Ќазаќстан Республикасы Білім жєне ѓылым министрлігі
Мемлекеттік қызметшілердің негізгі құқықтары мен міндеттерін жүзеге асырудың кепілдіктері
жүктеу/скачать 1 Mb.
|
| 3. Мемлекеттік қызметшілердің негізгі құқықтары мен міндеттерін жүзеге асырудың кепілдіктері.
Мемлекеттік қызметшінің: Республиканың азаматтарына ҚР Констутциясымен және Заңдарымен кепілдік берілген құқықтары мен бостандықтарды пайдалануға; - Өз өкілеттігі шегінде мәселелерді қарауға және олар бойынша шешімдер қабылдауға, тиісті органдар мен лауазымды адамдардың оларды орындауын талап етуге; Белгіленген тәртіппен лауазымдық міндеттерді орындау үшін қажетті ақпараттармен материалдар алуға; Лауазымдық міндеттерді атқару үшін белгіленген тәртіппен меншік нысандарына қарамастан, ұйымдарда болуға; Басшыдан мемлекеттік қызметшінің атқаратын лауазымына сәйкес қызметтік өкілеттік міндеттері мен көлемін дәл белгілеуді талап етуге; Жеке басының қадір – қасиетінің құрметтелуіне, басшылар өзгеде лауазымды адамдар және азаматтар тарапынан өзіне әділ және құрметпен көзқарас жасалуына ; Өзі атқаратын лауазымға жұмыс сапасына, тәжірибесіне өзгеде негіздерге қарай ынталандырылуына және еңбегіне ақы төленуіне; Тиісті бюджет қаражаты есебінен қайта даярлануға және біліктілігін арттыруға; өзінің мемлекеттік қызмет өткеруіне қатысты материалдармен кедергісіз танысуға, қажет болған жағдайда жеке түсіндірмелер беруге; Біліктілігі мен қабілеті, өзінің қызметтік міндеттерін адал орындалуы ескеріле отырып, қызметі бойынша жоғарылауға құқығы бар. Мемлекеттік қызметшілердің міндеттері: Республиканың Конститутциясы мен заңдарын сақтауға; ҚР Президенті бекіткен тәртіппен мемлекеттік қызметшінің антын беруге; Азаматтар мен заңды тұлғалар құқығының, бостандықтары мен заңды мудделерін сақталуын және қорғалуын қамтамасыз етуге, заңдарда белгіленген тәртіп пен мерзімде азаматтардың өтініштерін қарауға, олар бойынша қажетті шаралар қолдануға; Өзіне берілген құқықтары шегінде және қызмет міндеттеріне сәйкес өкілеттігін жүзеге асыруға; Мемлекеттік тәртіп пен еңбек тәртібін сақтауға; Өзіне заңда белгіленген шектеулерді қабылдауға; Қызметтік әділет нормаларын сақтауға; Басшылардың бұйрықтары мен өкімдерін, жоғары тұрған органдар мен лауазымды адамдардың өз өкілеттігінің шегінде шығарған шешімдері мен нұсқауларын орындауға; Мемлекеттік құпияларды және заңмен қорғалатын өзгеде құпияны сақтауға оның ішінде мемлекеттік қызметті тоқтатқаннан кейінде, заңмен белгіленген белгілі-бір уақыт ішінде, ол жөнінде қолхат бере отырып сақтауға; Қызметтік міндеттерін атқару кезінде алған, азаматтардың жеке өмірін ар намысын және қадір – қасиетін қорғайтын мәліметтерді құпия сақтауға және олардан, заңдарда көзделген жағдайларды қоспағанда мұндай ақпарат беруді талап етуге міндетті., Мемлекеттік қызметшінің өкілді органның депутаты және жергілікті өзін - өзі басқару органдарына мүшесі болуға; Педагогтық, ғылыми шығармашылықты қоспағанда басқада ақылы қызметпен айналысуға; 3-ші тұлғаның істері бойынша өз қызмет істейтін және өзіне тікелей бағынышты немесе өзінің бақылауындағы мемлекеттік органда болуға; өзінің қызметтік іс әрекетін материалдық – техникалық, қаржылық және ақпараттық қамтамасыз ету құралдарын қызметтік емес мақсатта пайдалануға; ереуілдерді қоса алғанда, мемлекеттік органдардың қалыпты жұмыс істеуіне және қызметтік міндеттерді орындауға кедергі келтіретін әрекеттерге қатысуға; лауазымдық өкілеттілігін орындауға байланысты азаматтар мен заңды тұлғалар көрсететін қызметті жеке мақсатына пайдалануға құқығы жоқ. жүктеу/скачать 1 Mb. Достарыңызбен бөлісу:
|