Акционерлiк қоғамдар туралы

салық берешегiн қоғамның жарияланған акциялары

жүктеу/скачать 388 Kb.

бет	3/6
Дата	17.06.2016
өлшемі	388 Kb.
	#142029

1 2 3 4 5 6

салық берешегiн қоғамның жарияланған акциялары
есебiнен өтеу

1. Егер жарғылық капиталына мемлекет қатысатын қоғамның салық берешегiн (бұдан әрi - мерзiмi өткен берешек) төлеу мерзiмi үш айдан астам өтiп кетсе, Қазақстан Республикасының мемлекет алдындағы салық мiндеттемелерiнiң орындалуына салықтық бақылауды қамтамасыз ететiн мемлекеттiк органы (бұдан әрi - мемлекеттiк орган) қоғамның мерзiмi өткен берешегiн өтеткiзу мақсатында:

1) Қазақстан Республикасының салық заңдарына сәйкес қоғамның жарияланған акцияларына билiк етуiн шектеу туралы шешiм қабылдауға;
2) қоғамның жарияланған акциялары болмаған немесе олар қоғамның мерзiмi өткен берешегiн өтеуге жеткiлiксiз болған жағдайда қоғамның мерзiмi өткен берешегiн қоғамның жарияланған акцияларын мәжбүрлеп шығартқызып, кейiннен оларды орналастыру арқылы өтеткiзу туралы сотқа талап-арызбен жүгiнуге құқылы.

2. Қоғамның жарияланған билiк етуi шектелген акцияларын және мәжбүрлеп шығарылған жарияланған акцияларын орналастыру Қазақстан Республикасының салық заңдарында билiк етуi шектелген мүлiктi өткiзу үшiн белгiленген тәртiппен жүзеге асырылады.

Қоғам қызметiн республиканың экономикасы үшiн стратегиялық маңызы зор салаларда жүзеге асыратын жағдайда, мемлекеттiк орган Қазақстан Республикасы Үкiметiнiң шешiмiмен қоғамның билiк етуi шектелген жарияланған акциялары мен мәжбүрлеп шығарылған жарияланған акцияларын қоғамның мерзiмi өткен берешегiн өтеу есебiне мемлекет меншiгiне оларды мәжбүрлеп алып қою арқылы орналастыруға құқылы.

3. Қоғамның билiк етуi шектелген жарияланған акциялары мен мәжбүрлеп шығарылған жарияланған акцияларын мемлекет меншiгiне алып қою оларға мемлекеттiк меншiк құқығын қоғам акцияларын ұстаушылардың тiзiлiмдер жүйесiнде тiркеу арқылы жүзеге асырылады. Мемлекеттiк меншiк құқығы Қазақстан Республикасының Үкiметi республикалық мемлекеттiк меншiкке билiк етуге уәкiлеттiк берген мемлекеттiк органға тiркеледi.

4. Жарияланған акцияларды сот шешiмiмен мәжбүрлеп шығаруды мемлекеттiк тiркеу Қазақстан Республикасының заңдарында көзделген тәртiппен және жағдайларда жүзеге асырылады.

5. Қоғамның билiк етуi шектелген жарияланған акциялары мен мәжбүрлеп шығарылған жарияланған акцияларын орналастырудан түскен ақшаны, қоғамның мерзiмi өткен берешегiн өтеудi қоспағанда, өзге мақсаттарға пайдалануға тыйым салынады.

Қоғамның билiк етуi шектелген жарияланған акциялары мен мәжбүрлеп шығарылған жарияланған акцияларын орналастырудан алынған сома мерзiмi өткен берешек сомасынан асып түскен жағдайда айырма қоғамның кiрiсiне жiберiледi.

6. Қоғамның мерзiмi өткен берешегiн өтеу үшiн қажеттi акциялардың орналастырылу бағасы мен санын қоғаммен келiсе отырып, мемлекеттiк орган белгiлейдi. Мемлекеттiк органның бастамасымен акциялардың орналастырылу бағасын Қазақстан Республикасының заңдарына сәйкес бағалаушының да белгiлеуi мүмкiн.

Акциялардың орналастырылу бағасын бағалаушы белгiлеген жағдайда бағалауға байланысты шығындарды қоғам көтередi.

7. Мерзiмi өткен берешек қоғамның билiк етуi шектелген жарияланған акциялары мен мәжбүрлеп шығарылған жарияланған акцияларын орналастырудан түсетiн ақша есебiнен өтелген жағдайда немесе қоғамның билiк етуi шектелген жарияланған акциялары мен мәжбүрлеп шығарылған жарияланған акцияларға мемлекеттiң меншiк құқығы қоғамның акцияларын ұстаушылардың тiзiлiмдер жүйесiнде тiркелген кезден бастап қоғамның мерзiмi өткен берешегi Қазақстан Республикасының салық заңдарына сәйкес өтелген болып есептеледi.

Ескерту. 32-бапқа өзгерiс енгiзiлдi - Қазақстан Республикасының 2003.11.29. N 500 Заңымен(2004 жылғы 1 қаңтардан бастап қолданысқа енгiзiледi), 2004.12.13. N 11(күшiне ену тәртiбiн 2-баптан қараңыз), 2005.07.08. N 72(қолданысқа енгiзiлу тәртiбiн 2-баптан қараңыз) Заңдарымен.

5-тарау. Қоғамды басқару

33-бап. Қоғамның органдары

      1. Мыналар қоғам органдары болып табылады:
      1) жоғары орган - акционерлердiң жалпы жиналысы (барлық дауыс беретiн акциялары бiр акционерге тиесiлi қоғамда - сол акционер);
      2) басқару органы - директорлар кеңесi;
      3) атқарушы орган - алқалы орган немесе атауы қоғамның жарғысында белгiленетiн атқарушы орган қызметiн жеке-дара жүзеге асыратын тұлға.
      4) осы Заңға, Қазақстан Республикасының өзге де нормативтiк құқықтық актiлерiне және қоғам жарғысына сәйкес өзге де органдар.
      2. (алып тасталды)
      3. Бұрын мемлекеттiк қызметшi болған және өзiнiң қызметтiк функциялары бойынша қоғам қызметiне мемлекет тарапынан бақылау мен қадағалау жөнiнде өкiлеттiгi болған жеке адам осындай өкiлеттiк тоқтатылған күннен бастап бiр жыл iшiнде, дауыс беретiн акцияларының кемiнде он процентi мемлекетке не ұлттық басқарушы холдингке тиесiлi қоғамның органдарын қоспағанда, осы қоғамның органына сайлана алмайды.
      4. алынып тасталды.
      Ескерту. 33-бапқа өзгерiс енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз), 2007.02.19. N 230(қолданысқа енгiзiлу тәртiбiн 2-баптан қараңыз), 2009.02.13. N 135-IV(қолданысқа енгiзiлу тәртiбiн 3-баптан қараңыз) Заңдарымен.

34-бап. Жарғылық капиталына мемлекет қатысатын

қоғамды басқару ерекшелiктерi

Жарғылық капиталына мемлекет қатысатын қоғамды басқару ерекшелiктерi «Мемлекеттiк мүлiк туралы» Қазақстан Республикасының Заңында айқындалады.

Ескерту. 34-бап жаңа редакцияда - ҚР 2011.03.01 N 414-IV (алғашқы ресми жарияланған күнiнен бастап қолданысқа енгiзiледi) Заңымен.

34-1-бап. Тауарларды, жұмыстар мен көрсетiлетiн

қызметтердi сатып алу ерекшелiктерi

1. Ұлттық басқарушы холдингтiң, ұлттық холдингтердiң, ұлттық компаниялардың және акцияларының (жарғылық капиталға қатысу үлестерiнiң) елу және одан көп пайызы ұлттық басқарушы холдингке, ұлттық холдингке, ұлттық компанияға тiкелей немесе жанама тиесiлi ұйымдардың тауарларды, жұмыстар мен көрсетiлетiн қызметтердi сатып алуы Қазақстан Республикасының Үкiметi бекiтетiн тауарларды, жұмыстар мен көрсетiлетiн қызметтердi сатып алудың үлгi ережелерi негiзiнде жүзеге асырылады.

      Жанама иелену әрбiр келесi ұйымның өзге ұйым акцияларының (жарғылық капиталға қатысу үлестерiнiң) елу және одан көп пайызын меншiк немесе сенiмгерлiкпен басқару құқығымен иеленетiнiн бiлдiредi.
      2. Егер Қазақстан Республикасының заңнамалық актiлерiнде өзгеше көзделмесе, тауарларды, жұмыстар мен көрсетiлетiн қызметтердi сатып алуды жүргiзу кезiнде осы баптың 1-тармағында аталған тұлғалар:
      1) тендерге қатысушыларға ұсынылатын тендерлiк құжаттамада тендерге қатысушылардың – қазақстандық тауар өндiрушiлердiң, жұмыс орындаушылар мен қызмет көрсетушiлердiң бағаларын шартты түрде төмендету жөнiндегi талаптарды көздеуге;
      2) қазақстандық тауар өндiрушiлердiң, жұмыс орындаушылар мен қызмет көрсетушiлердiң өтiнiмдерiн қарау және тендер жеңiмпазын таңдау кезiнде бағаларды шартты түрде төмендетудi қолдануға;
      3) тендерге қатысушылардың баға ұсыныстары тең болған кезде қазақстандық тауар өндiрушiлерге, жұмыс орындаушылар мен қызмет көрсетушiлерге артықшылық беруге тиiс.
      3. Осы баптың 1-тармағында аталған тұлғалар сауда және индустриялық саясатты мемлекеттiк реттеу саласындағы уәкiлеттi орган белгiлеген нысан бойынша және мерзiмдерде осы уәкiлеттi органға тауарларды, жұмыстар мен көрсетiлетiн қызметтердi сатып алудағы қазақстандық қамту бойынша ақпарат беруге мiндеттi.
      Қазақстандық қамту Қазақстан Республикасының Үкiметi бекiткен, ұйымдардың тауарларды, жұмыстар мен көрсетiлетiн қызметтердi сатып алу кезiнде қазақстандық қамтуды есептеуiнiң бiрыңғай әдiстемесi бойынша айқындалады.
     Ескерту. Заң 34-1-баппен толықтырылды - ҚР 2009.12.29 № 233-IV (қолданысқа енгiзiлу тәртiбiн 2-б. қараңыз) Заңымен.

35-бап. Акционерлердiң жалпы жиналысы

      1. Акционерлердiң жалпы жиналыстары жылдық және кезектен тыс болып бөлiнедi.
      Қоғам акционерлердiң жылдық жалпы жиналысын жыл сайын өткiзiп отыруға мiндеттi. Акционерлердiң өзге жалпы жиналыстары кезектен тыс болып табылады.
      Акционерлердiң бiрiншi жалпы жиналысы жарияланған акциялардың шығарылуы мемлекеттiк тiркеуден өткiзiлгеннен және акцияларды ұстаушылардың тiзiлiмдер жүйесi жасалғаннан кейiн шақырылуы және өткiзiлуi мүмкiн.

2. Акционерлердiң жыл сайынғы жалпы жиналысында:

      1) қоғамның жылдық қаржылық есептiлiгi бекiтiледi;
      2) қоғамның аяқталған қаржы жылы үшiн таза кiрiсiн бөлу тәртiбi және қоғамның бiр жай акциясына есептелген дивиденд мөлшерi айқындалады;
      3) акционерлердiң қоғамның және оның лауазымды тұлғаларының iс-әрекетiне өтiнiштерi және оларды қарау қорытындылары туралы мәселе қаралады.
      Директорлар кеңесiнiң төрағасы директорлар кеңесiнiң және қоғамның атқарушы органының мүшелерiне сыйақы беру мөлшерi және олардың құрамы туралы қоғамның акционерлерiне хабарлайды.
      Акционерлердiң жылдық жалпы жиналысы олар бойынша шешiмдер қабылдау акционерлердiң жалпы жиналысының құзыретiне жатқызылған басқа мәселелердi де қарауға құқылы.

3. Акционерлердiң жылдық жалпы жиналысы қаржы жылы аяқталғаннан кейiн бес ай iшiнде өткiзiлуге тиiс.

Есептi кезең iшiнде қоғамның аудитiн аяқтау мүмкiн болмаған жағдайда аталған мерзiм үш айға дейiн ұзартылған болып саналады.

4. Барлық дауыс беретiн акциялары жалғыз акционерге тиесiлi қоғамда акционерлердiң жалпы жиналысы өткiзiлмейдi. Осы Заңда және қоғамның жарғысында акционерлердiң жалпы жиналысының құзыретiне жатқызылған мәселелер бойынша шешiмдердi мұндай акционер жеке-дара қабылдайды және бұл шешiмдер артықшылықты акциялармен куәландырылған құқыққа нұқсан келтiрмейтiн және оны шектемейтiн жағдайда жазбаша түрде ресiмделуге тиiс.

