Қазақстан республикасы жоғары оқу орындарының Қауымдастығы к. Ж. Төребаева, М. Н. Есенғұлова психологиялық-педагогикалық диагностика

252
в) алдындағы міндеттерін толық орындау мақсатында психолог 
өзге əріптестерімен қызмет бабын орнатады, ғылымның психология-
мен қатысы бар салаларымен байланыс жүргізеді;
г) психолог өз бетімен ізденіс-зерттеу жолдарын таңдайды. Ке-
рек болған жағдайда осы сала маман эксперттерінен ақыл-кеңес ала-
ды (əдістемелік топтың жетекшісінен, ғылыми-əдістемелік кеңес 
мүшелерінен, басқа да мамандардан);
д) күнделікті жұмыста қолданылып жүрген жаңа педагогикалық-
психологиялық бағдарламалар облыстық ғылыми-əдістемелік 
кеңесте бекітілген болуы керек;
е) психолог мұғалімдер мен білім беру жүйесіне қатысты 
педагогтардың қолданысындағы психологиялық əдістемелерді зер-
делеуге құқылы.
ІІІ. Жауапкершілік 
а) психолог қоғам-жұртшылық алдында өзінің кəсіби жəне адами 
жауапкершілігін жете түсінуі шарт;
ə) тексеру, зерттеу процесінде психолог, ең алдымен, 
адамдардың (клиенттердің) жеке басының қауіпсіздігін, тексеріс 
қорытындыларының оған зиянсыз болуын қамтамасыз етуі тиіс;
б) психолог тексеріс-зерттеу жұмыстарын өзі жүргізсе де, осы 
жұмыстарды атқарушыларға басшылық етсе де, этикалық Кодекстің 
мүлтіксіз орындалуына жауапты;
в) психолог көпшілік алдында сөйлеген сөздерінде тексерілмеген, 
көз жетпеген деректер келтіріп, өзінің білімі мен білгірлік деңгейі 
туралы айтып, оқырмандар мен тыңдаушыларға жалған ақпарат 
бермеуі тиіс;
г) тексеріс-зерттеу жұмыстарының шынайы мақсатына жетудің 
баламасы болмаған жағдайда психолог зерттелінушіге бұл 
ізденістердің мақсатын түсіндірмеуіне болады. Бүкіл психологиялық 
əрекеттердің құпияларын зерттелінушіге жұмыс аяғына дейін 
мəлімдеме берілмейді.

жүктеу/скачать 4.16 Mb.

Достарыңызбен бөлісу: