Шарт мәнді сөйлемдер.
Жекеше Көпше
І Мен тыңда+са+м Біз тыңда+са+қ
ІІ Сен тыңда+са+ң Сендер тыңда+са+ңдар
Сіз тыңда+са+ңыз Сіздер тыңда+са+ңыздар
ІІІ Ол тыңда+са Олар тыңда+са
1-тапсырма. Көп нүктенің орнына тиісті сөзді қойып, шарт мәнді сөйлем жасаңыз.
1.Алтау ала .... ауыздағы кетеді,
Төртеу түгел .... төбедегі келеді.
2.Ел болам ...... бесігіңді түзе.
3.Қазаншының еркі бар қайдан құлақ .....
4.Еңбек ..... ерінбей,
Тояды қарның тіленбей.
5.Ойнап ....... де, ойлап сөйле.
6.Әзіл ...... да, әділ айт.
7.Ұлық ..... кішік бол.
2-тапсырма. «Адам болам десеңіз...» немесе «Егер мен миллионер болсам...» тақырыптарында шағын диалог құрастырыңыз.
3-тапсырма. Мына сөйлемдерді үлгі ретінде ала отырып, бірнеше шарт мәнді сөйлемдер құрастырыңыз.
Асан бүгін кітабын оқыса, ертең кітапханаға тапсырады. Самал Гүлнұрға барса, ол әлі үйіне келмепті. Ертерек айтсамшы, бұлай болмас еді. Білгеніңді айтсаңшы, бәрін қазбалап қайтеді.
СӨЖ: Қазақстандық сән дизайнерлері туралы мәліметтер жазыңыз.
ОСӨЖ: «Қазақ халқының сән өнері» тақырыбына эссе жазыңыз.
Қарапайым деңгей А1
13-апта
Киім дүкені,сауда орталықтары.
Етістіктің шақ формалары. Нақ осы шақ. Нақ осы шақтың болымсыз түрі. Қалып етістіктердің қолданысы
Париждегі «Ранжис» пен Мадридтегі «Мерко-Мадридке» ұқсас ірі сауда орталығы енді Нұр-сұлтанда да бой көтермек. 2019 жылдың екінші тоқсанында толық пайдалануға берілетін көп салалы сауда-логистикалық орталықтың алғашқы қадасы өткен сенбіде қағылып, оның іргетасына капсула қойылды. Бұл салтанатты шараға Нұр-сұлтан қаласының әкімі Иманғали Тасмағамбетов қатысты. Бүгінде Астана қаласында 25 сауда базары бар. Оның 8-і белгілі бір тауарларды ғана сатса, 15-і – әмбебап. Қалған екеуінің біреуі – коммуналдық, екіншісі көтерме саудамен айналысады. Мұның бәрін жіктеп отырған себебіміз, осы базарларда сатылатын заттың бәрі, атап айтқанда, азық-түліктен бастап, киім-кешектер, тұрмыстық бұйымдар, құрылыс заттары, тіпті автокөліктердің сатылымына дейін осы көп салалы сауда-логистикалық орталықтың бойына жинақталатын болады. Бұл нысанның іші үш үлкен аймаққа бөлінбек. Біріншісі әрі ең бастысы – мұнда экологиялық таза ауыл шаруашылығы өнімдері мен азық-түлік сататын ірі базар орналасады. Онда тек ауыл шаруашылығы өнімдері мен азық-түліктің барлық түрі қойылатын болады. «Астана қаласы әкімдігінің қолдауымен «ӘКК-Астана» АҚ-мен бірлесіп, қазірден бастап ауыл шаруашылығы өнімдерін өндірушілермен жұмыс істеп жатырмыз. Біз ешқандай делдалсыз, тікелей келісімдер жасайтындықтан өнімдердің сатылымдағы бағасы әлдеқайда арзан болады. Өндірушілерге де жағдай жасалып, оларға сауда павильондарындағы орын жеңілдетілген бағамен ұсынылатын болады» дейді украиндық инвестор компанияның басқарушы директоры Вячеслав Запорожец. Бұл базардың жалпы ауданы 80 мың шаршы метрді құрамақ.
Достарыңызбен бөлісу: |
