Бағдарламасы Қазақстан Республикасы Үкiметiнiң 2010 жылғы 21 желтоқсандағы n 1390 Қаулысы
Бағдарламаны iске асыру нәтижелерiнiң мақсаттары, мiндеттерi, нысаналы индикаторлары мен көрсеткiштерi
жүктеу/скачать 391.5 Kb.
|
- Бұл бет үшін навигация:
- Салалық бағдарлама индикаторлары мен көрсеткiштерiнiң жүйесi
- Мiндеттердi орындауды қамтамасыз етушi бағдарламалық iс-шаралар
- Базалық жыл Болжанатын кезең 2011
- Нысаналы индикаторлар
- 5. Бағдарламаны iске асыру кезеңдерi
4. Бағдарламаны iске асыру нәтижелерiнiң мақсаттары, мiндеттерi, нысаналы индикаторлары мен көрсеткiштерi Бағдарлама мақсаты: Құқық бұзушылықтар профилактикасы әдiстерiн жетiлдiру, қылмыстар мен құқық бұзушылықтың деңгейiн төмендету, азаматтардың қауiпсiздiгiн қамтамасыз ету; Баланың құқықтарын сақтау және олардың заңды мүдделерiн қорғау жүйесiн күшейту болып табылады. Көрсетiлген мақсаттарға жету үшiн мынадай мақсаттарды шешу ұйғарылады: кәмелетке толмағандар мен жастар арасындағы құқық бұзушылықтың профилактикасы жөнiндегi жұмысты жандандыру; отбасы-тұрмыстық қарым-қатынастар саласындағы құқық бұзушылықтардың, маскүнемдiк пен алкоголизмнiң профилактикасы; есiрткi қылмыс мен нашақорлықтың профилактикасы; қылмыстың қайталануының профилактикасы; қоғамдық орындар мен көшелердегi қылмыстың деңгейiн төмендету; жол қозғалысы саласындағы құқық бұзушылықтың профилактикасы; көшi-қон саласындағы құқық бұзушылықтың профилактикасы; табиғатты қорғау заңнамасы саласындағы құқық бұзушылықтың профилактикасы; мүлiктiк қылмыстарға қарсы iс-әрекет; қару айналымы саласындағы қылмыстардың профилактикасы; этносаралық және конфессияаралық қақтығыстардың профилактикасы мен ерте алдын алудың тиiмдi жүйесiн құру; жұртшылықпен және азаматтармен серiктестiк; нормативтiк құқықтық базаларды жетiлдiру; құқық бұзушылықтар профилактикасын ақпараттық және материалдық-техникалық қамтамасыз ету; құқық бұзушылықтар профилактикасы мәселесi бойынша кадрларды дайындау және олардың бiлiктiлiгiн арттыру. Салалық бағдарлама индикаторлары мен көрсеткiштерiнiң жүйесi
Бағдарламаны iске асыру нәтижелерiнiң көрсеткiштерi мен мақсаттары, мiндеттерi, мақсатты индикаторларына жетуге жауапты мемлекеттiк органдар: Мемлекеттiк органдар мен басқа да бағдарламаның негiзгi қатысушыларының қызметiн үйлестiрушi және бағдарламаның iске асырылуы үшiн жалпы жауапкершiлiкке ие Қазақстан Республикасы Iшкi iстер министрлiгi; Бағдарламада көзделген iс-шараларды орындауды өз құзыретi шеңберiнде жүзеге асырушы Қазақстан Республикасы әдiлет, қаржы, бiлiм, денсаулық сақтау, мәдениет, көлiк және коммуникация, еңбек және халықты әлеуметтiк қорғау министрлiктерi, сондай-ақ облыстық (республикалық маңызы бар қалалар, елорда) атқарушы органдар. 5. Бағдарламаны iске асыру кезеңдерi Ескерту. 5-бөлiмге өзгерiс енгiзiлдi - ҚР Үкiметiнiң 2011.06.24 № 703 Қаулысымен. Бағдарламаны iске асыру үш жыл аралығын (2011 - 2013 жылдар) қарастырады. Бiрiншi жыл аралығында (2011 жыл) бағдарламаны iске асыру мынадай алғашқы кезектi iс-шараларды жүзеге асыруды жоспарлайды: 1) "Қазақстан Республикасының әскери қызметшiлерi, құқық қорғау органдары, Қазақстан Республикасы Төтенше жағдайлар министрлiгi өртке қарсы қызмет органдары мен прокуратура органдарының қызметкерлерi лауазымдарының санаттары бойынша тiзiлiмдерiн