёрмадомаст ды седе тов). Васенце классонть прядовомсто ды омбоце классонть ушодомсто эйкакштне вастовить истямо чарькодема марто: улить валт, конат-нень ёвтамсто марявить аволь сеть гайтне, конатне не-втезь сёрмадозь. Лиякс меремс, валонть ёвтамонзо ды сёрмадоманзо ютксо ули авейкетьксчи. Аламонь-аламонь эйкакштненень толковави, кода эряви муемс валонть виде сёрмадомазо.

«Гайтне ды букватне» теманть коряс важодемась лез­ды кастомс эйкакштнень кортамонь культураст: сыпь то­надыть гайтнень ды валтнэнь ваньксстэ ды видестэ ёвта­мо, паролгавтсызь дикциянть.

Лексикань коряс начальной класстнэсэ кодаткак правилат а максовить. Ловномань ды сёрмадомань уроктнесэ тонавтницятненень максовить истят башка чарькодемат: валтнэ невтить предметэнь ды эрямонь явлениянь лемть, эрсить малавикст смустень коряс, невтить карадо-каршонь смуетть, предложениясо невтить вейке кодамояк эли зярыя смуетть ды седе тов.

Эйкакштне тонавтнить кочкееме эрявикс валт эсест арсемаст ёвтнемстэ. Аламонь-аламонь сюпалгады сынст валксост. Омбоце классо тонавтницятненень максови чарькодема валонть смустень кандыця пелькстнэде (валонь юр, раськень валт). Колмоце классо тонавтневи весе валонть составозо (валонь юр, пе, суффикс), максови чарькодема суффикс вельде од валонь теевемантень (тонавтомась моли истямо вал лангсо, конатнесэ валонь юрось ды суффиксэсь явовить шождасто: ава - ава+кш, сур — су +кс).

Валонь составонть коряс материалонть тонавтнемстэ кемекставить гайтев, гайттеме, а марявиця согласной-тнень сёрмадомань правилатне. Колмоце классо эйкакшт-не кармить содамо, кода муемс валонть видестэ сёрмадо-манзо: валонть форманзо полавтозь (лазт — лаз, лазось); вейке юронь валонь кочказь (лазт — лазомс, лазномс). Классто класс келейгавтови валонть лангсо важодемась.

1-—4-це класстнэсэ максови чарькодема малав весе кортамо пелькстнэде: существительнойденть, прилага-тельнойденть, числительнойденть, личной местоименият-неде, глаголдонть ды валмельгакстнэде. Тонавтницятне сынст чарькодьсызь кевкстематнень ды валтнэнь смустест коряс. Кортамо пелькстнэде чарькодемантень эйкак-штнень ушодыть анокстамо омбоце классо, зярдо тенет максови невтема валтнэде, конат отвечить кие?, м е з е?, (к и т ь?, м е з т ь?), к о д а м о?, м е з е т е и? кевкстемат­нень лангс ды улить предметэнь кодамояк качествань, действиянь лемекс. Кортамо пелькстнэнь тонавтомаст поладови 3—4-це класстнэсэ.

Правилань апак ёвта, эйкакштненень максови чарько­дема вейкень ды ламонь числань 1-це, 2-це, 3-це лицянь местоимениятнеде.

Союзтнэнь марто тонавтницятне вастовить предложе-ниянть тонавтнемстэ.

Нилеце классонть прядомсто эйкакштне кармить сода­мо существительнойтнень падежга полавтнемадо, тонав-тнить кевкстематнень ды падежень пенть коряс муеме эрявикс форманть.

Прилагательноенть марто вастовомсто эйкакштне кар­мить содамо: эрзянь кельсэ те а полавтневиця кортамо пелькс. Сонзэ покш смустезэ текстэнть мазылгавтомасо.

1—4-це класстнэнь тонавтницятне кармить содамо глаголонть лицява ды числава полавтнемадо. Максови чарькодема неень, сыця, ютазь шкань ды карадо-каршо смустень невтиця глаголтнэде. Эйкакштне тонавтнить неть чарькодематнень тевс нолдамо.

Наречиясь начальной класстнэсэ а тонавтневи, но школасо важодицятненень эряви ваномс сень мельга, штобу эйкакштне сайневельть сынст кортамсто ды сёрмадомсто. Тень кисэ ютавтовить кортамонь ды сёрмадомань башка упражненият. Сайтяно: Цёрынесь чии. Цёрынесь чии эрязасто. Течи ушосонтъ маней. Патям эри васоло.

Валонть составонзо ды кортамо пелькстнэнь тонав­тнемстэ эрьва классо ютавтовить важодемат валонть лек-сикань смустензэ чарькодемадонть. Те тееви сень кис, штобу эйкакштне видестэ кортавольть ды ильведькстэме сёрмадовольть. Тень кисэ эйкакштнень эряви тонавтомс важодеме эрьва кодамо валке марто: орфографиянь, эпи-тетэнь, синонимень ды седе тов.

1) ёвтамонь целензэ коряс предложениятнень яво-мась (ёвтнемань, серьгедемань, кевкстемань, кармавто-мань); 2) вайгелень (интонациянь) коряс предложеният­нень явомась (ёвтнемань, кевкстемань, серьгедемань); 3) предложениянь главной ды второстепенной члентнэде. Теке марто эйкакштне содавтовить валонь сюлмавкстнэнь мартояк. Сайтяно: Цёрынвтне лездасть сыре бабинен­тенъ. Цёрынетне лездасть — предложениянть лувозо. Лездасть бабинентенъ, сыре бабинентенъ — валонь сюлмавкст. Весе неть чарькодематне максовить аламонь-аламонь, ниле иетнень перть тонавтнемстэ.

Васенце классо эйкакштне тонавтнить явомо предло­жениянть кортамосто, текстстэ, явомо башка валтнэстэ, ёвтамо сонзэ эрявикс вайгель марто, ушодомо покш бук-васто ды пес точкань путомо.

Омбоце классо эйкакштне тонадыть точкадо башка кевкстемань ды серьгедемань тешкеэнь путомо, кармить маштомо вайгельсэ явомо предложенияетонть эрявикс валт ды ёвтамо сынст истя, кода вешить песэ лотксема тешкетнэ.

Колмоце классо максови чарькодема предложениятненень ёвтамонь целень ды интонациянь коряс. Эйкакштне тонадыть сынст тевс нолдамо (кортазь ды сёрмадозь).

Нилеце классонь эйкакштне содавтовить однородной член марто предложениятнеде, конат сюлмавить ды, а, но союзтнэнь вельде эли союзтомо. Пакшатне тонавтнить явомо однородной члентнэнь: ловномо сынст перечисле-ниянь интонация марто, сёрмадомсто путомо юткозост эрявикс лотксема тешкет.

Предложениянь члентнэнь марто тонавтницятне вас­товить омбоце классо. Келень ды ловномань уроктнесэ сынь тонавтнить явомо валтнэнь, конат невтить, киде ды мезде моли кортамось предложениясонть, мезе сындест ёвтневи. Тесэ максови чарькодема подлежащей ды сказуемой терминтнэнень. Колмоце классо эйкакштне кармить содамо: главной члентнэде башка предложениясонть улить второстепенной члент (лемест а максовить).

Колмоце классо максови чарькодема валонь сюлмавкстонтькак, толковави терминэнть смустезэ.

Классто класс домкалгавтови простой предложениянть ванномась. Эряви явомс покш мель эрьва кодамо типень предложениятнень лангсо важодемантень. Эрьва уроксо эйкакштне тонавтовить башка предложениянь арсеме ды сёрмадомо, вишка ёвтнеминень тееме.

