1. Ясауидің әкесі Ибраһим шайық пен анасы Қарашаш туралы айтыңыз
Тұрсын хан Құдайменде сұлтан ұлы баяндаңыз
жүктеу/скачать 181.56 Kb.
|
- Бұл бет үшін навигация:
- 53. Қайып хан Қосрау сұлтан ұлы айтыңыз
| 52. Тұрсын хан Құдайменде сұлтан ұлы баяндаңыз
ҰЛЫ Жәдік әулетінен шыққан сұлтан Құдайменденің ұлы, Құшық (Қошық) сұлтанның немересі Тұрсын хан – 1712–1717 жылдар арасында Түркістан маңы мен Сырдың орта ағысында билік құрды. Оның қарамағында Орта жүздің қоңырат және ішінара найман, сонымен бірге Ұлы жүздің тайпалары (аттары белгісіз) енген. Оның иелігін Иқан қаласы мен төңірегіндегі Сырдария өзені бойындағы елдімекендер құраған. Оның бағынысындағы тайпалардың көші-қон аймағы Оңтүстік Қазақстан аудандары, Түркістан қаласының төңірегі, Сырдың орта ағысы бойындағы елдімекендер (Ерофеева, 1997: 73). Осы аумақтағы тайпалардың көші-қон бағыттары Қаратау жоталары мен Сырдың орта ағысы арасын, оңтүстікте Арыс өзеніне дейін, батыста Түркістан қаласына дейінгі аралықты қамтыған деп болжам жасауға болады. Ендігі бір деректерде Тұрсын Тәукенің билігі кезінде хан сайланғандығы, Жоңғар хандығының басқыншылығын тойтаруда қазақ қосындарын басқарып, шамамен 1717 жылы Иқан қаласында қайтыс болғандығы айтылған. Сондықтан да, оның мүрдесі Түркістандағы Қожа Ахмет Ясауи кесенесіне жерленбеуі мүмкін емес деген пікірлер бар. Жазба деректерде оның балаларынан Барақ және Құшық (Күшік) сұлтандардың есімдері аталады. Басқа деректерде оның иелігі қалмақтардың иелігімен шектескен деп келтіріледі. Бұл жерде Жетісу аумағына орналасқан оңтүстік шығыстағы қазақ ұлыстары туралы сөз болып отыр деп болжауға болады. 1734 жылы Ұлы жүз қазақтары елшілігінің құжаттарында «Тұрсын Шымыр-Дулат тайпасының ханы еді» деп жазылған 53. Қайып хан Қосрау сұлтан ұлы айтыңыз Қайып ханның туылған жылы нақты белгілі емес. Қайтыс болуы 1718 жылдың аяғы. Тарихшы-ғалым И.В. Ерофеева тарихи деректерге сүйене отырып оны Қосрау сұлтанның баласы, Сырдақ сұлтанның немересі, атақты Есім ханның ұрпағы (Ерофеева, 1997: 74) деген пікір білдіреді. Қазақ хандарының Жәдік әулетінен шыққан. Оның ұлдарынан белгілілері: Батыр сұлтан мен Құдайменде. Қайып Қосрауұлы Тәуке хан билік құрған кезеңде, шамамен 1703–1710 жылдары бір ұлыстың ханы болған. Тәуке хан 1715 жылы дүниеден өткен соң, оның орнына қазақтың ұлы ханы болып көтеріледі. Тарихи деректерде XVIII ғасыр басында Қайып ханға Кіші, Орта жүз руларының белгілі бір бөліктерінің бағынғанын, 1715 жылдан бастап Түркістан мен оның төңірегіндегі кейбір елді мекендерге, ұсақ қалаларға билігі тарала бастағаны айтылады. Қайып тұсында Қазақ хандығы мен Ресей арасындағы саяси қарым-қатынастардың жандануы Жоңғарияға қарсы күресте екі жақты күш біріктіру мақсатына байланысты болды (Қазақстан тарихы, 2002: 112). Тәуке ханның мұрагері ретінде Ұлы хан билігін алған Қайып хан Орта жүз сұлтандарымен тақ үшін болған күресте 1718 жылы қаза тапқан. Оның Түркістанға жерленгендігі туралы нақты деректер болмағанымен, тарихи деректерде жасалған болжамдар бар. жүктеу/скачать 181.56 Kb. Достарыңызбен бөлісу:
|