бекiту туралы" Қазақстан Республикасы Президентiнiң 2004 жылғы 17 қаңтардағы № 1283 Жарлығын толықтыру туралы мәселенi қарастыру; 2) кейбiр нормативтiк құқықтық актiлерге алкоголизммен, нашақорлықпен және уытқұмарлықпен ауырған, ерiктi түрде емдеуден жалтарған адамдарды мәжбүрлеп емдеуге жолдау және оларды медициналық-әлеуметтiк ақтау тәртiбi мәселесi жөнiнде өзгерiстер мен толықтырулар енгiзудiң орындылығы мәселесiн қарастыру; 3) "қоғамдық орын" және "көше қылмысы" ұғымдарын нақтылау мақсатында нормативтiк құқықтық базаны жетiлдiру; 4) Қазақстан Республикасындағы есiрткiге тәуелдiлiк проблемасына көп деңгейлi зерттеу жүргiзу; 5) жергiлiктi атқарушы органдарға адамдарды маскүнемдiлiкке тәуелдiлiктен мәжбүрлеп емдеу үшiн наркологиялық ұйымдар желiсiн кеңейту туралы ұсыныстар енгiзу; 6) заңнамалық нормативтiк құқықтық актiлерге кәмелетке толмағандар арасында қаңғыбастық пен қадағалаусыздықтың профилактикасы, олардың құқықтарын қорғау мәселесi жөнiндегi жинақты дайындау және жариялау; 7) Қазақстан Республикасына уақытша келген шетелдiктердi iшкi iстер органдарының көшi-қон бөлiнiстерiне ақпараттарды бере отырып, қонақ үйлерде тiркеу тетiктерiн құру; 8) жаңадан құрылған Көшi-қон полициясы комитетiнiң алдына қойылған мiндеттердi ескере отырып, IIМ-нiң Қарағанды академиясы жанындағы заңсыз көшi-қон мен адамдар саудасына қарсы күрес жөнiндегi мамандарды дайындайтын оқу орталығында бiлiктiлiктi арттыру курстарының оқу бағдарламасын кеңейту; 9) IIМ жоғары оқу орындарының бiрiнiң базасында табиғатты қорғау және криминалдық полиция, тергеу бөлiнiстерiнiң қызметкерлерi үшiн экологиялық қылмыстар мен құқық бұзушылықтарды ескерту, анықтау, ашу және тергеу мәселелерi жөнiндегi бiлiктiлiктi арттыру курстарын ұйымдастыру; 10) әкiмшiлiк полиция қызметкерлерiн жедел жағдайды талдауды ескере отырып, күштер мен құралдарды үнемдi бөлуге қабiлеттi бiлiктi басшы құраммен нығайту мақсатында бiлiктiлiк талаптарын қайта қарау; 11) жүктерi бар келген вагондардың тұтастығын бақылауды жүзеге асыру үшiн поездар мен жүктер туралы ақпараттарды дайындау, беру және қабылдауда бейнебақылау, қашықтықтан басқаратын ауқымды қақпаларды, электрондық-тензиметриялық таразылар мен аппаратураларды қондырып, мемлекетаралық, қиылысатын және түйiндi станцияларда коммерциялық қару бекеттерiне автоматтандыруды енгiзу мәселесiн зерделеу (Ресей Федерациясының шекаралық коммерциялық қарау бекеттерiнiң әдiсi бойынша); 12) тегiс ұңғылы, газдық, жарақат салатын патрондармен атуға мүмкiндiгi бар газдық және ұңғысыз қаруларды есепке қою мен сәйкестендiру үшiн қызметтiк қарулардың республикалық гильзотекасын қалыптастыру мәселесiн зерделеу; 13) қауiпсiздiк саласында халықаралық ынтымақтастық жөнiндегi ЕҚЫҰ-ның iс-шараларына қатысу. Екiншi және үшiншi жылдар аралығында (2012 — 2013 жылдар) бағдарламаны iске асыру мынадай iс-шараларды жүзеге асыруды көздейдi: 1) "Жол жүрiсi туралы" Қазақстан Республикасы Заңының жобасын әзiрлеу; 2) "Жеке кәсiпкерлiк туралы" Қазақстан Республикасының Заңына азаматтық және қызметтiк қару мен олардың патрондары, жарылғыш заттар мен материалдар, оларды қолданып, азаматтық пиротехникалық заттар мен бұйымдар айналымы саласында кәсiпкерлiк қызмет i жүзеге асырушы заңды тұлғаларды орта және iрi кәсiпкерлiк субъектiлерiне