Ұшу аппараттарының радио және арнаулы жабдықтарын монтаждаушы

Параграф 2. Ұшу аппараттарының радио және арнаулы жабдықтарын монтаждаушы, 4-разряд

250. Жұмыс сипаттамасы:

ұшу аппараттар: радио навигациялы жабдықтардың блоктарын; радиобайланыс және радионавигациялық жабдықтарының антенна және антенно-фидерлік құрылғыларын; ШР типтік штепсельді ажыратқыштарда электр өткізгіштердә дәнекерлеумен күрделілігі орташа радио жабдықтардың радио кабельдерін монтаждау;

штепсельді ажыратқыштарды, таратып-бөлгіш қораптарды, монтаждау және принципті тәсімдер бойынша қалқандарды құрастыру;

монтаждаудың анықталған ақауларын жойып, радио электронды жабдықтардың электр тізбектерін сылдырату;

радио жабдықты герметикалыққа тексеру және анықталған ақауларды жою;

байланыс және навигациялы күрделі радио жабдықтардың демонтаждау жұмыстарын орындау.

251. Білуге тиіс:

монтаждау жұмыстарының технологиясы, электр бұрауларды жасау;

түзеткіштер мен күшейткіштердің құрылғысы;

жөнделетін және бөлшектенетін жабдықтардың жинақталуын;

герметикаланбаған кабиналарда радио кабельдерді монтаждау және демонтаждау ережесі;

радио шамдардың принципті құрылғылары және міндеті;

электр қоректендіру көздерімен жұмыс істеу ережесі;

ұшақтардың электр желілеріне қойылатын техникалық талаптар;

радио жабдықтардың герметикалығын тексеру ережесі;

өлшеу аспаптарын пайдалану ережесі және олардың қызмет принципі;

сызбаларды, монтаждау және принципті тәсімдерді оқу ережесі;

орындалатын жұмыс көлемінде электротехника, радиотехника.

252. Жұмыс үлгілері:

1) антенналар және антенналардың оқшаулағышы – астар салу, радио бұрауларды бекіту және қосу;

2) радио жабдықтардың қоректендіру блоктар – электр жетектерді монтаждау және қосу;

3) радиоаппаратура: авиациялық радиокомпастар, радиостанциялар, сөйлестіру құрылғылары – монтаждау.

Параграф 3. Ұшу аппараттарының радио және арнаулы жабдықтарын монтаждаушы, 5-разряд

253. Жұмыс сипаттамасы:

байланыс және радиолокациялық жабдықтарды монтаждау және принципті тәсімдер бойынша, радио бұрауларды және барлық жүйедегі жоғары сапалы кабельдерді монтаждау;

бақылау аспаптары бойынша радио және арнаулы жабдықтардың жекелеген блоктары мен тораптарын тексеру;

жалғау тәсімдеріне сәйкес радио станцияларды жинақтау;

сылдыратып, принципті және жартылай монтажды тәсімдер бойынша радио кабельдерді және радио бұрауларды жасау және жөндеу;

коаксиалды кабельдерді жоғары жиілікті ажыратқыштарға бітеу және дәнекерлеу;

тәсімдер мен электр өлшегіш аспаптардың көмегімен байланыс және навигациялы жабдықтарды монтаждауда ақауларды тексеру және жою;

өлшеу аспаптарын пайдалана отырып, электр өткізгіштердің, бекіткіш бөлшектердің және оқшағыш материалдардың техникалық жағдайын айқындау.

254. Білуге тиіс:

байланыстыру навигациялық жабдықтарды монтаждау технологиясы, тану жүйесі;

радио жабдықтардың монтажды - фидерлік жүйесін, олардың параметрлері;

жөнделетін жабдықтарды токқа қосылып тұрғанда тексеру және жетілдіру әдістемесі;

қабылдағыштар мен берушілердің өзара ұшу аппараттарының басқа жүйелерімен іс-әрекеті;

Коаксиалды кабельдерді жоғары жиілікті ажыратқыштарға типтік бітеудің, электрлік бұраулардың және сымдарды штепсельдік ажыратқыштарға типтік бітеудің тәсімі;

радио жабдықтарда қабылданатын материалдар мен бөлшектердің таңбалануы, міндеті және қасиеті;

электр вакуумды және жартылай өткізгіш аспаптардың міндеті және қызмет принциптері;

радио жабдықтарды пайдалану ережесі;

сертификатталған жабдықтар туралы, шақтамалар мен қондырмалардың жүйесі туралы негізгі мәліметтер;

радиолокация негіздері.

255. Жұмыс үлгілері:

1) әуерадиокомпастар – монтаждау;

2) радио - және арнаулы жүйелерді қоректендірудің блоктары – монтаждау және қосу;

3) ұқсатқыштар – демонтаждау;

4) автопилоттардың механизмдері - монтаждау;

5) үлкен және шағын биіктігінің радиобиіктік өлшегіштері - өңдеу;

6) СП, РСБН, СПУ типтік жүйелердің таратып бөлгіш қалыптары – монтаждау.