Переноспороз –қоздырғышы Perenospora schachtii. Қант қызылшасының жас өскіндері, жапырақтары мен тұқымдық кезеңіндегі гүлді өркендерінің жоғары бөлігі гүл жапырақтары және тұқымдары зақымданады.Жапырақтары сарғаяды сынғыш ,жапырақ шеттері төмен қарай ширатылады. Зақымданған жапырақтар кеуіп қурайды. Ауру тамыржемістердің және оның тұқымының өнім сапасы мен санын төмендетеді, сақтау кезінде шіріп кетеді.
Тамыр жегісі- қоздырғышы саңырауқулақтар, бактериялар. Ауруды туғызатын топырақтағы және тұқымдағы саңырауқұлақтар мен бактериялар. Қызылша өскіндерінің бірінші аптасында оның нағыз жапырақтарының екінші жұбы шыққанға дейін зақымданады. Зақымданған өскіндер төмен бүгіліп босайды. Оның түбірінде және дән жарнағы иінінде қоңыр, мөлдір дақ немесе жолақтар байқалады. Тамыр мойыны жіңішкереді, тамыры шіри бастайды, кейде сабағы жапырақтары, тұқым бөлігінің сабақшасы шіриді,өсімдік қурайды. Аурудың асқынуына тұқым сапасының төмендеуі көктемнің салқын болып ұзаққа созылуы, жауыннан кейін қабыршақтану әсер етеді.
Достарыңызбен бөлісу: |