жатқызу, сондай-ақ көрсетiлген субъектiлерге тоқсан сайын тексерудi енгiзу бөлiгiнде өзгерiстер мен толықтырулар әзiрлеу; 3) Қазақстан Республикасына әкелiнетiн азаматтық және қызметтiк қаруларды олардың криминалистiк талаптарға сәйкестiгiне тексеру жүргiзiп, тиiстi қорытындыны беру жөнiндегi мамандандырылған зертхананы құрудың құқықтық аспектiлерiн зерделеу; 4) өмiрдiң қиын жағдайына тап болған адамдар үшiн халықты әлеуметтiк қорғау саласында арнайы әлеуметтiк қызмет көрсету стандартын енгiзу; 5) республика аумағында есiрткi арналарын анықтау мен жолын жабу жөнiнде бiрлескен iс-шаралар жүргiзу; 6) бiлiм беру ұйымдары мен жастар көңiл көтеретiн орындарда жедел-профилактикалық iс-шаралар өткiзу; 7) "Кендiр", "Арна", "Допинг" және т.б. арнайы жедел-профилактикалық iс-шараларды өткiзу; 8) нашақорлық пен уытқұмарлықтың профилактикасына бағытталған кең ауқымды ақпараттық-насихаттау науқанын ұйымдастыру; 9) республикалық және өңiрлiк деңгейде Халықаралық нашақорлықпен күрес күнiне (26 маусым) арналған акциялар өткiзу; 10) нашақорлық пен есiрткi бизнесi күресiнiң проблемаларына арналған "Наркопост" және "Есiрткiсiз болашақ" мерзiмдiк журналдарын шығару; 11) iшкi iстер органдарының кинология қызметiн дамыту жөнiнде iс-шаралар жүргiзу; 12) бостандығынан айырылу түрiнде жазаны өтеп келген адамдарды әлеуметтiк бейiмдеу мен ақтау проблемалары бойынша ғылыми-практикалық конференцияны өткiзу; 13) жол қауiпсiздiгi проблемалары жөнiнде қоғамдық пiкiр мониторингiн жүргiзу; 14) жол қозғалысы қауiпсiздiгiн қамтамасыз етуге байланысты мәселелердi егжей-тегжейлi түсiндiру мен оқырмандардың хаттары мен сұрақтарына жауаптар бар жол қозғалысы қатысушылары үшiн жалпы республикалық журналды шығару; 15) талдау жүргiзу мен статистика функциясымен тiркеу және бейне бақылау жүйесiмен анықталған құқық бұзушылықтарды өңдеу жөнiндегi республикалық процессинг орталығын (бағдарламалық қамтамасыз етудi әзiрлеу, серверлердi, құрал-жабдықтарды сатып алу) құру; 16) автоматтандырылған бейне бақылау жүйесiн және Жол қозғалысы ережесiн бұзушылықты процессинг орталықтарымен тiркеудi енгiзу; 17) аумақтық iшкi iстер органдарының табиғат қорғау полициясы бөлiнiстерiн көлiк және басқа да техникалық құралдармен қамтамасыз ету; 18) табиғат пайдалану саласында қылмыстардың ұйымдасқан нысандарын анықтау, сондай-ақ экологиялық қылмыстарды тергеу және ашу бөлiгiнде әдiснама әзiрлеу және iшкi iстер органдарына енгiзу; 19) қарудың заңсыз айналымы саласында қылмыстарды анықтау мен тергеу жөнiнде құқық қорғау органдарының жұмыс тәжiрибесiн қорытындылау және әдiстемелiк нұсқаманы әзiрлеу; 20) iшкi iстер органдарының кезекшi бөлiмдерiмен қажеттi ақпарат алмасу үшiн жолаушылар тасымалын (оның iшiнде такси) жүзеге асырушы кәсiпорындардың диспетчерлiк қызметiн пайдалану тетiктерiн пысықтау; 21) құқықтық тәртiптi қамтамасыз ету мен құқық бұзушылықтардың профилактикасы проблемалары жөнiндегi әлеуметтiк зерттеулердi (сұрау салуларды) өткiзу. 22) Бағдарламаны iске асыру мониторингi Қазақстан Республикасы Үкiметiнiң 2010 жылғы 18 наурыздағы № 218 қаулысымен бекiтiлген Салалық бағдарламаларды әзiрлеу және мониторингiлеу ережелерiнде айқындалған тәртiпке сәйкес жүргiзiледi. жүктеу/скачать 391.5 Kb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||