Аллоҳ суйган бандалар
жүктеу/скачать 1.18 Mb. Pdf көрінісі
|
| МУАЛЛИФ ҲАҚИДА
Шайх Ваҳид Абдуссалом Болий 1963 йил Мисрнинг Кафр- шайх вилояти Аҳмад Сулаймон қишлоғида дунёга келган. 1985 йил «Адабиёт ва тарбия» факултетининг «Араб тили» бўлимини битирган. Қуръони каримни тўлиқ ёд олган. Саудия Арабистонига сафар қилиб, Мадинаи мунавва- ра мактабларидан бирида 4 йил араб тилидан дарс берган. Даъват қилиш ва илмий маърузалар ўқиш таклифи билан Қатар, БАА, Баҳрайн каби араб ўлкаларига, Швеция, Фин- ландия каби ғарб давлатларига сафар қилган. Аллоҳ таоло Ваҳид Абдуссалом Болийга Ислом олами- даги талай машҳур олимлардан илм олиш неъматини ато этган. Шайх Абдулазиз ибн Боз, Шайх Муҳаммад ибн Со- лиҳ Усаймин, Шайх Муҳаммад Носируддин Албоний, Шайх Абу Бакр Жазоирий, Шайх Атийя Муҳаммад Солим, Шайх Абдуллоҳ Бассом, Шайх Абдуллоҳ Ажлон (Масжиди ҳаром мударрисларидан), Шайх Усома Хайёт (Масжиди ҳаром ха- тиби), Шайх Абдуллоҳ ибн Абдураҳмон Жибрин («Катта ула- молар ҳайъати» аъзоси, Саудия Арабистони), Шайх Жуброн ал-Фифий (Абҳодаги катта маҳкама қозиси), Шайх Жибрил Бусилий, Шайх Саид ибн Ҳаммод Шаҳрий (Абҳодаги илмий институт мударриси), Шайх Муҳаммад Сафват Нуриддин («Ансор ас-сунна» жамияти раиси, Миср), Шайх Сафват Ша- водифий («Тавҳид» журнали бош муҳаррири, Миср) шулар жумласидан. Ундан ташқари Муҳаммад Исмоил Муқаддам, Муҳам- мад Яъқуб, Муҳаммад Ҳассон, Абу Исҳоқ Ҳувайний, Муста- фо Адавий ва Абдулазим Бадавий каби мисрлик уламо ва даъватчилар билан мунтазам учрашиб туради. «Саҳиҳи Бухорий», «Саҳиҳи Муслим», «Сунани Терми- зий», «Сунани Абу Довуд», «Муснади Аҳмад», «Муваттои Молик», «Сунани Насоий» ва «Сунани Ибн Можа» каби ҳадис тўпламларидан Набий саллаллоҳу алайҳи ва салламга туташ санадлар билан қатор муҳаддислардан илмий ижозалар ол- ган. Ваҳид Абдуссалом Болий ҳафизаҳуллоҳ илм йўлида сер- маҳсул ижод соҳиби бўлиб, «Виқоятул инсан минал жинни ваш-шайтон», «Ҳифзул-лисон», «Васф ал-жанна мин саҳиҳ ас-сунна», “Васф ан-нор мин саҳиҳ ал-ахбор», «Ат-тариқ ила валад ас-солиҳ» каби ўттизга яқин китоб муллифидир. |