5. Егер осы баптың 4-тармағында көзделген жағдайларда қоғамның жалғыз акционерi немесе қоғамның барлық дауыс беретiн акцияларын иеленушi тұлға заңды тұлға болып табылса, осы Заңда және қоғамның жарғысында акционерлердiң жалпы жиналысының құзыретiне жатқызылған мәселелер бойынша шешiмдердi Қазақстан Республикасының заңдарына және заңды тұлғаның жарғысына сәйкес заңды тұлғаның осындай шешiмдердi қабылдауға құқығы бар органы, лауазымды адамдары немесе қызметкерлерi қабылдайды.
Ескерту. 35-бапқа өзгертулер енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз), 2007.02.19. N 230(қолданысқа енгiзiлу тәртiбiн 2-баптан қараңыз) Заңдарымен.

36-бап. Акционерлердiң жалпы жиналысының құзыретi

      1. Акционерлердiң жалпы жиналысының айрықша құзыретiне мына мәселелер жатқызылады:
      1) қоғам жарғысына өзгерiстер мен толықтырулар енгiзу немесе оны жаңа редакциясында бекiту;
      1-1) осы кодекстi қабылдау қоғамның жарғысында көзделген жағдайда, корпоративтiк басқару кодексiн, сондай-ақ оған енгiзiлетiн өзгерiстер мен толықтыруларды бекiту;
      2) қоғамды ерiктi түрде қайта ұйымдастыру немесе тарату;
      3) қоғамның жарияланған акцияларының санын ұлғайту немесе қоғамның орналастырылмаған жарияланған акцияларының түрiн өзгерту туралы шешiм қабылдау;
      3-1) қоғамның бағалы қағаздарын айырбастау шарттары мен тәртiбiн, сондай-ақ оларды өзгертудi айқындау;
      4) есеп комиссиясының сан құрамын және өкiлеттiк мерзiмiн белгiлеу, оның мүшелерiн сайлау және олардың өкiлеттiгiн мерзiмiнен бұрын тоқтату;
      5) директорлар кеңесiнiң сан құрамын, өкiлеттiк мерзiмiн белгiлеу, оның мүшелерiн сайлау және олардың өкiлеттiгiн мерзiмiнен бұрын тоқтату, сондай-ақ директорлар кеңесiнiң мүшелерiне сыйақы төлеудiң мөлшерi мен талаптарын айқындау;
      6) қоғамның аудитiн жүзеге асыратын аудиторлық ұйымды белгiлеу;
      7) жылдық қаржы есептiлiгiн бекiту;
      8) қоғамның есептi қаржы жылындағы таза табысын бөлу тәртiбiн бекiту, жай акциялар бойынша дивидендтер төлеу туралы шешiм қабылдау және қоғамның бiр жай акциясына шаққандағы дивиденд мөлшерiн бекiту;
      9) осы Заңның 22-бабының 5-тармағында көзделген жағдайлар туындаған кезде қоғамның жай және артықшылықты акциялары бойынша дивидендтер төлемеу туралы шешiм қабылдау;
      9-1) қоғам акцияларының ерiктi делистингi туралы шешiм қабылдау;
      10) қоғамға тиесiлi барлық активтердiң жиырма бес және одан да көп процентiн құрайтын сомадағы активтердiң бiр немесе бiрнеше бөлiгiн беру арқылы қоғамның өзге заңды тұлғаларды құруға немесе олардың қызметiне қатысуы туралы шешiм қабылдау;
      11) (алып тасталды)
      12) (алып тасталды)
      13) акционерлердiң жалпы жиналысын шақыру туралы қоғамның акционерлерге хабарлау нысанын белгiлеу және мұндай ақпаратты бұқаралық ақпарат құралдарында беру туралы шешiм қабылдау;
      14) қоғам акцияларды осы Заңға сәйкес сатып алған жағдайда олардың құнын белгiлеу әдiстемесiне өзгерiстердi бекiту (егер оны құрылтай жиналысы бекiтпесе, әдiстеменi бекiту);
      15) акционерлердiң жалпы жиналысының күн тәртiбiн бекiту;
      16) акционерлерге қоғам қызметi туралы ақпарат беру тәртiбiн белгiлеу, оның iшiнде, егер мұндай тәртiп қоғам жарғысында белгiленбесе, бұқаралық ақпарат құралын анықтау;
      17) "алтын акцияны" енгiзу және оның күшiн жою;
      18) шешiм қабылдау осы Заңда және қоғам жарғысында акционерлердiң жалпы жиналысының айрықша құзыретiне жатқызылған өзге де мәселелер.

1-1. Осы баптың 1-тармағының ережелерi ұлттық басқарушы холдингтiң жалғыз акционерiнiң құзыретiн айқындау кезiнде қолданылмайды. Ұлттық басқарушы холдингтiң жалғыз акционерiнiң құзыретi "Ұлттық әл-ауқат қоры туралы" Қазақстан Республикасының Заңында белгiленедi.

Осы тармақтың ережелерi агроөнеркәсiптiк кешен саласындағы ұлттық басқарушы холдингке қолданылмайды.
Ұлттық басқарушы холдингтердiң, ұлттық холдингтердiң жалғыз акционерi құзыретiнiң ерекшелiктерi «Мемлекеттiк мүлiк туралы» Қазақстан Республикасының Заңында белгiленедi.

2. Осы баптың 1-тармағының 1)-3) тармақшаларында аталған мәселелер бойынша акционерлердiң жалпы жиналысының шешiмдерi қоғамның дауыс беретiн акцияларының жалпы санының айқын басым көпшiлiгiмен, ал инвестициялық жекешелендiру қорын қайта құру нәтижесiнде құрылған қоғамда - қоғамның жиналыста өкiлдiк еткен дауыс беретiн акцияларының айқын басым көпшiлiгiмен қабылданады.

Егер осы Заңда және қоғам жарғысында өзгеше белгiленбесе, акционерлердiң жалпы жиналысының өзге мәселелер бойынша шешiмдерi қоғамның дауыс беруге қатысушы дауыс беретiн акцияларының жалпы санының жай көпшiлiк дауысымен қабылданады.
Қоғам жарғысында директорлар кеңесi мүшелерiнiң өкiлеттiктерiн мерзiмiнен бұрын тоқтату туралы шешiмдi қабылдау үшiн қажеттi дауыс санын осы тармақтың екiншi бөлiгiнде көрсетiлгеннен артық белгiлеуге болмайды.

3. Егер осы Заңда және Қазақстан Республикасының өзге де заң актiлерiнде өзгеше көзделмесе, шешiм қабылдау акционерлердiң жалпы жиналысының айрықша құзыретiне жатқызылған мәселелердi басқа органдардың, лауазымды адамдардың және қоғам қызметкерлерiнiң құзыретiне беруге жол берiлмейдi.

4. Егер жарғыда өзгеше белгiленбесе, акционерлердiң жалпы жиналысы қоғамның iшкi қызметiне жататын мәселелер бойынша қоғамның өзге органдарының кез келген шешiмiнiң күшiн жоюға құқылы.
Ескерту. 36-бапқа өзгерiс енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз), 2007.02.19. N 230(қолданысқа енгiзiлу тәртiбiн 2-баптан қараңыз), 2008.10.23 N 72-IV(қолданысқа енгiзiлу тәртiбiн 2-баптан қараңыз), 2009.02.13. N 135-IV(қолданысқа енгiзiлу тәртiбiн 3-баптан қараңыз), 2011.03.01 N 414-IV (алғашқы ресми жарияланған күнiнен бастап қолданысқа енгiзiледi) Заңдарымен.

37-бап. Акционерлердiң жалпы жиналысын шақыру тәртiбi

1. Акционерлердiң жылдық жалпы жиналысын директорлар кеңесi шақырады.

2. Акционерлердiң кезектен тыс жалпы жиналысы:

      1) директорлар кеңесiнiң
      2) iрi акционердiң бастамасы бойынша шақырылады.
      Ерiктi түрде таратылу процесiндегi қоғам акционерлерiнiң кезектен тыс жалпы жиналысын қоғамның тарату комиссиясы шақыруы, әзiрлеуi және өткiзуi мүмкiн.
      Қазақстан Республикасының заң актiлерiнде акционерлердiң кезектен тыс жалпы жиналысы мiндеттi түрде шақырылатын жағдайлар көзделуi мүмкiн.

3. Акционерлердiң жалпы жиналысын әзiрлеу мен өткiзудi:

      1) атқарушы орган;
      2) өзiмен жасалған шартқа сәйкес қоғамның тiркеушiсi;
      3) директорлар кеңесi;
      4) қоғамның тарату комиссиясы жүзеге асырады.
      4. Осы Заңда белгiленген жағдайларды қоспағанда, акционерлердiң жалпы жиналысын шақыру, әзiрлеу және өткiзу жөнiндегi шығындарды қоғам көтередi.