1—4-це класстнэсэ тонавтыцянтень кирдема мельсэ: неень шкасто тонавтоманть лувсо ашти коммуникатив-ностень принципесь, кона веши кель-валонь ды превень-арсемань свалшкань кастома. Лиякс меремс, келень весе чарькодематне (фонетикань, орфографиянь, грамматикань коряс) максовить эйкакштненень ансяк сень кис, штобу тонавтомс сынст эсест мелеет, превест, ёжомарямост чарькодевиксстэ, мазыйстэ ёвтнеме ды, бути эряви, неть ёвтнематнень ильведькстэме сёрмадомо.

Сюлмавозь кортамонтень эйкакштнень тонавтомсто весе класстнэсэ максови толковамо кортамонть смустензэ эйстэ, ваннови, мезекс сон эряви ломантненень. Пакшатне содавтовить этикетэнь зярыя норма марто. Сынь то-навтнить тевс нолдамо валтнэнь, конат сайневить шум-бракстнемстэ, простямсто, сюкпрянь ёвтамсто, энялдомс-то ды седе тов.

Тонавтомань васенце уроктнесэ эйкакштне сынсь снартнить текстэнь тееме. Васняяк те тееви невтевксэнь коряс. Аламонь-аламонь сынь пачкодить изложениятне- нень, а мейле тонадыть эсь валсо ёвтнеме неезденть, марязденть, ловнозденть — лиякс меремс, ушодыть сочине­ниянь сёрмадомо.

Сюлмавозь кортамонтень тонавтомань упражнениятне ютавтовить ловномань ды келень уроктнесэ (кортазь эли сёрмадозь).

Программанть коряс келень уроктнесэ седе ламо ютавтневить сёрмадомань упражненият (изложеният, эрь­ва кодамо видэнь сочиненият), ловномань уроктнесэ неть упражнениятне ютавтневить кортазь, ансяк мельсэ свал кирдема: кортамось ды сёрмадомась кеместэ сюлмазь эсь ютковаст. Тонавтыцянтень эсь важодемась эряви ветямс истя, штобу эйкакштнень марто ютавтомс аволь ансяк изложеният ды сочиненият программасонть максозь шканть перть, но весе кортамонь ды сёрмадомань упражнениятнень сюлмамс вейке системас. Сёрмадомань важо-демадонть икеле свал ютавтови кортазь важодема сень кис, штобу эйкакштне топавтовлизь сонзэ ильведевкстэме.

Тонавтницятнень кортамонь активностест кастоманть кис ютавтневить ламо кортнемат: школасо эрямодонть, перть пелькстэнть, налксематнеде, конат лездыть эйкак­штненень апак тално ды чарькодевиксстэ ёвтнеме эсест арсемаст, мелест-превест. Те лезды седе тов изложениянь ды сочинениянь сёрмадомантеньгак. Сочинениянь сёрмадомадо икеле икельце уроктнесэ топавтовить зярыя уп­ражненият, конат темань ды содержаниянь коряс мала-викст сы важодемантень. Сочинениянь лемтне нежедить ловнозь произведениятнень, ванозь артовкстнэнь, неезь кинофильматнень лангс. Мельсэ кирдеви эйкакштнень эрямонь опытэсткак. Начальной класстнэсэ паро ули сайнемс истят темат: «Монь ялгам», «Лездан кудосо», «Монь вечкевикс книгам», «Школань пиресэ», «Минек велесь» ды седе тов.

1—4-це класстнэсэ изложениятне ды сочинениятне тонавтыцят. Сынст сёрмадомсто сехте сеедьстэ сайневить ансяк ёвтнемань предложениях. Аламонь-аламонь тек-стнэнень совавтовить описаниянь пелькст (перть пелькс-тэ, ломаненть сэрде-рунгодо, сонзэ тевтнеде, максовить обуцянь невтемат) ды арсемат (мекс?, мезекс? кев-кстематнень лангс отвечамо). Описаниянь ды арсемань пелькстнэс совавтовить колмо-ниле предложения. Штобу эйкакштне тонадовольть истят пелькстнэнь тееме, сынст марто ютавтовить упражненият: уроксо арсить кавто-кол-мо предложения содавикс предметтэ, перть пельксэнь явлениядо. Малавикс заданият максневить кудовгак. То-навтницятне кармить содамо «деловой» кортамонь кой-кона форматнень (тонавтовить сёрмань, яволявтомань сёрмадомо).

