Білім алушыларды тәрбиелеуде қҰндылықҚа бағытталған тәсілді жүзеге асыру бағдарламасы
жүктеу/скачать 5.22 Mb. Pdf көрінісі
|
| Жоғарғы орта білім беру деңгейіне ұсынымдар мен әзірлемелер
10-11 сынып білім алушылар үшін отбасы ұрпақтары арасында жағымды қарым-қатынасты қалыптастыруға, отбасы мүшелері арасында сындарлы қарым-қатынас тәжірибесін қалыптастыруға, осы тақырып бойынша шығармашылық және жобалық жұмыстар жасауға назар аудару ұсынылады. «Мінсіз отбасы» жобасын құрып, мінсіз отбасы туралы сұрақтар қарастырылу; - Отбасылық құндылықтарды қалыптастыру бойынша ата-аналармен жұмысты ата-аналардың сұраныстарына, олардың білім деңгейіне, сыныптағы нақты жағдайға байланысты жоспарлау; - Мектеп пен отбасының өзара әрекеттесу формалары әртүрлі: дәріс, 105 іскерлік ойын, практикум, пікір алмасу, пікірталас, тренинг, әрекеттік ойын, «Ата-ана болу – ерекше өнер» веб-квесті, шығармашылық есептер, білгірлер турнирлері, отбасы апталары, отбасылық мерекелер, әкелер күндері, ата-аналар апталары, отбасылық фотоконкурстар, балаларды тәрбиелеудің әртүрлі аспектілерін талқылау бойынша дөңгелек үстелдер, «Ата-аналарға балалар туралы» кітап көрмелері, ата-аналар жиналыстары мен конференциялары, ата- аналардың сыныптан тыс іс-шараларды ұйымдастыруға қатысуы; - Ата-аналар комитеттерінің жұмысы; демеушілік көмек; ата-аналарға арналған психологиялық қызметтің жұмысы; отбасылық қолөнер жәрмеңкелері; мектеп кітапханаларын толықтыру; туристік жорықтар; бірлескен спорттық жарыстар (шаңғы жарысы, бассейнде жүзу, «Көңілді старт»); отбасылық шығармашылық көрмелері; кабинеттер мен мектеп ауласын көгалдандыру; экскурсиялар; фотокөрмелер («Туған өлке», «Отбасылық қуаныш», «Бұл әлем қандай керемет») ашық сабақтар және т. б.; - Отбасылық құндылықтар ол: идеялық сенімділік, ұлттық сана, патриоттық сезім, белсенді азаматтық тұлға позициясын ұстауы, еңбек дәстүрлерімен ұштасқан отбасылық дәстүрлерді жатқызуға болады. Отбасының идеялық құндылықтар ол білім мен сенім және тәжірибелік әрекет жиынтығы ретіндегі ұлттық идея, жеке тұлғаны айқындайтын қасиетті қалыптастыру; - Жастарға патриоттық тәрбие беру – еліміздің білім беру саласында жүйелі беріліп отыратын саясатының бірі. Өз елінің патриоты болу – мақтаныш пен өз қадір-қасиетіне ие кез келген адам үшін әрқашан үлкен құрмет. - Жасөспірімдерді болашақ кәсібін таңдауға, мамандықтың қыр- сырымен таныстыру мақсатында атқарылатын іс-шаралар; - «Ата-аналар кәсіпорнында 10 күн» жазғы тәжірибе бағдарламасы. 9-11 сынып оқушыларына арналған практиканың негізгі мақсаты – өзара сыйластық орнату, ата-аналармен қарым-қатынас, мамандық таңдау. Балалар ата- аналарының, (аға-інілері, апа-сіңлілері, туыстары) жұмыс орнына барып қана қоймай, қоғамға қандай пайдалы мамандықты таңдау керектігі туралы қорытынды жасайды. «Ұлттық құндылықтар» элективті курсының бағдарламасы Түсіндірме жазба Қазіргі қоғамның қарқынды өзгеруі жағдайында, ұлттық отбасылық тәрбиенің көптеген дәстүрлері жойылған бүгінгі таңда көптеген отбасылардың ыдырау деңгейі жоғары. Мұндай отбасының балалары отбасылық қатынастардың құндылығын сезбейді. Қазіргі уақытта әлеуметтік-экономикалық факторлар әсері бір жағынан отбасының экономикалық функциясының кеңеюіне, екінші жағынан тәрбиенің әлсіреуіне әкелуде, бұл отбасына да, жалпы қоғамға да қауіпті. Отбасы – адамзат мыңдаған жылдар бойы жасаған маңызды құндылықтардың бірі. Ешбір ұлт, бірде-бір мемлекет, бірде-бір мәдени қауымдастық отбасынсыз жасай алмайды. Отбасы адамның өмір бойы жеке және рухани-адамгершілік дамуын қамтамасыз етеді. Тәрбие жүйесі және 106 отбасының психологиялық ахуалы жас ұрпақтың мінезін, өмірлік ұстанымы мен құндылық бағдарларын қалыптастыруға, демек, қоғамның одан әрі дамуына шешуші әсер етеді. «Отбасылық құндылықтар» бағдарламасының өзектілігі – бұл моральдық құлдырау мен белгісіз руханият жағдайында бұқаралық ақпарат құралдарынан туындайтын әлеуметтік қауіп-қатерге қарсы тұратын тәрбиелік құрал. Бағдарлама сонымен қатар әлеуметтік қауіп-қатердің және отбасылық қарым- қатынас патологиясының сенімді алдын-алу, өмірдің мәні мен мақсатын терең түсінуді дамыту арқылы психикалық, әлеуметтік және рухани сауықтыруға әкелуі мүмкін. Әрбір адам бастапқыда сүйіспеншілікке және мейірімділікке деген қажеттілікке ие, әркім өзінің жалғыз және қайталанбас кездесуін қалайды және онымен бірге өмір бойы бақытты өмір сүріп, қуаныш пен қайғымен бөлісіп, балаларды тәрбиелейді. Отбасы – адам өміріндегі ең маңызды нәрсе. Бұл адамның жан дүниесінде ізгіліктің, сұлулықтың, парасаттылық пен махаббаттың мәңгілік құндылықтарын өсіретін өмір орталығы. 10-11 сынып оқушыларына арналған. Курс 30 сағатқа есептелген: теория-20 сағат, практика-10 сағат. жүктеу/скачать 5.22 Mb. Достарыңызбен бөлісу:
|