5. Қоғамның органдары акционерлердiң жылдық жалпы жиналысын шақырудың осы Заңда белгiленген тәртiбiн бұзған жағдайда, акционерлердiң жылдық жалпы жиналысы кез келген мүдделi тұлғаның талап-арызы бойынша қабылданған сот шешiмi негiзiнде шақырылуы және өткiзiлуi мүмкiн.

Егер қоғам органдары акционерлердiң кезектен тыс жалпы жиналысын өткiзу туралы қоғамның iрi акционерiнiң талабын орындамаса, қоғам акционерлерiнiң кезектен тыс жалпы жиналысы оның талап-арызы бойынша қабылданған сот шешiмiнiң негiзiнде шақырылуы және өткiзiлуi мүмкiн.

38-бап. Iрi акционердiң бастамасы бойынша

акционерлердiң кезектен тыс жалпы жиналысын
шақыру және өткiзу ерекшелiктерi

1. Акционерлердiң кезектен тыс жалпы жиналысын шақыру туралы iрi акционердiң талабы қоғамның атқарушы органының орналасқан жерi бойынша тиiстi жазбаша хабарлама жiберу арқылы директорлар кеңесiне қойылады, онда мұндай жиналыстың күн тәртiбi болуға тиiс.

      2. Қоғамның директорлар кеңесi iрi акционердiң талабы бойынша шақырылған акционерлердiң кезектен тыс жалпы жиналысының күн тәртiбi мәселелерiнiң тұжырымдамаларына өзгерiстер енгiзуге және ұсынылған өткiзу тәртiбiн өзгертуге құқылы емес.
      Қойылған талапқа сәйкес акционерлердiң кезектен тыс жиналысы шақырылған кезде директорлар кеңесi жалпы жиналыстың күн тәртiбiн өз қалауы бойынша кез келген мәселелермен толықтыруға құқылы.
      3. Акционерлердiң кезектен тыс жалпы жиналысын шақыру туралы талапты iрi акционер (акционерлер) қойған жағдайда, мұндай жиналысты шақыруды талап етушi акционерлердiң (акционердiң) есiмдерi (атаулары) және оған тиесiлi акциялардың саны, түрi көрсетiлуге тиiс.
      Акционерлердiң кезектен тыс жалпы жиналысын шақыру туралы талапқа акционерлердiң кезектен тыс жалпы жиналысын шақыруды талап етушi адам (адамдар) қол қояды.
      4. Директорлар кеңесi аталған талапты алған күннен бастап он жұмыс күнi iшiнде шешiм қабылдауға және осындай шешiм қабылданған кезден бастап үш жұмыс күнiнен кешiктiрмей осы талапты қойған адамға акционерлердiң кезектен тыс жалпы жиналысын шақыру туралы не оны шақырудан бас тарту туралы хабарлама жiберуге мiндеттi.
      5. Қоғамның директорлар кеңесiнiң iрi акционердiң талап етуi бойынша акционерлердiң кезектен тыс жалпы жиналысын шақырудан бас тарту туралы шешiмi:
      1) акционерлердiң кезектен тыс жалпы жиналысын шақыру туралы талапты қоюдың осы бапта белгiленген тәртiбi сақталмаған;
      2) акционерлердiң кезектен тыс жалпы жиналысының күн тәртiбiне енгiзуге ұсынылған мәселелер Қазақстан Республикасы заңнамасының талаптарына сәйкес келмеген жағдайда қабылдануы мүмкiн.
      Қоғамның директорлар кеңесiнiң акционерлердiң кезектен тыс жалпы жиналысын шақырудан бас тарту туралы шешiмiне сотта дау айтылуы мүмкiн.
      6. Егер қоғамның директорлар кеңесi осы Заңда белгiленген мерзiм iшiнде қойылған талап бойынша акционерлердiң кезектен тыс жалпы жиналысын шақыру туралы шешiмдi қабылдамаса, оның шақырылуын талап етушi адам қоғамды акционерлердiң кезектен тыс жалпы жиналысын өткiзуге мiндеттеу талабымен сотқа жүгiнуге құқылы.
      Ескерту. 38-бап жаңа редакцияда - Қазақстан Республикасының 2008.07.05 N 58-IV (қолданысқа енгiзiлу тәртiбiн 2-баптан қараңыз) Заңымен.

