5. Никель (ІІ) тұздарының қасиеттері.
Стаканға 50 см3 су құйып, үстіне 5-6 тамшы никель тұзы ерітіндісін және сондай көлемде аммиак ерітіндісін қосып, араластырып тұрып спиртті диметилглиоксим ерітіндісін тамшылатып қосыңдар. Не түзіледі? Реакция теңдеуін жазыңдар.
Екі сынауыққа 1-2 тамшы никель тұзын салыңдар да, біріншісіне 3-4 тамшы күкіртсутекті су, екіншісіне 3-4 тамшы аммоний сульфиді ерітіндісін қосыңдар. Сынауықтың қайсысында тұнба түзіледі? Реакция теңдеуін жазыңдар.
ғ 118 жұмыс. Темір, кобальт, никельдің
комплексті қосылыстары
Абайлаңдар( Қорғағыш көзілдірікпен жұмыс істеу қажет.
Тітіркендіргіш әсері бар. Денсаулыққа зиянды.
Қажетті құрал-жабдықтар мен реактивтер: сынауықтар, шыны таяқша, 2 н ортофосфор, фторсутек және сірке қышқылдары, 0,01 н аммоний тиоцианаты, кобальт (ІІ) тұзының қаныққан ерітіндісі, спирттің эфирмен қоспасы, калий нитратының кристалдары, 0,5 н темір (ІІІ) хлориді, кобальт хлориді, аммоний хлориді, аммиактың концентрлі ерітіндісі, никель (ІІ) хлоридінің гексагидраты, аммоний хлоридінің қаныққан ерітіндісі, дистилденген су, жылытқыш құрал.
|
Комплексті аниондарымен қосылысы.
Темір (ІІІ) фосфаты комплексінің алынуы. Сынауыққа 3-4 тамшы темір (ІІІ) хлоридін құйып, 1 тамшы 0,01 н аммоний тиоцианатын және 2 тамшы 2 н ортофосфор қышқылын құйыңдар. Не байқалады? Реакция теңдеуін жазыңдар.
Темір (ІІІ) фториді комплексінің алынуы. Сынауыққа 3-4 тамшы темір (ІІІ) хлориді ерітіндісін құйып, оған 2 тамшы
2 н аммоний тиоцианатын және 2 тамшы 2 н фторсутек қышқылын құйыңдар. Не байқалады? Реакция теңдеуін жазыңдар.
Кобальт (ІІ) роданиді комплексінің алынуы. Сынауыққа 2 тамшы қаныққан кобальт тұзы ерітіндісін құйып, оған 5-6 тамшы қаныққан аммоний тиоцианаты ерітіндісін қосыңдар. Алынған тиоцианат ерітіндісінің түсін жазып алыңдар. Түсі өзгергенше сумен араластырыңдар да, оған 2 тамшы спирттің эфирмен қоспасын қосыңдар. Ерітіндіні шыны таяқшамен араластырып, түсінің өзгеруін бақылаңдар. Бақылаған құбылыстарды сипаттаңдар.
Достарыңызбен бөлісу: |