Изложениянь ды сочинениянь сёрмадомо тонавтомсто покш лезэ максы тонавтыцянть марто вейсэ важодеманть топавтомась, конадонть мейле эйкакштне седе шождынес-тэ ёвтнить неезденть, марязденть, ловнозденть. Тонавтнить кортамо ваньксстэ, гайтнень видестэ ёвтазь, апак тално ды апак визде. Тонавтыцясь ваны сень мельга, што-бу пакшатне путневельть предложениятнень мельга мельцек, аволизь човоря текстэнь весе пелькстнэнь. Тень кисэ сынь тонавтовить планонь тееме ды планонть коряс важо-деме. Эсест сочинениятнес ды изложениятнес тонавтницятне совавтыть кода простой, истя и сложной предложеният, а стувтнесызь келень мазылгавтомань средстватненьгак (эпитетнэнь, сравнениятнень), тонавтнить тевс нолдамо синонимтнень.

Сочинениянь ды изложениянь сёрмадомадо мейле сы уроксонть свал ютавтови ильведевкс лангсо важодема, конасонть ванновить кортамонь (текстэнть содержаниян-зо коряс) ды орфографиянь ильведевкстнэ. Те ютавтови сень кисэ, штобу эйкакштне уроксто уроке паролгавтовлизь эсест келень содамочинть, бажавольть сёрмадомо седе мазыйстэ, чарькодевиксстэ ды ильведевкстэме.

1—4-це класстнэсэ кель-валонь кастомань коряс упражнениятне покшолмань коряс вишкинеть. Изложени­янь ды сочинениянь сёрмадомс шкась саеви эрзянь келентень максозь вейсэнь частнэстэ. Занятиятне ютавтовить весть кемень — кеветее чис.

Творческой важодематне, сынст тематикась, содержанияет лездыть эйкакштненень тонадомс ялга ютксо эря-мо, вадрясто прянь ветямо ды тонавтнеме, лездамо пок-штненень ды вишкинетненень.

Ваньксстэ сёрмадомо тонавтомась. Сёрмадомо тонавтнемстэ эйкакшонтень эряви тонадомс букватнень, валонть, предложениянть книгасто, доскасто, диктовамонь коряс тештямо, ванномо сёрмадозенть, ильведевкстнэнь витеме.

Мазыйстэ сёрмадомо тонавтомань упражнениятненень эряви явомс: васенце классонть прядомсто (весе букват­нень тонавтнемадост мейле) ды омбоце классо — вейке урок недлязонзо, колмоце ды нилеце класстнэсэ —8—10 минута келень эрьва уроксо.

Васенце ды омбоце класстнэсэ неть упражнениятне ливчакавтыть кедь лапанть ды кемекстыть сельме вановтонть. Неть класстнэсэ кемекставить букватнень сёрмадома ёрокчитне: эйкакштне тонавтовить букватнень ютксо эрявикс таркань кадомо, сёрмадомо сынст куросо, вейте-вейте (сень лангс ванозь, зяро ды кодамо пельксстэ аштить). Букватнеде башка тонавтницятне сёрмадыть валт, цела предложеният, текетт. Сынь ушодыть доскас ды тетрадьс сёрмадомо. Васня те важодемась моли невтевкс лангс ванозь, а мейле — ськамост.

3—4-це класстнэсэ сёрмадовить стака букватне ды сетне, конатнень эйкакштне сёрмадыть беряньстэ, а ма­зыйстэ. Тонавтницятне теить сёрмадовкст, рукописень ды печатень текст лангс ванозь, диктовамонь ды ловномань коряс.

Ваньксстэ сёрмадомо тонавтомань упражнениякс лововить каллиграфиянь коряс ильведевкстнэнь витёмась, букватнень аволь вейкетьстэ теезь наклонось, сынст покшолмась, келейчись, строчкастонть лисемась ды седе тов. Вейсэнь упражнениятнеде башка ютавтовить важодемат башка эйкакш марто. Тень кисэ тонавтыцянтень эряви сёрмалемс невтевкст пакшатнень тетрадьс: 1—2-це клас­стнэсэ — весенень, 3—4-це класстнэсэ — кочкеезь (баш­ка эйкакштненень), эрьва недлясто кавксть-колмоксть.

Каллиграфиянь коряс упражнениятне содержанияет коряс эрявить сюлмамс уроконь материалонть марто, ламо мель явома ваньксстэ, чарькодевиксстэ ды видестэ сёрмадомантень. Те важодемась лезды трямс-кастомс эйкакштнень этикань ды эстетикань ёнкстнэнь, тонавты эрьва тевенть тееме мазыйстэ, ваньксстэ, покш мельсэ ды седейшкава.

келень весе пелькстнэнь чарькодевлизь сынсь эйкак­штне ды маштовольть толковамо;

мезе те истямось гайтесь, валось, предложениясь, текстэсь;

кодамо сынст лезэст кель-валонь ды превень-арсемань кастомасонть;

кода сынст видестэ ды мазыйстэ сёрмадомс.

Эрьва орфографиянь, лексикань ды кель-валонь касто­мань упражнениясь лезды кастомс эйкакштнень эрязачист, паро превест ды мелеет, домкалгавтомс ды сюпалавтомс валксост.

Весе сень, мезе максозь программасонть, эйкакштне кармить содамо аламонь-аламонь, васенце классто саезь нилеце классонть прядомс.

Тонавтыцянтень свал эрявить ванномс эйкакштнень маштомачист ды ёрокчист, максомс тенет питне. Тень кисэ тиринь келень уроксо сеедьстэ ютавтовить анок текст лангс ванозь сёрмадома, диктантт (толковамонь, предупредительной, зрительной, творческой, валонь (сло­варной), «Проверяса эсь прям», контрольной) ды тонавтомань изложеният ды сочиненият.

Эрьва уроксонть эйкакштнень эряви тонавтомс учеб­ник марто важодеме. Сынь сынсь эрязасто муевлизь эря-викс теманть, правиланть, упражнениянть, заданиянть, ванновлизь, кона заданиясь топавтови васенцекс, кона омбоцекс ды седе тов. Теке марто эйкакштне тонавтовить чарькодеме, мезекс топавтови те эли тона упражнениясь.

Эйкакштнень превест-арсемаст кастоманть кис эряви топавтомс эрьва кодат тонавтомань задачат, совавтомс уроке дидактикань налксемат, седе сеедьстэ сайнемс пелькстамонь задания марто упражненият (содамоёвкст, кроссвордт, шарадат, ребуст, грамматикань лотот), тевс нолдамс наглядностенть ды техникань средстватнень, а стувтнемс уроконь аволь традиционной форматнедеяк (ютавтнемс урокт-викторинат, урокт-КВН-т, урокт-экскурсият, вейсэнь творческой урокт ды седе тов). Сынь максовить покш темань прядомадо мейле кода урокт-покшчить (праздникть).

Штобу тонавтницятне авольть сизе уроксо, эряви ютавтомс эрьва кодамо видэнь важодемат (тонавтыцянь кунсолома, кортнема, учебник, доска, тетрадь марто важодема, налксемат ды седе тов), кортамонь форматне полавтомат сёрмадомансетнесэ, шкастонзо ютавтомс физкультминуткат.

