Білім алушыларды тәрбиелеуде қҰндылықҚа бағытталған тәсілді жүзеге асыру бағдарламасы
жүктеу/скачать 5.22 Mb. Pdf көрінісі
|
| Жобаның жаңашылдығы. Жобаның осы бағытта атқарылып жатқан
басқа жұмыстармен салыстырғанда өзіндік үлесі зор. «Отбасы – орта мектеп» жобасы өзара ынтымақтастық тетіктері мен отбасылық дәстүрлі мәдени құндылықтарды жандандыруға, рухани- практикалық ұлттық тәжірибені тарату мақсатында ұрпақтар арасындағы байланысты күшейтуге бағытталған. Бүгінгі таңда жоба қоғамдық дамудың жаңа шындығында: - ата-ана мәдениетін дамытуға, отбасының тұтастығы мен рухани денсаулығын сақтауға, отбасылық байланыстардың құндылығын түсінуге; -отбасылық дәстүрлерді, әлеуметтік-мәдени құндылықтарды қалыптастыруға және дамытуға; - балалардың адамгершілік тәрбиесінің қажетті деңгейін қолдауды қамтамасыз етуге өзіндік үлес қосады. Білім беруді жаңғырту жағдайында мектеп уақыт ағымымен қалыптасқан және шыңдалған өзінің менталитетін, ұлттық ерекшеліктерін, ұлттық құндылықтарымызды сақтауға тырысады. Осы жобада бағытталған негізгі мәселелер: - Ата-аналардың оқу процесіне белсенді қатыспауы (қазіргі қоғамда барған сайын отбасындағы және мектептегі тәрбие беруді бөлу үрдісі байқала бастады, бірақ осыған байланысты ата-аналардың өз баласына мүмкіндігінше жақсы білім беруге деген ұмтылысы артып келеді); - Бала тәрбиесіне әкелердің белсенді қатыспауы (баланың тұлғалық тұрғыда сәтті дамуы үшін әкесі мен анасының қатар тәрбиелеуі өте маңызды); - Халықтың рухани-практикалық тәжірибесін беруде ұрпақтар байланысының әлсіреуі; 66 - Ата-аналардың дене және психологиялық саулығы, отбасын жоспарлау мәселелеріндегі ақпараттың жетіспеушілігі, отбасындағы жанжалдарды дұрыс шешу дағдыларының болмауы сияқты маңызды мәселелерді шешеді. Жобаның тұжырымдамалық негіздері. Жоба тұжырымдамасы отбасылық тәрбиенің басымдығын жандандыруға негізделген. - «Жоғалған құндылықтарды отбасынсыз, халықтың өзінсіз қайта жаңғырту мүмкін емес». - «Отбасы баланы тәрбиелеуге, тұлғаны қалыптастыруға белсенді қатысуы керек». - «Отбасы – белсенді әлеуметтік-педагогикалық жүйе». – «Отбасы – педагогикалық жұмыстың басым саласы». - «Отбасын ауыстыру ештеңені шешпейді, отбасының өз әлеуетін дамыту керек». - «Отбасы – өскелең ұрпақты әлеуметтендірудің маңызды институты». - «Қоғам – отбасының жеке тұлғаны тәрбиелеудегі көмекшісі». - «Мықты отбасы – мықты мемлекеттің тірегі». Төменде көрсетілгендей: - гуманистік бағыт, әр баланың бірегейлігі мен өзіндік ерекшелігін құрметтеу, оның мүдделерінің басымдығы, оған мемлекеттің болашақ адами және зияткерлік әлеуетінің бөлігі ретінде қарау; - ата-аналардың өз балаларының денсаулығын сақтауға тәрбиелеуге, оқытуға басым құқығын мойындау; - педагогтер – балалар – ата-аналар – қоғам шығармашылық бірлігін құруды көздейтін ересектер мен балалар тұлғаларының бір-біріне өзара әсері; - ұрпақтар арасындағы байланыстардың сабақтастығы мен сақталуы, рухани адамгершілік тәрбиенің үздік дәстүрлерін, отбасылық тәрбиенің ұлттық дәстүрлерін сақтау және дамыту; - жүйелілік: балалардың өмірін ұйымдастыруға жүйелі көзқарас арқылы ғана бала тұлғасының қалыптасуының тұтастығын және тәрбиенің күрделілігін қамтамасыз етуге болады; - отбасымен тығыз байланысты қамтамасыз ететін ашықтық, ата- аналардың тәрбие ісіне қатысуы, ата-аналар үшін білім беру қызметінің тиімділігі туралы ақпараттың қолжетімділігі сияқты бірыңғай қағидаттар негізінде ата-аналарды психологиялық-педагогикалық жалпыға міндетті оқытудың белсенді нысандарын, озық технологиялары мен әдістерін енгізу арқылы ата-аналардың өзіндік шығармашылық қызметіне деген көзқарасын қалыптастыру маңызды болып табылады. жүктеу/скачать 5.22 Mb. Достарыңызбен бөлісу:
|