Қазақстан республикасы бiлiм және ғылым министрлiгi
жүктеу/скачать 5.79 Mb. Pdf көрінісі
|
- Бұл бет үшін навигация:
- БОЛАШАҚ МҰҒАЛІМДЕРДІҢ ОҚУШЫЛАРДЫ БЕЙІНДІК ОҚЫТУҒА КӘСІБИ ДАЯРЛЫҒЫН КЕШЕНДІК МОНИТОРИНГТІК ЗЕРТТЕУ
- Түйін сөздер
| Ұ.Ж. ҚОНАҚБАЕВА
1 , З.Д. АХМЕТОВА 2 , Н.Х. УМИРЗАХОВА 3 доктор PhD, ОҚМПИ, аға оқытушысы, Шымкент қ. 1 магистр, ОҚМПИ оқытушысы, Шымкент қ. 2 магистр ОҚМПИ оқытушысы, Шымкент қ. 3 БОЛАШАҚ МҰҒАЛІМДЕРДІҢ ОҚУШЫЛАРДЫ БЕЙІНДІК ОҚЫТУҒА КӘСІБИ ДАЯРЛЫҒЫН КЕШЕНДІК МОНИТОРИНГТІК ЗЕРТТЕУ 12 жылдық білім берудің негізгі мақсаты Қазақстан Республикасының экономикалық және саяси, әлеуметтік өміріне белсенді қатысуға даяр бәсекеге қабілетті тұлға даярлау болып табылады. Бейіндік оқытуға көшудің табысты жағдайларының бірі педагогтардың жаңа идеяларды жүзеге асыруға даярлығы. Педагогикалық кадрлардың ұлттық білім беруді модернизациялауға қатысуы арнайы даярлықты талап етеді, әсіресе, біліктілікті арттыру жүйесінің қызметіндегі анықталған өзгерістерді қамтиды. Мақалада болашақ мұғалімдерді оқушыларды бейіндік оқытуға кәсіби даярлау мәселелері бойынша социологиялық сауалнама мен мониторингтік зерттеудің қорытындысы берілген. Түйін сөздер: педагогикалық кадр, бакалавр, студент, құзыреттілік. Қазақстандық білім беруді модернизациялау тұжрымдамасының басым бағыттарының бірі жалпы білім беретін мектептердің жоғары сыныптарында арнайы даярлық жүйесі және еңбек нарығының анық қажеттіліктерін ескере отырып оқушылардың әлеуметтендірілуі мен оқытуды жекелендіруге бағдарланған оқушылардың бейіндік оқуларын ендіре отырып жалпы білім берудің қол жетімділігі мен сапасын көтеру болып табылады. Бұл жаңалықтың нәтижелілігі жоғары сынып оқушыларының бейіндік оқуларын жүзеге асыру бойынша инновациялық қызметке қатысатын педагогикалық кадрлардың кәсіби даярлығына тәуелді. Бейіндік оқыту жүйесінде жұмыс істейтін педагог өзінің жаңа кәсіби міндеттерін дұрыс шеше білуі тиіс, сол үшін білім беру үдерісіне еніп жатқан жаңалықтарды меңгеруі тиіс. Қазақстан республикасының президенті Н.Ә. Назарбаевтың «Болашақты бірге құрамыз» атты қазақстан халқына жолдауында біз б әсекеге қабілетті дамыған мемлекет болу үшін сауаттылығы жоғары елге айналуымыз керек. Біздің азаматтарымыз үнемі ең озық жабдықтармен және ең заманауи өндірістерде жұмыс жасау машығын меңгеруге дайын болуы тиіс. Сондай-ақ балаларымыздың, жалпы барлық жеткіншек ұрпақтың функционалдық сауаттылығына да зор көңіл бөлу қажет. Балаларымыз қазіргі заманға бейімделген болуы аса маңызды. Кәсіби-техникалық және жоғары білім ең бірінші кезекте ұлттық экономиканың мамандарға деген қазіргі және келешектегі сұранысын барынша өтеуге бағдар ұстауы керек. Көп жағынан бұл халықты еңбекпен қамту мәселесін шешіп береді [1]. |