6D010300 – Педагогика және психология мамандығы бойынша философия докторы (PhD) дәрежесін алу үшін ұсынылған Ерекше білім беруді қажет ететін білім алушылардың эмоциялық жағдайын зерттеу
жүктеу/скачать 0.54 Mb. Pdf көрінісі
|
- Бұл бет үшін навигация:
- Зерттеудің ғылыми жаңалығы
| Зерттеу кезеңдері: зерттеу 2018 жылдан 2021 жылға дейін жүргізілді
және мына кезеңдерді қамтыды: Бірінші кезең (2018-2019 жылдар) зерттеудің тұжырымдамалық негізін анықтауға бағытталған. Таңдалған мәселе бойынша ғылыми, философиялық, психологиялық-педагогикалық әдебиеттер зерделенді, ерекше білім беру қажеттілігі бар білім алушылардың эмоциялық жағдайын зерттеу үшін жоғары оқу орны мен орта кәсіптік мектептердің тарихи және практикалық, отандық және шетелдік тәжірибесін талдау және жалпылау жүргізілді. Зерттеудің ғылыми аппараты анықталды, тәжірибелік-эксперименттік жұмыс бағдарламасы әзірленді. Жұмыс міндеттері жасалды және зерттеу әдістері анықталды. Екінші кезең (2019-2020 жылдар) бағдарламаларды құрастыру және тәжірибелік-эксперименттік жұмыстарды жүргізуді қамтыды. ЖОО мен колледжде нашар еститін білім алушылардың эмоциялық жағдайын зерттеу моделі мен «ЖОО мен колледждегі ерекше білім беру қажеттілігі бар білім алушылардың эмоциялық жағдайын зерттеу әдістемесі» курсы әзірленді. ЖОО мен колледждің нашар еститін білім алушыларының эмоциялық жағдайының оңтайлы деңгейін қамтамасыз ету бойынша бағдарлама әзірленді. Үшінші кезең (2021жыл) тәжірибелік-эксперименттік жұмыс нәтижелерін талдауға, қорытындылар жасап бағалауға; ЖОО мен колледжде ерекше білім беру қажеттілігі бар білім алушылардың эмоциялық жағдайын зерттеу тәжірибесін жетілдірудің негізгі жолдарын айқындауға; сапалы және сандық талдау, алынған деректерді түпкілікті өңдеу; қорытындылар мен ұсынымдарды өңдеуге арналды. Зерттеудің ғылыми жаңалығы: Ерекше білім беруді қажет ететін білім алушылардың эмоциялық жағдайын зерттеудің ғылыми-теориялық негіздері анықталды. Алғаш рет қазақстандық психология ғылымының шеңберінде нашар еститін білім алушылардың жоғары оқу орындары мен колледждерінде эмоциялық жағдай мәселесі қарастырылып, іргелі және қолданбалы білімдерді дамытуға мүмкіндік жасалды. Зерттеудің құрылымдық-мазмұндық моделі және ЖОО мен колледжде нашар еститін білім алушылардың эмоциялық жағдайын дамытудың негізгі бағыттары әзірленді. Жоғары оқу орындары мен колледждерде нашар еститін білім алушылардың эмоциялық жағдайын зерттеу әдістемелері анықталып, зерттеу жұмыстары жүргізілді. ЖОО мен колледждің нашар еститін білім алушыларының эмоциялық жағдайының оңтайлы деңгейін қамтамасыз ету бойынша «Жоғары оқу орындары мен колледждің нашар еститін білім алушыларының эмоциялық жағдайының оңтайлы деңгейін қамтамасыз ету» бағдарламасы әзірленді. жүктеу/скачать 0.54 Mb. Достарыңызбен бөлісу:
|