Нафтолдың темір (III) хлоридімен әрекеттесуі. Бір пробиркаға β-нафтол, екінші пробиркаға α-нафтол ерітіндісінен 5—6 тамызып, олардың үстіне 2—3 тамшыдан темір (III) хлориді ерітіндісін қосады. α-Нафтол темір (III) хлориді әсерінен алдымен сарғаяды да, содан кейін ірімтік-телген ақ тұнба түзеді. Ал β-нафтолда тұнбаның түзуі өте баяу жүреді.
Нафтолдың тотығуы. Пробиркаға 1 мл α-нафтол ерітіндісін құйып, оның үстіне 1 мл сода қосып, қоспаны шайқай отырып, калий перманга-нат ерітіндісінен бірнеше тамшысын қосса, ерітінді түссізденеді де марганец (IV) оксиді бөліне бастайды.
Нафтолдың сульфирленуі. 1 г нафтолды пробиркаға салып, оған 2 мл концентрациялы күкірт қышқылын қосып, шайқап араластырады. Пайда болған қоспа қышқыл ортада толық ериді. Ерітіндіден суық суы бар про-биркаға тамызса, нафтол қайтадан лайланып, бөліне бастайды, оның өзі нафтолмен қышқылдың химиялық жолмен әрекеттеспегенін көрсетеді. Қалған қоспаны су жылытқышта 2—3 мин қыздырады, салқындаған соң оның үстіне 10—15 мл суық су құяды. Қоспадан нафтол бөлінбейді. Нәтижесінде нафтол қышқылмен әрекеттесіп, 2-нафтол-6-сульфоқышқылы түзілгендігін дәлелдейді:
Метил-β-нафтол эфирін алу. Пробиркаға 2 мл күйдіргіш сілті ерітіндісін құйып, оған 0,5 г β-нафтол салып, 1 мл иодты метил қосады да аузын салқындатқыш түтігі бар тығынмен тығындап, су жылытқышта 10—15 мин қыздырады. Қоспаны суытады да оған 10—15 мл су қосады. Қоспадан метил β-нафтол эфирінің тұнбасы бөлінеді.
Достарыңызбен бөлісу: |
