Бейорганикалық химия практикумы
Күміс ғ 128 жұмыс. Күмістің қасиеттері
жүктеу/скачать 6.08 Mb.
|
| 4. Күміс
ғ 128 жұмыс. Күмістің қасиеттері
Қышқылдардың қайсысында және қандай жағдайда күміс ериді? Сынауыққа 2-3 мл күкіртсутекті су құйып, оған мыс сымын салыңдар. Зімпара қағазымен тазартылған мыс пластинкасын немесе сымын 0,01 н күміс тұзына батырыңдар. Байқалған құбылыстарды түсіндіріңдер. Күміс сульфидінің ерігіштік туындыларының шамаларымен танысыңдар. Неліктен күміс бұйымдары ауада қараяды? Металдардың кернеу қатарында күміс қандай орын алады? ғ 129 жұмыс. Күміс оксидін алу
Сынауыққа 1 мл 0,1 н күміс нитратын құйып, оған 1 мл 0,1 н натрий гидроксидін қосыңдар. Түзілген тұнбаны декантация әдісімен сумен шайып, ауада кептіріңдер. Алынған тұнбаны екіге бөліп, біреуін сынауықта қыздырып, екіншісіне 25% аммиак ертіндісін құйыңдар. Реакция теңдеуін жазыңдар. Тұнбаның құрамы қандай? ғ 130 жұмыс. Аз еритін күміс қосылыстарын алу
Күміс нитраты ерітіндісінің аз мөлшерін үш сынауыққа бөліп құйыңдар да, біреуіне хлор, екіншісіне бром, үшіншісіне йод ерітінділерін қосыңдар. Тұнбаның түзілгендігін байқаңдар. Алынған тұнбаларды сыртқы түрі бойынша салыстырыңдар. Тұнбаларды декантация әдісімен сумен шайып, оған жарықтың, аммиак ерітіндісінің және натрий тиосульфаты ерітіндісінің әсерін анықтаңдар. Галогендердің атомдық нөмері өскен сайын күміс галогенидтерінің түсінің өзгеруін қалай түсіндіруге болады? Күміс ионына қай анионның сезімталдығы жоғары? Реакция теңдеуін жазыңдар. Сурет шығаруда неліктен калий иодиді емес, калий бромиді қолданылатынын түсіндіріңдер. жүктеу/скачать 6.08 Mb. Достарыңызбен бөлісу:
|