Начальной школань фонетикань, грамматикань, орфографиянь ды кель-валонь кастомань программанть содамось максы эйкакштненень сатышка содамочи ды ёрокчи покш класстнэсэ тиринь келенть тонавтнемант

4 КЛАСС

ФОНЕТИКАСЬ, ГРАММАТИКАСЬ,

ОРФОГРАФИЯСЬ ДЫ КЕЛЬ-ВАЛОНЬ

КАСТОМАСЬ (105 част)

Омбоце ды колмоце класстнэсэ ютазенть мельс лецтямось (15 част)

Предложениясь. Предложениянь члентнэ. Предложе-ниясо валтнэнь сюлмавомаст. Предложениянть песэ лот-ксема тешкстнэ.

Гайтне, букватне, слогось. Гайтень ды буквань коряс анализэсь.

Валонть пельксэнзэ. Валонть юрсо согласнойтнень сёрмадомась.

Чевте знакось(ь) валонть песэ ды валонть куншкасо.

Кортамо пелькстнэ: существительной, прилагатель­ной, глагол, валмельгакс.

Существительноесь кода кортамо пелькс, Существи-тельноень собственной ды нарицательной лемтне. Су-ществительнойтнень числаст. «Ойме марто» ды «оймевте-ме» предметэнь невтиця лемтне.

Склонениядо чарькодемась. Основной склонениянь падежень лемтне ды кевкстематне. Кавксо падежде чарь­кодемась. Падежень петне.

Существительнойтнень эрьва кодамо падежсэ тевс нолдамось. Валмельгакс марто существительнойтнень сайнемась.

Прилагательноесь кода кортамо пелькс. Кортамосо ды текстсэ прилагательнойтнень ролест. Прилагательнойтнень теевемаст. Прилагательнойтнень сёрмадомань правиласт.

Числительноесь кода кортамо пелькс. Числительной-тнень смустест. Числительнойтнень кевкстематне.

Ламочинь ды ловомань лувонь невтиця числительнойтне.

Существительной марто числительнойтнень молемаст.

1-це, 2-це ды 3-це лицянь местоимениятне вейкень ды ламонь числасо. Существительнойтнень таркас местоиме-ниятнень сайнемась.

Личной местоимениятнень склонениясь.

Глаголось (17 част).

Глаголось кода кортамо пелькс. Глаголонь шкатне. Глаголонь аволь определённой формась. Глагол марто отрицаниясь.

Предложениясь. Распространённой ды аволь распрос­транённой предложениятне.

Однородной член марто предложеният. Однородной члент, конат сюлмазь ансяк интонациянть вельде. Одно­родной члент, конат сюлмавить ды, а, но сюзтнэнь вель­де. Лотксема тешкстнэ однородной член марто предложе-ниясо.

Однородной член марто предложениянь арсемась.

Кортамось ды сонзэ смустезэ эрямосонть. Тонавтома материалонть коряс ответэнь анокстамось.

Текстэсь. Текстэнть темазо ды лувонь арсемазо. Тек-стэнть теевемазо (композициязо). Изложениянь ды со-чинениянь сёрмадомс планонь анокстамось (вейсэ ды башка).

Изложениянь сёрмадомась (вейсэ эли башка теезь планонь коряс).

Картинань, диафильмань, кинофильмань коряс сочине-ниянь сёрмадомась. Описаниянь ды рассуждениянь эле-ментт марто аволь покш ёвтнеыань теемась.

Кортамонь этикась. Валтнэ, конат сайневить прянь простявтомсто: чуман, простямизь.

Текстэсь ды предложениясь. Валонть пельксэнзэ. Гай-тев, гайттеме ды а марявиця согласнойтнень валонь юрсонть сёрмадомась. Существительноень падежень петнень видестэ сайнемась. Глаголонь лицянь петнень сёр­мадомась,

Букватнень ды буквань сюлмавкстнэнь сёрмадомаст кемекстамось. Покш ды вишкине букватнень эрязасто ды мазыйстэ сёрмадомась.