Креативтік экономиканың дамуына әсер етуші факторлар. Martin Prosperity жаһандық креативтілік индексінде 2015 жылы Орталық Азия өңірінің бес елінің төртеуі ұсынылды. Бәрінен жоғары – 84-орында-Қазақстан, Өзбекстан 100-орынды, Қырғызстан 111-орынды, ал Тәжікстан 114-орынды иеленді. Зерттеу үш негізгі критерий бойынша әр елдің шығармашылық индексін анықтады: технологияның дамуы, талант пен толеранттылық деңгейі.
2017 жылы Адами даму индексі (АДИ) бойынша елдер рейтингінде Қазақстан 58-орынды иеленді. "1990-2018 жылдар аралығында Қазақстанда Ади көрсеткіші 18,5% — ға, ал жан басына шаққандағы жалпы ұлттық табыс 61,8% - ға артты. 2018 жылға арналған АДИ 0,817 құрайды, алайда көрсеткіш теңсіздікті ескере отырып түзетілген кезде АДИ 0,759-ға дейін төмендейді. Бұл адам дамуы индексінің мәніне 7.1% «жоғалтуды» құрайды. 2019 жылы Қазақстан адам дамуы индексінде 50-ші орынға ие болды. 1990 жылдан бастап 2018 жылға дейінгі кезеңде Қазақстанда Ади көрсеткіші 0,690-дан 0,817-ге дейін ұлғайды, өсу пайызы 18,5% - ды құрайды.[6]
Креативті экономика жаңа қоғамның қалыптасуының тірегі ретінде көрінеді, оның басты құндылығы зияткерлік капитал болып табылады.
Достарыңызбен бөлісу: |