39-бап. Акционерлердiң жалпы жиналысына қатысуға

құқығы бар акционерлердiң тiзiмi

1. Акционерлердiң жалпы жиналысына қатысуға және онда дауыс беруге құқығы бар акционерлердiң тiзiмiн қоғам акцияларын ұстаушылардың тiзiлiмдер жүйесiндегi деректер негiзiнде қоғамның тiркеушiсi жасайды. Аталған тiзiмдi жасау күнi жалпы жиналысты өткiзу туралы шешiм қабылданған күннен ерте белгiленбеуi керек.

      Акционерлердiң тiзiмiне енгiзiлуге тиiстi мәлiметтердi уәкiлеттi орган белгiлейдi.
      2. Егер акционерлердiң жалпы жиналысына қатысуға және онда дауыс беруге құқығы бар акционерлердiң тiзiмi жасалғаннан кейiн, осы тiзiмге енгiзiлген тұлға қоғамның оған тиесiлi дауыс беретiн акцияларын иелiктен айырса, акционерлердiң жалпы жиналысына қатысу құқығы жаңа акционерге ауысады. Бұл орайда акцияға меншiк құқығын растайтын құжаттар табыс етiлуге тиiс.
      Ескерту. 39-бапқа өзгерiс енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз) Заңымен.

40-бап. Жалпы жиналыстың өткiзiлетiн күнi,

уақыты және орны

1. Акционерлердiң жалпы жиналысы өткiзiлетiн күн мен уақыт оған қатысу құқығы бар адамдардың неғұрлым көпшiлiгi жиналысқа қатыса алатындай етiп белгiленуге тиiс.

Акционерлердiң жалпы жиналысы атқарушы орган орналасқан жердегi елдi мекенде өткiзiлуге тиiс.
2. Жиналысқа қатысушыларды тiркеу басталатын уақыт пен жиналысты өткiзу уақыты қоғамның есеп комиссиясына жиналысқа қатысушыларды тiркеудi, санын есептеудi және оның кворумын айқындауды жүргiзуге жеткiлiктi уақытты қамтамасыз етуге тиiс.

41-бап. Акционерлердiң жалпы жиналысын өткiзу

туралы ақпарат

1. Акционерлерге ("алтын акция" иесiне) алда жалпы жиналыс өткiзiлетiнi туралы жиналыс өткiзiлетiн күнге дейiн күнтiзбелiк отыз күннен кешiктiрiлмей, ал сырттай немесе аралас дауыс беру жағдайында - күнтiзбелiк қырық бес күннен кешiктiрiлмей хабарлануға тиiс.

2. Акционерлердiң жалпы жиналысын өткiзу туралы хабарлама бұқаралық ақпарат құралдарында жариялануға не оларға жiберiлуге тиiс. Егер компания акционерлерiнiң саны елу акционерден аспаса, хабарлама акционерге жазбаша хабарлама жолдау арқылы жiберiлуге тиiс.

3. Қоғам акционерлерiнiң жалпы жиналысын өткiзу туралы хабарландыруда:

      1) қоғамның атқарушы органының толық атауы және орналасқан жерi;
      2) жиналысты шақыру бастамашысы туралы мәлiметтер;
      3) қоғам акционерлерi жалпы жиналысының өткiзiлетiн күнi, уақыты және орны, жиналысқа қатысушыларды тiркеу басталатын уақыт, сондай-ақ егер алғашқысы өткiзiлмесе, қоғам акционерлерiнiң өткiзiлуге тиiстi болған жалпы жиналысының қайта өткiзiлетiн күнi және уақыты;
      4) акционерлердiң жалпы жиналысына қатысуға құқығы бар акционерлердiң тiзiмi жасалған күн;
      5) акционерлердiң жалпы жиналысының күн тәртiбi;
      6) қоғам акционерлерiн акционерлердiң жалпы жиналысының күн тәртiбiндегi мәселелер бойынша материалдармен таныстыру тәртiбi;
      7) егер бұл қоғам инвестициялық жекешелендiру қоры болса немесе инвестициялық жекешелендiру қорын қайта ұйымдастыру нәтижесiнде құрылса, қордың толық атауы және оған берiлген лицензияның нөмiрi болуға тиiс.

4. Миноритарлық акционер акционерлердiң жалпы жиналысының күн тәртiбiнде көрсетiлген мәселелер бойынша шешiмдер қабылдау кезiнде басқа акционерлермен бiрiгу мақсатында қоғамның тiркеушiсiне өтiнiш жасауға құқылы.

Миноритарлық акционердiң өтiнiш беру және қоғам тiркеушiсiнiң басқа акционерлерге ақпарат тарату тәртiбi бағалы қағаздар ұстаушыларының тiзiлiмдер жүйесiн жүргiзу жөнiндегi шартта белгiленедi.
Ескерту. 41-бапқа өзгертулер енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз), 2007.02.19. N 230(қолданысқа енгiзiлу тәртiбiн 2-баптан қараңыз) Заңдарымен.

42-бап. Акционерлердiң жалпы жиналысын қайталап өткiзу

      1. Акционерлердiң жалпы жиналысын қайталап өткiзудi акционерлердiң бастапқы (болмай қалған) жалпы жиналысы белгiленген күннен кейiнгi келесi күннен ерте тағайындауға болмайды.
      2. Акционерлердiң қайталап өткiзiлетiн жалпы жиналысы акционерлердiң болмай қалған жалпы жиналысы белгiленген жерде өткiзiлуге тиiс.
      3. Акционерлердiң қайталап өткiзiлетiн жалпы жиналысы күн тәртiбiнiң акционерлердiң болмай қалған жалпы жиналысының күн тәртiбiнен айырмашылығы болмауға тиiс.

43-бап. Акционерлердiң жалпы жиналысының күн тәртiбi

1. Акционерлердiң жалпы жиналысының күн тәртiбiн директорлар кеңесi жасайды және онда талқылауға ұсынылатын мәселелердiң нақты тұжырымдалған толық тiзбесi болуға тиiс.
Акционерлердiң жалпы жиналысының күн тәртiбi толықтырылатыны қоғам акционерлерiне жалпы жиналыс өткiзiлетiн күнге дейiн он бес күннен кешiктiрiлмей немесе осы баптың 4-тармағында белгiленген тәртiппен хабарланған жағдайда, iрi акционер немесе директорлар кеңесi күн тәртiбiн толықтыруы мүмкiн.

2. Акционерлердiң қатысу тәртiбiмен өткiзiлетiн жалпы жиналысын ашу кезiнде директорлар кеңесi күн тәртiбiн өзгерту жөнiнде өзi алған ұсыныстар туралы баяндауға мiндеттi.

3. Акционерлердiң жалпы жиналысының күн тәртiбiн бекiту қоғамның жиналыста өкiлдiк еткен дауыс беретiн акцияларының жалпы санының көпшiлiк даусымен жүзеге асырылады.

4. Егер акционерлердiң жалпы жиналысына қатысқан және қоғамның дауыс беретiн акцияларының жинақтап алғанда кемiнде тоқсан бес процентiн иеленетiн акционерлердiң (немесе олардың өкiлдерiнiң) көпшiлiгi күн тәртiбiне өзгерiстер және (немесе) толықтырулар енгiзудi жақтап дауыс берсе, олар енгiзiлуi мүмкiн.

Егер шешiмге енгiзуге орналастырылған (сатып алынғандарын шегере отырып) артықшылықты акциялардың жалпы санының кемiнде үштен екi бөлiгi жақтап дауыс берсе, күн тәртiбi артықшылықты акцияларды иеленушi акционерлердiң құқықтарын шектеуi мүмкiн болатын мәселемен толықтырылуы мүмкiн.
Акционерлердiң жалпы жиналысы сырттай дауыс беру арқылы шешiм қабылдаған жағдайда акционерлердiң жалпы жиналысының күн тәртiбiн өзгертуге және (немесе) толықтыруға болмайды.

5. Акционерлердiң жалпы жиналысы оның күн тәртiбiне енгiзiлмеген мәселелердi қарауға және олар бойынша шешiм қабылдауға құқылы емес.

6. Күн тәртiбiнде, "әр түрлi", "өзге", "басқалары" деген сөздердi қоса алғанда, жалпылама ұғымдағы тұжырымдамаларды және осыларға ұқсас тұжырымдамаларды пайдалануға тыйым салынады.
Ескерту. 43-бапқа өзгерту енгiзiлдi - Қазақстан Республикасының 2007.02.19 N 230(қолданысқа енгiзiлу тәртiбiн 2-баптан қараңыз), 2008.07.05 N 58-IV(қолданысқа енгiзiлу тәртiбiн 2-баптан қараңыз) Заңдарымен.

44-бап. Акционерлердiң жалпы жиналысының күн

жүктеу/скачать 388 Kb.

Достарыңызбен бөлісу:

1 2 3 4 5 6