Зертханалық жұмысты орындауға арналған жеке тапсырмалар

Зертханалық жұмысты орындауға арналған жеке тапсырмалар:

1. 
   Бiр топтағы фамилиялары бiрдей студенттерді табыңдар.
   
2. 
   Топ студенттері фамилиялары мен аттарының бiрiншi әрпiн шығарыңдар.
   
3. 
   Әрбiр сөзден кейiн бiр бос орын қалдырылған сөйлемдер берiлген. Құрамында дауысты әріптер ең көп кездесетiн сөздi табыңдар.
   
4. 
   Әрбiр сөзден кейiн бiр бос орын қалдырылған сөйлемдер берiлген. Құрамында берiлген әрiптен басталатын сөздердiң санын анықтаңдар.
   
5. 
   Әрбiр сөзден кейiн бiр бос орын қалдырылған сөйлем берiлген.
   

ЛАБОРАТОРИЯЛЫҚ ЖҰМЫС № 7

Тақырыбы: Бірөлшемді және көпөлшемді массивтер


Жұмыстың мақсаты: С++ тілінде бірөлшемді және көп массивтерді ұғымымен танысу, есептер шығаруды үйрену.


Оқу-зертханалық құрылғылар тізімі: Дербес компьютер немесе ноутбук, Windows/Linux/macOS операциялық жүйелерінің бірі, Turbo С++/Dev C++/Visual C++ бағдарламалау орталарының бірі.

Қысқаша теориялық мағлұмат:

Жиым немесе массив – бір типтегі элементтердің реттелген жиыны.

Олар бір атаумен – идентификатормен аталады да, индексті айнымалы ұғымына сәйкес келеді. Мысалы, мынадай тізбек
0 1 1 2 3 5 8 13 21
Фибоначчи тізбегінің 9 элементін құрайды (алғашқы екі санды таңдап алып, келесі санды алдыңғы екеуін қосу жолымен алады). Ал мынау өзіне және бірге бөлінетін жай сандар тізбегінің алғашқы 7 элементі:
1 3 5 7 11 13 17
Осындай бір текті тізбектерді жиым түрінде С тілінде сипаттап, оған бастапқы мән беріп инициалдау үшін былай жазамыз:
int fib[8]={0, 1, 1, 2, 3, 5, 8, 13, 21}; немесе
int fib[]={0, 1, 1, 2, 3, 5, 8, 13, 21}; деп көрсетеміз,
мұндағы fib – жиым аты, оның элементтерінің типі int, ал ені, яғни ұзындығы – 9, жиым элементтерінің индекстері 0-ден бастап нөмірленеді, сол себепті 9 элемент 8 индекспен көрсетіледі. Мәндері толық көрсетілсе, индексті жазбаса да болады. Ал былай болса,
int fib[8]={0, 1, 2, 3}; қалған элементтері 0 болып саналады.
n=10; k=2; fib[n-k] = {0, 1, 2, 3}; десе де болады.
Жоғарыдағы тізбектің 7-ші элементін бір бүтін айнымалыға меншіктеу үшін былай жазамыз.
int а = fib[6]; // а = 8:
Жиымды сипаттау кезінде оның ені нақты санмен көрсетіледі, мысалы, a[20], a[n] деп жазу үшін алдын ала #define n 20 жолы көрсетіледі немесе const n=20; болып жазылады.
Жиым элементтерін енгізу немесе оларды түрлендіру үшін цикл операторлары қолданылады. Төменде 10 элементі бар жиымды 0-ден 9-ға дейінгі сандармен толтырып, содан кейін оларды кері бағытта экранға шығару мысалы көрсетілген:
main()
{ int ia[10]; int index;
for(index = 0; index <10; index ++) ia[index] = index;
for(index = 9; index >=0; index --)
printf(“ %i”, ia[index]); }
С тілінде жиымды жиымға бірден теңестіруге болмайды, мысалы, а0, а1, а2, ... , а9 және с0, с1, с2, ... , с9 жиымдары үшін а = c деп жазуға рұқсат етілмейді. Олардың элементтерін цикл ішінде бір-біріне біртіндеп теңестіру керек. Мысалы, мынадай цикл жазылуы тиіс:
int a[9], c[9];
for(int i=0; i<9; ++i) a[i]=c[i];

жүктеу/скачать 1.36 Mb.

Достарыңызбен бөлісу: