38
керектігі туралы алғашқы мағлұматтарды меңгереді, онда басқалармен
бөліседе және қарым-қатынас орнатуға дағдыланады. Сөйтіп, өзінің «кім»,
«қандай» екенін, басқалардың «кім», «қандай» екенін тәжірбиеде сынап
байқайды. Балалар отбасында әртүрлі жағдаяттар мен төтенше жағдайларда
өзін-өзі ұстауды, мінез-құлқын реттеуді меңгереді. Отбасын зерттеушілер
А.Г.Харчев, А.Н.Антонов, З.И.Файнбург, Д.Горборинко ата-ананың үгіт-
насихаты, түсіндіруі, үлгі-өнегесі, үйдегі ахуал, отбасының психологиялық
тынысы арқылы балалардың әдеті, мінез-құлқы, жақсы мен жаманды бағалау
уәждерінің (критерий) қалыптасуымен бірге қандай қылықтары үшін сөгіс
алып, не үшін жазаланатынын, әділдік пен адалдық ұғымдарын меңгереді
деген тұжырымдар жасады. Бала дүниеге келгеннен белсенді түрде сыртқы
ортамен байланысқа түседі. Баланың бойындағы жақсы қасиеттер ананың
сүтімен, әлдиімен, жылы-жылы сөйлеген сөзі, мейірімді жүрегі, үлгі-өнеге
боларлық әрекеттерімен әлем кеңістігіне сенімді кіруіне негіз болады.
Достарыңызбен бөлісу: 
